1. Akka masalah aha do na dialami naposo ni Jahowa?

HEA do hamu mengalami situasi na sulit? Adong do ra akka dongan di huria na mambahen haccit rohamuna. (Jak. 3:2) Olo do ra direhei dongan sakarejo manang dongan sasikkolamuna hamu ala Saksi Jahowa. (1 Ptr. 4:3, 4) Adong do ra anggota keluargamuna na mangorai hamu marpungu dohot marbarita na uli. (Mat. 10:35, 36) Alani haccit ni sitaonon i, olo do ra sappe didok rohamuna tumagon ma dang manomba Jahowa be. Alai pos ma rohamuna, urupan ni Jahowa do hamu mangatasi akka tantangan i. Patoguonna do hamu jala leanonna do bisuk asa sabar manaon hasusaan i.

2. Sesuai tu Rom 15:4, aha do manfaatna molo taparsiajari akka pengalaman na disurat di Bibel?

² Taparsiajari ma pengalaman ni akka naposo ni Debata na disurat di Bibel. Nang pe dang sempurna, martahan do nasida manaon hasusaan. Disurat do i di Bibel asa boi hita marsiajar sian nasida, songon na didok si Paulus di Rom 15:4. (Jaha.) Molo tajaha akka pengalaman i, gabe dipatogu ma hita. Alai dang cukkup holan manjaha, ikkon taupayahon do asa hona i tu rohatta jala boi manguba cara marpikkirta. Songon dia carana mandapot godang manfaat tikki belajar pribadi hita? (1) Martangiang, (2) Mambayangkon, (3) Mangarimangi, jala (4) Mangulahon. Di artikel on, tapakke ma opat cara on lao marsiajar sian pengalaman ni Raja Daud dohot Apostel Paulus. *

3. Sebelum manjaha Bibel, aha do na porlu taulahon jala boasa?

 ³ (1) Martangiang. Sebelum manjaha Bibel, martangiang ma hita tu Jahowa asa diurupi mangida parsiajaranna tu hita. Misalna tikki mangalului prinsip ni Bibel lao mangatasi sada masalah, tapangido ma tu Jahowa asa diurupi hita mangida ayat manang prinsip ni Bibel na pas tu masalahta.​—Plp. 4:6, 7; Jak. 1:5.

4. Asa botul-botul nyata kisah na tajaha di Bibel, aha do na porlu taulahon?

⁴ (2) Mambayangkon. Dilehon Jahowa do tu hita kemampuan na luar biasa, boi mambayangkon. Tikki tajaha pengalaman ni naposo ni Debata na disurat di Bibel, tabayangkon ma aha na masa tu ibana, tabayangkon ma hita di situasina. Tabayangkon ma muse songon dia situasi di sakalilingna jala songon dia perasaanna.

5. Aha do lapatan ni mangarimangi, jala songon dia hita mangulahon i?

⁵ (3) Mangarimangi. Mangarimangi lapatanna, bagas mamikkiri na tajaha jala mamikkiri songon dia mangulahon informasi i. Molo tabahen songon i, gabe lam takkas ma taattusi na tajaha i. Manjaha Bibel alai dang mangarimangi, sarupa ma i songon na papunguhon bumbu ni masakan alai dang dicampur. Tottu dang mardai masakan i. Alai molo dung dicampur sude bumbuna i, gabe tabo ma masakan i. Songon i ma mangarimangi. Asa lam mura hita mangarimangi pengalaman ni naposo ni Debata na disurat di Bibel, taalusi ma akka sukkun-sukkun on, ‘Aha do na diulahon ibana lao mangatasi masalahna? Songon dia do Jahowa mangurupi ibana? Aha do na boi huparsiajari sian pengalamanna i?’

