1. Boasa boi tadok halak na beruntung do si Jakobus?

 HALAK na beruntung do si Jakobus. Ibana tubu di keluarga na makkaholongi Jahowa. Omakna si Maria dohot bapakna si Josep makkaholongi Jahowa jala las do roha ni nasida melayani Ibana. Dung i anggi ni Jesus do ibana, * i ma Messias na dijanjihon.

2. Boasa boi tadok godang do kesempatan ni si Jakobus marsiajar sian Jesus?

² Ala anggi ni Jesus do si Jakobus, godang do kesempatan marsiajar sian abangna. (Mat. 13:55) Contohna boi do ibana marsiajar taringot Hata ni Debata. Alana tikki marumur 12 taon dope Jesus, nungnga godang parbinotoanna taringot Hata ni Debata. Bahkan akka guru agama na di Jerusalem pe longang do mangida Jesus tikki i. (Luk. 2:46, 47) Asing ni i rap karejo do si Jakobus dohot Jesus gabe tukkang hau. Jadi molo dimanfaatton si Jakobus do i, gabe takkas ma ditanda ibana abangna i. Songon na dipaboa donganta si Nathan H. Knorr, hea do ibana mandok, “Boi do lam takkas tatanda sasahalak molo rap karejo hita dohot ibana.” * Kesempatan na  asing muse ala sajabu do nasida gabe boi ma diida si Jakobus, ‘lam magodang Jesus, lam marbisuk, jala lam dihalomohon Debata dohot jolma’ ma Jesus. (Luk. 2:52) Alani i olo do ra didok rohatta, dohot do si Jakobus gabe sisean ni Jesus na parjolo.

3. Saleleng marbarita Jesus di tano on, songon dia do tanggapan ni si Jakobus?

³ Saleleng di tano on Jesus, dang halak na porsea si Jakobus jala dang olo gabe sisean ni Jesus. (Joh. 7:3-5) Gariada olo do ra dohot si Jakobus mandokkon Jesus “nungnga rittik”. (Mrk. 3:21) Asing ni i muse, dang adong catatan di Bibel na paboahon didongani si Jakobus do omakna si Maria, tikki dihukum mate Jesus di hau partinaonan.—Joh. 19:25-27.

4. Aha do na lao taparsiajari di artikel on?

⁴ Ujungna, gabe porsea do si Jakobus tu Jesus, jala gabe sahalak sintua do ibana di huria Kristen di abad na parjolo. Di artikel on lao taparsiajari ma sian si Jakobus: (1) boasa ikkon serep rohatta, jala (2) songon dia asa gabe guru na terampil hita.

5. Aha do na diulahon si Jakobus dung dipatudu Jesus dirina tu ibana?

⁵ Tikki sadihari do si Jakobus gabe sisean ni Jesus? I ma dung dipahehe Jesus jala ‘dipatuduhon Jesus dirina tu si Jakobus’. (1 Kor. 15:7) Dung gabe sisean ni Jesus si Jakobus, hea ma sada tikki dapot kesempatan ibana rap dohot akka sisean na asing digohi tondi parbadia. I ma tikki perayaan Pentakosta di Jerusalem. (Ul. 1:13, 14) Di pudian ni ari, dapot kesempatan muse si Jakobus gabe anggota punguan na mangaradoti huria Kristen di abad na parjolo. (Ul. 15:6, 13-22; Gal. 2:9) Jala di taon 62 M, dipillit Jahowa do ibana lao manuratton bukku Jakobus. Memang di tikki i tu halak na dipillit lao mangolu tu surgo do dibahen surat i, alai bermanfaat dope surat i tu hita saonari dang soal tu surgo manang di tano on harapanta. (Jak. 1:1) Torus do setia si Jakobus sahat tu ujung ni ngoluna. Menurut sejarawan na margoar si Josephus, si Jakobus dihukum mate alani haporseaonna do. Sintua Malim ni Jahudi do na manuru asa dihukum mate ibana, i ma si Ananias anak ni si Hanas.

