1. Boasa boi marsada keluarga ni Jahowa?

LAS do rohatta gabe bagian sian keluarga ni Jahowa. Mardame jala marsada do hita sude, ala taargai pengaturan ni Jahowa. Dilehon Jahowa do wewenang tu piga-piga donganta di organisasina jala berupaya do hita mangihutton i. Molo takkas taattusi boasa dibahen Jahowa pengaturan i lam mura ma hita marsada.

2. Aha do na lao taulas di artikel on?

² Di artikel on taulas ma ise do na mandapot wewenang di huria. Taulas ma muse alus ni akka sukkun-sukkun on: Aha do peran ni donganta borua di huria? Sude do donganta bawa na tardidi gabe kepala ni donganta borua di huria? Sarupa do wewenang ni sintua di huria dohot wewenang ni kepala keluarga? Saonari taulas ma jo ikkon songon dia do pandanganta tu akka donganta borua.

3. Aha do na ikkon taboto asa lam taargai akka donganta borua?

³ Pasti taargai do akka donganta borua na bekerja keras mangurus keluargana, marbarita na uli, dohot mangurupi akka dongan di huria. Boi do lam taargai akka donganta borua di huria molo taboto songon dia pandangan ni Jahowa dohot Jesus tu nasida. Jala taulas ma muse songon dia do pandangan ni si Paulus tu akka borua.

4. Bukti aha do na patuduhon na arga do bawa dohot borua di Jahowa?

 ⁴ Rap arga do borua dohot bawa di Jahowa. Misalna di abad na parjolo dilehon Jahowa do tondi parbadiana tu bawa dohot tu borua asa boi makkatai di bahasa na asing. (Ul. 2:1-4, 15-18) Jala dang holan bawa na dipillit lao mamaretta di surgo rap dohot Jesus, dohot do tong borua. (Gal. 3:26-29) Rap mandapot hangoluan salelengna di tano on do bawa dohot borua. (Pgk. 7:9, 10, 13-15) Jala rap mandapot tugas do nasida lao marbarita na uli dohot mambahen sisean. (Mat. 28:19, 20) Najolo pe dohot do si Priskila mandongani suamina si Akuila mangajari si Apollos bawa na berpendidikan asa lam takkas mangattusi hasittongan.​—Ul. 18:24-26.

5. Sesuai tu Lukas 10:38, 39, 42 songon dia do pandangan ni Jesus tu akka borua?

⁵ Diargai Jesus do akka borua. Beda hian do Jesus tu halak Parise. Molo halak Parise direndahkan do akka borua jala dang olo makkatai tu borua di jolo ni godang halak. Jala tikki marsiajar Surat na Badia dang olo nasida rappak marsiajar dohot borua. Alai molo Jesus dang songon i. Tikki mangajarhon Surat na Badia ditogihon ibana do asa dohot akka borua. * (Jaha Lukas 10:38, 39, 42.) Gariada diloas do akka borua mandongani ibana marbarita na uli. (Luk. 8:1-3) Asing ni i, akka borua do ditugasson Jesus paboahon naung hehe ibana tu siseanna.​—Joh. 20:16-18.

6. Sian dia do taboto na diargai si Paulus do akka borua?

⁶ Dipaingot si Paulus do asa diargai si Timoteus akka borua. Didok si Paulus do asa dibahen si Timoteus ‘akka borua na matua songon omakna’ jala ‘borua na poso songon ibotona’. (1 Tim. 5:1, 2) Si Paulus do memang na mangurupi si Timoteus patoguhon parale-aleonna tu Jahowa. Alai diakkui ibana do molo na parjolo mangurupi si Timoteus mananda “surat na badia”, i ma omak dohot oppung boruna. (2 Tim. 1:5; 3:14, 15) Tikki mangirim surat ibana tu huria na di Rom, dipasahat si Paulus do tong tabena tu akka borua jala didok do goar ni nasida sada-sada. Takkas do dipaboa si Paulus di suratna i na diargai ibana do kerja keras ni nasida di huria.​—Rom 16:1-4, 6, 12; Plp. 4:3.

