1. Boasa adong naposo ni Jahowa na merasa kesepian?

PASTI hea do hita sude kesepian ala merasa hita dang adong donganta. Adong do na pittor boi mangatasi i, alai adong do na leleng sai songon i perasaanna. Adong do na merasa kesepian hape godang do halak di sekitarna. Na asing merasa kesepian tikki baru bergabung tu sada huria. Molo na asing, kesepian ala dao sian keluargana. Adong do muse na kesepian ala mate halak na dihaholongi ibana. Akka donganta na asing, kesepian do ala holan sahalakna Saksi Jahowa di keluargana, jala ditentang keluargana dohot akka donganna do ibana.

2. Sukkun-sukkun aha do na lao tabahas di artikel on?

² Diboto Jahowa do sude taringot hita. Molo merasa kesepian hita, diboto Ibana do i. Lomo do rohana mangurupi hita asa unang sai songon i perasaanta. Boha do dibahen Jahowa mangurupi hita? Aha do na ikkon taulahon lao mangatasi perasaan sisongon i? Jala aha do na boi taulahon lao patoguhon akka donganta na merasa kesepian? Taalusi ma akka sukkun-sukkun i di artikel on.

3. Songon dia do Jahowa patuduhon na parduli Ibana tu si Elia?

³ Lomo do roha ni Jahowa asa sude naposona marlas ni roha. Jonok do Ibana tu hita sude secara pribadi. Jala diparrohahon Ibana do hita tikki lungun rohatta. (Ps. 145:18, 19)  Saonari tabereng ma jo songon dia Jahowa mangurupi Panurirang Elia. Tikki i, susa hian do situasi di Israel. Akka pamimpin dang manomba Jahowa be. Dianiaya halak i do akka halak na manomba Jahowa. Jala naeng dipamate nasida do Panurirang Elia. (1 Raj. 19:1, 2) Alani i, gabe merasa ma si Elia holan sahalakna nama na manomba Jahowa. (1 Raj. 19:10) Alai hatop do diurupi Jahowa si Elia. Diutus ma suru-suruan patoguhon si Elia. Dipaboa ma, dang holan sahalakna na manomba Jahowa, alai godang nai dope halak Israel na setia tu Debata!​—1 Raj. 19:5, 18.

4. Molo holan sahalakta do Saksi Jahowa di keluargatta, songon dia do Markus 10:29, 30 patoguhon hita?

⁴ Pasti diboto Jahowa do akka pengorbananta tikki tapillit manomba Ibana. Termasuk ma i maninggalhon keluarga dohot dongan na so sisomba Jahowa. Apostel Petrus pe, hea do mambahen pengorbanan sisongon i. Alani i do ra didok ibana tu Jesus, “Nungnga hutadikkon hami sude lao mangihutton ho, attong aha ma upa na lao jaloonnami?” (Mat. 19:27) Dipapos Jesus ma roha ni akka siseanna i dapot ni nasida do keluarga di huria, i ma akka dongan sahaporseaon. (Jaha Markus 10:29, 30.) Jala Jahowa pe, Bapakta na di surgo i, marjanji do Ibana na so tinggalhononna akka naposona. (Ps. 9:10) Saonari tabahas ma songon dia Jahowa patoguhon hita tikki merasa kesepian hita.

5. Aha do manfaatna molo sai taingot songon dia Jahowa mangurupi hita?

⁵ Taingot ma songon dia Jahowa mangurupi hita saleleng on. (Ps. 55:22) Molo sai taingot i, gabe dang kesepian be hita. Donganta si Karolina mandok, * “Molo sai huingot songon dia Jahowa mangurupi au asa boi martahan nang pe godang hasusaakku, gabe pos ma rohakku dang sahalakku hape. Jala gabe pos ma rohakku, sai donganan ni Jahowa do au manang aha pe na masa.”

6. Songon dia do 1 Petrus 5:9, 10 patoguhon akka dongan na sahalakna Saksi Jahowa di keluargana?

⁶ Taparrohahon ma songon dia Jahowa mangurupi dongan na asing. (Jaha 1 Petrus 5:9, 10.) Donganta si Hendri na sahalakna Saksi  Jahowa di keluargana mandok, “Sasittongna, sude do donganta di huria manaon hasusaanna be. Alai sude do hita berupaya mangalehon na undenggan tu Jahowa. Molo sai taingot i, dipatogu ma hita nang pe holan sahalakta Saksi Jahowa di keluargatta.”

7. Songon dia do tangiang mangurupi hamu tikki merasa kesepian?

⁷ Taratur ma hita martangiang, manjaha Bibel, dohot marpungu. Tikki martangiang, tapaboa ma sude na di rohatta tu Jahowa. (1 Ptr. 5:7) Donganta si Maria, merasa kesepian do ala holan sahalakna na manomba Jahowa di keluargana. Didok ibana, “Tikki martangiang, hupaboa do sude perasaakku tu Jahowa. On ma na mangurupi au asa unang torus merasa kesepian. Di bagasan sadari, jotjot do au martangiang paboahon sude na di rohakku, ala Bapakku do Jahowa i.”