6. Boasa ikkon taulahon aha na taparsiajari?

⁶ (4) Mangulahon. Hea do didok Jesus, halak na so mangulahon na diparsiajari ibana sarupa ma i songon bawa na pajongjokkon jabu di atas ni pasir. Sia-sia do kerja kerasna i. Boasa sia-sia? Molo ro badai manang banjir, ruppak ma jabu i. (Mat. 7:24-27) Sarupa ma, molo martangiang pe hita, mambayangkon, mangarimangi, alai dang taulahon na taparsiajari i, gabe sia-sia ma upayatta i. Boasa? Alana tikki adong tantangan na manguji haporseaotta, dang boi hita martahan manaon i. Alai molo taulahon do na taparsiajari i, gabe boi ma tabahen keputusan na denggan, dame ma pakkilalaatta, jala lam togu ma haporseaotta. (Jes. 48:17, 18) Saonari taparsiajari ma jo pengalaman ni Raja Daud mamakke opat cara i, asa boi tabuat parsiajaranna.

7. Pengalaman ni ise do na lao taparsiajari saonari?

⁷ Hea do dihianati dongan manang keluargamuna hamu? Molo hea, marsiajar ma sian pengalaman ni Raja Daud. Hea do ibana dihianati anakna si Absalom. Berupaya do si Absalom gabe raja manggattihon bapakna.​—2 Sam. 15:5-14, 31; 18:6-14.

8. Aha do na porlu taulahon asa diurupi Jahowa?

⁸ (1) Martangiang. Sebelum mamparsiajari pengalaman on, paboa ma tu Jahowa songon dia haccit ni rohamuna ala dihianati hamu. (Ps. 6:6-9) Takkas ma paboa tu Jahowa songon dia pakkilalaanmuna. Dung i, pangido ma tu Jahowa asa dipatudu prinsip ni Bibel na boi mangurupi hamu martahan manaon i.

9. Aha do na masa tu si Daud dohot tu si Absalom?

⁹ (2) Mambayangkon. Godang do na masa tu Raja Daud ala memberontak anakna si Absalom. Coba ma bayangkon situasina, jala aha pengaruhna tu Raja Daud. Nungnga martaon-taon si Absalom mambuat roha ni rakyat. (2 Sam. 15:7) Dung dapot tikki na pas dirasa ibana gabe raja, disuru ma mata-mata tu sude huta di Israel. Disuru ma nasida paboahon  tu rakyat, nungnga gabe raja be si Absalom. Ditogihon ibana do muse si Ahitopel, ale-ale dohot penasehat ni Raja Daud asa dohot memberontak. Dung diumumhon si Absalom nga gabe raja ibana, berupaya do ibana mambunu si Daud bapakna i. Hape parah do sahit ni si Daud tikki i. (Ps. 41:1-9) Dung diboto si Daud rencana i, melarikan diri ma ibana sian Jerusalem. Ujungna marporang ma tentara ni si Absalom mangalo tentara ni Raja Daud. Alai talu do tentara ni si Absalom jala mate ma ibana.

10. Ala massai borat do sitaonon ni si Daud, aha do na boi ro tu pikkiranna?

¹⁰ Saonari, bayangkon ma muse songon dia pakkilalaan ni Raja Daud. Holong do rohana tu si Absalom, jala porsea do ibana tu si Ahitopel. Jadi boi ma tabayangkon, tikki dihianati ibana, pasti haccit hian do pakkilalaanna. Apalagi tikki diboto ibana na berupaya do nasida pamatehon ibana. Ala dihianati ibana, gabe curiga do si Daud naung berpihak tu si Absalom akka donganna na asing? Merasa do ibana dang adong be donganna? Dibahen ibana do keputusan melarikan diri sahalakna? Gabe marsak jala mandele do ibana? Dang songon i pakkilalaan ni Raja Daud. Martahan do ibana manaon hasusaanna i. Boasa boi ibana martahan?

11. Aha do na diulahon si Daud nang pe haccit hian dihilala ibana?

¹¹ (3) Mangarimangi. Adong do na boi taparsiajari sian pengalaman ni si Daud on? Coba ma rimangi, “Aha do na diulahon si Daud asa boi martahan manaon hasusaanna i?” Dang panik si Daud jala dang pittor hatop-hatop dibahen ibana keputusan. Alai dang na gabe mabiar ibana mambahen keputusan. Molo dibahen ibana keputusan, pittor hatop do diulahon i. Martangiang do ibana asa diurupi Jahowa, jala dipangido do bantuan sian akka donganna. Nang pe songon i haccitna dihilala si Daud, toktong do ibana porsea tu Jahowa dohot tu akka donganna i, jala dang sai torus jut rohana.

