1. Aha do na dipaboa si Salomo di Parjamita 7:20?

 RAJA Salomo mandok, “Dang adong nanggo sahalak pe jolma di tano on na sai torus mangulahon na sittong, jala dang adong na so hea mangulahon dosa.” (Pjm. 7:20) Tutu do na didok ni si Salomo on, sude do hita mardosa. (1 Joh. 1:8) Jadi sude do hita porlu diampuni Jahowa dohot diampuni halak na asing.

2. Boha do perasaanmuna tikki diampuni donganmuna hamu?

² Pasti hea do hamu mambahen haccit roha ni donganmuna. Alai minta maaf ma hamu tu ibana, ala lomo rohamuna mardongan muse tu ibana. Boha do perasaanmuna ala olo ibana memaappon hamu? Pasti las do rohamuna!

3. Aha do na lao tabahas di artikel on?

³ Lomo do rohatta gabe dongan akrab ni Jahowa. Alai olo do sipata tabahen Ibana kecewa. Alani i, di artikel on tabahas ma: Boasa boi pos rohatta na olo do Jahowa mengampuni hita? Aha do na mambahen berbeda cara ni Jahowa mengampuni tu cara ni jolma mengampuni? Jala, halak na songon dia do na diampuni Jahowa?

4. Boasa boi pos rohatta na olo Jahowa mengampuni hasalaatta?

⁴ Dipaboa do di Bibel na rade do Jahowa mengampuni hita. Hea do makkatai Jahowa tu si Musa marhite sada suru-suruan di Dolok Sinai. Didok Ibana, “Au do Jahowa, Debata na burju jala parasi roha. Au do Jahowa na lambat tarrimas, jala gok holong ni roha dohot hasittongan. Hupatudu  do holong ni roha tu marribu halak. Jala husesa do hasalaan ni halak, hajahatonna, dohot dosana.” (2 Mus. 34:6, 7) Burju do Jahowa, jala asi do rohana tu sude halak na botul-botul bertobat.​—Neh. 9:17; Ps. 86:15.

5. Ala takkas do ditanda Jahowa hita songon na dipaboa di Psalmen 103:13, 14, songon dia ma perasaanna mangida hita?

⁵ Jahowa do na manoppa hita. Jadi takkas do ditanda Ibana hita. Pikkirhon ma, ditanda Ibana do ganup halak na adong di tano on jala diboto Ibana do sude taringot nasida. (Ps. 139:15-17) Alani i pasti diboto Ibana do dang sempurna hita sude mulai sian na tubu. Takkas do diboto Ibana songon dia latar belakangta jala aha na hea masa di ngolutta. Ala diboto Jahowa do sudena i, songon dia ma perasaanna mangida hita? Gabe asi do rohana tu hita.​—Ps. 78:39; jaha Psalmen 103:13, 14.

6. Songon dia do Jahowa patuduhon na rade Ibana mengampuni hita?

⁶ Dipatudu Jahowa do na rade Ibana mengampuni hita. Diattusi Ibana do alani tindakan ni si Adam do umbahen na mardosa jala mate hita sude. (Rom 5:12) Dang adong halak na boi manobus dirina manang donganna sian dosa dohot hamatean. (Ps. 49:7-9) Alai asi do roha ni Debata tu hita, gabe dibahen Ibana ma pengaturan asa boi hita malua sian i. Songon na dipaboa di Johannes 3:16, dilehon Jahowa do Anakna na sasada i mate humokkop hita. (Mat. 20:28; Rom 5:19) Rade do Jesus dihukum mate asa boi ganup halak na porsea tu ibana malua sian dosa dohot hamatean. (Heb. 2:9) Pasti lungun hian do roha ni Jahowa mangida parmate ni Anakna i. Alai ala lomo hian roha ni Jahowa mengampuni hita, dilehon Ibana do Anakna i mate lao manesa dosatta.

7. Akka ise do halak na hea diampuni Jahowa?

⁷ Di Bibel, godang do dipaboa akka halak na diampuni Jahowa. (Eps. 4:32) Ise ma hira-hira na diingot hamu? Diingot hamu do ra Raja Manasse. Godang do akka na jahat na diulahon ibana. Disomba ibana do debata na so sittong jala dijujui ibana do halak na asing mangulahon na sarupa. Ditutung ibana do anakna gabe pelean tu debata na so sittong.  Dipajongjong ibana do muse akka langgatan tu debata na so sittong di bagas joro. Bibel mandok, “Massai godang do hajahaton na dibahen si Manasse di jolo ni Jahowa na mambahen haccit rohana.” (2 Kron. 33:2-7) Alai tikki dipatudu si Manasse na botul-botul ibana bertobat, diampuni Jahowa do ibana. Bahkan dibahen Jahowa do muse ibana gabe raja. (2 Kron. 33:12, 13) Contoh na asing, i ma Raja Daud. Hea do ibana berzina jala mambunu halak na so marsala. Alai tikki diakkui si Daud dosana jala botul-botul ibana bertobat, diampuni Jahowa do ibana. (2 Sam. 12:9, 10, 13, 14) Akka contoh on paposson rohatta na rade do Jahowa mengampuni hita. Saonari tabahas ma, aha na mambahen berbeda cara ni Jahowa mengampuni tu cara ni jolma mengampuni.

