1-2. Aha do na mambahen gabe lebih penting piga-piga prinsip ni Bibel di hita?

 DI ARI pernikahan, biasana adong do jamita na dipasahat tu pengantin. Ikkon serius do nasida mambege akka prinsip ni Bibel na dibahas di jamita i. Sabotulna nga jotjot dibege nasida i. Alai saonari prinsip na dibahas di jamita i penting do di nasida. Boasa? Alana sebagai pasangan suami istri, ikkon diulahon halak i nama prinsip i.

² Songon i do tong perasaan ni akka suami istri na naeng gabe natua-tua. Sabotulna nungnga jotjot dibege nasida jamita taringot pagodang-godangkon gelleng. Alai saonari massai penting do akka prinsip i di nasida. Alana tanggung jawab na borat do pagodang-godangkon gelleng. Memang tikki berubah ngolutta, piga-piga prinsip ni Bibel gabe lebih penting do di hita. I do alana hita akka sisomba Jahowa ikkon manjaha jala mangarimangi isi ni Bibel, songon na diparettahon Jahowa tu akka raja ni Israel. Ikkon dijaha nasida do i “saleleng ngoluna”.​—5 Mus. 17:19.

3. Aha do na lao tabahas di artikel on?

³ Dilehon Jahowa do tu akka natua-tua tanggung jawab na istimewa, i ma mangajarhon taringot Jahowa tu gellengna. Alai dang holan i. Ikkon diurupi nasida do gellengna i asa makkaholongi Jahowa. Di artikel on tabahas ma opat prinsip ni Bibel na mangurupi akka natua-tua mangulahon i. (2 Tim. 3:16) Dung i taida ma muse aha do manfaatna molo diulahon akka natua-tua prinsip i.

4. Aha do na porlu diulahon natua-tua lao mangurupi gellengna makkaholongi Jahowa? (Jakobus 1:5)

⁴ Prinsip 1: Lului ma petunjuk ni Jahowa. Pangido ma bisuk sian Jahowa asa boi diurupi hamu gellengmuna makkaholongi Ibana. (Jaha Jakobus 1:5.) Jahowa do na paling cocok mangalehon nasehat taringot pagodang-godangkon dakdanak. Boasa? Taida ma dua alasanna. Na parjolo, Jahowa do Natua-tua na paling berpengalaman. (Ps. 36:9) Na paduahon, nasehat ni Jahowa i selalu do bermanfaat.​—Jes. 48:17.

5. (a) Aha do na diparade organisasi lao mangurupi natua-tua? (b) Aha do na boi diparsiajari hamu sian donganta si Amorim dohot istrina? (Ida surat na di toru.)

⁵ Marhite Bibel dohot organisasina, dilehon Jahowa do petunjuk tu akka natua-tua asa boi diurupi nasida gellengna makkaholongi Jahowa. (Mat. 24:45) Misalna adong do artikel berseri “Bantuan untuk Keluarga” di majalah Sadarlah!. Saonari nga tersedia i di situs webta. Asing ni i, adong do muse akka video di jw.org na marisi wawancara dohot akka video na asing na mangurupi natua-tua pagodang-godangkon gellengna. *​—Poda 2:4-6.

6. Songon dia do perasaan ni si Joe dohot istrina tu akka na diparade organisasi?

⁶ Godang do natua-tua na mandok mauliate tu Jahowa ala diurupi Jahowa do nasida marhite organisasina. Donganta na margoar si Joe mandok, “Adong tolu gellengnami jala dang mura mangurupi nasida asa makkaholongi Jahowa. Alani i, au dohot istrikku sai martangiang tu Jahowa mangido asa diurupi hami pagodang-godangkon nasida. Jahowa do na huandalhon hami. Jotjot do hurasahon hami artikel dohot akka video na dibahen organisasi, tepat waktu tu situasinami.” Boi do diida si Joe dohot istrina, massai balga do pengaruh ni akka artikel dohot video i tu gelleng ni nasida.

7. Boasa ikkon berupaya natua-tua gabe teladan tu anakkonna? (Rom 2:21)

⁷ Prinsip 2: Gabe teladan ma hamu.  Akka dakdanak jotjot do maniru aha na diida nasida. Memang dang adong natua-tua na sempurna, alai ikkon berupaya do nasida gabe teladan na denggan tu anakkonna. (Rom 3:23; jaha Rom 2:21.) Sahalak bapak mandok, “Akka dakdanak i dos do songon spons na menyerap sude na di sekitarna.” Didok ibana muse, “Pasti dipaboa nasida do molo dang sesuai tindakanta tu na taajarhon.” Jadi molo lomo rohatta asa dihaholongi gellengta Jahowa, ikkon hita do na parjolo makkaholongi Jahowa jala ikkon tarida do i sian tindakanta.

