1. Aha do dame na sian Debata i, jala aha do pengaruhna tu hita? (Pilippi 4:6, 7)

 DANG sude halak makkilala dame na sian Debata. Alana dame na sian Debata boi didapot molo marale-ale sasahalak tu Jahowa. Molo adong di hita dame na sian Debata, gabe aman ma perasaanta. (Jaha Pilippi 4:6, 7.) Las do rohatta boi jonok tu akka halak na marale-ale tu Jahowa jala boi jonok tu “Debata Silehon dame”. (1 Tes. 5:23) Molo porsea hita jala unduk tu Bapakta na di surgo, dame ni Debata boi mambahen hita tetap tenang jala dang terlalu khawatir nang pe mangadopi situasi na borat.

2. Boasa pos rohatta na boi do hita makkilala dame na sian Debata?

² Boi do hita makkilala dame na sian Debata nang pe mangadopi hasusaan songon wabah penyakit, bencana alam, kerusuhan, manang penganiayaan? Memang olo do gabe mabiar hita molo masa i. Alai didok Jesus do tu akka siseanna, “Unang ma busisaon rohamuna jala unang ma mabiar hamu.” (Joh. 14:27) Godang do akka donganta na mangihutton nasehat ni Jesus on. Alani bantuan ni Jahowa, boi ma nasida toktong merasa dame nang pe mangadopi hasusaan.

3. Aha do dampak ni epidemi manang pandemi tu hita?

³ Boi do muba kehidupanta molo masa epidemi manang pandemi. Sada survei paboahon, satonga sian halak na disurvei  gabe maol modom saleleng pandemi COVID-19. Lam godang do halak na depresi, khawatir, na menyalahgunahon alkohol dohot obat-obatan, kekerasan di rumah tangga, dohot percobaan bunuh diri. Molo masa wabah penyakit di luatmuna, songon dia do carana asa unang terlalu khawatir hamu jala boi makkilala dame na sian Debata?

4. Boasa mamboto surirang ni Jesus taringot ari parpudi mambahen dame rohatta?

⁴ Nungnga dipaboa Jesus hian saleleng ari parpudi masa ma “sahit di godang inganan”. (Luk. 21:11) Boi do gabe dame rohatta mamboto on, alana takkas do taboto ikkon masa do na didok Jesus i. Alani i taihutton ma hata ni Jesus tu akka halak na mangolu di ari parpudi na mandok, “Unang pola mabiar hamu.”​—Mat. 24:6.

5. (a) Sesuai tu Pilippi 4:8, 9, aha do na ikkon tatangiakkon tikki masa wabah penyakit? (b) Manfaat aha do na dihilala hamu tikki manangihon rekaman audio ni Bibel?

⁵ Olo do gabe khawatir jala busisaon hita alani wabah penyakit. On ma na dihilala sahalak donganta borua na margoar si Desi. b Mate do bapa udana, anak ni bapa tuana, dohot dokterna alani virus COVID-19. Gabe mabiar ma ibana so tung hona virus i ibana jala gabe tertular ma omakna naung matua. Mabiar do muse ibana dipecat sian karejona alani pandemi jala dang boi manuhor sipanganon dohot manggarar sewa ni jabu. Gabe khawatir ma si Desi jala maol ma ibana modom bornginna i. Alai ujungna boi do ibana merasa dame. Martangiang do ibana tu Jahowa mangido asa toktong tenang jala marpikkiran positif. (Jaha Pilippi 4:8, 9.) Ditangihon ibana do Jahowa “makkatai” tu ibana marhite rekaman audio ni Bibel. Didok ibana, “Rekaman audio i mambahen au tetap tenang jala dang torus merasa khawatir. Gabe dipaingot do au na parduli do Jahowa tu au.”​—Ps. 94:19.

