1. Aha do na mambahen terkesan akka halak tikki parjolo sahali ro tu parpunguan? (Ida gambar.)

 BAYAKKON ma sapasang suami istri ro parjolo sahali tu Bale Harajaon lao marpungu. Terkesan do nasida alani sambutan dohot holong na dipatudu akka dongan. Tikki di pardalanan mulak sian parpunguan i, didok istrina ma tu suamina, ‘Beda hian ate Saksi Jahowa on sian na asing. Lomo rohakku rap dohot nasida.’

2. Boasa adong piga-piga halak na gabe tartuktuk?

² Luar biasa do holong na dipatudu Saksi Jahowa. Nang pe songon i, dang adong sian nasida na sempurna. (1 Joh. 1:8) Alani i lam tatanda akka dongan di huria, lam takkas do taboto hahurangan ni nasida. (Rom 3:23) Akibatna adong do piga-piga halak na gabe tartuktuk jala dang olo be manomba Jahowa alani hahurangan ni na asing.

3. Aha do tanda ni halak Kristen na sittong? (Johannes 13:34, 35)

³ Taida ma muse ayat tema ni artikel on. (Jaha Johannes 13:34, 35.) Dipaboa disi, holong do tanda ni halak Kristen na sittong, dang kesempurnaan. Parrohahon ma dang didok Jesus, ‘botoonmuna ma na siseanku hamu.’ Alai didok ibana, ‘botoon ni sude jolma ma na siseanku hamu.’ Sian hata ni Jesus on, na so Saksi Jahowa pe boi do mananda ise halak Kristen na sittong ala mangida holong na dipatudu nasida.

4. Sukkun-sukkun aha do na bisa jadi dipikkirhon akka halak na so Saksi Jahowa?

 ⁴ Olo do sukkun-sukkun roha ni piga-piga halak na so Saksi Jahowa: ‘Boasa holong na gabe tanda ni halak Kristen na sittong? Songon dia do Jesus patuduhon holong tu akka apostelna? Jala songon dia do carana maniru Jesus saonari?’ Nang pe nungnga gabe Saksi Jahowa hita, pasti lomo do rohatta mamboto alus ni sukkun-sukkun on. Gabe lam tergerak ma hita patuduhon holong tarlumobi tikki berurusan tu akka dongan na so sempurna.​—Eps. 5:2.

5. Patorang ma hata ni Jesus na disurat di Johannes 15:12, 13.

⁵ Takkas do dipaboa Jesus holong na songon dia do na gabe tanda ni akka pengikutna. (Jaha Johannes 15:12, 13.) Didok Jesus do tu nasida, “Marsihaholongan ma hamu, songon au naung makkaholongi hamu.” Aha do maksudna? Di ayat 13 didok, on ma holong na rela berkorban. Holong sisongon on ma na mangonjar roha ni sahalak Kristen olo mangalehon ngoluna humokkop akka donganna. b

6. Songon dia do Bibel mangajarhon massai penting do patuduhon holong?

⁶ Jotjot do dipaboa di Bibel massai penting patuduhon holong. Godang do halak na mambahen akka ayat ni Bibel on gabe ayat favorit ni nasida. Misalna, “Holong do Debata.” (1 Joh. 4:8) “Ikkon haholonganmu do donganmu jolma doshon dirim.” (Mat. 22:39) “Halak na marholong ni roha, rade do manalpuhon hasalaan.” (1 Ptr. 4:8) “Dang na olo salpu holong ni roha i.” (1 Kor. 13:8) Sian akka ayat on dohot ayat na asing, taboto ma massai penting do patuduhon holong.

7. Boasa dang boi Sibolis mambahen marsada jala marsihaholongan akka halak?

⁷ Sukkun-sukkun do roha ni halak, ‘Sian  dia do huboto agama na dia na sittong? Sude do agama mangakku mangajarhon hasittongan, hape marasing-asing do ajaran ni nasida taringot Debata.’ Dibahen Sibolis do godang agama na so sittong asa maol akka halak mananda agama na sittong. Alai dang boi Sibolis mambahen marsada jala marsihaholongan akka halak di portibi on. Holan Jahowa do na boi mangulahon i, alana sian Jahowa do holong na sasittongna. Holan akka halak na diurupi tondi parbadia jala na dipasu-pasu Jahowa do na boi patuduhon holong sisongon i. (1 Joh. 4:7) Takkas ma, holan akka sisean ni Jesus do na boi patuduhon holong na rela berkorban.

8-9. Aha do pengaruhna tikki diida halak na asing holong na dipatudu Saksi Jahowa? Paboa ma contohna.

