Mulai sian borngin i, hupikkiri ma taringot Debata. Alai sebelum huceritahon kejadian di borngin i, saonari huceritahon ma jo na masa tu au tikki dakdanak, boasa sappe naeng huboto taringot Debata.

Taon 1937 do au tubu di Guesnain, sada kota pertambangan di sabola utara ni Prancis. Sahalak penambang batu bara do bapakku. Jala sian ibana do au marsiajar penting ni kerja keras. Huida sogo hian do roha ni bapa tu tindakan na so adil na dibahen tu akka penambang. Ala diida bapa massai susa do ngolu ni akka penambang i. Jadi ala songon i bapa, gabe songon i ma tong au. Asi do roha ni bapa tu halak i, alani i bergabung ma ibana tu sada organisasi lao mampartahatton hak ni akka penambang i. Sogo do muse roha ni bapa tu akka pamimpin agama na munafik. Sebenarna nga tabo parngoluon ni nasida, alai sai tong dope dijaloi hepeng sian akka penambang na pogos i. Jadi ala sogo hian roha ni bapa tu akka pamimpin agama i, dang hea huhatai hami taringot tu Debata manang taringot agama.

 Lam balga au, lam sogo ma rohakku tu tindakan na so adil. Misalna sogo hian do rohakku molo dibeda-bedahon orang asing na adong di Prancis. Molo au lomo hian do rohakku marbola dohot akka anak ni imigran na tinggal di Prancis. Alana omakku pe halak Polandia do, dang halak Prancis. Jadi lomo hian do rohakku asa mardame sude akka halak na tinggal dison.

Masuk dinas militer ma au taon 1957. Songon i ma ceritana makana boi au sahat tu pegunungan Algeria songon naung hupaboa nakkin. Dung hudok, “Ago Tuhan! Ago Tuhan!” Huida ma keledai liar do hape, dang tentara ni musu. Baru pe tenang perasaakku. Mulai sian i hupikkiri ma taringot parngoluon on. Boasa hita mangolu? Dipardulihon Debata do hita? Adong do hadameon na saleleng ni lelengna?

Tikki hukunjungi omak dohot bapa, pajuppang ma au dohot Saksi Jahowa. Dilehon ma tu au La Sainte Bible, Bibel terjemahan Katolik Prancis. Hujaha ma Bibel i dung mulak au tu Algeria. Hona do tu rohakku Pangungkapon 21:3, 4. Didok do disi, “Joro ni Debata adong di tonga-tonga ni jolma . . . Apusan ni Debata ma nasa ilu-ilu sian mata ni nasida. Dang adong be hamatean nang arsak ni roha, nang angguk-angguk, nang na haccit, dang disi be.” * Jadi ninna rohakku ma, ‘Mungkin do nuaeng masa on?’ Alana di tikki i so adong dope huboto taringot Debata dohot taringot tu Bibel.

Dung sae au dinas militer taon 1959, pajuppang ma au dohot sahalak Saksi Jahowa na margoar si François. Ibana ma na mangajarhon hasittongan na sian Bibel tu au. Misalna, dipatudu ibana do tu au molo goar ni Debata, i ma Jahowa. (Ps. 83:18) Dipaboa si François do muse dang adong be annon tindakan na so adil jala bahenon ni Jahowa ma tano on gabe Paradeiso. Dung i saut ma na didok di Pangungkapon 21:3, 4.

Toho do sude na diajarhon nasida i jala hona do i tu rohakku. Dung huboto hasittongan i gabe lam sogo ma rohakku tu akka pamimpin agama. Naeng hudok ma tu nasida dang sittong sude na diajarhon nasida i. Ternyata berpengaruh do tu au sifat ni bapakki. Dang lomo rohakku mangida akka na so adil, naeng bertindak do au lao pasohon i.

