1. Songon dia do Jahowa mangalusi tangiang ni naposona?

 SUDE do hita boi dipakke Jahowa lao mangalusi tangiang ni sasahalak, dang soal sintua, parhobas, perintis, manang penyiar di huria. Jala dang soal hita bawa, borua, na poso, manang na matua. Tikki adong naposo ni Jahowa na martangiang mangido asa diurupi, akka sintua dohot dongan sahaporseaon do na dipakke Jahowa lao “patoguhon” roha ni nasida. (Kol. 4:11) Sada hasangapon do boi melayani Jahowa jala mangurupi akka dongan, khususna tikki masa hasusaan alani wabah penyakit, bencana alam, manang penganiayaan.

2. Boasa gabe tantangan mangurupi akka dongan tikki masa wabah penyakit?

² Molo masa wabah penyakit, olo do gabe maol hita marsiurupan dohot akka dongan. Contohna, dang boi hita mangunjungi akka donganta manang mangundang akka dongan na susa di parhepengon mangan tu jabutta. Asing ni i, olo do gabe maol hita mangurupi akka dongan molo keluargatta sandiri pe marsahit manang susa di parhepengon. Alai las do roha ni Jahowa molo berupaya hita mangurupi akka dongan. (Poda 3:27; 19:17) Songon dia ma carana?

3. Aha do na boi taparsiajari sian akka sintua di huria ni si Desi? (Jeremia 23:4)

³ Akka na boi diulahon sintua. Ikkon takkas do ditanda akka  sintua biru-biruna. (Jaha Jeremia 23:4.) Si Desi, donganta borua na dipaboa di artikel sebelumna mandok, “Jotjot do akka sintua di kelompok dinasnami rap marbarita dohot hami jala rap bergaul di acara ramah tamah.” b Alani i, gabe lam mura ma akka sintua mangurupi si Desi tikki mate anggota keluargana alani virus COVID-19.

4. Boasa mura akka sintua mangurupi si Desi?

⁴ Didok si Desi, “Ala kompak au dohot akka sintua, gabe mura ma au paboahon perasaanku dohot kekhawatiranku tu nasida.” Aha ma parsiajaranna tu akka sintua? Gembalahon hamu ma akka dongan di huria sebelum masa hasusaan, jala berupaya ma hamu marale-ale tu nasida. Molo masa wabah penyakit jala dang boi hamu mangunjungi akka dongan, lului ma cara na asing asa boi makkata-hatai dohot nasida. Dipaboa si Desi do muse, “Sipata adong piga-piga sintua na manelepon dohot mangirim pesan singkat tu au di bagasan sadari. Dibagihon nasida do akka ayat ni Bibel na patoguhon au, nang pe nga jotjot hujaha akka ayat i.”

5. Songon dia do akka sintua mamboto na dihaporluhon akka dongan, jala songon dia do carana mangurupi?

⁵ Asa boi taboto aha na porlu di akka donganta, tasukkun ma nasida. Alai marbisuk ma hita manukkun asa unang maila nasida. (Poda 20:5) Contohna taparrohahon ma cukkup dope sipanganon, obat, dohot keperluan ni nasida na asing? Karejo dope nasida jala boi dope nasida mambayar sewa ni jabuna? Porlu do nasida diurupi asa boi mandapot bantuan ni pamaretta? Dapot ni donganta si Desi do bantuan materi sian akka dongan sahaporseaon. Alai na paling mangurupi ibana, i ma dukungan ni akka sintua dohot hata na patoguhon sian Bibel na dipasahat nasida. Didok ibana, “Martangiang do akka sintua rap dohot au. Nang pe dang huingot aha isi ni tangiangna i, alai huingot do songon dia perasaanku tikki i. Hira na didok Jahowa ma tu au, ‘Sai hudongani do ho.’”​—Jes. 41:10, 13.