⁸ Songon naung didok Jesus, godang do halak na mananda halak Kristen na sittong ala mangida holong na dipatudu nasida. Misalna sahalak donganta na margoar si Ian paboahon songon dia perasaanna tikki parjolo sahali ro tu kebaktian ni Saksi Jahowa na dibahen di stadion olahraga di jonok ni jabuna. Piga-piga bulan sebelumna nungnga tu stadion i ibana manonton pertandingan olahraga. Didok ibana, “Berbeda hian do suasana di pertandingan i tu kebaktian ni Saksi Jahowa. Burju-burju do nasida, sopan, rapi pakkeanna, jala taratur do akka dakdanak.” Didok ibana muse, “Marlas ni roha do huida sude na ro jala dame pakkilalaan ni nasida. Hira na so adong masalahna. On ma na hulului saleleng on. Dang huingot be jamita na dipasahat di kebaktian i, alai sai huingot do pangalaho na denggan na dipatudu nasida.” c Boi pe denggan pangalahotta ala na marsihaholongan do hita dohot akka dongan. Alani holong i, gabe tapatudu do haburjuon tu akka dongan jala taargai nasida.

⁹ Songon i do tong na dihilala donganta si John tikki parjolo sahali ibana ro tu parpunguan ni Saksi Jahowa. Didok ibana, “Terkesan do au tu haburjuon ni Saksi Jahowa. Hurippu halak na sempurna do nasida alani burjuna. Alani holong na dipatudu nasida, gabe pos ma rohakku nga juppangku be agama na sittong.” d Akka pengalaman on dohot pengalaman na asing patuduhon tutu do Saksi Jahowa halak Kristen na sittong.

10. Tikki sadihari do khususna ikkon tapatudu holong? (Ida surat na di toru.)

¹⁰ Songon naung dipaboa di awal ni artikel on, dang adong sian hita na sempurna. Sipata olo do pambahenan dohot pakkataion ni akka dongan mambahen jut rohatta. e (Jak. 3:2) Di kesempatan sisongon i ma khususna ikkon tapatudu holong marhite pambahenan dohot pakkataiotta. Aha do na boi taparsiajari sian teladan ni Jesus?​—Joh. 13:15.

11. Sifat aha do na hea dipatudu si Jakobus dohot si Johannes? (Ida gambar.)

¹¹ Dang diharappon Jesus kesempurnaan sian akka pengikutna. Gariada alani holongna, diurupi Jesus do nasida padenggatton hahurangan ni nasida asa boi mambahen las roha ni Jahowa. Hea do dua apostelna, i ma si Jakobus dohot si Johannes mandokkon tu omak ni nasida asa dipangido tu Jesus posisi na sangap di Harajaonna. (Mat. 20:20, 21) Tindakan ni nasida i patuduhon na ginjang do roha ni nasida, jala lomo rohana gabe na ussangap sian na asing.​—Poda 16:18.

12. Holan si Jakobus dohot si Johannes do na patuduhon sifat na so denggan? Patorang ma.

 ¹² Dang holan si Jakobus dohot si Johannes na patuduhon sifat na so denggan di tikki i. Bibel mandok, “Tikki dibege sisean na sappulu i taringot i, muruk ma nasida tu dua halak na marhaha maranggi i.” (Mat. 20:24) Boi ma tabayakkon pasti marsoal do si Jakobus, si Johannes, dohot akka apostel na asing i. Bisa jadi adong do di antara nasida mandok, ‘Na dirippu hamu do undenggan hamu sian hami? Ise haroa hamu umbahen na ikkon sangap posisimuna di Harajaon i? Na dirippu hamu do holan hamu na bekerja keras saleleng on rap dohot Jesus? Hami pe layak do mandapot posisi na sangap di Harajaon i!’ Dang taboto pastina aha na dihatai nasida, alai di tikki i dang dipatudu akka apostel i holong dohot haburjuon.

13. Songon dia do tanggapan ni Jesus tikki marsoal akka apostelna? (Mateus 20:25-28)

¹³ Aha do na diulahon Jesus? Dang gabe muruk ibana tu akka apostelna i. Dang didok ibana tumagon ma dilului ibana muse halak na asing gabe apostelna na olo patuduhon serep ni roha dohot holong tu na asing. Gariada sabar do Jesus paingotton nasida. Alana diboto Jesus do na lomo do roha ni nasida mangulahon na sittong. (Jaha Mateus 20:25-28.) Sai dipatudu Jesus do holong tu  akka apostelna nang pe marulak-ulak nasida marsoal taringot ise do na ussangap sian nasida.​—Mrk. 9:34; Luk. 22:24.

