1-2. Songon dia do situasina tikki tardidi sasahalak, jala aha do na lao tabahas di artikel on?

 HEA DO diida hamu sakelompok halak na lao tardidi? Dibege hamu do soara ni nasida tikki mangalusi dua sukkun-sukkun sebelum tardidi. Diida hamu do muse marlas ni roha keluarga dohot akka dongan ni nasida. Jala tikki kaluar nasida sian aek, dibege hamu ma akka dongan bertepuk tangan jala boi do diida hamu las ni roha ni nasida sian bohina. Tiap minggu adong do marribu halak na mangalehon dirina lao melayani Jahowa jala tardidi gabe Saksina.

² Adong do rencanamuna lao tardidi? Molo adong, las do roha ni Jahowa tu hamu alana dilului hamu do Ibana, dang songon godangan halak di portibi na jahat on. (Ps. 14:1, 2) Artikel on ditujuhon do tu hamu, dang soal poso dope hamu manang nungnga matua. Jala tu hita naung tardidi pe boi do mandapot parsiajaran sian artikel on, alana diurupi do hita asa lam bertekad melayani Jahowa salelengna. Di artikel on, tabahas ma tolu alasan boasa olo hita melayani Jahowa.

3. Boasa holong roha ni naposo ni Jahowa tu hasittongan dohot hatigoran? (Psalmen 119:128, 163)

³ Diparettahon Jahowa do tu naposona asa ‘makkaholongi na sittong’. (Sak. 8:19) Jesus pe dijujui do akka siseanna asa mangalului hasittongan. (Mat. 5:6) Lapatanna ikkon bertekad do nasida mangulahon na sittong, na denggan, jala na ias di jolo ni Debata. Tottu lomo do rohamuna tu hasittongan dohot hatigoran, jala sogo do rohamuna tu gabus, tu sude na jahat, dohot na sala. (Jaha Psalmen 119:128, 163.) Molo margabus  sasahalak, sasittongna na maniru Sibolis do ibana disi, i ma parhuaso ni portibi on. (Joh. 8:44; 12:31) Berupaya do Sibolis mambahen marlea goar ni Debata Jahowa. Mulai sian di Taman Eden nungnga dihatahon ibana gabus taringot Debata. Didok Sibolis do Jahowa Parhuaso na so jujur, dang parduli, jala menahan akka na denggan sian jolma. (1 Mus. 3:1, 4, 5) Sahat tu saonari pe, berupaya do Sibolis mambahen asa porsea akka halak tu gabusna i. Molo dang ‘dihaholongi akka jolma hasittongan’, gabe dipengaruhi Sibolis ma nasida lao mangulahon na so tigor dohot akka na jahat.​—Rom 1:25-31.

4. Songon dia do Jahowa mambuktihon “Debata na makkatahon na sittong” do Ibana? (Ida gambar.)

⁴ “Debata na makkatahon na sittong” do Jahowa. Lomo do rohana mangajarhon hasittongan tu halak na makkaholongi Ibana. (Ps. 31:5) Hasilna, gabe dang dioto-otoi gabus ni Sibolis be hita. Diajari Jahowa do muse naposona asa jujur jala mangulahon na sittong. On ma na mambahen nasida sangap jala makkilala hadameon. (Poda 13:5,6) Songon i do na dihilala hamu dung marsiajar Bibel? Nungnga diboto hamu standar ni Jahowa do na dumenggan tu akka jolma termasuk tu dirimuna sandiri. (Ps. 77:13) Gabe lomo do rohamuna mangulahon na sittong di jolo ni Debata. (Mat. 6:33) Gabe tergerak ma rohamuna lao mambela hasittongan jala mambuktihon na sala do tuduhan ni Sibolis taringot Jahowa. Songon dia do carana mangulahon i?