8. Songon dia do manjaha dohot mangarimangi isi ni Bibel mangurupi hamu tikki merasa kesepian?

⁸ Taratur ma hita manjaha dohot mangarimangi isi ni Bibel, asa boi taida na holong do roha ni Jahowa tu hita. Tabereng ma jo pengalaman ni donganta si Bintang. Jotjot do ibana direhei keluargana. Didok ibana, “Massai dipatogu do rohakku tikki manjaha jala mangarimangi isi ni Bibel. Dipatogu do au tikki manjaha pengalaman ni naposo ni Jahowa na sarupa hasusaanna songon au.” Molo akka dongan na asing, dihapal do ayat ni Bibel na patoguhon nasida. Misalna Psalmen 27:10 dohot Jesaya 41:10. Adong do muse na mambege rekaman audio tikki manjaha Bibel manang tikki mampersiappon bahan tu parpunguan. Didok nasida, on boi mangurupi halak i mangatasi perasaan kesepian.

9. Songon dia do parpunguan mangurupi hamu tikki merasa kesepian?

⁹ Berupaya ma hita asa taratur ro marpungu. Akka acara na di parpunguan i, boi do patoguhon hita. Jala tikki marpungu do hita lam takkas mananda akka dongan. (Heb. 10:24, 25) Donganta si Maria naung dipaboa nakkin mandok, “Nang pe parila au, alai berupaya do au asa torus ro marpungu dohot mangalean komentar. On ma na mangurupi au lam jonok tu akka dongan di huria.”

10. Boasa porlu marale-ale hita tu akka dongan na gabe teladan di huria?

¹⁰ Marale-ale ma hita tu akka dongan na gabe teladan di huria. Mardongan ma hita tu akka dongan na gabe teladan, dang soal sadia umurna manang songon dia latar belakangna. Memang Bibel mandok, “Adong do bisuk di akka na godang umurna.” (Job 12:12) Alai akka dongan na matua pe, boi do marsiajar sian akka dongan na poso. Contohna si Jonatan dohot si Daud. Dao do upposo si Daud sian si Jonatan, alai marale-ale do nasida. (1 Sam. 18:1)  Tikki godang masalah ni nasida, masiurupan do halak i na dua asa toktong setia tu Jahowa. (1 Sam. 23:16-18) Si Irma, na holan sahalakna Saksi Jahowa di keluargana mandok, “Akka dongan di huria do na gabe natua-tuatta, kakakta, adekta, dohot ibototta. Nasida do dipakke Jahowa lao mangurupi hita.”

11. Songon dia do carana asa adong ale-aletta di huria?

¹¹ Ikkon berupaya do hita marale-ale tu akka dongan di huria. Alai dang sai mura mangulahon i molo parila do hita halakna. Si Ratna parila do ibana. Godang do tantangan na diadopi ibana sian keluargana tikki marsiajar Bibel. Didok si Ratna, “Husadari do na porlu au diurupi akka dongan di huria.” Memang dang sai mura paboahon perasaanta tu akka dongan. Alai molo olo hita paboahon i, gabe adong ma ale-aletta di huria. Pos ma rohatta, las do roha ni akka dongan mangurupi hita. Alai dang boi nasida mangurupi hita molo dang tapaboa songon dia perasaanta.

12. Aha dope cara na asing asa boi hita marale-ale dohot dongan di huria?

¹² Asa boi hita marale-ale tu akka dongan na gabe teladan di huria, rap marbarita na uli ma hita dohot nasida. Si Karolina naung dipaboa nakkin mandok, “Gabe godang do donganku di huria ala jotjot au marbarita na uli jala mangulahon na asing rap dohot nasida. Dipakke Jahowa do akka donganta on mangurupi au.” Godang do pasu-pasu na dapotta molo berupaya hita marale-ale dohot akka dongan di huria. Alana akka donganta on do na dipakke Jahowa patoguhon hita tikki merasa kesepian.​—Poda 17:17.

13. Aha do na ikkon tapatudu tu sude dongan na di huria?

¹³ Sude hita na di huria ikkon patuduhon holong do, asa unang adong donganta na merasa dang bagian sian huria. (Joh. 13:35) Tapatogu ma ibana marhite pakkataion dohot parniulaon. Taparrohahon ma jo hata ni sahalak donganta borua. Didok ibana, “Mulai sian na marsiajar Bibel au, akka dongan na di huria do gabe keluargakku. Alani nasida do makana boi au tardidi.” Jadi, adong do na boi taulahon lao mangurupi akka dongan na holan sahalakna Saksi Jahowa di keluargana, asa boi dihilala ibana keluargana do sude na di huria. Aha ma i?