6. Songon dia parsiajaran Bibel pribadi dohot parpunguan mangurupi hamu?

⁶ Tikki masa wabah penyakit, olo do gabe maol hita mangulahon ulaon siganup ari. Alai unang ma sappe dang adong be tikkitta lao marsiajar Bibel pribadi manang ro tu parpunguan. Tatiru ma pengalaman ni akka dongan na adong di video dohot di publikasi, ala toktong do nasida setia nang pe mangadopi tantangan na sarupa. (1 Ptr. 5:9) Molo ro hita tu parpunguan, boi ma dipatogu hita sian akka ayat ni Bibel. Jala gabe kesempatan ma i di hita masipatoguan dohot akka dongan. (Rom 1:11, 12) Molo tarimangi songon dia Jahowa mangurupi akka naposona tikki marsahit, mabiar, manang kesepian nasida, gabe lam dipatogu ma haporseaotta. Jala gabe pos ma rohatta, pasti urupan ni Jahowa do tong hita.

7. Aha do na boi taparsiajari sian Apostel Johannes?

 ⁷ Toktong ma jonok tu akka dongan sahaporseaon. Tikki masa wabah penyakit, bisa jadi ikkon jaga jarak do hita bahkan tu akka dongan sahaporseaon. Olo do ra sarupa situasitta tu Apostel Johannes. Lomo do rohana pajuppang dohot donganna si Gayus. (3 Joh. 13, 14) Ala dang boi dope di tikki i pajuppang si Johannes tu si Gayus, dibahen ibana ma surat tu si Gayus. Jadi molo dang boi dope hita pajuppang dohot akka dongan, tabahen ma upaya lao manghubungi nasida, misalna marhite telepon, video call, manang pesan elektronik. Molo toktong hita jonok tu akka dongan sahaporseaon, gabe dang merasa kesepian be hita jala boi merasa dame. Hubungi ma akka sintua khususna tikki merasa khawatir hamu, dung i jalo ma bantuan ni nasida lao patoguhon hamu.​—Jes. 32:1, 2.

8. Molo hea hamu gabe korban bencana alam, aha do dampakna tu hamu?

⁸ Molo hea hamu gabe korban bencana alam songon banjir, gempa bumi, manang kebakaran, olo do gabe trauma hamu. Molo mate halak na dihaholongi hamu manang gabe habis artamuna alani bencana i, pasti lungun do rohamuna, merasa putus asa, bahkan muruk. Molo songon i perasaanmuna, dang berarti na holongan di hepeng hamu manang gale haporseaonmuna. Wajar do i jala boi do diattusi halak i. (Job 1:11) Alai nang pe songon i, boi do hamu toktong merasa dame. Songon dia ma carana?

9. Aha do na didok Jesus taringot akka bencana na masa saonari?

⁹ Godang halak saonari dang menduga lao masa bencana alam tu nasida. Alai molo hita taingot do surirang ni Jesus. Taboto do lao masa ma akka bencana di tikkitta saonari. Bahkan hita sandiri pe boi do hona bencana. Nungnga dipaboa Jesus hian tu akka siseanna, lao masa ma “gempa na massai gogo” dohot akka bencana na asing saleleng ari parpudi. (Luk. 21:11) Asing ni i didok Jesus ‘lam godang do hajahaton’. Songon na taida saonari, godang do halak na mangulahon kekerasan dohot serangan teroris. (Mat. 24:12) Dang adong didok Jesus holan akka halak na so manomba Jahowa do na hona bencana. Gariada godang do naposo ni Jahowa na setia na hona bencana. (Jes. 57:1; 2 Kor. 11:25) Memang dang dipalua Jahowa hita secara mukjizat sian akka bencana. Alai dilehon Ibana do tu hita sude na tahaporluhon asa boi hita toktong tenang jala dame tikki masa bencana.

10. Aha do na porlu taulahon sebelum ro bencana? (Poda 22:3)

¹⁰ Molo tabahen persiapan sebelum ro bencana, gabe boi ma hita toktong tenang tikki masa i. Molo tabahen persiapan, na hurang do haporseaotta tu Jahowa? Daong. Gariada on patuduhon, na porsea hita sanggup do Jahowa melindungi hita. Bibel mandok ikkon tapersiappon do diritta sebelum masa bahaya. (Jaha Poda 22:3.) Jala jotjot do dipaingot organisasi hita marhite publikasi, parpunguan, dohot boa-boa di huria asa mambahen persiapan mangadopi situasi darurat. c Molo porsea hita tu Jahowa, taihutton ma petunjuk i saonari, sebelum ro bencana.