7. Aha do sukkun-sukkun na lao taulas?

⁷ Songon naung taulas nakkin, dang adong ayat ni Bibel na patuduhon na urrendah do borua sian bawa. Godang do na boi diulahon akka donganta borua on di huria. Dohot do nasida mambahen huria dame jala marsada. Saonari taulas ma jo alus ni sukkun-sukkun on: Di piga-piga situasi, boasa dibahen Jahowa pengaturan asa mamakke tudung kepala akka borua? Ala holan donganta bawa do na dipillit gabe sintua dohot parhobas, na gabe sude do donganta bawa kepala ni donganta borua?

8. Sesuai tu Epesus 5:23, sude do donganta bawa di huria gabe kepala ni donganta borua?

⁸ Sude do donganta bawa di huria kepala ni akka donganta borua? Daong. Kristus do kepala ni nasida. (Jaha Epesus 5:23.) Molo di keluarga, suami do na gabe kepala ni istri. Jala molo adong pe anakna naung tardidi, dang gabe kepala ni omakna ibana. (Eps. 6:1, 2) Molo di huria terbatas do wewenang ni sintua tu akka dongan sahaporseaon. (1 Tes. 5:12; Heb. 13:17) Akka donganta borua na so marrumah tangga dope jala dang rap tinggal be dohot natua-tuana, holan Jesus do kepala ni nasida, dos songon akka donganta bawa.  Alai nang pe songon i, ikkon torus do diargai nasida natua-tuana dohot akka sintua.

9. Boasa ikkon dipakke donganta borua tudung kepala?

⁹ Memang, holan tu donganta bawa do dilehon Jahowa tugas lao mangajar di huria. Dang dilehon tugas i tu akka borua. (1 Tim. 2:12) Boasa? Asa taratur organisasi ni Jahowa. I do tong alasanna boasa dipillit Jahowa Jesus gabe kepala ni akka bawa. Alani i do molo adong donganta borua na mangulahon tugas ni donganta bawa, ikkon mamakke tudung kepala do ibana. * (1 Kor. 11:4-7) Dipangido Jahowa pe akka borua mangulahon i dang na lao merendahkan nasida, alai asa dipatudu nasida do pangargaion tu pengaturan kekepalaan. Saonari taalusi ma muse sukkun-sukkun on: Aha do beda ni wewenang ni kepala keluarga dohot wewenang ni sintua?

10. Boasa adong sintua na merasa berhak mambahen peraturan di huria?

¹⁰ Holong do roha ni akka sintua tu Kristus jala holong do tong roha ni nasida tu akka ‘biru-biru’ na dipasahat ni Jahowa dohot Jesus. (Joh. 21:15-17) Olo do adong sintua na merasa songon bapak di huria alani holongna tu akka dongan. Didok rohana marhak do ibana mambahen peraturan di huria. Alana merasa bertanggung jawab do ibana manjaga akka dongan sahaporseaon, songon kepala keluarga mambahen peraturan lao manjaga keluargana. Jala adong do ra dongan di huria mangido sintua mambahen keputusan tu nasida. Ai didok roha ni nasida songon kepala keluarga ni nasida do sintua i. Alai sarupa do wewenang ni sintua di huria dohot wewenang ni kepala keluarga?

11. Aha do piga-piga wewenang dohot tanggung jawab ni kepala keluarga na sarupa tu sintua?

 ¹¹ Adong do piga-piga wewenang dohot tanggung jawab ni sintua na sarupa dohot kepala keluarga. (1 Tim. 3:4, 5) Misalna diparettahon Jahowa do anggota keluarga asa unduk tu kepala keluargana. (Kol. 3:20) Akka dongan di huria pe ikkon unduk tu akka sintua. Dipangido Jahowa do kepala keluarga asa mangurupi keluargana torus marale-ale tu Jahowa. I do tong na dipangido Jahowa tu akka sintua di huria. Songon kepala keluarga na ikkon makkaholongi keluargana, akka sintua pe ikkon makkaholongi dongan sahaporseaonna. Songon kepala keluarga, akka sintua pe ikkon diurupi do dongan sahaporseaon na marsitaonon. (Jak. 2:15-17) Jala songon kepala keluarga, dipangido Jahowa do akka sintua mangurupi dongan di huria mangihutton paretta ni Jahowa. Dipasingot Jahowa do muse nasida asa unang mangulahon “lobi sian na tarsurat i”.​—1 Kor. 4:6.