14. Aha do na porlu taulahon asa boi hita marale-ale tu akka dongan na baru bergabung di huriatta?

¹⁴ Hita ma na parjolo manjonoki nasida. Tasambut ma akka dongan na baru bergabung tu huriatta. (Rom 15:7) Ramah ma hita tu nasida. Alai dang holan i, talean ma tikkitta makkata-hatai dohot nasida. Tapatudu ma na parduli hita tu nasida. Alai taingot ma, molo naeng tasukkun taringot halak i, unang ma tabahen sukkun-sukkun na mambahen nasida maila. Bisa jadi, adong do donganta na so pola olo paboahon perasaanna. Alani i, unang ma tapaksa nasida mangalusi akka sukkun-sukkunta. Manat ma hita tikki manukkun jala sabar ma hita manangihon alus ni nasida. Misalna, boi do tasukkun songon dia nasida mananda hasittongan.

15. Aha do na porlu diulahon akka sintua lao patoguhon akka dongan di huria?

¹⁵ Boi do lam togu haporseaon ni akka dongan na di huria molo tapatudu na parduli hita tu halak i. Terutama molo akka sintua na patuduhon i. Donganta si Melisa na so Saksi Jahowa bapakna mandok, “Adong do akka donganta bawa na gabe songon bapa di au. Mandok mauliate do au tu nasida ala parduli jala diparade nasida do tikki makkata-hatai dohot au.” Molo si Mario na hea merasa kesepian ala dipecat guru studina mandok,  “Dipardulihon akka sintua do au jala diurupi halak i do au. Jotjot do hami makkata-hatai dohot marbarita na uli. Molo adong dapot nasida akka parsiajaran na denggan tikki belajar pribadi, dibagihon do i tu au. Jala olo do halak i manogihon au rap marbola.” Saonari, nungnga gabe pelayan sepenuh waktu be si Melisa dohot si Mario.

16-17. Aha dope na boi taulahon mangurupi akka dongan na merasa kesepian?

¹⁶ Taurupi ma nasida. (Gal. 6:10) Donganta si Leo, sahalak missionaris na melayani di inganan na dao sian keluargana mandok, “Jotjotan na dihaporluhon akka donganta, i ma bantuan sederhana di tikki na pas. Hea do au kecelakaan tikki mamboan mobil. Marsak hian ma au tikki sahat di jabu. Alai adong ma sapasang suami istri na mangundang au tu jabu ni nasida asa rap mangan hami. Dang huingot aha na huallang hami, alai na huingot burju hian do halak i manangihon au. Gabe lubbang ma huhilala!”

¹⁷ Pasti las do rohatta boi makkata-hatai dohot akka dongan di kebaktian. Boi ma tahatai taringot tu acara kebaktian i. Alai dang sai sude donganta merasa songon i. Boasa? Si Karolina naung dipaboa nakkin mandok, “Jotjot do au merasa kesepian di kebaktian nang pe marratus manang marribu donganta disi. Alana halak i seringan dohot keluargana do, hape au holan sahalakku. Jadi, gabe merasa kesepian ma au.” Donganta na asing merasa kesepian do di kebaktian ala baru mabalu ibana. Adong do ditanda hamu donganta na songon i situasina? Molo adong, ajak hamu ma ibana rap hundul dohot keluargamuna.

18. Aha do na porlu taulahon sesuai tu 2 Korint 6:11-13?

¹⁸ Taparade ma tikki asa boi rap dohot nasida. Nang pe nungnga akrab hita tu piga-piga donganta na di huria, alai unang ma pittor merasa puas hita. Tacoba ma muse marale-ale tu na asing, tarlumobi tu akka dongan na merasa kesepian. ‘Tahaholongi ma nasida.’ (Jaha 2 Korint 6:11-13.) Si Melisa naung dipaboa nakkin mandok, “Las hian do roha molo adong dongan na mangundang iba tu jabuna manang manogihon iba rap mardalani dohot keluargana.” Adong do di huriamuna na songon si Melisa on? Boi do diparade hamu tikkimuna asa rap dohot ibana?

19. Sadihari do massai porlu taparade tikki tu akka donganta?

 ¹⁹ Adong do tikkina lam borat dihilala akka donganta. Misalna akka dongan na so Saksi Jahowa keluargana, olo do gabe merasa kesepian tikki keluargana i mangarayahon akka perayaan na so sesuai tu Bibel. Donganta na asing, lam borat do dihilala di tanggal parmate ni halak na dihaholongi nasida. Jadi, molo olo hita mandongani nasida di tikki sisongon i, pasti las hian do roha ni halak i. Molo tabahen songon i, berarti na sian ias ni roha do hita “mamparrohahon” nasida.​—Plp. 2:20.

20. Songon dia do hata ni Jesus na disurat di Mateus 12:48-50 mangurupi hita asa unang merasa kesepian?

²⁰ Godang do na mambahen halak Kristen merasa kesepian. Alai taingot ma, diboto Jahowa do perasaanta i. Diurupi do hita marhite dongan sahaporseaon. (Jaha Mateus 12:48-50.) Jadi sai taargai ma sude na binahen ni Jahowa i. Alani i rade ma hita mangurupi na asing. Dang soal songon dia na tahilala, sai didongani Jahowa do hita!