1. Keputusan penting aha do na ikkon dibahen sude halak?

 HITA sude porlu do mambahen keputusan na penting. Debata Jahowa parhuaso ni alam semesta on do na tadukung manang Sibolis musu ni Debata? Ikkon adong do na tapillit, dang boi hita di pihak netral. Jala pilihan na tabahen i, manottuhon dapotta do hangoluan na saleleng ni lelengna manang na dang. (Mat. 25:31-33, 46) Saleleng “hasusaan bolon” lao dilehon ma tanda tu sude jolma naeng dipalua do nasida manang dipamate.​—Pgk. 7:14; 14:9-11; Hes. 9:4, 6.

2. (a) Sesuai tu Heber 10:35-39, aha do na porlu taulahon? (b) Songon dia do bukku Pangungkapon boi mangurupi hita?

² Jaha Heber 10:35-39. Molo dipillit hamu do mendukung Harajaon ni Debata, nungnga dibahen hamu be keputusan na denggan. Pasti lomo do rohamuna mangurupi na asing asa mambahen keputusan na sarupa. Boi do dipakke hamu akka hatorangan di bukku Pangungkapon lao mangurupi nasida. Dipaboa do di bukku i hukuman na lao dijalo akka halak na mangalo Jahowa. Dipaboa do tong pasu-pasu na lao dilehon tu akka halak na mendukung Harajaon ni Debata. Penting do taparsiajari akka hatorangan i, asa lam bertekad hita toktong setia melayani Jahowa. Boi do muse tapakke i mangurupi na asing mambahen keputusan lao melayani Jahowa jala asa toktong setia tu Ibana.

3. Aha do na lao tabahas di artikel on?

³ Di artikel on naeng tabahas ma dua sukkun-sukkun on: Pasu-pasu aha do na lao jaloon ni akka halak na mendukung Harajaon ni Debata? Jala aha do na lao masa tu akka halak na mendukung binatang buas na merah songon api, na dibahas di bukku Pangungkapon?

4. Kelompok na dia do na diida si Johannes rap dohot Jesus di surgo?

⁴ Di sada parnidaan, diida si Johannes do dua kelompok na mendukung Harajaon ni Debata jala na mandapot hangoluan na saleleng ni lelengna. Kelompok na parjolo, godangna 144.000 halak. (Pgk. 7:4) Nasida ma akka halak na dipillit lao mangolu di surgo jala mandongani Jesus mamaretta tano on. (Pgk. 5:9, 10; 14:3, 4) Di parnidaan i, diida si Johannes do nasida rap jongjong dohot Jesus di Dolok Sion.​—Pgk. 14:1.

5. Aha do na lao masa satokkin nai tu akka halak na tarpillit na tading dope di tano on?

⁵ Sian jaman ni akka apostel sahat tu saonari, nungnga marribu halak na dipillit gabe bagian ni si 144.000 i. (Luk. 12:32; Rom 8:17) Dipaboa si Johannes do, adong dope otik nai akka na tarpillit i na tading di tano on saleleng ari parpudi. Andorang so dimulai “hasusaan bolon”, jaloon ni na tading i do “materai” sian Debata. (Pgk. 7:2, 3; 12:17) Di hasusaan bolon diangkat ma nasida tu surgo, gabe lengkap ma jumlah ni si 144.000 i. Dohot ma nasida mandongani Jesus mamaretta di Harajaon ni Debata.​—Mat. 24:31; Pgk. 5:9, 10.

6-7. (a) Kelompok na dia do muse na diida si Johannes, jala aha do na taboto taringot nasida? (b) Boasa tertarik dua kelompok i mamparsiajari Pangungkapon bindu 7?

⁶ Dung diida si Johannes si 144.000 i, diida ibana ma muse “sada punguan bolon”. Alai dang dipaboa di Bibel sadia godang ni halak na dohot tu kelompok i. (Pgk. 7:9, 10) Aha do na taboto taringot nasida? Didok si Johannes, “Nasida do na malua sian hasusaan bolon. Nungnga disussi nasida jubah ni nasida jala bottar dibahen di bagasan mudar ni Anak ni Biru-Biru i.” (Pgk. 7:14) Dung malua nasida sian hasusaan bolon, dapot ni nasida ma godang pasu-pasu di tano on.​—Ps. 37:9-11, 27-29; Poda 2:21, 22; Pgk. 7:16, 17.

⁷ Dang soal hita dipillit naeng mangolu tu surgo manang di tano on, pasti tarpaima do hita tu penggenapan ni surirang di Pangungkapon bindu 7. Pengalaman na luar biasa do on. Pasti marlas ni roha do hita ala nungnga tabahen keputusan lao mendukung pamarettaon ni Jahowa. Aha dope na lao taparsiajari sian bukku Pangungkapon taringot hasusaan bolon i?​—Mat. 24:21.