6. Songon dia do akka dongan di huria boi marsiurupan? (Ida gambar.)

⁶ Akka na boi diulahon dongan sahaporseaon. Memang akka sintua do na paling utama mamparrohahon akka dongan di huria. Alai las do roha ni Jahowa molo sude hita mangurupi jala patoguhon akka dongan na asing. (Gal. 6:10) Nang pe otik na boi tabahen lao mangurupi akka dongan na marsahit, alai balga do pengaruh ni i tu nasida jala boi do nasida gabe  dipatogu. Misalna, tikki adong dakdanak rap dohot natua-tuana mangunjungi nasida, tikki adong akka na poso na berbelanja kebutuhanna, manang tikki adong na mangaloppa sipanganon tu nasida. Memang molo masa wabah penyakit, sude do hita di huria porlu dipatogu. Alani i talehon ma tikkitta dung sae parpunguan asa boi makkata-hatai tu akka dongan, dang soal parpunguan fisik manang sian video-conference. Akka sintua pe porlu do dipatogu. Adong do piga-piga dongan na mambahen surat manang kartu ucapan tu akka sintua, ala godang do na diulahon nasida tu dongan sahaporseaon saleleng masa wabah penyakit. Alani i denggan do molo torus hita ‘marsiurupan jala patoguhon na asing’.​—1 Tes. 5:11.

7. Aha do dampakna tu akka halak molo masa bencana alam?

⁷ Boi do toppu muba ngolu ni sasahalak alani bencana alam. Godang do halak na magoan arta dohot jabu, jala mate halak na dihaholongi nasida. Sude akibat ni bencana on boi do tong dialami akka donganta. Molo masa songon i, aha do na boi taulahon lao mangurupi nasida?

8. Aha do na boi diulahon akka sintua dohot kepala keluarga sebelum masa bencana alam?

⁸ Akka na boi diulahon sintua. Urupi ma akka dongan mambahen persiapan sebelum masa bencana alam. Pastihon ma sude na di huria mamboto aha na porlu diulahon nasida asa tetap aman jala songon dia nasida boi manghubungi akka sintua. Si Margaret na dipaboa di artikel sebelumna mandok, “Tikki mambahas ‘Na Rikkot di Hita’ di parpunguan, dipasingot akka sintua do hami adong do kemungkinan masa kebakaran di daerahnami. Didok nasida, molo adong petunjuk sian pamaretta ikkon maninggalhon jabu, manang molo lam parah situasina, ikkon hatop do hami mangungsi.” Tepat waktu do sipasingot i, alana lima minggu dukkon i masa ma kebakaran na parah di daerah i. Tikki ibadat keluarga, denggan do molo dibahas kepala keluarga aha na porlu dipersiappon keluargana sebelum masa bencana alam. Molo dibahen nasida persiapan, gabe boi ma nasida tetap tenang tikki masa bencana alam.

9. Aha do na porlu diulahon akka sintua sebelum masa bencana alam jala dung sae bencana i?

⁹ Molo pengawas kelompok dinas lapangan do hamu, bahen ma daftar nomor telepon na terbaru dohot alamat ni akka dongan na adong di kelompokmuna. Bahen hamu ma i sebelum masa bencana alam. Gabe ummura ma hamu manghubungi jala mangalehon akka na porlu di nasida molo masa bencana alam. Paboa ma akka informasi i tu koordinator punguan ni sintua, asa ditorusson muse i tu pengawas wilayah. Hasilna gabe ummura ma nasida kerja sama lao mangurupi akka dongan. Dung sae kebakaran di daerah ni si Margaret, dang modom pengawas wilayahna saleleng 36 jom, ala ibana do na mangarahon akka sintua lao manghubungi dohot mangurus 450 penyiar na mangungsi. (2 Kor. 11:27) Hasilna, boi ma nasida sude mandapot tempat tinggal sementara.

10. Boasa porlu dipatogu sintua akka dongan di huria? (Johannes 21:15)

¹⁰ Martanggung jawab do akka sintua patoguhon jala menghibur akka dongan na di huria. (1 Ptr. 5:2) Tikki masa bencana alam, parjolo sahali porlu do akka sintua mamastihon asa toktong aman akka dongan jala mandapot sipanganon, pakkean, dohot tempat tinggal. Alai porlu dope akka dongan i dipatogu marbulan-bulan dukkon i. (Jaha Johannes 21:15.) Donganta si Harold, anggota Panitia Cabang na hea mangunjungi akka dongan korban bencana mandok, “Porlu do tikki di nasida asa boi semangat muse. Memang nga boi be  halak i mangulahon ulaonna siganup ari, alai olo do taringot muse nasida tu keluarga manang tu dongan na mate alani bencana i, tu akka barang ni nasida, manang tu situasi na berbahaya na diadopi nasida. Di tikki sisongon i olo do gabe lungun muse roha ni nasida. Wajar do i, jala dang na berarti na hurang haporseaon nasida.”

