1. Songon dia carana paradehon tikkitta tu Jahowa?

 PASTI lomo do rohatta rap dohot akka na tahaholongi. Pasti lomo do roha ni suami istri asa sai rap nasida. Akka na poso las do rohana rap dohot akka donganna. Jala hita pe lomo do rohatta bergaul dohot akka dongan sahaporseaon. Alai na uppetting, ikkon taparade do tikkitta lao marale-ale tu Jahowa. Taparade tikki martangiang, manjaha Bibel, jala mangarimangi akka janji dohot sifat ni Jahowa. Jadi massai penting do talean tikkitta tu Jahowa.—Ps. 139:17.

2. Boasa maol mangalean tikki tu Jahowa?

² Memang lomo do rohatta martangiang dohot marsiajar Bibel, alai sipata alani sibukna gabe maol mangalean tikki tu Jahowa. Ikkon karejo do hita, adong do tanggung jawab keluarga, jala godang dope karejo na asing na ikkon taulahon. Jadi olo do didok rohatta dang adong be tikkitta lao martangiang, marsiajar, dohot mangarimangi.

3. Aha do muse na boi mambahen habis tikkitta?

³ Adong dope tantangan na asing na mambahen habis tikkitta. Molo dang hati-hati hita, boi do tikki na taparade hian tu Jahowa gabe tapakke tu ulaon na asing, misalna rekreasi. Memang dang sala rekreasi jala adong do manfaatna. Alai boi do rekreasi mambahen habis tikkitta. Gabe saotik nama tikki na  talean tu Jahowa. Porlu do taingot dang rekreasi na uppetting di ngolutta.—Poda 25:27; 1 Tim. 4:8.

4. Aha do na lao tabahas di artikel on?

⁴ Di artikel on, tabahas ma songon dia carana asa boi taatur tikkitta mangulahon ulaon na uppetting. Dung i tabahas ma muse songon dia carana asa boi mangalean unggodang tikkitta tu Jahowa jala aha manfaatna molo marbisuk hita mamakke tikkitta.

5. Songon dia do Epesus 5:15-17 mangurupi akka na poso asa denggan mambahen keputusan di ngolu ni nasida?

⁵ Pillit ma ngolu na dumenggan. Jotjot do akka na poso mamikkirhon cara terbaik asa denggan ngolu ni nasida. Olo do ra guru di sikkola dohot anggota keluarga na so sahaporseaon manjujui nasida tu pendidikan tinggi, asa boi annon denggan karejona jala balga gajina. Molo ditempuh nasida do pendidikan tinggi, gabe godang ma habis tikki ni nasida tusi. Sebalikna, natua-tua manang akka dongan di huria olo do manjujui akka na poso, asa mangalehon godang tikki ni nasida tu ulaon ni Jahowa. Aha do na mangurupi akka na poso na makkaholongi Jahowa asa mambahen keputusan na terbaik? Denggan do molo dijaha jala dirimangi nasida Epesus 5:15-17. (Jaha.) Dukkon dijaha olo do gabe sukkun-sukkun roha ni nasida, ‘Aha do “lomo ni roha ni Jahowa”? Keputusan aha do na mambahen Jahowa marlas ni roha? Keputusan aha do na mangurupi au asa denggan mamakke tikkikku?’ Taingot ma “mangolu di akka tikki na jahat do hita saonari on”, jala na lao hancur do portibi na dirajai Sibolis on. Jadi marbisuk do hita molo tapakke ngolutta lao mangulahon akka ulaon na mambahen las roha ni Jahowa.