8. Aha do na mambahen Jahowa gabe Hakim na terbaik?

⁸ Aha do na mambahen Jahowa gabe Hakim na terbaik? Sahalak hakim ikkon takkas do mamboto hukum. Ala Jahowa do Silehon Patik tu hita, takkas do diboto Ibana hukum. (Jes. 33:22) Jadi Ibana do na marhak manottuhon na sittong dohot na sala. Alani i ma didok di Bibel Jahowa do “Hakim ni saluhut tano on”. (1 Mus. 18:25) Sahalak hakim pe, ikkon takkas do mamboto sude fakta ni sada kasus andorang so mambahen keputusan. Alani on ma tong Jahowa gabe Hakim na terbaik, ai takkas do diboto Ibana sude fakta ni sada kasus.

9. Akka aha do na dipertimbangkon Jahowa tikki mengampuni sasahalak?

⁹ Dang songon akka hakim na di portibi on, diboto Jahowa do sude fakta ni sada kasus. (1 Mus. 18:20, 21; Ps. 90:8) Cara ni Jahowa mangida sasahalak dang songon cara ni jolma. Alana diboto Jahowa do songon dia isi ni roha ni sasahalak. Diida Ibana do songon dia perasaanna, akka sifat na diwarisi sian natua-tuana, latar belakang pendidikanna, didia ibana tinggal, jala songon dia kesehatan mentalna. Jadi takkas do diboto Jahowa alasan di balik tindakan ni sasahalak. Dang buni sudena i sian jolo ni Jahowa. (Heb. 4:13) Alani i, diampuni Jahowa pe sasahalak ala nungnga takkas do diboto Ibana sude faktana.

10. Boasa tadok Hakim na adil do Jahowa i? (5 Musa 32:4)

¹⁰ Hakim na adil do Jahowa i. Dang hea dibeda-bedahon Ibana halak. Diampuni Jahowa pe sasahalak dang ala mangida penampilanna, artana, bakatna, manang ala terkenal ibana. (1 Sam. 16:7; Jak. 2:1-4) Dang olo Jahowa manjalo suap. (2 Kron. 19:7) Jala tikki mambahen keputusan Jahowa, dang dibahen Ibana i holan mangihutton perasaanna. (2 Mus. 34:7) Takkas ma Jahowa do Hakim na terbaik, ala diboto Ibana do sude taringot hita dohot situasitta.​—Jaha 5 Musa 32:4.

11. Sian dia do taboto berbeda do cara ni Jahowa mengampuni tu cara ni jolma mengampuni?

¹¹ Panurat ni Akka Bukku Heber, jotjot do paboahon molo cara ni Jahowa mengampuni berbeda tu cara ni jolma mengampuni. Sada referensi mandok, “Dipakke nasida do sada hata di bahasa Heber na holan manggombarhon cara ni Jahowa mengampuni akka pardosa. Dang hea dipakke hata i lao manggombarhon cara ni jolma mengampuni halak na asing.” Jadi takkas ma, holan Jahowa do  na boi botul-botul mengampuni sahalak pardosa naung bertobat. Aha ma pengaruhna tu hita?

12-13. (a) Songon dia do perasaan ni halak na diampuni Jahowa? (b) Sian dia do taboto tung massai balga do asi ni roha ni Jahowa tikki mengampuni sasahalak?

¹² Ala taboto na diampuni Jahowa do hita gabe boi ma hita “margogo”, boi ma muse dame rohatta, jala ias panggora ni rohatta. Holan Jahowa do na boi mangalehon pengampunan sisongon i. (Ul. 3:19) Dung diampuni Jahowa hasalaatta, gabe denggan ma muse hubungatta tu Ibana. Jala dianggap Ibana ma hira na so hea taulahon dosa i.

¹³ Dung disesa Jahowa dosatta i, dang dihukum Ibana be hita berdasarkan dosatta i. (Jes. 43:25; Jer. 31:34) Dipadao Jahowa do hasalaatta sian hita, “songon dao ni timur tu barat”. * (Ps. 103:12) Molo tarimangi asi ni roha ni Jahowa na massai balga i, pasti mandok mauliate do hita tu Ibana. (Ps. 130:4) Alai halak na songon dia do na diampuni Jahowa?

14. Aha do naung taparsiajari taringot cara ni Jahowa mengampuni sasahalak?

¹⁴ Di artikel on nungnga taparsiajari, olo do Jahowa mengampuni sasahalak dang soal sadia balga dosana. Asing ni i nungnga taboto Jahowa do Sipanoppa hita, Silehon Patik, jala Hakim na terbaik. Dipakke Ibana do kemampuanna i lao mamutusson naeng mengampuni sasahalak manang na dang. Saonari tabahas ma akka faktor na dipertimbangkon Jahowa tikki mengampuni sasahalak.