8. Peristiwa aha do na memulai hasusaan bolon i, jala songon dia do reaksi ni godangan halak tikki masa i?

⁸ Songon naung taparsiajari di artikel sebelumna, diserang akka pamaretta nama Babel na Balga, i ma sude agama na so sittong. (Pgk. 17:16, 17) Peristiwa on ma na memulai hasusaan bolon. Gabe godang do annon akka halak na manomba Jahowa alani na masa i? Daong. Sebalikna songon na didok di Pangungkapon bindu 6, tikki masa i godang do na mangalului parlinggoman sian sistem politik dohot sistem perdagangan di portibi on, na dipatudos songon akka dolok. Jadi ala dang olo nasida mendukung Harajaon ni Debata, dianggap Jahowa ma nasida musuna.​—Luk. 11:23; Pgk. 6:15-17.

9. Songon dia do pendirian ni naposo ni Jahowa saleleng hasusaan bolon, jala aha do na lao masa tu nasida?

⁹ Alai anggo naposo ni Jahowa na setia, berbeda do pendirianna saleleng masa hasusaan bolon. Holan nasida do haduan  kelompok di tano on na manomba Jahowa, jala dang olo nasida mendukung “binatang buas” i. (Pgk. 13:14-17) Pendirian ni nasida i mambahen muruk akka na menentang Jahowa. Alani i, gabe marsada ma sude bangso lao menyerang akka naposo ni Debata di liat portibi on. Di Bibel digoari ma on, serangan Gog na sian Magog.​—Hes. 38:14-16.

10. Sesuai tu Pangungkapon 19:19-21, songon dia do reaksi ni Jahowa mangida serangan ni Gog na sian Magog i?

¹⁰ Songon dia do reaksi ni Jahowa mangida serangan i? Didok Ibana, “Marsigorgor ma rimashu.” (Hes. 38:18, 21-23) Dipaboa do di Pangungkapon bindu 19 aha na masa dukkon i. Disuru Jahowa do Jesus paluahon naposona jala manghancurhon akka musuna i. Haduan, rap ma Jesus dohot akka tentarana na di banua ginjang, i ma suru-suruan dohot si 144.000 i manghancurhon Gog na sian Magog. (Pgk. 17:14; 19:11-15) Ujungna dihancurhon ma sude jolma dohot organisasi na mangalo Jahowa!​—Jaha Pangungkapon 19:19-21.

11. Peristiwa aha do na massai penting na adong di bukku Pangungkapon?

¹¹ Bayakkon ma perasaan ni akka halak na setia na di tano on dung diida nasida dihancurhon Debata sude musuna. Pasti marlas ni roha do nasida. Sude na di surgo pe marlas ni roha do, ala nungnga dihancurhon Babel na Balga i. Alai adong dope las ni roha na umbalga sian i. (Pgk. 19:1-3) On ma peristiwa na massai penting na adong di bukku Pangungkapon, i ma “pesta parbogason ni Anak ni Biru-Biru i”.—Pgk. 19:6-9.

12. Sesuai tu Pangungkapon 21:1, 2, andigan do masa pesta parbogason ni Anak ni Biru-Biru i?

¹² Andorang so masa dope porang Armagedon, nungnga lengkap be jumlah ni si 144.000 i. Alai dang i dope tikkina pesta parbogason ni Anak ni Biru-Biru i. (Jaha Pangungkapon 21:1, 2.) Andigan do masa pesta parbogason i? Masa ma i dukkon dipamate sude musu ni Jahowa di porang Armagedon.​—Ps. 45:3, 4, 13-17.

13. Aha do tujuan ni pesta parbogason ni Anak ni Biru-Biru i?

¹³ Aha do tujuan ni pesta parbogason ni Anak ni Biru-Biru i? Songon pernikahan na pasadahon sahalak bawa dohot sahalak borua, pernikahan ni Anak ni Biru-Biru i pe pasadahon Jesus dohot ‘pengantinna’ si 144.000 i. Peristiwa penting on ma na membentuk pamarettaon na baru na lao mamaretta tu tano on saleleng 1.000 taon.​—Pgk. 20:6.

14-15. Sesuai tu Pangungkapon bindu 21, dipatudos tu aha do si 144.000 i? (Ida gambar sampul.)

¹⁴ Di Pangungkapon bindu 21, dipatudos do si 144.000 i tu kota na uli, i ma “Jerusalem na imbaru”. (Pgk. 21:2, 9) Fondasi ni kota i dibahen sian 12 batu. “Tarsurat do sada sian goar ni 12 apostel ni Anak ni Biru-Biru i di ganup batu i.” Tertarik do si Johannes mangida i. Boasa? Ala disurat do goarna di sada sian batu i. Sada hasangapon do i di ibana!​—Pgk. 21:10-14; Eps. 2:20.

