1. Ulaon aha do na dihalomohon Jahowa asa taulahon saonari? 

 LOMO do roha ni Jahowa asa dibaritahon barita na uli taringot tu Harajaon di liat portibi on. (Mrk. 13:10; 1 Tim. 2:3, 4) Massai penting do ulaon i di Jahowa. Alani i, dipillit Jahowa do Jesus Kristus Anak haholonganna i mangarahon hita mangulahon i. Ala Jesus do pengawasta, pos do rohatta pasti sae do ulaon marbarita na uli i sebelum ro ujungna songon na dihalomohon Jahowa.​—Mat. 24:14.

2. Aha do na lao tabahas di artikel on?

² Di artikel on lao taida ma songon dia Jesus mangurupi “naposo haposan” lao mangalean petunjuk sian Bibel tu hita, jala mangarahon ulaon marbarita na uli. (Mat. 24:45) Dung i taida ma muse aha na boi taulahon lao mendukung Jesus dohot naposo haposan.

3. Huaso aha do na dilean tu Jesus? 

³ Jesus do na mangarahon ulaon marbarita na uli. Sian dia taboto? Dang leleng sebelum nakkok ibana tu surgo, pajuppang do Jesus dohot akka siseanna di sada dolok di Galilea. Didok Jesus do tu nasida, “Nungnga dipasahat tu au saluhut huaso na di banua ginjang dohot na di tano on.” Dung i didok ibana ma muse, “Lao ma hamu, bahen hamu ma saluhut halak sian nasa bangso gabe siseanku.” (Mat. 28:18, 19) Jadi Jesus do na mangarahon ulaon marbarita na uli, ala tu ibana do dilean huaso i.

4. Boasa boi pos rohatta diarahon Jesus dope ulaon marbarita na uli sahat tu sadari on?

⁴ Didok Jesus, ikkon dibaritahon do barita na uli i tu “saluhut halak sian nasa bangso” asa gabe siseanna nasida.  Jala didok Jesus do muse, “Sai na donganakku do hamu sahat tu panutup ni jaman on.” (Mat. 28:20) Hata ni Jesus on patuduhon, torus do diarahon ibana ulaon marbarita na uli i sahat tu sadari on.

5. Songon dia do hita boi dohot menggenapi surirang di Psalmen 110:3?

⁵ Ulaon na balga do pasahatton barita na uli i tu saluhut portibi on, alai pos do roha ni Jesus toktong do adong na mangulahon i sahat tu panutup ni jaman on. Alana diboto ibana do na ikkon digenapi surirang di bukku Psalmen na mandok, “Tikki ditogihon ho tentaram marporang rade do rakyatmu mangurupi.” (Ps. 110:3) Molo dohot hamu marbarita na uli, berarti dohot do hamu menggenapi surirang i. Jala on patuduhon didukung hamu do Jesus dohot naposo haposan. Sahat tu saonari torus dope hita marbarita na uli, alai adong do tantanganna. Aha ma i?

6. Tantangan aha do na diadopi akka parbarita na uli saonari? 

⁶ Tantangan na parjolo, godang do halak na menentang ulaon marbarita. Adong akka halak na murtad, pamimpin agama, dohot parpolitik na paroa-roahon hita. Jala olo do ra keluargatta, donganta sakarejo, dohot halak na asing na tatanda porsea tu gabus ni nasida i. Akibatna, gabe diorai ma hita manomba Jahowa dohot marbarita na uli. Di piga-piga negara adong do akka donganta na diancam, diserang, ditakkup, bahkan dipenjarahon. Dang heran hita disi! Alana nungnga didok Jesus hian, “Sogo ma roha ni sude jolma mangida hamu alani goarhu.” (Mat. 24:9) Nang pe ditentang hita, las ma rohatta ala nungnga taulahon lomo ni roha ni Jahowa. (Mat. 5:11, 12) Sibolis do na mempengaruhi akka halak asa menentang hita. Alai taingot ma, dao do umgogo Jesus sian Sibolis. Pos ma rohatta molo didukung Jesus hita, pasti sahat do barita na uli i tu saluhut bangso. Taida ma akka buktina.

7. Aha do buktina nungnga digenapi isi ni Pangungkapon 14:6, 7?

⁷ Adong dope tantangan na asing na taadopi. Ikkon dibaritahon do barita na uli on tu godang bahasa. Alai songon parnidaan na dilehon Jesus tu Apostel Johannes, boi do diatasi tantangan on. (Jaha Pangungkapon 14:6, 7.) Aha buktina? Nungnga dibahen situs webta jw.org tu lobi sian 1.000 bahasa. Disi boi ma akka halak manjaha godang publikasi na marisi barita na uli taringot tu Harajaon i. Jala bukku Mangolu Saleleng ni Lelengna pe nungnga diterjemahon tu lobi sian 700 bahasa. Bukku on do tapakke saonari lao mangurupi akka halak marsiajar Bibel. Asing ni i, dibahen organisasi dope publikasi dalam bentuk video bahasa isyarat tu akka tunarungu dohot publikasi mamakke huruf Braille tu akka tunanetra. Sudena on patuduhon nungnga digenapi be surirang na mandok, ro do akka halak sian “akka bangso” lao marsiajar “bahasa na murni”, i ma hasittongan na sian Bibel. (Sak. 8:23; Sep. 3:9) Boi pe taulahon sudena on, pasti ala Jesus do na mangarahon ulaon marbarita na uli i. 