14. Di lingkungan na songon dia do akka apostel ni Jesus dipagodang-godang?

¹⁴ Pasti dipertimbakkon Jesus do di lingkungan na songon dia akka apostelna dipagodang-godang. (Joh. 2:24, 25) Jotjot do diajarhon siboto patik dohot halak Parise sangap do sasahalak molo timbo posisina. (Mat. 23:6; bandingkon tu video Tempat Duduk Paling Depan di Sinagoga na adong di Matius 23:6 Alkitab Edisi Pelajaran bahasa Indonesia.) Jala akka pamimpin agama Jahudi pe merasa ussangap do nasida sian halak na asing. f (Luk. 18:9-12) Takkas do diboto Jesus molo lingkungan sisongon i mempengaruhi pandangan ni akka apostelna taringot tu dirina sandiri dohot tu na asing. (Poda 19:11) Diboto Jesus do na lomo do roha ni akka apostelna i mangulahon na denggan. Alani i gabe sabar ma Jesus mangurupi nasida asa marserep ni roha jala patuduhon holong tu na asing.

15. Aha do na boi taparsiajari sian na masa tu si Jakobus, si Johannes, dohot akka apostel na asing?

¹⁵ Adong muse na boi taparsiajari sian na masa tu si Jakobus dohot si Johannes. Sala do memang nasida ala mangido posisi na sangap di Harajaon ni Debata. Alai sasittongna apostel na asing pe sala do, ala dang berupaya nasida asa toktong marsada. Alai burju do Jesus, dipatudu ibana do holong tu 12 apostelna. Aha ma parsiajaranna tu hita? Nang pe jut rohatta alani pambahenan ni sasahalak, porlu do taparrohahon songon dia tindakanta. Ikkon tetap do tapatudu holong dohot haburjuon tu ibana. Attong aha do na boi mangurupi hita? Tikki jut rohatta dibahen dongan sahaporseaon tasukkun ma diritta, ‘Aha do na mambahen jut rohakku tu ibana? Adong do sifathu na porlu hupadenggan? Adong do masalah ni donganta i umbahen na songon i pambahenanna tu au? Nang pe memang sala ibana, alai boi do hupatudu holong jala humaappon kesalahanna?’ Molo tapatudu holong tu akka dongan, on patuduhon na tutu do hita siihutton ni Jesus.

16. Aha do na boi taparsiajari sian teladan ni Jesus?

¹⁶ Teladan ni Jesus mangajarhon tu hita asa berupaya mangattusi akka donganta. (Poda 20:5) Memang dang songon Jesus hita na boi mamboto aha na adong di bagasan roha. Alai nang pe songon i, boi do hita toktong sabar tu akka dongan na mambahen haccit rohatta. (Eps. 4:1, 2; 1 Ptr. 3:8) Asa mura mangulahon i, berupaya ma hita mangattusi latar belakang ni akka donganta. Taparrohahon ma contohna.

17. Aha do manfaat na dihilala sahalak pengawas wilayah ala berupaya mananda dongan sahaporseaonna?

¹⁷ Sahalak pengawas wilayah di Afrika Timur paboahon taringot sahalak donganta bawa di huria na hea dikunjungi ibana. Mulana dirippu pengawas wilayah i halak na kasar do donganta i. Aha do na diulahon pengawas wilayah i? Didok ibana, “Dang mandao au sian ibana. Gariada, berupaya do au lam mananda ibana.” Hasilna gabe boi ma diboto pengawas wilayah i taringot latar belakang ni donganta i jala songon dia i mempengaruhi sifatna. Didok pengawas wilayah i muse,  “Dung huboto luar biasa do hape perjuangan ni donganta i mambahen perubahan dohot upayana mambahen kemajuan, gabe lam holong ma rohakku tu ibana. Saonari gabe dongan kompak do hami.” Takkas ma, molo berupaya hita mananda akka dongan, lam mura ma hita patuduhon holong tu nasida.

18. Molo adong dongan na mambahen haccit rohatta, sukkun-sukkun aha do na porlu tapikkirhon? (Poda 26:20)

¹⁸ Sipata olo do tahilala porlu makkatai tu dongan na mambahen haccit rohatta. Alai denggan do jolo tapikkirhon sukkun-sukkun on: ‘Takkas do huboto sude faktana?’ (Poda 18:13) ‘Memang sengaja do ibana mambahen haccit rohakku?’ (Pjm. 7:20) ‘Hea do hubahen kesalahan na sarupa?’ (Pjm. 7:21, 22) ‘Molo makkatai au tu ibana, gabe lam denggan do annon situasina manang gabe lam parah?’ (Jaha Poda 26:20.) Molo tapikkirhon sukkun-sukkun on, olo do tahilala dumenggan do mengabaihon kesalahanna i ala holong rohatta tu ibana.

19. Aha do tekadmuna?

¹⁹ Ditanda do Saksi Jahowa halak Kristen na sittong ala marsihaholongan nasida. Alai hita secara pribadi boi do patuduhon na tutu hita halak Kristen na sittong. Tapatudu ma holong na rela berkorban tu akka dongan nang pe dang sempurna nasida. Molo taulahon i, gabe boi ma akka halak mananda agama na sittong jala rap dohot hita manomba Jahowa Debata parholong i. Bertekad ma hita asa toktong patuduhon holong na gabe tanda ni halak Kristen na sittong.