6. Aha do beda ni si Jakobus dohot akka pamimpin agama?

⁶ Halak na serep roha do si Jakobus. Boasa boi tadok songon i? Alana dang sarupa reaksi ni si Jakobus tu reaksi ni pamimpin agama taringot Jesus. Tikki diida si Jakobus bukti  na tutu do Jesus i Anak ni Debata, pittor olo do ibana gabe sisean ni Jesus. Alai anggo akka pamimpin agama dang olo. Contohna tikki dipahehe Jesus si Lasarus, tong do dang porsea akka pamimpin agama na tutu do Jesus i Anak ni Debata. Gariada berencana do nasida lao pamatehon Jesus dohot si Lasarus. (Joh. 11:53; 12:9-11) Bahkan di pudian ni ari, disebarhon nasida do barita na so sittong taringot haheheon ni Jesus. Didok nasida, na ditakko akka sisean i do bakke ni Jesus. (Mat. 28:11-15) Alani ginjang ni roha ni nasida ma, gabe ditolak nasida Jesus.

7. Boasa ikkon tabolokkon ginjang ni roha?

⁷ Parsiajaranna: Unang ma ginjang rohatta, alai taihutton ma petunjuk sian Jahowa. Ginjang ni roha i disarupahon do songon penyakit na boi mambahen sasahalak marsahit jantung. Molo ginjang roha ni sasahalak, gabe maol ma ibana mangihutton petunjuk sian Jahowa. Songon i do halak Parise. Ala ginjang do roha ni halak i, gabe dang olo nasida mangakkui molo Jesus i Anak ni Debata. (Joh. 12:37-40) Akibatna gabe dang boi dapot ni nasida hangoluan na salelengna. (Mat. 23:13, 33) Jadi unang ma songon i hita. Tatiru ma si Jakobus. Serep do rohana. Olo do ibana mangihutton petunjuk sian Jahowa. Alani i hita pe serep ma rohatta, misalna tikki mambahen keputusan, tikki sala cara marpikkir manang sikapta, porlu do taihutton prinsip ni Bibel lao mangurupi hita. Jala tapangido ma tondi parbadia mangurupi hita asa sanggup mangulahon i. (Jak. 3:17) Saonari taida ma muse aha do na boi taparsiajari sian si Jakobus.

8. Aha do na boi mangurupi hita asa gabe guru na terampil?

⁸ Dang timbo sikkola ni si Jakobus. Alani i dianggap pamimpin agama do ibana ‘dang parsikkola’ songon si Petrus dohot si Johannes. (Ul. 4:13) Alai sian bukku na disurat si Jakobus boi ma takkas tarida, molo ibana guru na terampil. Songon si Jakobus, hita pe ra dang timbo sikkolatta. Alai molo diurupi tondi parbadia hita jala taihutton pelatihan na dilehon organisasi, pasti gabe boi ma hita gabe guru na terampil. Saonari taida ma aha  do na mambahen si Jakobus boi gabe guru na terampil, jala aha do na boi taparsiajari sian i.

9. Songon dia do cara ni si Jakobus mangajari?

⁹ Sederhana do cara ni si Jakobus tikki mangajari. Hasilna gabe diboto akka halak ma aha na ikkon diulahon nasida jala boha do cara mangulahon i. Misalna dipaboa si Jakobus do tu halak Kristen, ikkon siap do nasida mangadopi akka hasusaan jala unang menyerah. Didokkon ibana, “Hudok hami do marlas ni roha halak na martahan manaon hasusaan. Nungnga dibege hamu, martahan do si Job manaon hasusaan jala nungnga diboto hamu songon dia Jahowa mamasu-masu ibana. Sian i ma diboto hamu na parholong do Jahowa jala parasi roha.” (Jak. 5:11) Hata ni Debata do na dipakke si Jakobus. Dipakke ibana do contoh ni si Job lao mangajari akka halak taringot songon dia Jahowa mamasu-masu akka naposona na setia. Jadi dang dipakke si Jakobus hata na maol, alai sederhana do cara ni ibana patorakkon. Ala songon i dibahen ibana, gabe tu Jahowa ma fokus ni akka halak, dang tu si Jakobus.

