1. Boasa porlu di hita bisuk na sian Debata? (Poda 4:7)

 MOLO hita naeng mambahen keputusan na penting, pasti jolo martangiang do hita tu Jahowa mangido bisuk. Ala taboto porlu do i di hita. (Jak. 1:5) Si Salomo mandok, “[Bisuk] do na upporlu sian saluhutna.” (Jaha Poda 4:7.) Na didok si Salomo dison dang bisuk ni jolma. Alai bisuk na sian Jahowa do. (Poda 2:6) Memang boi do bisuk na sian Debata i mangurupi hita mangadopi akka tantangan di parngoluotta? Boi. I ma na lao tabahas di artikel on.

2. Boha do carana asa boi hita marbisuk?

² Sada cara asa boi hita marbisuk, i ma mangihutton nasehat ni halak na marbisuk. Na parjolo i ma si Salomo. Didok di Bibel, “Dibahen Debata do si Salomo massai marbisuk, jala diurupi do ibana asa malo manottuhon dia na denggan.” (1 Raj. 4:29) Na paduahon, i ma Jesus. Ibana do halak na umbisuk na hea mangolu di tano on. (Mat. 12:42) Taringot Jesus dipaboa do di surirang ni si Jesaya, “Gok do tondi parbadia ni Jahowa di ibana. Alani i ma gabe marbisuk ibana, jala gok do na diattusi ibana.”​—Jes. 11:2.

3. Aha do na lao tabahas di artikel on?

³ Dilehon Jahowa do bisuk tu si Salomo dohot Jesus. Alani i, gabe boi ma dilehon nasida nasehat na denggan taringot akka na penting di ngolutta. Di artikel on tabahas ma boasa ikkon seimbang cara pandangta taringot hepeng, parkarejoan, dohot diritta sandiri.

4. Aha do beda ni si Salomo dohot Jesus?

⁴ Mora hian do si Salomo. Jala massai bagak do istanana. (1 Raj. 10:7, 14, 15) Molo Jesus otik do artana jala dang adong jabuna. (Mat. 8:20) Alai sarupa do cara pandang ni nasida na dua taringot arta. Alana Jahowa do na mangalehon bisuk tu nasida.

5. Songon dia do pandangan ni si Salomo taringot hepeng?

⁵ Didok si Salomo, “parlinggoman” do hepeng i. (Pjm. 7:12) Ala adong hepengta gabe boi ma tatuhor akka na tahaporluhon dohot akka na tahalomohon. Nang pe mora hian si Salomo diboto ibana do adong na lobi penting sian hepeng. Didok ibana, “Tumagon do [denggan] goar ni sasahalak sian apala gok artana.” (Poda 22:1) Didok si Salomo, halak na holongan di hepeng dang marna sonang rohana bahenon ni artana i. (Pjm. 5:10, 12) Alani i ma, dipasingot ibana do hita asa unang tabahen hepeng gabe na uppetting di ngolutta. Alana boi do i hatop mago.​—Poda 23:4, 5.

6. Songon dia do pandangan ni Jesus taringot tu arta? (Mateus 6:31-33)

⁶ Jesus pe seimbang do cara pandangna tu arta. Lomo do rohana menikmati sipanganon dohot siinuman na tabo. (Luk. 19:2, 6, 7) Sada tikki hea do dibahen ibana aek gabe anggur na dumenggan. Jala i do mukjizatna na parjolo. (Joh. 2:10, 11) Di ari parmatena pe, dipakke ibana do baju na massai arga. (Joh. 19:23, 24) Nang pe songon i, dang hea dibahen Jesus arta na uppetting di ngoluna. Didok ibana tu akka siseanna, “Dang tarbahen ni sahalak hatoban mangoloi dua tuan . . . Dang boi hamu gabe hatoban ni Debata jala gabe hatoban ni Hamoraon.” (Mat. 6:24) Diajarhon Jesus do tu hita molo sai talului parjolo Harajaon ni Debata, pasti paradeon ni Jahowa do sude na tahaporluhon.​—Jaha Mateus 6:31-33.

7. Aha do manfaat na dihilala sahalak donganta ala seimbang cara pandangna taringot hepeng?

 ⁷ Godang do akka donganta na mandapot manfaat ala menerappon nasehat ni Bibel taringot hepeng. Taparrohahon ma jo pengalaman ni sahalak donganta lajang na margoar si Daniel. Didok ibana, “Tikki remaja huputusson ma mambahen Jahowa gabe na paling penting di ngolukku.” Dibahen si Daniel ma sederhana parngoluonna. Gabe boi ma ibana mangurupi panitia penanggulangan bencana jala melayani di Betel. Didok ibana muse, “Dang hea husolsoli keputusankon. Sasittongna boi do dapottu godang hepeng molo hubahen i na uppetting di ngolukku. Alai gabe dang boi be dapottu akka dongan na burju jala dang boi marlas ni roha au songon saonari. Sadia godang pe hepeng na dapottu, dang sebanding i tu sude pasu-pasu na dilehon Jahowa tu au.” Takkas ma godang do manfaatna molo berfokus hita melayani Jahowa, dang berfokus mangalului hepeng.