12-13. Songon na disurat di Rom 7:2, aha do beda ni wewenang ni kepala keluarga dohot wewenang ni sintua?

¹² Alai adong do wewenang ni sintua na beda hian tu wewewang ni kepala keluarga. Misalna sintua do na dipillit Jahowa gabe hakim di huria, jala dilehon do tu nasida wewenang  pakaluarhon halak na so bertobat sian huria.​—1 Kor. 5:11-13.

¹³ Alai adong do wewenang ni kepala keluarga na so dilehon Jahowa tu sintua. Misalna, marhak do kepala keluarga mambahen peraturan jala mangido keluargana mandalatton i. (Jaha Rom 7:2.) Contohna, marhak do kepala keluarga mambahen aturan tu gellengna jam piga ikkon mulak tu jabu. Molo dang didalatton gellengna aturanna i marhak do ibana menghukum nasida. (Eps. 6:1) Tottu denggan do jolo diskusi kepala keluarga tu istrina andorang so mambahen peraturan, ala “sada daging” do nasida. *—Mat. 19:6, surat na di toru.

14. (a) Sesuai tu Markus 10:45, boasa cocok Jesus dipillit Jahowa gabe ulu ni huria? (b) Aha do tanggung jawab ni Punguan na Mangaradoti Organisasi? (Ida kotak “ Tanggung Jawab ni Punguan na Mangaradoti Organisasi”.)

¹⁴ Ditobus Jahowa do hita sude na di huria marhite tobusan ni Jesus. (Jaha Markus 10:45; Ul. 20:28; 1 Kor. 15:21, 22) Jadi masuk akkal do molo Jesus dipillit Jahowa gabe ulu ni huria. I do alana marhak do ibana mambahen peraturan di huria. Jala marhak do ibana mangido sude na di huria mandalatton peraturan i. (Gal. 6:2) Alai dang holan mambahen peraturan Jesus. Diparrohahon jala dihaholongi ibana do hita sude.​—Eps. 5:29.

15-16. Aha do na boi taparsiajari sian komentar ni si Marley dohot si Benjamin?

¹⁵ Molo unduk sahalak donganta borua tu Jesus Kristus berarti ikkon olo do ibana unduk tu suamina dohot tu akka sintua di huria. Sahalak donganta borua na margoar si Marley  na tinggal di Amerika Serikat mandok, “Arga do di au tanggung jawabhu sebagai istri dohot anggota di huria. Berupaya do au asa torus mangargai suamikku dohot akka sintua di huria. Ala diargai suamikku do au jala diargai akka sintua do aha na boi huulahon di huria, gabe ummura ma au unduk tu nasida.” Songon i do tong pandapot ni akka donganta borua na asing.

¹⁶ Molo diargai akka donganta bawa do pengaturan kekepalaan, pasti diargai nasida do akka donganta borua di huria. Si Benjamin donganta bawa na tinggal di Inggris mandok, “Godang do na boi huparsiajari sian akka donganta borua. Marsiajar do au sian komentar ni nasida di parpunguan. Jotjot do muse nasida mangalehon saran asa lam denggan marbarita na uli dohot mangajari. Massai arga do sude na diulahon nasida i di au.”

17. Boasa ikkon taargai pengaturan kekepalaan na dibahen Jahowa?

¹⁷ Molo sude hita di huria bawa, borua, kepala keluarga, dohot akka sintua mangattusi jala mangargai prinsip kekepalaan, gabe dame ma huria. Jala na uppenting gabe dipasangap ma Jahowa Bapakta na di surgo.​—Ps. 150:6.