10. Aha do na boi taparsiajari sian cara ni si Jakobus mangajari?

¹⁰ Parsiajaranna: Ikkon sederhana do caratta mangajari, jala tapakke ma Hata ni Debata. Alana tujuanta dang na lao patuduhon na malo hita, alai asa ditanda akka halak do Jahowa jala boi dirasahon nasida na parduli do Jahowa tu nasida. (Rom 11:33) Alani i, tapakke ma Bibel tikki mangajari. Misalna tikki adong masalah ni parsiajar Bibelta, unang ma pittor tadokkon, ‘Molo au di posisim, songon on do hubahen.’ Alai taurupi ma ibana mamparsiajari contoh ni Bibel, asa diboto ibana aha do na dipangido Jahowa sian ibana. Molo taulahon i, gabe tarlatik ma ibana lao mangulahon lomo ni roha ni Jahowa, dang lomo ni rohatta.

11. Aha do na disadari si Jakobus taringot halak Kristen di tikki i, jala sipasingot aha do na dilehon tu nasida? (Jakobus 5:13-15)

¹¹ Diboto si Jakobus do keterbatasan ni halak na asing, jala dang menyerah ibana mangurupi nasida. Sian surat ni si Jakobus boi ma tarida adong do piga-piga halak Kristen na ikkon berjuang mangatasi hahurangan ni nasida be. Alani i dipasingot si Jakobus do nasida. Misalna adong do sian halak Kristen i na maol mangihutton petunjuk sian Jahowa. (Jak. 1:22) Na asing muse, nasida burju holan tu na mora. (Jak. 2:1-3) Adong muse na so boi mangarajai dila ni nasida. (Jak. 3:8-10) Sasittongna masalah na serius do i, alai dang menyerah si Jakobus mangurupi nasida. Lambok do ibana pasingotton halak Kristen i, alai tegas do tong ibana. Jala dijujui ibana do nasida asa mangido bantuan sian akka sintua.—Jaha Jakobus 5:13-15.

12. Aha do na ikkon taingot asa unang menyerah hita mangurupi parsiajar Bibelta?

¹² Parsiajaranna: Unang ma menyerah hita tikki mangurupi parsiajar Bibelta. Godang do parsiajar Bibel na maol mangihutton prinsip ni Bibel. (Jak. 4:1-4) Porlu do tikki di nasida lao paubahon akka sifat ni nasida na hurang denggan. Songon si Jakobus, ikkon barani do hita paboahon tu nasida aha do na ikkon dipadenggan nasida. Asing ni i, ikkon marpikkiran positif do hita. Pos ma rohatta pasti sanggup do Jahowa mangurupi nasida muba asa boi gabe naposona.—Jak. 4:10.

13. Sesuai tu Jakobus 3:2, songon dia do si Jakobus patuduhon dang untimbo ibana sian na asing?

¹³ Dang hea si Jakobus merasa dirina untimbo sian na asing. Si Jakobus dang merasa lebih istimewa sian akka dongan na asing ala ibana adek ni Jesus manang ala adong tugasna na istimewa di huria. Tarida ma i sian suratna. Jotjot do didokkon ibana “akka  dongan na huhaholongi”. (Jak. 1:16, 19; 2:5) Asing ni i hea do tong disurat ibana tu halak Kristen, “Sude do hita jotjot sala.” Tikki didokkon si Jakobus songon i, ibana naeng patuduhon sarupa do ibana songon akka dongan na asing, jolma na so sempurna.—Jaha Jakobus 3:2.

14. Boasa ikkon olo hita mangakkui hahurangatta?

¹⁴ Parsiajaranna: Taingot ma sude do hita mardosa. Unang ma merasa untimbo hita sian halak na tastudihon. Jujur ma hita paboahon tu nasida, hita pe adong do hahurangatta jala memang dang sai mura mangulahon prinsip ni Bibel. Molo tapaboa i, gabe diattusi parsiajar Bibelta ma ibana pe boi do mangoloi Jahowa. Sebalikna molo dang tapaboa i, dirippu ibana ma hita jolma na sempurna. Olo ma gabe metmet rohana, ala dipikkir ibana dang mungkin sanggup ibana mangoloi Jahowa.