8. Boasa boi tadok seimbang do cara pandang ni si Salomo tu karejona? (Parjamita 5:18, 19)

⁸ Didok si Salomo kerja keras boi do mambahen sasahalak marlas ni roha, jala “silehon-lehon ni Debata” do i. (Jaha Parjamita 5:18, 19.) Didok si Salomo do muse, “Adong do laba ni ganup halojaon.” (Poda 14:23) Tutu do hata ni si Salomo on. Ibana sahalak pekerja keras do. Godang do jabu na dibangun ibana. Godang do porlak anggurna. Adong do taman dohot akka kolam na dibahen ibana. Adong do muse kota na dipajongjong ibana. (1 Raj. 9:19; Pjm. 2:4-6) Sude kerja kerasna i parohon las ni roha do tu si Salomo. Alai disadari si Salomo do asa boi ibana botul-botul marlas ni roha, ikkon diulahon ibana do lomo ni roha ni Debata. Alani i dipajongjong ibana do bagas joro ni Jahowa saleleng pitu taon. (1 Raj. 6:38; 9:1) Dung diulahon ibana sudena i, disimpulhon si Salomo ma na paling penting diulahon jolma, i ma melayani Jahowa. Didok si Salomo do, “On do kesimpulan sian sude na tabege i: Habiari ma Debata na sittong jala oloi ma parettana.”​—Pjm. 12:13.

9. Sian dia do taboto dang karejona sebagai tukkang hau na paling penting di Jesus?

⁹ Sahalak pekerja keras do Jesus. Tikki di tano on, ditanda do ibana sahalak tukkang hau. (Mrk. 6:3) Pasti las do roha ni natua-tuana ala diurupi Jesus nasida paradehon akka na porlu di keluargana. Ala sempurna do ibana pasti lomo do roha ni halak tu hasil kerja ni Jesus. Jala Jesus pe dinikmati do karejona i. Alai nang pe songon i, sai dipastihon ibana do adong tikkina lao manomba Jahowa. (Joh. 7:15) Di pudian ni ari dung gabe sahalak parbarita na uli ibana, hea do didokkon ibana, “Unang ma karejo hamu lao mangalului sipanganon na olo busuk. Alai karejo ma hamu lao mangalului sipanganon na so olo busuk na parohon hangoluan saleleng ni lelengna.” (Joh. 6:27) Jala tikki dipasahat ibana Jamita na di Dolok didok ibana do, “Papungu-pungu ma arta di banua ginjang.”​—Mat. 6:20.

10. Nang pe ikkon ringgas hita karejo alai aha na porlu tahindari?

¹⁰ Bisuk na sian Jahowa boi do mangurupi hita asa seimbang mangida parkarejoanta. Hita halak Kristen, ikkon “ringgas” jala denggan mangulahon karejotta. (Eps. 4:28) Jadi berupaya do hita jujur  jala ringgas di parkarejoan asa las roha ni bosta tu hita. Alai olo do ra gabe jotjot hita lembur ala naeng tabahen las roha ni bosta i, jala asa sai terkesan ibana tu Saksi Jahowa. Nang pe songon i, taingot ma molo taulahon i, boi do gabe dang adong be tikkitta tu keluarga manang tu ulaonta manomba Jahowa. Jadi berupaya ma hita seimbang asa unggodang tikkitta mangulahon akka na paling penting.

11. Aha do na diida si William sian sahalak sintua?

¹¹ Adong sahalak donganta na poso na margoar si William. Hea do ibana karejo tu sahalak sintua. Didok si William, “Ringgas do sintua i, jala denggan do reputasina di jolo ni akka pelanggan. Alai seimbang do cara pandangna taringot karejo. Molo nga mulak ibana karejo, dang sai karejona i be na dipikkiri ibana. Fokus do ibana tu keluargana dohot tu Jahowa. Jala las hian do rohana huida!” *