12. Songon dia do cara ni Jahowa mangurupi si Daud?

¹² Rimangi ma muse, “Songon dia do cara ni Jahowa mangurupi si Daud asa martahan manaon hasusaanna i?” Molo tariset, boi ma taboto alusna. (Ps. 3:1-8; superskripsi) Dipasu-pasu Jahowa do keputusan na dibahen si Daud. Jala dipasu-pasu Jahowa do akka dongan ni si Daud na berupaya manjaga ibana.

13. Songon dia do hita boi maniru si Daud tikki adong masalahta tu dongan? (Mateus 18:15-17)

¹³ (4) Mangulahon. Tasukkun ma diritta, ‘Aha do na boi hutiru sian si Daud?’ Molo adong masalahta, hatop ma tapasae. Memang caratta pasaehon masalah tu dongan, bergantung situasi do. Boi do taihutton persis songon na disurat di Mateus 18, manang holan mangihutton prinsipna. (Jaha Mateus 18:15-17.) Alai unang ma tabahen keputusan tikki muruk. Denggan do molo martangiang hita tu Jahowa mangido dame ni roha dohot bisuk lao mangatasi i. Jala tikki ditawarhon dongan bantuan, tajalo ma i. Unang ma gabe dang porsea hita tu akka dongan. (Poda 17:17) Na uppenting, torus ma taulahon poda sian Jahowa na disurat di Bibel.​—Poda 3:5, 6.

14. Songon dia do 2 Timoteus 1:12-16; 4:6-11, 17-22, boi mangurupi hamu molo adong tantangan sian keluarga manang sian pamaretta?

¹⁴ Adong do keluargamuna na marsogo ni roha ala Saksi Jahowa hamu? Tinggal di negara na mangorai ulaon ni Saksi Jahowa do hamu? Molo songon i do situasimuna, boi do hamu dipatogu molo dijaha hamu 2 Timoteus 1:12-16 dohot 4:6-11, 17-22, na disurat si Paulus tikki dipenjara ibana. *

15. Aha do na tatangiangkon tu Jahowa?

 ¹⁵ (1) Martangiang. Sebelum dijaha hamu akka ayat on, paboa ma tu Jahowa masalahmuna dohot perasaanmuna. Takkas ma sudena paboa. Dung i, pangido ma asa diurupi hamu mangattusi prinsip na adong di ayat i, asa boi marhasil mangatasi tantangan i.

16. Aha do na masa tu si Paulus?

¹⁶ (2) Mambayangkon. Bayangkon ma hamu di situasi ni si Paulus. Tikki dipenjarahon di Rom, diratte do ibana. Memang nungnga hea ibana dipenjara, alai saonari na lao dihukum mate nama ibana. Jadi boi ma tabayangkon hasusaan ni si Paulus di tikki i. Asing ni i, ditinggalhon akka dongan do ibana jala nungnga lam gale dagingna.​—2 Tim. 1:15.

17. Nang pe borat sitaonon ni si Paulus, aha do na diulahon ibana?

¹⁷ Dang sai diingot-ingot si Paulus be akka naung ditinggalhon ibana. Nang pe songon i borat ni situasina, dang hea disolsoli ibana keputusanna i. Jala dang gabe mandele ibana nang pe dipenjarahon. Hea do ibana ditinggalhon akka donganna na di Asia, alai toktong do ibana porsea tu akka dongan na asing. Pos do roha ni si Paulus setia do akka donganna i jala pasu-pasuon ni Jahowa do ibana. Boasa boi pos rohana?

18. Aha do na diulahon si Paulus asa martahan manaon hasusaanna i?

¹⁸ (3) Mangarimangi. Coba ma rimangi, “Aha do na diulahon si Paulus asa martahan manaon hasusaanna i?” Nang pe naeng dihukum mate nama ibana, alai dang holan i na sai dipikkiri. Pasangappon Jahowa do na paling penting di ibana. Jala dipikkiri ibana do cara patoguhon akka dongan na asing. Sai Jahowa do na diandalhon ibana, buktina jotjot do ibana martangiang. (2 Tim. 1:3) Dang sai marsak ibana mamikkiri akka dongan na maninggalhon ibana. Alai pengorbanan ni akka dongan na setia do na diingot ibana. Asing ni i, torus do diparsiajari si Paulus Surat na Badia. (2 Tim. 3:16, 17; 4:13) Pos situtu do rohana dihaholongi Jahowa dohot Jesus do ibana, jala dang hea ditinggalhon. Pos do muse rohana lehonon ni Jahowa do upa tu ibana.