Diurupi si François dohot akka dongan na asing do au asa tetap tenang. Dipaboa nasida ma tu au dang boi halak Kristen menghakimi. Alai ikkon taurupi do na asing asa mamboto barita na uli taringot Harajaon ni Debata. Alana i do ulaon ni Jesus jala i do na ditugasson ibana tu akka halak na mangihutton ibana. (Mat. 24:14; Luk. 4:43) Marsiajar do au muse asa lambok jala sabar tikki makkatai dohot na asing, nang pe dang sai setuju au tu na nidok ni nasida. Songon na didok di Bibel, “Dang porlu marbada naposo ni Tuhan i, alai ikkon lambok do tu sude halak.”​—2 Tim. 2:24.

Dung i muba au jala tardidi taon 1959 di sada kebaktian wilayah. Disi, masitandaan ma au dohot sahalak donganta borua na margoar si Angèle. Disi huida ibana pittor lomo do rohakku tu ibana. Marpungu ma au attong tu sidangna. Dung i menikah  ma hami taon 1960. Burju hian do istrikkon. Hadiah na massai arga sian Jahowa.​—Poda 19:14.

Adong do parsiajaran na penting na dapottu sian akka dongan na berpengalaman. Boi do hita marhasil mangulahon tugasta, termasuk tugas na maol molo serep rohatta jala “godang na mamodai”, songon na tarsurat di Poda 15:22.

Taon 1964 dilantik ma au gabe pengawas wilayah. Ditugasson ma au makkunjungi akka huria, lao patoguhon akka dongan, jala mangurupi nasida asa lam jonok tu Jahowa. Alai 27 taon dope umurhu tikki i. Dang berpengalaman dope au, jadi sipata hubahen do kesalahan. Alai belajar do au sian kesalahanki jala godang do na huparsiajari sian akka dongan naung berpengalaman na mamodai au. Hurasahon ma tikki i, toho hian do na didok ni Poda 15:22 i.

Misalna tikki baru pengawas wilayah dope au, hukunjungi hami ma sada huria di Paris. Dung naeng sai kunjungannami, adong ma sahalak donganta naung berpengalaman manjuppangi au. Disukkun ibana ma tu au, “Boi do hita na dua makkatai?” Hudok ma, “Boi brur.”

Didok ibana ma tu au, “Louis, ise do na porlu diubati dokter, na sehat do manang na marsahit?”

Hudok ma, “Na marsahit brur.”

Didok ibana, “Pas do na nidokmi. Alai huparrohahon brur, unjotjot do brur makkatai tu akka dongan naung matang rohanina, songon pengawas sidang. Hape di huriatta on godang dope akka dongan na baru, na parila, jala na marmetmet ni roha. Porlu do nasida dipatogu. Pasti las hian do roha ni halak i molo makkata-hatai manang rap mangan hamu di jabu ni nasida.”

Mandok mauliate do au tu donganta i ala massai denggan do nasehatna i. Boi do huida holong hian rohana tu akka dongan di huria. Nang pe dang mura huterima nasehatna i alai pittor huulahon do i. Mauliate ma di Jahowa ala dipakke do donganta i pasingotton au.

Taon 1969 dohot 1973, ditugasson ma au gabe Pengawas Departemen Komsumsi di dua kebaktian internasional di Colombes, Paris. Huingot dope di kebaktian taon 1973, hampir 60.000 halak ma na ikkon lehononnami mangan saleleng lima ari. Hira na so tolap do hurasa mangulahon i. Alai boi do au marhasil molo huihutton  Poda 15:22, manjalo nasehat sian akka na berpengalaman. Jadi hujuppangi ma akka dongan naung berpengalaman di bidang komsumsi jala hujalo ma saran ni nasida. Termasuk ma i akka dongan na malo mambagi jagal, sayur, mangaloppa, dohot belanja. Ala kerja sama hami sude, boi do hupasae hami tugas i.

Taon 1973, diundang ma au dohot istrikku tu Betel Prancis. Ditugasson ma au mangirim lektur tu Kamerun, Afrika. Maol do hurasa mangulahon tugas i alana dilarang do Saksi Jahowa di Kamerun sian taon 1970 sahat tu 1993. Hira na so tolap do huhilala mangulahon i. Adong ma sahalak pengawas cabang na patoguhon au. Didok ma, “Porlu do publikasi on di akka donganta na di Kamerun. Jadi ikkon takirim do i.” Jala i do na diulahon hami.