11. Aha do na boi taparsiajari sian si Margaret?

¹¹ Parrohahon ma pengalaman ni donganta borua na margoar si Margaret. Tikki masa kebakaran di daerahna, adong ma petunjuk sian pamaretta asa evakuasi manang mangungsi. Ala godang jolma sahali lao sian daerah i, gabe macet ma dalan. Gok do timus alani  kebakaran i, gabe dang boi kaluar si Margaret sian mobilna. Alai sebelumna nungnga dibahen si Margaret hian persiapan mangadopi bencana. Dipersiappon ibana ma tas daruratna, jala di tasna i adong peta na boi mangurupi ibana mangida dalan na asing. Sebelum masa kebakaran i, nungnga dicoba ibana mangalewati dalan i. Gabe diboto ibana ma kaluar sian daerah i. Ala nungnga dibahen si Margaret hian persiapan, gabe selamat ma ibana.

12. Boasa ikkon taihutton petunjuk?

¹² Olo do dipangido pamaretta hita asa mangihutton aturan jam malam, evakuasi, manang petunjuk na asing. Adong do piga-piga halak na maol mangihutton petunjuk i ala dang olo maninggalhon artana. Alai songon dia do molo halak Kristen? Bibel mandok, “Alani Tuan i, oloi hamu ma sude pamaretta. Oloi ma raja, ai untimbo do huasona sian hamu. Oloi ma nang akka gubernur na sinuruna.” (1 Ptr. 2:13, 14) Dilehon organisasi do muse petunjuk tu hita asa toktong aman. Jotjot do hita dipaingot asa mangalehon nomor teleponta na terbaru dohot informasi na asing asa boi hita dihubungi akka sintua tikki masa situasi darurat. Nungnga diulahon hamu i? Bisa jadi dilehon do tu hita petunjuk asa toktong di jabu manang ikkon evakuasi tikki masa bencana. Adong do ra petunjuk taringot songon dia carana mandapot kebutuhan dasar, manang songon dia carana hita boi mangurupi na asing. Molo dang unduk hita tu akka petunjuk i, gabe parohon bahaya ma i tu ngolutta dohot tu akka sintua. Taingot ma, martanggung jawab do akka sintua manjaga hita. (Heb. 13:17) Si Margaret naung dipaboa nakkin mandok, “Boi pe au selamat ala huihutton do petunjuk sian akka sintua dohot organisasi.”

13. Boasa boi toktong marlas ni roha jala merasa dame akka dongan na hona bencana?

¹³ Godang do akka dongan na ikkon mangungsi alani bencana alam, porang, dohot kerusuhan. Alai nang pe songon i, marhasil do nasida menyesuaihon diri tu situasi na baru jala boi muse marbarita na uli. Torus do nasida mambaritahon “barita na uli taringot tu hata ni Debata”, songon halak Kristen di abad na parjolo na marserak alani penganiayaan. (Ul. 8:4) Ulaon marbarita na uli mangurupi nasida fokus tu Harajaon ni Debata,  dang tu hasusaan ni nasida. Hasilna gabe boi ma nasida toktong marlas ni roha jala merasa dame.

14. Aha do dampak ni penganiayaan tu hita?

¹⁴ Las do rohatta mangulahon akka na mambahen dame rohatta songon parpunguan, marbarita na uli, dohot ulaonta siganup ari. Dang mabiar hita ditakkup tikki mangulahon i. Alai molo dang bebas be hita, olo do gabe mabiar hita jala khawatir mamikkiri aha na lao masa annon. Wajar do molo songon i perasaanta. Alai ikkon manat do hita alana didok Jesus, penganiayaan boi do mambahen akka siseanna gabe tartuktuk. (Joh. 16:1, 2) Songon dia ma carana asa toktong hita merasa dame tikki dianiaya?

