Nungnga taparsiajari be sude Joujou Paboahon terbitan 2024. Saonari, taalusi ma akka sukkun-sukkun on:

Songon dia do Jahowa gabe sitiruon taringot mangargai akka borua?

Dang dibeda-bedahon Jahowa bawa dohot borua. Dang umholong rohana tu bawa sian tu borua. Olo do Jahowa manangihon akka borua. Parduli do Jahowa tu perasaan dohot arsak ni roha ni nasida. Jala pos do roha ni Jahowa mangalehon tugas tu nasida.—w24.01, hlm. 15-16.

Didok si Paulus, “Unang ma dongani nasida.” (Eps. 5:​7, surat na di toru) Boha do caratta menerappon nasehatna i?

Dipasingot Apostel Paulus do hita asa unang mardongan tu halak na so mangihutton aturan na dibahen Jahowa. Ikkon manat do tong hita tikki mamillit dongan di media sosial.—w24.03, hlm. 22-23.

Aha do na ikkon taulahon molo tadapot akka barita na so sittong?

Olo do ra dapotta barita sian dongan sahaporseaon, email sian halak na so tatanda, manang barita sian halak na murtad na songon na berminat tu Bibel. Alai, ikkon manat do hita asa unang pittor porsea tu barita na so dipastihon dope faktana.—w24.04, hlm. 12.

Aha do na taboto dohot na so taboto taringot cara ni Jahowa manguhumi Raja Salomo, akka halak na mate di Aek na Sumar, dohot na mate di Sodom dohot Gumora?

Dang taboto dipahehe Jahowa do nasida annon manang na daong. Alai taboto, Debata parasi roha do Jahowa jala diboto Ibana do sude taringot nasida.—w24.05, hlm. 3-4.

Boasa didok Jahowa i songon “Dolok Batu”? (5 Mus. 32:4)

Alana sai rade do Jahowa melindungi hita. Holan Ibana do na boi taandalhon, jala sai digohi Ibana do janjina. Asing ni i, dang muba-uba Jahowa. Dang hea muba sifat dohot sakkapna.—w24.06, hlm. 26-28.

Aha do na boi mangurupi hamu asa toktong marlas ni roha dung pinda tu huria na baru?

Andalhon ma Jahowa. Pasti urupanna do hamu, dos songon akka naposona najolo. Unang ma banding-bandingkon huriamuna na sebelumna tu huriamuna na baru. Aktif ma di huria na baru, jala berupaya ma mardongan dohot halak na baru ditanda.—w24.07, hlm. 26-28.

Aha do na taparsiajari sian tolu ilustrasi na dipaboa di Mateus bindu 25?

Sian ilustrasi taringot biru-biru dohot hambing, marsiajar do hita asa toktong setia. Sian ilustrasi taringot akka anak boru na marbisuk dohot na oto, marsiajar do hita asa rade jala toktong jaga. Jala sian ilustrasi taringot talenta, marsiajar do hita asa ringgas.—w24.09, hlm. 20-24.

Sadia timbo do terras na adong di bagas joro na dibangun si Salomo?

Dipaboa do di 2 Kronika 3:4 sadia timbo ni terras na di bagas joro i. Akka manuskrip najolo mandok, “120 asta” do timbo ni terras i. Sarupa ma i tu 53 meter. Alai di akka manuskrip na asing na akurat, didok do timbona “20 asta”, manang hira-hira sia meter. Jala molo diida sian tobal ni tembok na menopang terras i, boi do ra tadok “20 asta” do timbo ni terras i.—w24.10, hlm. 31.

Aha do maksudna ‘ikkon sada do istri ni parhobas di huria’? (1 Tim. 3:12)

Ikkon setia do ibana tu istrina. Dang boi ibana mangulahon seks na so patut. Jala dang boi patuduhon minat romantis tu borua na asing.—w24.11, hlm. 19.

Aha do perbedaan ni hata ni Jesus di Johannes 6:53 dohot na didok ibana di Borngin Parningotan?

Hata ni Jesus di Johannes 6:​53, di Galilea do i didok ibana, di taon 32 M. Tikki i, didok ibana do tu akka halak Jahudi asa diallang nasida dagingna jala diinum mudarna. Alai molo hatana na di Borngin Parningotan i, di Jerusalem do i didok ibana, hira-hira sataon dukkon i. Jala hatana on ditujuhon tu akka halak na lao mamaretta dohot ibana di surgo.—w24.12, hlm. 10-11.