8-9. Aha do na taparsiajari sian pengalaman ni si Andrew dohot si Emma?

⁸ Godang do cara na dibahen natua-tua lao mangajari anakkonna asa makkaholongi Jahowa. Songon pengalaman ni donganta si Andrew na marumur 17 taon. Didok ibana, “Sai diajarhon natua-tuakku do massai penting martangiang. Ganup borngin martangiang do bapak dohot au nang pe nungnga martangiang au. Sai didok natua-tuanami do, boi do hami martangiang tu Jahowa manang sadihari pe. Alani hata ni nasida i, gabe huboto ma massai penting do tangiang i. Saonari leluasa ma au martangiang tu Jahowa jala boi do huanggap Ibana songon Bapak na botul-botul makkaholongi au.” Hamu akka natua-tua, molo holong rohamuna tu Jahowa boi do diurupi hamu gellengmuna asa makkaholongi Ibana.

⁹ Taida ma muse pengalaman ni si Emma. Ditinggalhon bapakna do nasida. Alai dang holan i, godang do muse utang ni bapakna i jala ikkon omakna ma na melunasi i. Didok si Emma, “Maol do parhepengonnami. Alai sai didok omak do pasti diparade Jahowa do kebutuhan ni naposona. Sian parngoluan ni omak, boi do huida na pos situtu rohana tu janji ni Jahowa i. Jala sesuai do tindakanna tu na diajarhon ibana.” Aha ma na boi taparsiajari sian on? Boi do hamu tetap mangalean teladan tu anakkonmuna nang pe borat situasi na diadopi hamu.​—Gal. 6:9.

10. Tikki sadihari do halak Israel boi makkata-hatai dohot anakkonna taringot Jahowa? (5 Musa 6:6, 7)

¹⁰ Prinsip 3: Jotjot ma hamu makkata-hatai dohot anakkonmuna. Najolo diparettahon Jahowa do tu halak Israel asa jotjot nasida mangajari anakkonna taringot Jahowa. (Jaha 5 Musa 6:6, 7.) Godang do kesempatan ni nasida di bagasan sadari lao makkata-hatai dohot gellengna jala ‘manuatton’ paretta ni Jahowa tu bagasan roha ni gellengna i. Misalna molo bawa do anakna, sering do ibana rap dohot bapakna di ladang. Molo borua sering do ibana mangurupi omakna di jabu, songon manjahit, menyulam, manang makkarejohon tugas di jabu. Ala godang tikki ni nasida rap dohot gellengna, godang do na boi dihatai nasida. Boi do dibahas nasida taringot haburjuon ni Jahowa jala songon dia Ibana mangurupi keluarga ni nasida.

11. Tikki sadihari do akka natua-tua boi makkata-hatai dohot gellengna?

¹¹ Memang dang songon najolo situasitta saonari. Di godang negara, dang jotjot be akka natua-tua makkata-hatai dohot gellengna. Sibuk do nasida karejo, jala dakdanak pe marsikkola. Jadi ikkon dimanfaatton natua-tua do setiap kesempatan asa boi makkata-hatai dohot gellengna. (Eps. 5:15, 16; Plp. 1:10) Contohna  boi do dimanfaatton nasida ibadat keluarga. Sahalak na poso na margoar si Alexander mandok, “Dibahen bapa do ibadat keluarganami. Jala sai berupaya do bapa asa unang sappe batal i. Dung sae hami ibadat keluarga, makkata-hatai ma hami.”

12. Aha do na porlu diingot kepala keluarga tikki ibadat keluarga nasida?

¹² Hamu kepala keluarga, aha do na porlu diulahon hamu asa dinikmati gellengmuna ibadat keluarga? Parsiajari hamu ma bukku na baru “Mangolu Saleleng ni Lelengna”. Bukku on dirancang asa mura hamu makkata-hatai taringot Bibel. Pasti lomo do rohamuna mamboto songon dia perasaan dohot kekhawatiran ni gellengmuna. Alai unang ma di tikki ibadat keluarga dikoreksi hamu nasida. Unang ma muruk hamu molo dipaboa gellengmuna pandapot na so sesuai tu prinsip ni Bibel. Alai puji ma ala nungnga jujur nasida. Jala bahen ma nasida nyaman paboahon perasaanna. Molo diboto hamu do aha na adong di roha ni gellengmuna, lam mura ma hamu mangurupi nasida.