8. Aha do hasilna ala torus hita marbarita na uli?

⁸ Saonari adong do lobi sian ualu juta halak di 240 negeri na margabung tu organisasi ni Jahowa. Jala setiap taon, adong do lobi sian 100.000 halak na tardidi. Las do rohatta alani pertambahan i. Alai na paling penting, dipatudu akka na baru tardidi i do “pangalaho na imbaru”. (Kol. 3:8-10) Dang diulahon nasida be seks na so patut, kekerasan, jala dang olo be nasida mambeda-bedahon halak. Berupaya do muse nasida netral di politik. Gabe  tergenap ma surirang di Jesaya 2:4 na mandok, “Dang marsiajar marporang be nasida.” Molo torus hita berupaya patuduhon “pangalaho na imbaru” gabe tertarik ma halak mananda Jahowa, jala takkas ma tarida na torus taihutton arahan ni Jesus Kristus pamimpinta i. (Joh. 13:35; 1 Ptr. 2:12) Boi pe sudena on taulahon ala sai diurupi Jesus do hita.

9. Songon dia do surirang di Mateus 24:45-47 digenapi saleleng ari parpudi?

⁹ Jaha Mateus 24:45-47. Nungnga dipaboa Jesus hian, saleleng ari parpudi dipillit ibana do “naposo haposan jala na marbisuk” lao mangalehon petunjuk sian Bibel tu akka siseanna. Jala songon i do na masa! Dipillit Jesus do sada punguan ni akka bawa na dimiahi tondi parbadia. Bekerja keras do nasida mangalehon petunjuk na pas “di tikkina” tu hita naposo ni Debata dohot tu akka parsiajar Bibel. Nang pe songon i, dang hea dianggap nasida dirina songon tuan na mangarajai haporseaon ni akka donganna. (2 Kor. 1:24) Sebalikna nasida mangakkui Jesus Kristus do ‘pamimpin dohot komandan’ ni akka siseanna.​—Jes. 55:4.

10. Bukku na dia do na dipakke hamu tikki marsiajar Bibel? (Ida gambar.) 

¹⁰ Mulai sian taon 1919, nungnga diparade naposo haposan godang bukku lao mangurupi akka halak marsiajar Bibel. Contohna taon 1921, diparade naposo haposan do bukku The Harp of God, lao mangurupi akka halak na berminat mamboto ajaran dasar ni Bibel. Dung i, dibahen ma muse akka bukku na asing. Bukku na dia do na dipakke hamu tikki marsiajar Bibel? Bukku “Karena Allah Itu Benar Adanya” do, manang Kebenaran yang Membimbing kepada Hidup yang Kekal, Saudara Dapat Hidup Kekal dalam Firdaus di Bumi, Pengetahuan  yang Membimbing kepada Kehidupan Abadi, Apa yang Sebenarnya Alkitab Ajarkan?, Aha do na Diajarhon Bibel tu Hita? manang bukku na terbaru Mangolu Saleleng ni Lelengna? Dirancang do sude bukku on lao mangurupi hita mambahen sisean. Jala diparade sesuai tu kebutuhan ni akka halak di jamanna.

11. Boasa porlu hita sude mandapot parbinotoan na bagas taringot Jahowa?

¹¹ Dang holan akka parsiajar Bibel na porlu mandapot parbinotoan na bagas taringot Jahowa. Sude do hita porlu mandapot i. Didok Apostel Paulus, “Sipanganon na karas, sipanganon ni halak na magodang do i.” Didok ibana muse, molo taulahon akka naung taparsiajari sian Bibel gabe boi ma taboto dia “na sittong dohot na sala”. (Heb. 5:14) Memang maol do mangihutton standar moral ni Jahowa. Alana godang do halak saonari na so hasea pangalahona. Alai, akka naung taparsiajari i boi do mangurupi hita mampartahatton haporseaotta tu Jahowa. Alana sian Bibel do sude parsiajaran i, jala nungnga diparade naposo haposan i mangihutton arahan ni Jesus.