11. Bantuan aha do na dihaporluhon akka keluarga?

¹¹ Berupaya do akka sintua menerappon nasehat “tangis ma hamu dohot halak na tangis”. (Rom 12:15) Berupaya do akka sintua paposson roha ni akka dongan korban bencana alam, na toktong do nasida dihaholongi Jahowa dohot akka dongan sahaporseaon. Diurupi nasida do muse akka keluarga asa toktong nasida martangiang, marsiajar Bibel, marpungu, dohot marbarita na uli. Asing ni i, boi do dipatogu sintua akka natua-tua lao mangurupi gelleng ni nasida asa fokus tu akka na so boi hancur alani bencana. Hamu natua-tua, papos ma roha ni gellengmuna na toktong do dihaholongi jala dijaga Jahowa nasida. Papos ma muse roha ni nasida, godang do akka dongan sahaporseaon di liat portibi on na songon keluarga na rade mangurupi nasida.​—1 Ptr. 2:17.

12. Aha do na boi taulahon lao mangurupi akka dongan na hona bencana? (Ida gambar.)

¹² Akka na boi diulahon dongan sahaporseaon. Molo jonok do lokasi bencana i sian ingananmuna, sukkun ma tu akka sintua songon dia carana mangurupi. Boi do ra hamu manawarhon jabumuna gabe tempat tinggal sementara tu akka dongan na mangungsi manang tu relawan pembangunan. Boi do muse hamu manaruhon sipanganon dohot kebutuhan na asing na dihaporluhon akka dongan. Molo dao lokasi bencana i sian ingananmuna, boi do tong hamu mangurupi. Songon dia carana? Tangiakkon hamu ma akka dongan na hona bencana. (2 Kor. 1:8-11) Boi do muse hamu mendukung ulaon penanggulangan bencana marhite mangalehon sumbangan tu pekerjaan seluas dunia. (2 Kor. 8:2-5) Molo boi hamu lao tu lokasi bencana i, sukkun ma akka sintua songon dia carana hamu mangurupi. Molo diundang hamu tusi, dapotmuna ma annon pelatihan lao mangurupi akka dongan di lokasi bencana i.

13. Tantangan aha do na diadopi akka dongan na tinggal di daerah na mangorai ulaonta?

¹³ Di daerah na mangorai ulaonta, jotjot  do masa penganiayaan na mambahen susa parngoluan ni akka donganta. Asing ni i godang do hasusaan na masa tu nasida, misalna susa di parhepengon, marsahit, jala mate halak na dihaholongi nasida. Alai alani pelarangan, olo do gabe maol akka sintua mangunjungi manang makkatai lao patoguhon nasida. Songon i do na dialami donganta si Andrei, na dipaboa di artikel sebelumna. Adong sahalak donganta borua di kelompok dinas lapangan ni nasida na susa di parhepengon. Di sada tikki kecelakaan mobil ma ibana, ikkon dioperasi, jala dang boi karejo. Alai nang pe adong pelarangan dohot pandemi, dipakke Jahowa do akka dongan lao mangurupi ibana.

14. Songon dia do akka sintua patuduhon na diandalhon nasida Jahowa?

¹⁴ Akka na boi diulahon sintua. Martangiang do si Andrei tu Jahowa jala berupaya do ibana mangurupi donganta borua i. Songon dia do Jahowa mangalusi tangiangna? Dipakke Jahowa do akka dongan di huria lao mangurupi donganta borua i. Adong na manaruhon ibana tu rumah sakit, jala adong na mangalehon hepeng tu ibana. Digerakkon Jahowa do nasida lao mangurupi donganta borua i, jala di pasu-pasu Jahowa do upaya ni nasida. (Heb. 13:16) Akka sintua, molo diorai ulaon marbarita di ingananmuna, pangido ma bantuan sian akka dongan. (Jer. 36:5, 6) Jala na uppetting, andalhon hamu ma Jahowa. Urupanna do hamu lao mangurus kebutuhan ni akka donganmuna.