15. Sesuai tu Lukas 12:47, 48, aha do na dipertimbangkon Jahowa tikki mengampuni sasahalak?

¹⁵ Na parjolo dipertimbangkon Jahowa do, sengaja do sasahalak mangulahon dosa manang na dang. Takkas do i tarida sian hata ni Jesus na disurat di Lukas 12:47, 48. (Jaha.) Molo adong halak na sengaja mangulahon na sala hape nga diboto ibana i mambahen haccit roha ni Jahowa, berarti nungnga mangulahon dosa na balga ibana disi. Kemungkinan dang olo Jahowa mengampuni halak sisongon i. (Mrk. 3:29; Joh. 9:41) Attong boha do  molo taulahon na sala nang pe nungnga taboto i mambahen haccit roha ni Jahowa? Boi dope hita diampuni? Boi. Alana adong do faktor na asing na dipertimbangkon Jahowa.

16. Songon dia do halak na bertobat i, jala boasa ikkon bertobat hita?

¹⁶ Na paduahon dipertimbangkon Jahowa do, botul-botul do halak na mangulahon dosa i bertobat manang na dang. Songon dia do halak na bertobat i? Molo bertobat sasahalak diuba ibana do cara marpikkirna, pangalahona, dohot tujuanna. Botul-botul do ibana menyesal jala lungun rohana ala dang diulahon ibana be na sittong jala nungnga diulahon ibana dosa na balga. Asing ni i, lungun do tong rohana ala dang dijaga ibana hubunganna tu Jahowa, gabe sappe diulahon ibana ma dosa na balga. Taingot ma contoh ni Raja Manasse dohot Raja Daud. Mangulahon dosa na balga do halak i na dua. Alai diampuni Jahowa do nasida ala botul-botul nasida bertobat. (1 Raj. 14:8) Asa boi diampuni Jahowa hita, ikkon boi do diida Ibana bukti na botul-botul hita bertobat. Jadi dang sae holan perasaan menyesal, alai adong dope na porlu taulahon. * Jala i ma faktor na asing na dipertimbangkon Jahowa.

17. Songon dia do halak na muba i, jala boasa massai penting i? (Jesaya 55:7)

¹⁷ Dipertimbangkon Jahowa do muse olo do halak na mardosa i muba manang na dang. Muba lapatanna “berbalik”. Dang diulahon ibana be na sala jala mulai ma ibana mangulahon lomo ni roha ni Jahowa. (Jaha Jesaya 55:7.) Ikkon diuba ibana do cara marpikkirna asa boi ibana mangihutton cara marpikkir ni Jahowa. (Rom 12:2; Eps. 4:23) Jala ikkon berupaya do ibana asa unang diihutton ibana be cara marpikkir dohot pangalahona na sala i. (Kol. 3:7-10) Molo berupaya sasahalak manguba pangalahona na sala i, gabe diampuni Jahowa ma ibana. Alana nungnga diparade Jahowa tobusan  ni Jesus lao paluahon hita sian dosa.​—1 Joh. 1:7.

18. Aha do na boi tasimpulhon sian cara ni Jahowa mengampuni?

¹⁸ Aha do na boi tasimpulhon sian artikel on? Nungnga taboto be dang sarupa cara ni Jahowa mengampuni tu cara ni jolma mengampuni. Boasa? Na parjolo, ala sai rade do Jahowa mengampuni hita. Na paduahon, diboto Ibana do sude taringot hita. Jala diboto Ibana do na botul-botul hita bertobat manang na dang. Na patoluhon, molo nungnga diampuni Jahowa hita dang diingot-ingot Ibana be i. Jala dianggap Ibana do hira na so hea taulahon dosa i. Hasilna gabe ias ma panggora ni rohatta jala boi ma tabahen las roha ni Jahowa.

19. Nang pe dang sempurna dope hita jala olo dope mangulahon na sala, boasa boi marlas ni roha hita?

¹⁹ Saleleng dang sempurna dope hita, pasti taulahon do na sala. Alai boi do tarapul rohatta molo taida hatorangan na adong di bukku Pemahaman Alkitab jilid 2, halaman 1.051. Disi didok, “Parasi roha do Jahowa. Jala takkas do diboto ibana jolma na gale do akka naposona. Jadi unang pola torus metmet rohatta molo taulahon dope na sala. (Ps. 103:8-14; 130:3) Molo berupaya hita mambahen las roha ni Jahowa, boi do hita marlas ni roha. (Plp. 4:4-6; 1 Joh. 3:19-22).” Pasti dipatogu do rohatta mamboto on!

20. Aha do na lao tabahas di artikel na mangihut?

²⁰ Mandok mauliate do hita tu Jahowa ala rade Ibana mengampuni hasalaatta molo botul-botul hita bertobat. Attong songon dia do caratta maniru Jahowa na rade mengampuni? Dosa na songon dia do na boi taampuni, jala dosa na songon dia do na holan Jahowa na marhak mengampuni i? Boasa penting taboto alus ni akka sukkun-sukkun i? Lao tabahas ma i di artikel na mangihut.