5. Songon dia do caramuna mambela hasittongan?

⁵ Sian parngoluonmuna, boi do dipillit hamu manolak gabus ni Sibolis jala mambela na sittong. Boi do dipatudu hamu Jahowa na gabe Parhuaso di hamu jala lomo rohamuna mangulahon na sittong. Songon dia hamu mangulahon i? Lehon ma dirimuna tu Jahowa di bagasan tangiang, dung i tardidi ma hamu. Holong tu hasittongan dohot tu hatigoran ma na mangonjar rohamuna lao tardidi.

6. Sesuai tu Psalmen 45:4, boasa holong rohamuna tu Jesus Kristus?

⁶ Boasa holong rohamuna tu Jesus Kristus? Taida ma alasanna di Psalmen 45:4. (Jaha). Holong do roha ni Jesus tu na sittong dohot na tigor. Molo holong do rohamuna tu na sittong dohot na tigor, berarti dihaholongi hamu do tong Jesus Kristus alana barani do ibana mambela hasittongan. (Joh. 18:37)  Asing ni i, dipatudu Jesus do tu akka halak na serep do rohana. Songon dia carana?

7. Songon dia do perasaanmuna mamboto na massai serep roha ni Jesus?

⁷ Dipatudu Jesus do na serep rohana sian teladanna. Misalna sai tu Jahowa do ditujuhon ibana pujian, dang tu dirina sandiri. (Mrk. 10:17,18; Joh. 5:19) Songon dia do perasaanmuna mamboto na massai serep do roha ni Jesus? Pasti on manggerakkon hamu lao makkaholongi Anak ni Debata i jala mangihutton Ibana. Boasa serep roha ni Jesus? Alana dihaholongi jala ditiru ibana do Bapakna Jahowa, Debata na serep roha. (Ps. 18:35; Heb. 1:3) Lomo do rohamuna jonok tu Jesus na sempurna maniru sifat ni Jahowa?

8. Boasa las rohatta Jesus na gabe Rajatta?

⁸ Holong do rohatta tu Jesus ala ibana do Raja na terbaik. Jahowa do na mangalatik Anakna i jala na mamillit ibana lao mamaretta. (Jes. 50:4, 5) Pikkirhon ma muse holong dohot sikap rela berkorban na dipatudu Jesus. (Joh. 13:1) Ala Jesus Rajatta, tama do ibana tahaholongi. Didok Jesus molo holong rohatta tu ibana didok do hita ale-alena. Jala tapatudu do holong tu Jesus molo taoloi akka parettana. (Joh. 14:15; 15:14, 15) Sada hasangapon do di hita boi marale-ale tu Anak ni Debata!

9. Aha do persamaan ni pandidion ni Jesus tu pandidion ni akka siseanna?

⁹ Sada paretta ni Jesus tu akka siseanna i ma asa tardidi nasida. (Mat. 28:19, 20) Jala dibahen Jesus do sitiruon tu hita. Memang adong do bedana pandidion ni Jesus tu pandidion ni akka siseanna. (Ida kotak “ Aha do Bedana Pandidion ni Jesus Dohot Pandidion ni Akka Siseanna?”) Nang pe songon i, adong do persamaanna. Tikki tardidi Jesus, dilehon ibana do dirina lao mangulahon lomo ni roha ni Bapakna. (Heb. 10:7) Songon i ma na diulahon akka sisean ni Jesus tikki dilehon nasida dirina tu Jahowa jala tardidi. Dipatudu nasida do tu akka halak lomo ni roha ni Debata do na uppetting di ngolu ni nasida, dang lomo ni rohana sandiri. Jadi teladan ni Tuanna do na ditiru akka siseanna i.

10. Aha do muse alasanta makkaholongi Jesus?

¹⁰ Porsea do hamu Anak ni Debata na sasada i do Jesus jala naung dipillit Debata gabe Raja. Serep do rohana jala sempurna do ibana maniru Bapakna. Hea do dilehon ibana mangan marribu halak, patoguhon halak na marsak, jala pamaluppon halak na marsahit. (Mat. 14:14-21) Nungnga diida hamu songon dia Jesus mangarahon akka huria saonari. (Mat. 23:10) Jala takkas diboto hamu, umbalga do na lao diulahon Jesus haduan tikki gabe Raja ibana di Harajaon ni Debata. Songon dia hamu patuduhon na holong rohamuna tu Jesus? Ihutton ma teladanna. (Joh. 14:21) Boi ma i diulahon hamu molo dilehon hamu dirimuna tu Jahowa jala tardidi.