15. Boasa dang porlu hita mabiar tu penganiayaan? (Johannes 15:20; 16:33)

¹⁵ Bibel mandok, “Dibahen do na haccit tu sude halak na naeng manomba Debata dohot tu sude na gabe sisean ni Kristus Jesus.” (2 Tim. 3:12) Taparrohahon ma pengalaman ni donganta si Andrei. Tikki diorai ulaon marbarita di negarana, maol do dijalo ibana i. Didok ibana, ‘Dang mungkin ditakkup pamaretta hami. Godang do Saksi dison.’ Ala songon i cara marpikkir ni si Andrei, gabe dang dame be perasaanna. Gariada, gabe lam marsak ma ibana. Alai molo akka dongan na asing, porsea do nasida tu Jahowa jala diboto nasida do sadihari pe boi do nasida ditakkup. Alani i gabe dang terlalu khawatir be nasida. Jadi ditiru si Andrei ma cara marpikkir ni akka donganna i jala porsea tu Jahowa. Hasilna gabe dame ma dihilala ibana jala tetap marlas ni roha nang pe godang tantangan. Hita pe boi do songon i. Memang didok Jesus na lao dianiaya do hita. Alai dipapos ibana do rohatta na boi do hita tetap setia.​—Jaha Johannes 15:20; 16:33.

16. Petunjuk aha do na ikkon taihutton tikki diorai ulaonta?

¹⁶ Tikki diorai manang dibatasi pamaretta ulaonta, olo do tajalo petunjuk sian kantor cabang dohot sian akka sintua. Petunjuk i dilehon lao manjaga hita, mamastihon asa toktong boi tadapot akka publikasi, jala mangurupi hita asa boi torus marbarita na uli. Berupaya ma hamu mangihutton akka petunjuk i nang pe dang apala takkas diattusi hamu boasa dilehon petunjuk i. (Jak. 3:17) Asing  ni i, unang ma paboa informasi manang aha pe taringot akka dongan sahaporseaon, manang taringot akka ulaon di huria tu halak na so marhak mamboto i.​—Pjm. 3:7.

17. Songon akka apostel di abad na parjolo, aha do na ikkon torus taulahon?

¹⁷ Sada alasan utama ni Sibolis menyerang naposo ni Debata, ala ‘dipaboa nasida taringot Jesus’. (Pgk. 12:17) Unang ma mabiar hita tu Sibolis dohot akka pengikutna. Molo toktong hita marbarita manang mangajari nang pe adong paraloan, boi do hita marlas ni roha dohot makkilala hadameon. Di abad na parjolo, diorai akka pamimpin ni halak Jahudi do akka apostel marbarita na uli. Alai setia do nasida jala dioloi do Debata. Torus do nasida marbarita na uli jala ulaon i ma na mambahen nasida marlas ni roha. (Ul. 5:27-29, 41, 42) Memang molo diorai pamaretta ulaonta, ikkon marbisuk do hita tikki marbarita na uli. (Mat. 10:16) Alai molo tabahen na terbaik, tahilala ma dame ni roha ala nungnga tapaboa barita haluaon tu akka halak jala nungnga tabahen las roha ni Jahowa.

18. Sian dia do boi tadapot hadameon tikki masa hasusaan?

¹⁸ Pos ma rohatta nang pe mangadopi hasusaan, boi do tetap dame rohatta. Di tikki sisongon i, taingot ma dame na sian Debata do na tahaporluhon, jala holan Jahowa do na boi mangalehon i. Andalhon hamu ma ibana molo masa wabah penyakit, bencana alam, manang penganiayaan. Toktong ma jonok hamu tu organisasi ni Jahowa, jala torus ma ingot harapanmuna di ari na naeng ro. Molo diulahon hamu i, “donganan ni Debata silehon dame i ma hamu”. (Plp. 4:9) Di artikel na mangihut, tabahas ma songon dia carana mangurupi akka donganta na mangadopi hasusaan asa toktong nasida makkilala hadameon na sian Debata.