¹⁵ Beda do kota on sian kota na asing. Dalan ni kota i dibahen sian mas murni, 12 gerbangna dibahen sian mutiara, tembok dohot fondasina dibahen sian akka batu na arga, jala sarupa do ganjangna, bidangna, dohot timbona. (Pgk. 21: 15-21) Alai adong dope na hurang diida si Johannes. Didok ibana, “Dang adong huida bagas joro di kota i. Ai Debata Jahowa Pargogo na So Hatudosan dohot Anak ni Biru-Biru i do bagas jorona. Dang porlu mataniari manang bulan manondangi kota i. Ai hamuliaon ni Debata do na manondangi jala Anak ni Biru-Biru i do lampuna.” (Pgk. 21:22, 23) Sude na gabe bagian ni Jerusalem na imbaru i lao rap do dohot Jahowa. Alani i, dang porlu be di nasida bagas joro. (Pgk. 22:3, 4) Jala tikki melayani Jahowa di surgo, langsung do Jesus na mamimpin nasida ala ibana do sintua ni malim di surgo. (Heb. 7:27) Jadi, Jahowa dohot Jesus ma na gabe bagas joro di kota i.

16. Pasu-pasu aha do jaloon ni akka halak saleleng Pamarettaon Saribu Taon di Harajaon ni Debata?

¹⁶ Pasti las hian do roha ni akka halak na tarpillit tu surgo mambayakkon kota i. Alai akka halak na berharap mangolu di tano on pe, dohot do marlas ni roha. Alana saleleng Pamarettaon Saribu Taon di Harajaon ni Debata, lehonon ni Jerusalem na imbaru i ma godang pasu-pasu tu tano on. Diida si Johannes, pasu-pasu i dos songon “sunge aek hangoluan”. Di sabola kanan dohot kiri ni sunge i tubu do “akka hau hangoluan”, jala bulung ni hau i “boi pamaluppon akka bangso”. (Pgk. 22:1, 2) Sude jolma na di tano on haduan, boi do mandapot manfaat sian i. Lam leleng, gabe sempurna ma sude halak na mangoloi Debata. Ujungna dang adong be sahit, hasusaan, dohot angguk-angguk.​—Pgk. 21:3-5.

17. Songon na dipaboa di Pangungkapon 20:11-13, ise do na mandapot manfaat sian Pamarettaon Saribu Taon i?

¹⁷ Ise do annon na mandapot manfaat sian pamarettaon i? Na parjolo, i ma punguan bolon na selamat sian Armagedon dohot akka dakdanak na tubu di tano na imbaru. Dipaboa do tong di Pangungkapon bindu 20 na lao dipahehe ma akka halak naung mate. (Jaha Pangungkapon 20:11-13.) Lao dipahehe ma akka “na burju”, i ma akka halak na toktong setia sahat tu na mate. Dipahehe do muse akka “na jahat”, i ma akka halak na so sanga mananda Jahowa tikki mangolu dope nasida. (Ul. 24:15; Joh. 5: 28, 29) Jadi na gabe dipahehe do sude halak na mate saleleng Pamarettaon Saribu Taon i? Daong. Dang dipahehe akka halak na so olo manomba Jahowa. Alana nungnga dilehon tu halak i kesempatan tikki mangolu dope nasida, alai dang olo nasida muba. On patuduhon dang layak nasida mangolu di Paradeiso.​—Mat. 25:46; 2 Tes. 1:9; Pgk. 17:8; 20:15.

18. Songon dia do situasi ni tano on di ujung ni 1.000 taon i?

¹⁸ Di ujung ni 1.000 taon i, sempurna ma sude halak di tano on. Dang dihilala nasida be pengaruh ni dosa ni si Adam. Lao disalpuhon ma hamatean saleleng ni lelengna. (Rom 5:12) Jadi, boi didok lao ‘dipahehe’ ma sude jolma na di tano on, nungnga sempurna be nasida di ujung ni 1.000 taon i.​—Pgk. 20:5.

19. Boasa ikkon diuji sahali nai sude halak naung sempurna i?

¹⁹ Taboto do, toktong do Jesus setia tu Jahowa nang pe digoda Sibolis ibana. Attong haduan molo dung sempurna sude jolma, boi do nasida toktong setia tu Jahowa tikki digoda Sibolis nasida sahali nai? Dibuktihon nasida ma i tikki dipalua Sibolis sian lombang na massai bagas di ujung ni 1.000 taon i. (Pgk. 20:7) Sude halak na toktong setia, mangolu ma saleleng ni lelengna jala boi ma dihilala nasida haluaon na sasittongna. (Rom 8:21) Alai akka halak na mangalo Jahowa lao dipamate ma saleleng ni lelengna rap dohot Sibolis dohot akka suru-suruanna na jahat.​—Pgk. 20:8-10.

20. Songon dia do perasaanmuna dung tabahas akka surirang di bukku Pangungkapon?

²⁰ Songon dia do perasaanmuna dung tabahas akka surirang di bukku Pangungkapon? Pasti las hian do rohamuna ala dohot hamu menggenapi akka surirang di bukku i. Jala tottu, gabe tergerak do rohamuna mangurupi na asing asa dohot mangulahon ibadat na sittong tu Jahowa. (Pgk. 22:17) Dung tabahas akka na lao masa di ari na naeng ro, pasti sarupa do perasaanta songon Apostel Johannes na mandok, “Amen! Ro ma ho, ale Tuan Jesus.”​—Pgk. 22:20.