11. Aha do alasan na utama lao tardidi?

¹¹ Aha do alasan na utama lao tardidi? Dipaboa Jesus do paretta na umbalga i ma, “Ikkon haholonganmu do Jahowa Debatamuna sian nasa rohamuna, sian nasa ngolumuna, sian nasa pikkiranmuna, dohot sian nasa gogomuna.” (Mrk. 12:30) Songon i do holongmuna tu Debata?

12. Boasa holong rohamuna tu Jahowa? (Ida gambar.)

¹² Godang do alasan na mambahen hita makkaholongi Jahowa. Misalna taboto do ‘sian Jahowa do ro hangoluan’. Jala sian Ibana do “sude silehon-lehon na denggan jala na sun denggan”. (Ps. 36:9; Jak. 1:17) Sude akka na denggan na tanikmati sian Jahowa do, Bapakta na burju jala na parholong.

13. Boasa boi tadok silehon-lehon na massai arga do tobusan i?

 ¹³ Tobusan, i ma silehon-lehon na massai arga sian Jahowa tu hita sude. Boasa tadok songon i? Rimangi ma songon dia do hubungan ni Jahowa dohot Jesus. Didok Jesus, “Dihaholongi Ama i do au” jala “holong do rohakku tu Damang i”. (Joh. 10:17; 14:31) Massai togu do parale-aleon ni nasida ala nungnga rap nasida lobi sian marmilliar taon. (Poda 8:22, 23, 30) Pikkirhon ma muse songon dia pakkilalaan ni Jahowa mangida Anakna haccitan jala mate. Massai holong do roha ni Jahowa tu hita sude termasuk tu hamu. Alani i dilehon Ibana ma Anakna gabe tobusan asa boi hamu dohot na asing mangolu saleleng ni lelengna. (Joh. 3:16; Gal. 2:20) On ma alasan na umbalga boasa holong rohatta tu Debata.

14. Aha do keputusan na terbaik na boi dibahen hamu di ngolumuna?

¹⁴ Lam godang na taparsiajari taringot Jahowa, lam holong ma rohatta tu Ibana. Tottu lomo do rohamuna lam jonok tu Ibana saonari ro di salelengna. Jala boi do diulahon hamu i. Dijujui Jahowa do hamu asa mambahen las rohana. (Poda 23:15, 16) Mambahen las roha ni Jahowa, i ma keputusan na terbaik na boi dibahen hamu di ngolumuna. Boi do dipatudu hamu i dang holan sian pakkataion  alai dohot sian parniulaonmuna. Sian parngoluonmuna tarida ma na botul-botul do hamu makkaholongi Jahowa.​—1 Joh. 5:3.

15. Songon dia do hamu boi patuduhon holong tu Jahowa?

¹⁵ Songon dia do hamu boi patuduhon holong tu Jahowa? Parjolo, lehon hamu ma dirimuna holan tu Jahowa, Debata na sittong marhite tangiang. (Ps. 40:8) Dung i, tardidi ma hamu lao patuduhon tu akka halak naung dilehon hamu dirimuna tu Jahowa. Songon naung tabahas di awal ni artikel on, ari na istimewa do ari pandidion i jala parohon las ni roha. Mulai sian i Jahowa ma na uppetting di ngolumuna, dang dirimuna sandiri be. (Rom 14:8; 1 Ptr. 4: 1, 2) Memang keputusan na massai balga do on na ikkon dibahen hamu. Alai molo tardidi hamu boi ma dihilala hamu ngolu na dumenggan. Boasa songon i?