12. Torus do seimbang cara ni Salomo mangida dirina?

¹² Tikki setia dope si Salomo, seimbang do ibana mangida dirina sandiri. Tikki poso dope si Salomo jala tikki baru gabe raja ibana, diakkui ibana do keterbatasanna jala dipangido ibana do petunjuk sian Jahowa. (1 Raj. 3:7-9) Hea do ditaringoti ibana bahayana molo ginjang rohatta. Didok ibana, “Na lao hancur do halak na patimbohon dirina, jala na lao tartuktuk do siginjang roha.” (Poda 16:18) Alai dung piga-piga taon mamaretta, gabe ginjang ma roha ni si Salomo. Jala dang dioloi ibana be paretta ni Debata. Misalna adong do patik na mandok ‘dang boi godang istri ni sahalak raja, asa unang manirpang rohana sian Jahowa’. (5 Mus. 17:17) Dang dioloi si Salomo patik i. Dibuat ibana do 700 istri dohot 300 gundik. Jala godangan sian  nasida dang manomba Jahowa. (1 Raj. 11:1-3) Olo do ra didok roha ni si Salomo dang pola gabe masalah i. Alai ujungna gabe mandao do ibana sian Jahowa alani akka istrina i, jala gabe susa ma ibana.​—1 Raj. 11:9-13.

13. Aha do na boi tatiru sian Jesus?

¹³ Serep do roha ni Jesus jala seimbang do ibana mangida dirina. Sebelum ro tu tano on, nungnga godang na diulahon Jesus lao melayani Jahowa. Didok Bibel, “Marhite ibana do ditoppa saluhut na di surgo dohot na di tano on.” (Kol. 1:16) Dukkon tardidi Jesus, gabe boi ma ra diingot ibana muse sude naung diulahon ibana rap dohot bapakna di surgo. (Mat. 3:16; Joh. 17:5) Nang pe massai godang parbinotoan ni Jesus alai dang gabe sombong ibana alani i. Dang hea dianggap Jesus undenggan ibana sian na asing. Gariada didok ibana do tu akka siseanna “dang na lao dihobasi ibana umbahen na ro. Alai ro do ibana lao marhobas tu na asing jala mangalehon ngoluna lao manobus godang jolma”. (Mat. 20:28) Asing ni i dang adong manang aha pe na diulahon Jesus mangihutton lomo ni rohana sandiri. (Joh. 5:19) Takkas ma serep hian do roha ni Jesus. Jadi ikkon tatiru do ibana.

14. Aha do na boi taparsiajari sian hata ni Jesus asa seimbang mangida diritta sandiri?

¹⁴ Diajarhon Jesus do tu akka siseanna asa seimbang cara pandang ni nasida tu dirina sandiri. Sada tikki didok Jesus do tu nasida, “Gari obuk na di ulumuna pe nungnga dibilangi sude.” (Mat. 10:30) Hata ni Jesus on paposson rohatta na arga do hita di Jahowa, jala massai holong do rohana tu hita. Jadi molo jotjot hita marpikkiran negatif taringot diritta sandiri, taingot ma nungnga dipillit Jahowa hita gabe sisomba Ibana. Berarti menurut Jahowa, layak do hita mangolu saleleng ni lelengna di tano na imbaru. Jadi unang ma tadok sala do penilaian ni Jahowa i.

15. (a) Songon dia do artikel di Menara Pengawal mangurupi hita asa seimbang mangida diri sandiri? (b) Pasu-pasu aha do na so dapotta molo holan diritta sandiri na tapikkiri? (Ida gambar di halaman 24.)

 ¹⁵ Hira-hira 15 taon naung salpu, hea do dibahas di Menara Pengawal songon dia asa seimbang hita mangida diri sandiri. Didok disi, “Unang ma tadok di rohatta undenggan hita sian na asing, ala boi do i mambahen hita sombong. Unang ma tong tadok di rohatta dang berharga hita, ala boi do i mambahen metmet rohatta. Sebalikna ikkon masuk akkal ma hita mangida diri sandiri. Ikkon taakkui do adong hahurangatta, alai tasadari ma adong do tong kelebihanta. Sahalak donganta borua mandok songon on, ‘Dang halak na jahat au jala dang halak na istimewa au. Adong do hahuranganku alai adong do tong kelebihanku. Sude do halak songon i.’” * Takkas ma godang do manfaatna molo seimbang caratta mangida diri sandiri.

16. Boasa dilehon Jahowa godang petunjuk tu hita?

¹⁶ Holong do roha ni Jahowa tu hita jala lomo do rohana asa marlas ni roha hita. Alani i dilehon Ibana do godang petunjuk di Bibel asa marbisuk hita. (Jes. 48:17, 18) Jadi berupaya ma hita mambahen las roha ni Jahowa. I do keputusan na terbaik jala na mambahen hita botul-botul marlas ni roha. Godang do halak na gabe susa ala nasida holan mamikkirhon hepeng, parkarejoan, dohot dirina sandiri. Boi do hita terhindar sian i molo seimbang cara pandangta. Jadi bertekad ma hita asa marbisuk jala mambahen las roha ni Jahowa!​—Poda 23:15.