15. Molo masa penganiayaan, aha do na porlu taulahon asa toktong marsada?

¹⁵ Akka na boi diulahon dongan sahaporseaon. Molo adong pelarangan, olo do dibahen akka parpunguan dalam kelompok kecil. Alani i massai penting do manjaga asa toktong mardame dohot akka dongan. Taingot ma, Sibolis do musutta dang akka dongan. Jadi molo adong hahurangan ni donganta, tasalpuhon ma i. Jala molo adong parsoalan, pittor hatop ma tapasae i. (Poda 19:11; Eps. 4:26) Berupaya ma hita marsiurupan dohot akka dongan. (Tit. 3:14) Songon donganta borua nakkin, ala marsiurupan akka dongan di kelompok dinas ni nasida, dang holan ibana na mandapot manfaat. Alai gabe lam kompak ma akka dongan di kelompok dinas i songon sada keluarga.​—Ps. 133:1.

16. Sesuai tu Kolosse 4:3, 18, songon dia do hita mangurupi akka dongan na dianiaya?

¹⁶ Adong marribu donganta na toktong setia melayani Jahowa nang pe diorai pamaretta. Piga-piga sian nasida dipenjarahon do alani haporseaonna. Boi do tatangiakkon nasida  dohot keluargana. Boi do tong tatangiakkon akka dongan na barani mangurupi nasida, nang pe boi i parohon bahaya tu nasida. Contohna adong do na barani mangunjungi dongan na dipenjara lao patoguhon nasida, paradehon kebutuhanna, jala mambela nasida di pengadilan. c (Jaha Kolosse 4:3, 18.) Taingot ma, balga hian do pengaruh ni tangiangta tu akka dongan i!​—2 Tes. 3:1, 2; 1 Tim. 2:1, 2.

17. Aha do na porlu tapersiappon saonari sebelum masa penganiayaan?

¹⁷ Bahen hamu ma dohot keluarga persiapan sebelum masa penganiayaan. (Ul. 14:22) Unang ma sai dipikkiri hamu akka hasusaan na boi masa. Sebalikna, patogu ma parale-aleonmuna tu Jahowa, jala urupi ma akka gellengmuna mangulahon na sarupa. Molo khawatir hamu, pasahat ma i sude tu Jahowa. (Ps. 62:7, 8) Bahas hamu ma dohot keluarga boasa boi pos rohamuna tu Jahowa. d Godang do manfaatna tikki tabahen persiapan sebelum masa bencana alam. Suang songon i ma, godang do manfaatna molo tabahen persiapan sebelum masa penganiayaan. Molo taurupi gellengta asa mangandalhon Jahowa, gabe barani ma nasida jala toktong tenang tikki masa penganiayaan.

18. Dame na songon dia do na tapaima-ima di ari na naeng ro?

¹⁸ Boi do dame na sian Debata manjaga roha dohot pikkiranta. (Plp. 4:6, 7) Dibahen Jahowa do hita toktong tenang nang pe masa wabah penyakit, bencana alam, dohot penganiayaan. Dipakke Ibana do akka sintua na olo bekerja keras lao manjaga hita. Jala dilehon do hasangapon tu hita sude lao marsiurupan dohot akka dongan. Hadameon na tahilala saonari boi do paradehon hita lao mangadopi hasusaan na umbalga di ari na naeng ro, tarlumobi tikki masa “hasusaan bolon”. (Mat. 24:21) Di tikki i, ikkon torus do tajaga asa toktong dame rohatta dohot pikkiranta jala taurupi ma akka donganta mangulahon na sarupa. Dung salpu hasusaan bolon, dang adong be na mambahen hita khawatir jala hilalaonta ma janji ni Jahowa, i ma dame na martahan salelengna.—Jes. 26:3, 4.