19. Songon dia do cara ni Jahowa mangurupi si Paulus?

¹⁹ Nungnga dipaboa Jahowa hian na lao dianiaya nama si Paulus. (Ul. 21:11-13) Rimangi ma muse, “Songon dia do cara ni Jahowa mangurupi si Paulus asa martahan manaon hasusaanna i?” Dialusi Jahowa do tangiangna jala dibahen do ibana margogo. (2 Tim. 4:17) Marjanji do Jahowa mangalean upa ni kerja kerasna i. Jala dipakke Jahowa do akka dongan ni si Paulus na setia lao mangurupi ibana.

20. Aha do na boi taparsiajari sian hata ni si Paulus na disurat di Rom 8:38, 39?

²⁰ (4) Mangulahon. Tasukkun ma diritta, ‘Aha do na boi hutiru sian si Paulus?’ Songon si Paulus, taingot ma pasti dianiaya do hita alani haporseaotta. (Mrk. 10:29, 30) Alai boi do hita toktong setia tu Jahowa molo torus hita martangiang jala taratur marsiajar Bibel. Taingot ma, na uppenting di ngolutta, i ma pasangappon Jahowa. Pos ma rohatta, dang tinggalhonon ni Jahowa hita. Dang adong na boi manirang hita sian holong ni Jahowa.​—Jaha Rom 8:38, 39; Heb. 13:5, 6.

21. Boasa boi si Aya dohot si Hector mangatasi tantanganna?

²¹ Aha pe masalahna, boi do taatasi i molo taparsiajari akka pengalaman na disurat di Bibel. Misalna si Aya perintis di Jepang, hea do ibana mabiar mangalean kesaksian di tempat umum. Alai gabe barani do ibana dung diparsiajari pengalaman ni si Jona. Songon i nang si Hector donganta bawa na poso na  tinggal di Indonesia. Diparsiajari ibana do pengalaman ni si Rut. Gabe barani ma ibana mambahen keputusan manomba Jahowa, nang pe dang Saksi Jahowa natua-tuana.

22. Aha do na porlu taulahon sebelum manonton video, mambege drama audio, jala manjaha artikel berseri “Tiru ma Haporseaon ni Nasida”?

²² Aha do na disediahon organisasi asa lam mura hita marsiajar sian pengalaman ni naposo ni Debata na disurat di Bibel? Disediahon do akka video, drama audio, dohot artikel berseri “Tiru ma Haporseaon ni Nasida”. * Sudena i boi mangurupi hita mangatasi akka tantanganta. Andorang so manonton video i, mambege drama audio, dohot manjaha akka artikel i, jolo martangiang ma hita tu Jahowa. Tapangido ma asa dipatudu parsiajaran na pas tu situasitta. Tabayangkon ma hita di situasi ni naposo ni Debata i. Tarimangi ma aha na diulahon nasida jala songon dia Jahowa mangurupi nasida. Dung i, tapikkiri ma aha parsiajaranna tu hita jala taulahon ma i. Mandok mauliate ma hita tu Jahowa ala nungnga diurupi hita. Jala tikki taida adong donganta na porlu dipatogu, rade ma hita mangurupi nasida.

23. Sesuai tu Jesaya 41:10, 13, aha do janji ni Jahowa tu hita?

²³ Susa do ngolutta saonari, ala dirajai Sibolis dope portibi on. Sipata alani susana, dang taboto be boha bahenotta. (2 Tim. 3:1) Alai nang pe songon i, unang pola marsak manang mabiar hita. Takkas do diboto Jahowa sude sitaononta i. Pos ma rohatta, urupan ni Jahowa do hita. Ai marjanji do Ibana, tioponna do gomos tanganta mamakke tangan kananna. (Jaha Jesaya 41:10, 13.) Dilehon Jahowa do tu hita Bibel asa sabar jala margogo manaon sude hasusaatta.