Daong. Dang songon i maksudna.

Taida ma jo na didok di ayat i dohot di ayat na asing. Didok, “Dung i marende ma au mamuji goarmu saleleng ni lelengna. Jala gararokku ma sumpakku ganup ari.” “Ale Jahowa Debatakku, pujiokku ma Ho sian nasa rohakku, jala pasangapokku ma goarmu saleleng ni lelengna.” “Pujiokku ma goarmu saleleng ni lelengna.”​—Ps. 61:8; 86:12; 145:1, 2.

Tikki didok si Daud hatana i, dang na mandok na so boi ibana mate. Takkas do diboto ibana mardosa do sude jolma jala ujungna ikkon mate. Jala diakkui si Daud do halak na mardosa do ibana. (1 Mus. 3:3, 17-19; Ps. 51:4,5) Diboto ibana do muse akka bawa na dihalomohon Jahowa songon si Abraham, si Isak, dohot si Jakkob tong do mate. Jala disadari si Daud do ibana sandiri pe ujungna ikkon mate. (Ps. 37:25; 39:4) Jadi hata ni si Daud di Psalmen 61:8 i, patuduhon tekad dohot keinginan ni si Daud do lao mamuji goar ni Debata saleleng ni ngoluna.​—2 Sam. 7:12.

Piga-piga Psalmen na disurat si Daud paboahon taringot pengalamanna sandiri do. Boi do i taida sian superskripsi di Psalmen 18, 51, dohot 52. Misalna di Psalmen 23, digombarhon si Daud do Jahowa songon parmahan na melindungi jala paradehon kebutuhan ni biru-biruna. Si Daud sandiri pe parmahan na burju do, jala lomo do rohana melayani Jahowa ‘saleleng ni ngoluna’.​—Ps. 23:6.

Taingot ma Jahowa do na mangarahon si Daud manuratton sude akka Psalmen i. Jala na disurat si Daud i termasuk do akka surirang na lao masa di ari na naeng ro. Misalna di Psalmen 110 didok si Daud na lao ro ma tikkina ‘hundul Tuanna di sabola kanan ni Debata’ di surgo jala mandapot huaso na balga. Taluhonon ni Tuanna i ma akka musu ni Debata jala ‘hukumonna ma akka bangso’ di tano on. Sian pinoppar ni si Daud do i ro, i ma Jesus na gabe Messias. Ibana do na mamaretta sian surgo jala na gabe “malim na saleleng ni lelengna”. (Ps. 110:1-6) Tikki di portibi on Jesus, didok ibana do molo surirang na di Psalmen 110 i paboahon taringot ibana, jala na lao digenapi dope i haduan.​—Mat. 22:41-45.

Marhite tondi parbadia, diarahon Jahowa ma si Daud manuratton aha na masa saleleng ngoluna dohot di ari na naeng ro, i ma dung dipahehe ibana annon jala boi mamuji Jahowa salelengna. Sian on boi do taattusi lapatan ni Psalmen 37:10, 11, 29. Digenapi do ayat i di jaman ni halak Israel najolo, jala na lao digenapi do muse i haduan di liat portibi on tikki dipasaut Jahowa akka janjina.​—Ida paragraf 8 di artikel “Rap do Ho Dohot Au di Paradeiso” di majalah on.

Hata ni si Daud di Psalmen 61:8 dohot di akka ayat na asing patuduhon na lomo do roha ni si Daud mamuji Jahowa saleleng ni ngoluna. Akka ayat i pe patuduhon pujion ni si Daud do Jahowa saleleng ni lelengna dung dipahehe ibana annon.