13. Tikki sadihari dope natua-tua boi mangajari gellengna taringot Jahowa?

¹³ Hamu akka natua-tua, molo diida hamu adong di bagasan sadari i kesempatan manceritahon taringot Jahowa tu gellengmuna, manfaatton ma i. Unang ma dipaima hamu sappe dapot tikkimuna marsiajar Bibel dohot nasida. Songon i do na diulahon donganta si Lisa. Didok ibana, “Sai huurupi hami do gellengnami marsiajar taringot Jahowa sian akka toppaan. Contohna olo do sipata akka gellengnami gabe mekkel mangida anjingnami. Jadi hupaboa hami ma molo i patuduhon Debata na marlas ni roha do Jahowa jala lomo do rohana asa marlas ni roha hita.”

14. Boasa ikkon diurupi natua-tua gelleng ni nasida mamillit dongan na denggan? (Poda 13:20)

¹⁴ Prinsip 4: Urupi ma gellengmuna mamillit dongan na denggan. Didok di Bibel, balga do pengaruh ni dongan tu hita. (Jaha Poda 13:20.) Hamu akka  natua-tua, ditanda hamu do akka dongan ni gellengmuna? Hea do hamu pajuppang jala bergaul dohot nasida? Aha ma na boi diulahon hamu asa mardongan gellengmuna tu halak na makkaholongi Jahowa? (1 Kor. 15:33) Boi do diajak hamu akka dongan na togu haporseaonna asa bergaul dohot keluargamuna.​—Ps. 119:63.

15. Songon dia do natua-tua mangurupi gelleng ni nasida asa mamillit dongan na denggan?

¹⁵ Parrohahon ma pengalaman ni si Tony. Diurupi ibana dohot istrina do gelleng ni nasida asa mandapot dongan na denggan. Didok ibana, “Saleleng martaon-taon, jotjot do huundang hami akka dongan na poso manang na matua tu jabunami. Rap mangan do hami jala dohot do nasida tu ibadat keluarganami. Songon i ma caranami asa boi mananda akka dongan na makkaholongi Jahowa. Jotjot do muse pengawas wilayah, misionaris, dohot akka dongan na asing menginap di jabunami. Balga do pengaruh ni pengalaman, semangat, dohot sikap rela berkorban ni nasida tu gellengnami. Jala on mangurupi nasida asa jonok tu Debata Jahowa.” Hamu akka natua-tua, berupaya ma hamu mangurupi gellengmuna mamillit dongan na denggan.

16. Songon dia molo dang olo gellengmuna manomba Jahowa?

¹⁶ Boha do molo dang olo gellengmuna manomba Jahowa nang pe nga berusaha hamu mangurupi nasida? Unang ma didok rohamuna nga gagal hamu. Dilehon do tu hita sude kebebasan mamillit, termasuk tu gellengmuna. Jadi berhak do nasida mamillit naeng manomba Jahowa manang na dang. Molo tung pe ditinggalhon nasida Jahowa, sabar ma hamu paimahon nasida mulak. Ingot ma ilustrasi taringot anak na mago. (Luk. 15:11-19, 22-24) Roa do pangalahona, alai ujungna muba do ibana. Olo do ra didok rohatta, “Holan cerita do i. Dia ma mungkin masa i.” Sasittongna mungkin do i masa, songon na dialami si Elie.

17. Aha do na boi diparsiajari hamu sian pengalaman ni si Elie?

 ¹⁷ Taringot natua-tuana didok si Elie do, “Marsitutu do nasida mangajari au asa makkaholongi Jahowa dohot Hatana, i ma Bibel. Alai dung remaja mulai ma au mangalo.” Sipsip do si Elie mangulahon akka na so denggan. Nang pe berupaya natua-tuana mangurupi ibana, alai dang olo ibana. Dung i lao ma ibana sian jabu jala diulahon ma akka ulaon so hasea. Alai di sada tikki mardiskusi ma ibana dohot donganna taringot Bibel. Didok si Elie, “Lam sering au manceritahon taringot Jahowa tu ibana, lam sering ma au mamikkirhon Jahowa. Palan-palan huingot ma sude ajaran ni Bibel na diajarhon natua-tuakku tu au.” Ujungna mulak ma si Elie tu Jahowa. * Pasti las hian do roha ni natua-tua ni si Elie ala berupaya nasida mangurupi ibana makkaholongi Jahowa mulai sian dakdanak!​—2 Tim. 3:14, 15.

18. Boha do perasaanmuna mangida akka natua-tua na berupaya mangurupi gellengna asa makkaholongi Jahowa?

¹⁸ Hamu akka natua-tua, nungnga dilehon Jahowa tugas na istimewa tu hamu lao mangajari gellengmuna asa manomba Ibana. (Ps. 78:4-6) Memang dang tugas na mura on. Alai hupuji hami do hamu ala nungnga berupaya mangurupi gellengmuna. Torus ma urupi hamu nasida asa makkaholongi Jahowa jala mangoloi Ibana. Pos ma rohamuna pasti las do roha ni Jahowa tu hamu.​—Eps. 6:4.