Jotjot do au lao tu perbatasan negara Kamerun lao manjuppangi akka sintua di negara i. Barani jala marbisuk do akka sintua disi. Nasida do mangurupi au mangalului cara na pas asa boi masuk publikasitta tu negara i. Dipasu-pasu Jahowa do upayanami i. Saleleng 20 taon torus do tersedia majalah Menara Pengawal dohot Our Kingdom Service di negara i.

Sian mulai marhallet hami, huida massai holong do roha ni si Angèle on tu Jahowa. Jala lam takkas ma tarida i dung marrumah tangga hami. Dung sae acara pernikahannami dipangido ibana ma au manangiakkon keinginannami, asa boi torus melayani Jahowa sebagai pasangan suami istri. Jala dialusi Jahowa do tangiangnami i.

Diurupi si Angèle do au asa torus marpos ni roha tu Jahowa. Misalna tikki diundang hami melayani di Betel taon 1973, dang pola lomo rohakku. Alana unlomo do rohakku gabe pengawas wilayah. Dipaingot si Angèle ma au taringot janjinami tu Jahowa. Nungnga marjanji hami mangulahon manang aha pe na dipangido organisasi  sian hami. (Heb. 13:17) Toho hian do na didokna i jala setuju do au tusi. Jadi berangkat ma hami tu Betel. Borua na marbisuk do istrikkon jala massai holong do rohana tu Jahowa. Akka sifatna i ma na mambahen bahagia pernikahannami jala mangurupi hami mambahen keputusan na denggan saleleng marrumah tangga hami.

Istri na luar biasa do istrikkon jala torus do ibana songon i nang pe nga matua hami. Misalna olo do ibana belajar bahasa Inggris. Alana akka sikkola na diparade organisasi di tikki i dibahen di bahasa Inggris dope. Jadi bergabung ma hami tu huria bahasa Inggris nang pe nungnga marumur 70 an hami. Sada tantangan do on di hami alana sibuk dope au melayani sebagai panitia cabang di Prancis. Alai kerja sama do au dohot si Angèle. Saonari dung marumur 80 an, tong dope hami persiapan mamakke dua bahasa, bahasa Inggris dohot bahasa Prancis. Huupayahon hami do asa boi mangalean komentar di parpunguan jala marbarita. Dipasu-pasu Jahowa do upayanami marsiajar bahasa Inggris.

Taon 2017 diundang ma au tu Sikkola Panitia Cabang dohot Istri na dibahen di Pusat Pendidikan Menara Pengawal di Patterson, New York. Pasu-pasu na luar biasa do on di hami.

Di sikkola i boi ma diida hami ‘Guru na Sangap’ do Jahowa. (Jes. 30:20) Ala Guru na Sangap Ibana, diparade Ibana do pendidikan na terbaik tu akka naposona, tu na matua dohot na poso. (5 Mus. 4:5-8) Jala nungnga huida molo ditangihon akka na poso Jahowa dohot dongan na berpengalaman, boi ma dibahen nasida keputusan na denggan di ngolu ni nasida jala toktong setia tu Jahowa. Jadi terbukti do Poda 9:9 na mandok, “Lehon ma parbinotoan tu halak na marbisuk, asa lam marbisuk ibana. Ajar-ajari ma halak na tigor marroha, asa tamba na binotona.”

Sipata sai huingot dope kejadian 60 taon naung salpu, tikki di pegunungan Algeria au. Di borngin i dang huboto aha na lao masa. Dang hurippu boi songon on ngolukku. Godang do parsiajaran na hudapot sian akka dongan! Jala godang do pasu-pasu na dilean Jahowa tu au dohot tu si Angèle. Jadi bertekad ma hami asa torus olo diajar-ajari Jahowa dohot akka dongan naung berpengalaman na tong makkaholongi Jahowa.