6. Aha do keputusan na dibahen si Maria, jala boasa denggan keputusan i?

⁶ Pillit ma na paling penting. Asa boi denggan tapakke tikkitta, ikkon tapillit do ulaon na uppetting sian ulaon na asing, nang pe dang sala akka ulaon i. Boi ma on taida sian contoh tikki ro Jesus tu jabu ni si Maria dohot si Marta. Las do roha ni nasida tikki ro Jesus tu jabuna jala diparade si Marta do gok sipanganon. Hape molo si Maria dipillit ibana do asa manangihon Jesus jala hundul di labbung ni pat ni Tuan i. Dang sala na diulahon ni si Marta i, alai Jesus paboahon ‘dipillit si Maria do na dumenggan’. (Luk. 10:38-42) Olo do ra lupa si Maria tu sipanganon na diparade di tikki i, alai pasti diingot ibana do aha na diajarhon Jesus di tikki i. Jadi songon si Maria mamillit na paling penting, i ma mangalean tikkina rap dohot Jesus, hita pe songon i ma talean ma tikkitta tu Jahowa. Songon dia do carana asa denggan tapakke tikkitta?

7. Boasa penting martangiang, marsiajar, dohot mangarimangi?

⁷ Bagian sian ibadatta tu Jahowa do martangiang, marsiajar, dohot mangarimangi. Tikki martangiang hita, makkatai ma hita tu Debata Jahowa Ama Parholong na di surgo. (Ps. 5:7) Tikki marsiajar Bibel hita, dapotta ma “parbinotoan taringot Debata” na mangalehon bisuk. (Poda 2:1-5) Tikki mangarimangi hita, gabe tapikkirhon ma taringot Jahowa, taringot sifatna na denggan, jala taingot ma muse akka na lao bahenon ni Jahowa tu jolma dohot tu tano on. On ma cara na denggan  mamakke tikkitta. Songon dia do hita boi mangulahon on nang pe terbatas tikkitta?

8. Aha do na boi taparsiajari sian Jesus tikki lao ibana tu padang gurun?

⁸ Molo boi, pillit ma inganan na tenang. Parrohahon ma Jesus, andorang so dimulai ibana pelayananna di tano on lao do Jesus tu inganan na tenang, i ma padang gurun. Disi ma ibana saleleng 40 ari. (Luk. 4:1, 2) Di inganan na tenang sisongon i, boi ma Jesus martangiang tu Jahowa jala dirimangi ibana ma na dipangido Bapakna lao ulahononna. On mangurupi Jesus asa siap menghadapi tantangan na lao ro. Songon dia do hamu boi maniru Jesus? Molo godang do anggota keluarga di jabu, maol do ra mangalului inganan na tenang disi. Mungkin ikkon lao do hamu tu luar ni jabu asa boi dapotmuna inganan na tenang. On ma na diulahon si Julie tikki naeng martangiang ibana tu Jahowa. Ibana dohot suamina tinggal di apartemen na gelleng di Prancis jala ribut do disi. Didok ibana ma, “Jadi lao ma au tu taman ganup ari. Disi boi do sahalakku jala boi ma hupaboa sude na di rohakku tu Jahowa.”

9. Nang pe sibuk Jesus, songon dia do ibana patuduhon na arga do hubunganna tu Jahowa?

⁹ Sibuk hian do Jesus tikki di tano on. Sai diihutton akka halak do ibana tudia pe ibana lao, jala lomo do roha ni akka halak naeng rap dohot Jesus. Bahkan, hea do ‘marpungu di jolo ni pintu sude halak na di kota’ lao mangida Jesus. Alai nang pe songon i, diatur Jesus do tikkina lao martangiang tu Jahowa. Sogot manogot i lao do ibana tu “inganan na lungun” asa boi ibana martangiang tu Jahowa di inganan i.—Mrk. 1:32-35.

10-11. Sesuai tu Mateus 26:40, 41 aha do na didokkon Jesus tu siseanna, alai aha do na masa?

¹⁰ Di borngin parpudi andorang so mate Jesus, lao do ibana mangalului inganan na tenang asa boi ibana mangarimangi dohot martangiang. Lao do ibana tu inganan na tenang, i ma taman Getsemane. (Mat. 26:36) Jala disi dipaboa Jesus do tu akka siseanna tung massai penting do martangiang.