16. Sesuai tu Psalmen 41:12, pasu-pasu aha do na lao lehonon ni Jahowa tu akka halak na manomba Ibana?

¹⁶ Debata na massai burju do Jahowa i. Unggodang do pasu-pasu na lao lehononna tu hamu sian pengorbanan na dibahen hamu tu Ibana. (Mrk. 10:29, 30) Molo disomba hamu Jahowa, bahenonna ma hamu marlas ni roha jala merasa puas nang pe mangolu di portibi na jahat on. Tikki na tardidi i hamu, disi ma hamu mulai manomba Jahowa sahat tu saleleng ni lelengna. Lam bagas holongmuna tu Jahowa songon i ma tong holong ni Jahowa tu hamu. Dang holan i, boi ma hamu mangolu saleleng ni lelengna songon Jahowa.​—Jaha Psalmen 41:12.

17. Aha do silehon-lehon na massai arga na boi dilehon hamu tu Jahowa?

¹⁷ Tikki dilehon hamu ngolumuna tu Debata jala tardidi, on ma kesempatan di hamu lao mangalehon na ummarga tu Jahowa. Nungnga dilehon Jahowa tu hamu sude akka na denggan dohot kenangan na mambahen las rohamuna. Alani i lehon hamu ma tu Nappunasa langit dohot tano on aha na so adong di Ibana, i ma pelayanan dohot kesetiaanmuna. (Job. 1:8; 41:11; Poda 27:11) On ma keputusan na terbaik na boi dibahen hamu di ngolumuna. Takkas ma, holongmuna tu Jahowa do  alasan na terbaik na mangonjar rohamuna asa tardidi.

18. Sukkun-sukkun aha do na porlu dirimangi hamu?

¹⁸ Jadi, nungnga rade be hamu tardidi? Holan hamu do na boi mangalusi i. Alai denggan do disukkun hamu dirimuna, ‘Aha dope na mangabbati au asa tardidi?’ (Ul. 8:36) Ingot ma tolu alasan naung tabahas. Na parjolo, holong tu hasittongan dohot hatigoran. Na paduahon, holong tu Jesus Kristus. Na patoluhon na urrikkot, holong tu Jahowa. Sukkun ma dirimuna, ‘Lomo do rohakku di sada tikki mangida sude jolma makkatahon hasittongan dohot mangulahon na denggan? Lomo do rohakku Jesus gabe Rajakku jala mangihutton teladanna? Lomo do rohakku mambahen las roha ni Jahowa jala melayani Ibana?’ Molo olo alusmuna sian tolu sukkun-sukkun on, aha dope na mangabbati hamu asa tardidi?

19. Boasa dang porlu hamu ragu-ragu tardidi? Paboa ma ilustrasina. (Johannes 4:34)

¹⁹ Molo ragu-ragu dope hamu naeng tardidi, rimangi ma ilustrasi ni Jesus on. (Jaha Johannes 4:34.) Disarupahon Jesus do mangulahon lomo ni roha ni Debata songon sipanganon. Dos songon sipanganon na mambahen hita sehat, sude paretta ni Jahowa mambahen lam denggan ngolutta. Dang lomo roha ni Jahowa molo taulahon na parohon jea tu hita. Lomo do roha ni Jahowa asa tardidi hamu. (Ul. 2:38) Alani i pos ma rohamuna molo diulahon hamu parettana asa tardidi, pasti parohon manfaat do i di hamu. Rimangi ma on: Molo dang ragu-ragu hamu mangallang sipanganon favoritmuna, attong boasa ragu-ragu dope hamu lao tardidi?

20. Aha do na lao tabahas di artikel na mangihut?

²⁰ Boasa adong piga-piga halak na ragu-ragu lao tardidi? Godang do na mandok, “Dang rade dope au bah.” Memang keputusan na massai penting do mangalehon ngolumuna tu Jahowa jala tardidi. Alani i, ikkon manat do dipikkirhon hamu i jala porlu do tikki dohot upaya asa memenuhi syarat hamu lao tardidi. Alai molo botul-botul lomo rohamuna naeng tardidi, aha ma na boi mangurupi hamu asa rade? Tabahas ma alus ni sukkun-sukkun on di artikel na mangihut.