12. Songon dia do hita maniru Jesus na pasangappon goar ni Debata?

¹² Songon Jesus, tapasangap do goar ni Jahowa. (Joh. 17:6, 26) Contohna di taon 1931 mulai do tapakke goar Saksi Jahowa. On patuduhon, massai penting do goar ni Debata di hita. Jala las do rohatta ditanda mamakke goar i. (Jes. 43:10-12) Dung i mulai sian bulan Oktober di taon i, tabahen do goar ni Jahowa di sampul ni majalah Joujou Paboahon. Asing ni i, di Bibel Terjemahan Tano na Imbaru tabahen do goar ni Debata di akka ayat na pas sesuai tu teks aslina. Beda hian do na taulahon on dohot na diulahon akka gareja. Dihapus nasida do goar ni Debata di akka terjemahan Bibel ni nasida.

13. Boasa boi pos rohamuna Jesus do na mangarahon “naposo haposan jala na marbisuk” saonari? (Johannes 6:68)

¹³ Marhite “naposo haposan jala na marbisuk”, diarahon Jesus do organisasi ni Jahowa di tano on lao mangulahon ibadat na sittong. Boha do perasaanmuna bergabung tu organisasi i? Olo do ra sarupa perasaanmuna songon Apostel Petrus na mandok tu Jesus, “Ale Tuan, tung tu ise ma hami lao? Akka hata na niajarhonmi do na parohon hangoluan na saleleng ni lelengna.” (Joh. 6:68) Bayakkon ma boha do parngoluotta molo dang bergabung tu organisasi ni Jahowa. Pasti susa do hita. Marhite organisasi ni Jahowa do Jesus mangurupi hita asa toktong setia tu Debata, mangalatik hita asa lam terampil marbarita na uli, jala mangurupi hita mamakke “pangalaho na imbaru” asa boi mambahen las roha ni Jahowa.​—Eps. 4:24.

14. Manfaat aha do na dihilala hamu ala mangihutton petunjuk ni organisasi saleleng pandemi COVID-19?

¹⁴ Dilehon Jesus do muse tu hita akka petunjuk na denggan tikki masa hasusaan. Contohna saleleng masa pandemi COVID-19 on, godang do halak di portibi on na so mamboto aha na ikkon diulahon. Alai marhite organisasi, dilehon Jesus do tu hita petunjuk asa boi toktong aman. Misalna, dipaingot do hita asa mamakke masker tikki kaluar sian jabu jala asa manjaga jarak. Akka sintua pe dipaingot do asa torus berkomunikasi dohot sude dongan di huria. Diurupi nasida do akka dongan asa torus manjaga protokol kesehatan, jala asa toktong mampartahatton haporseaon. (Jes. 32:1, 2) Asing ni i, dipatogu organisasi do hita marhite Laporan na Terbaru sian Punguan na Mangaradoti.  Sian laporan i, boi ma tadapot akka petunjuk na tahaporluhon.

15. Petunjuk aha do na dilehon organisasi taringot parpunguan dohot ulaon marbarita saleleng pandemi, jala aha do hasilna?

¹⁵ Saleleng pandemi on pe, dilehon organisasi do petunjuk na jelas taringot songon dia hita marpungu dohot marbarita. Pittor taihutton do petunjuk i. Tabahen do parpunguan ganup minggu, parpunguan wilayah, dohot parpunguan regional mamakke video konferensi. Asing ni i, marbarita do hita sian telepon dohot surat. Dipasu-pasu Jahowa do upayatta. Godang do kantor cabang na melaporhon, tamba do jumlah ni penyiar di cabang ni nasida. Jala godang do pengalaman na menarik di ulaon marbarita saleleng pandemi on.​—Ida kotak “ Dipasu-pasu Jahowa do Ulaonta Marbarita”.

16. Aha do manfaatna molo tarimangi alasan ni Jesus mangalehon petunjuk tu hita?

¹⁶ Olo do ra adong na makkilala pakakuhu do petunjuk ni organisasi taringot pandemi on. Alai boi do tarasahon na bermanfaat akka petunjuk i. (Mat. 11:19) Taingot ma dilehon Jesus pe akka petunjuk i alani holongna do tu hita. Molo sai tarimangi on, gabe pos ma rohatta manang aha pe na masa haduan di ngolutta, pasti donganan ni Jahowa dohot Jesus do hita.​—Jaha Heber 13:5, 6.

17. Songon dia do perasaanmuna tu Jesus pamimpinta i?

¹⁷ Ala taihutton arahan ni Jesus, dapotta ma godang pasu-pasu. Gabe boi do hita marsada dohot akka dongan di organisasi ni Jahowa nang pe berbeda budaya, bangso, dohot bahasatta. Dapotta do muse godang petunjuk sian Bibel. Dilatik do hita di ulaon marbarita. Asing ni i, diurupi do hita asa torus marsihaholongan jala patuduhon pangalaho na imbaru. Alani akka hasil na denggan i, pasti bangga do hita tu Jesus pamimpinta i!