¹¹ Bayakkon ma on. Nungnga tonga borngin sahat nasida di taman Getsemane. Jala sebelum lao ibana martangiang, dipangido Jesus do tu akka siseanna asa ‘toktong dungo’ nasida. (Mat. 26:37-39) Alai tikki martangiang ibana, modom do akka siseanna i. Jala dung sae Jesus martangiang didapotton ma akka siseanna i, tong dope modom nasida. Dung i dipaingot Jesus ma nasida asa toktong nasida “dungo jala sai martangiang”. (Jaha Mateus 26:40, 41.) Diboto Jesus do siseanna i nungnga loja jala marsak, jala diboto ibana do memang “gale do daging i”. Dung i lao ma Jesus dua hali nai martangiang. Tikki mulak  ibana, tong dope modom dapotna sisean i.—Mat. 26:42-45.

12. Aha do na boi taulahon molo malas hita martangiang ala palojahu manang tertekan?

¹² Pillit ma tikki na pas. Olo do ra hita ala tertekan manang ala palojahu gabe malas martangiang. Molo hea do hamu songon i, unang pola metmet rohamuna. Alai aha do na boi diulahon hamu? Adong do na menyesuaihon jadwal ni nasida martangiang. Sebelumna, tikki lao modom do nasida martangiang alai dihilala nasida dumenggan do martangiang tikki botari, alana dang pola loja dope nasida disi. Na asing dipikkirhon nasida do songon dia posisina tikki martangiang. Adong do na mamillit hundul manang adong do na marsinggang, asa boi nasida fokus tikki martangiang. Alai boha do molo alani marsakna sappe dang semangat be hamu martangiang? Paboa ma sude arsak ni rohamuna i tu Jahowa. Pasti ditangihon Jahowa do tangiangmuna i jala takkas do diboto na di rohamuna.—Ps. 139:4.

13. Boasa boi perangkat elektronik mangganggu konsentrasitta?

¹³ Padao ma gangguan tikki marsiajar hamu. Dang holan tangiang na boi mambahen hita lam jonok tu Jahowa. Mamparsiajari Hata ni Debata dohot ro tu parpunguan pe boi do mambahen hita lam jonok tu Debata. Attong songon dia do carana asa boi hita fokus tikki marsiajar dohot tikki di parpunguan? Tapikkirhon ma, ‘Aha do na boi mambahen dang konsentrasi au tikki marsiajar manang tikki di parpunguan?’ Boi do hita terganggu alani panggilan, email, manang pesan na masuk tu handphoneta. Piga-piga peneliti mandok, boi do gabe dang fokus hita holan alani sada handphone na makkuling. Hape hampir sude nama jolma nuaeng marhandphone. Sahalak profesor mandokkon, “Boi do dang fokus hita tu ulaonta manang gabe rarat pikkiranta holan alani sada handphone na makkuling.” Di parpunguan regional manang di parpunguan wilayah pe, jotjot do dipasingot hita mangatur perangkat elektronikta asa unang mangganggu na asing. Boi do tong tabahen songon i asa unang targanggu hita tikki belajar pribadi.

14. Sesuai tu Pilippi 4:6, 7 songon dia do cara ni Jahowa mangurupi hita asa fokus?

¹⁴ Pangido ma bantuan sian Jahowa. Molo  dang boi hamu konsentrasi saleleng marsiajar manang saleleng parpunguan, pangido ma tu Jahowa asa diurupi hamu fokus. Memang molo khawatir manang holsoan hita dang mura asa boi fokus. Alani i tikki marpungu dohot marsiajar, berupaya ma hita asa unang mamikkirhon i. Martangiang ma hita tu Jahowa asa dilehon hadameon ‘na boi manjaga roha dohot pikkiranta’.—Jaha Pilippi 4:6, 7.

15. Aha do manfaatna molo talehon tikkitta tu Jahowa?

¹⁵ Massai balga do manfaatna molo makkatai hita tu Jahowa, tatangihon Ibana, jala tarimangi akka sifatna. Manfaat na parjolo, gabe lam denggan ma hita mambahen keputusan. Didok Bibel, “Marbisuk do manang ise na mardongan tu halak na marbisuk.” (Poda 13:20) Jadi molo taparade tikkitta tu Debata Jahowa silehon bisuk, tottu lam marbisuk ma hita. Lam boi ma taattusi songon dia do carana mambahen las rohana, jala songon dia asa unang tabahen haccit rohana.