15. Ilustrasi na songon dia do na dipakke si Jakobus? (Jakobus 3:2-6, 10-12)

¹⁵ Jotjot do si Jakobus mamakke ilustrasi na mura diattusi. Di surat ni si Jakobus tu halak Kristen, sering do ibana mamakke ilustrasi na sederhana jala mura diattusi parsiajaranna. Boi pe diulahon si Jakobus i, pasti ala diurupi tondi parbadia do ibana. Alai kemungkinan besar, ibana pe marsiajar sian abangna, Jesus. Alana Jesus pe sering do mamakke ilustrasi tikki mangajari.—Jaha Jakobus 3:2-6, 10-12.

16. Aha do manfaatna molo tapakke ilustrasi na mura diattusi?

¹⁶ Parsiajaranna: Tapakke ma ilustrasi na mura diattusi. Molo tapakke ilustrasi na pas tikki mangajari, gabe mura ma parsiajar Bibelta mambayakkon songon dia cara mangulahon na diparsiajarina i. Hasilna gabe mura ma ibana mandalatton akka prinsip na adong di Bibel. Songon Jesus na terampil mamakke ilustrasi, si Jakobus songon i do tong. Saonari tabahas ma sada ilustrasi na hea dipakke si Jakobus, jala tabahas ma boasa massai denggan ilustrasina i.

17. Boasa massai denggan ilustrasi na dipakke si Jakobus na disurat di Jakobus 1:22-25?

¹⁷ Jaha Jakobus 1:22-25. Saonari tabahas ma jo sada ilustrasi na hea dipakke si Jakobus, i ma taringot halak na markaca. Massai denggan do ilustrasina i, ala pittor mura do diattusi parsiajaranna. Jala tikki didokkon  ibana halak na markaca, pittor mura do dibayakkon ilustrasina i. Aha do parsiajaranna sian ilustrasi i? Molo adong halak na markaca jala diida ibana adong na porlu dipadenggan alai dang dipadenggan ibana, halak na oto do i. Dos songon i ma halak na manjaha Bibel, jala mamboto adong do na porlu dipadenggan ibana sian dirina alai dang olo ibana padenggatton i, halak na oto do i.

18. Songon dia do cara na denggan mamakke ilustrasi?

¹⁸ Tatiru ma cara ni si Jakobus tikki mambahen ilustrasi: (1) Tapastihon ma ilustrasi na tapakke i, berhubungan tu topik na tabahas. (2) Tapakke ma ilustrasi na mura dibayakkon halak na mambege. (3) Tapaboa ma penerapanna. Molo tahilala dang malo hita mamakke ilustrasi tikki mangajari, boi do hita marsiajar sian Indeks Publikasi Menara Pengawal di bawah judul “Perumpamaan”. Godang do disi contoh ilustrasi na boi tapakke. Taingot ma ilustrasi i dos songon mik, na boi mambahen lam gogo soaratta. Jadi ilustrasi boi mambahen gabe lam takkas parsiajaran na tapaboa. Alai unang ma pagodangku tapakke ilustrasi tikki mangajari, alana i boi mambahen gabe bingung halak. Tapakke ma ilustrasi tikki naeng patakkasson pokok utama. Jadi tujuanta mamakke ilustrasi, dang asa malo hita diida halak. Alai asa boi taurupi akka halak gabe keluarga ni Jahowa.

19. Songon dia do carana patuduhon na holong rohatta tu akka dongan?

¹⁹ Memang si Jakobus adong abangna na sempurna na gabe teladan di ibana. Alai hita pe, adong do akka donganta na dos songon kakak dohot abangta. Molo holong rohatta tu nasida, bergaul ma hita dohot nasida, marsiajar sian nasida, jala rap kerja sama ma hita dohot nasida di ulaon marbarita na uli. Molo berupaya hita maniru si Jakobus, akka sifatna, dohot carana mangajari, gabe boi ma tapasangap Jahowa jala boi ma taurupi godang halak gabe naposona.