16. Aha dope manfaatna molo taparade tikkitta tu Jahowa?

¹⁶ Manfaat na paduahon, lam malo ma hita mangajari. Tujuan utama mangurupi sasahalak marsiajar Bibel, i ma asa boi nasida jonok tu Jahowa. Asa boi taulahon i ikkon jotjot do hita martangiang dohot mangarimangi akka parange ni Jahowa. Molo taulahon i, gabe tamba ma holong ni rohatta tu Ibana jala gabe lam mura hita mangajari studitta asa makkaholongi Jahowa. Songon i do na diulahon Jesus. Dipaboa ibana do taringot Jahowa dohot akka parangena tu akka siseanna, gabe dihaholongi akka siseanna ma Jahowa.—Joh. 17:25, 26.

17. Songon dia do tangiang dohot pelajaran pribadi patoguhon haporseaotta?

¹⁷ Manfaat na patoluhon, lam togu ma haporseaotta. Tikki dialusi Jahowa tangiangta asa ditogu-togu hita manang diurupi, lam togu ma haporseaotta. (1 Joh. 5:15) Adong dope cara na asing patoguhon haporseaotta. Bibel mandok, “Ikkon jolo dibege sasahalak do barita i asa boi ibana porsea.” Jadi porlu do tabege Jahowa, marhite belajar pribadi. (Rom 10:17) Alai adong dope na ikkon taulahon tikki belajar pribadi hita. Aha ma i?

18. Boasa porlu hita mangarimangi? Paboa ma contohna.

¹⁸ Porlu do tarimangi akka naung taparsiajari. Parrohahon ma pengalaman ni panurat Psalmen 77. Marsak do ibana ala dihilala ibana nungnga ditinggalhon Jahowa be ibana dohot halak Israel. Sappe dang boi ibana modom alani i. (Ayat 2-8) Aha do na diulahon ibana? Didok ibana do tu Jahowa, “Hurimangi ma sude pambahenanmu,  jala hupahusor-husor ma di rohakku akka ulaonmu.” (Ayat 12) Jadi dirimangi panurat Psalmen do akka na diulahon Jahowa tu akka naposona di tikki naung salpu. Alai nang pe songon i, tong dope holsoan ibana. Didok ibana do, “Naung lupa do Debata patuduhon asi ni rohana tu hami? Naung muruk hian do Ibana sappe dang asi be rohana tu hami?” (Ayat 9) Jadi dirimangi panurat Psalmen do akka ulaon ni Jahowa dohot asi ni rohana na dipatudu di tikki naung salpu. (Ayat 11) Ala dirimangi ibana i sude, gabe pos ma roha ni panurat Psalmen, dang ditinggalhon Jahowa akka naposona. (Ayat 15) Jadi hita pe, boi do togu haporseaotta molo tarimangi akka na diulahon Jahowa tu naposona dohot tu hita secara pribadi.

19. Aha do manfaat na uppetting molo taparade tikkitta tu Jahowa?

¹⁹ Manfaat na paopatton jala na uppetting, lam tamba ma holongta tu Jahowa. Alani holongta tu Jahowa, gabe mura ma hita mangoloi parettana, tabahen las rohana nang pe ikkon berkorban hita, jala martahan hita nang pe adong tantangan. (Mat. 22:37-39; 1 Kor. 13:4, 7; 1 Joh. 5:3) Dang adong na ummarga sian hubungatta tu Jahowa!—Ps. 63:1-8.

20. Aha do na ikkon taulahon asa adong tikkitta tu Jahowa?

²⁰ Taingot ma bagian sian ibadatta tu Jahowa do martangiang, marsiajar, dohot mangarimangi. Talului ma inganan na tenang tikki mangulahon i songon na dibahen Jesus. Tapasiding ma akka gangguan, jala tapangido ma tu Jahowa asa diurupi Jahowa hita fokus tikki mangulahon i. Molo denggan tapakke tikkitta, pasti dipasu-pasu Jahowa do hita jala boi ma dapotta ngolu salelengna di tano na imbaru.—Mrk. 4:24.