1. Aha do tantangan na bisa jadi taadopi?

 HEA DO dibahen hamu cita-cita rohani alai maol mencapai i? b Molo hea, dang holan hamu na songon i. Misalna lomo do roha ni si Philip asa lam denggan jala lam jotjot martangiang, alai maol do ibana mangalului tikki lao martangiang. Molo si Erika lomo do rohana asa tepat waktu ro tu parpunguan lao marbarita, alai jotjot do ibana tarlambat. Molo si Tomas nga dicoba ibana piga-piga hali lao manjaha sude isi ni Bibel. Didok ibana, “Dang hunikmati na manjaha Bibel on. Nga hucoba tolu hali, alai holan sahat tu bukku 3 Musa do.”

2. Boasa unang pola kecil hati hita molo dang tercapai dope cita-cita rohanitta?

² Molo adong cita-citamuna saonari alai dang boi dope dicapai hamu, unang ma merasa kecil hati hamu. Cita-cita na sederhana pe porlu do godang tikki dohot upaya lao mencapai i. Sasittongna holan adong pe keinginanmuna lao mencapai cita-citamuna, on patuduhon na diargai hamu do hubunganmuna tu Jahowa jala lomo rohamuna mangalehon na terbaik tu Ibana. Diargai Jahowa do upayamuna i. Tottu dang dipangido Ibana lobi sian na boi dilehon hamu. (Ps. 103:14; Mik. 6:8) Jadi bahen hamu ma cita-cita na masuk akkal sesuai tu keadaanmuna. Molo songon i aha do na boi diulahon hamu lao mencapai cita-citamuna? Tabahas ma piga-piga saran.

3. Boasa massai penting adong keinginan?

³ Asa boi tacapai cita-citatta ikkon balga do keinginanta. Molo balga keinginan ni sasahalak pasti berupaya keras do ibana mencapai cita-citana i. Sarupa ma i songon alogo na mangonjar kapal layar sahat tu tujuan. Molo torus alogo i mangullus boi ma pelaut mencapai tujuanna. Jala molo gogo alogo i, boi ma lam hatop ibana sahat. Suang songon i ma molo balga keinginanta pasti berupaya do hita mencapai cita-citatta. Sahalak donganta bawa na margoar si David na tinggal di El Salvador mandok, “Molo adong keinginanmuna pasti berupaya keras do hamu mencapai i. Jala dang diloas hamu manang aha pe mangabbati hamu mencapai cita-cita i.” Attong aha ma na boi diulahon hamu asa lam balga keinginanmuna?

4. Aha do na boi tatangiakkon? (Pilippi 2:13) (Ida gambar.)

⁴ Martangiang ma tu Jahowa asa ditambai keinginanmuna. Boi do Jahowa mangalehon tondi parbadiana asa lam tamba keinginanta lao mencapai cita-citatta. (Jaha Pilippi 2:13.) Sipata olo do tabahen cita-cita ala taboto ikkon taulahon i, jala denggan do i. Alai boha do molo dang adong keinginanta lao mencapai i? Parrohahon ma pengalaman ni sahalak donganta borua na margoar si Norina di Uganda. Adong do cita-citana asa boi memandu parsiajaran Bibel. Alai dang adong keinginanna mencapai i ala merasa dang guru na malo ibana. Aha do na mangurupi si Norina? Didok ibana, “Martangiang do au tu Jahowa ganup ari asa ditambai keinginanku lao memandu parsiajaran Bibel. Sesuai tu tangiakku, berupaya do au asa lam denggan tikki mangajari. Dung piga-piga bulan husadari ma gabe lam tamba do keinginanku. Laos di taon i, nungnga adong dua parsiajaran Bibel na hupandu.”

5. Aha do na boi tarimangi asa lam balga keinginanta lao mencapai cita-citatta?

⁵ Rimangi ma sude naung dibahen Jahowa tu hamu. (Ps. 143:5) Dirimangi Apostel Paulus do asi ni roha ni Debata na massai balga tu ibana, jala i ma na mangonjar rohana marsitutu melayani Jahowa. (1 Kor. 15:9, 10; 1 Tim. 1:12-14) Dos songon i ma, molo lam jotjot hamu mangarimangi sude naung dibahen Jahowa tu hamu, gabe lam tergerak ma rohamuna lao mencapai cita-citamuna. (Ps. 116:12) Parrohahon ma aha do na mangurupi sahalak donganta borua na di Honduras mencapai cita-citana gabe perintis biasa. Didok ibana, “Hurimangi ma na massai balga do holong ni Jahowa tu au. Ditogu-togu Ibana do au gabe naposona. Parduli do Ibana tu au jala dijaga Ibana do au. Dung hurimangi i sude, gabe lam balga ma holongku tu Ibana jala lam balga ma keinginanku lao merintis.”

6. Aha dope na boi mangurupi hita manambai keinginanta?

⁶ Pikkirhon ma manfaatna molo dicapai hamu cita-citamuna. Parrohahon ma manfaat na didapot si Erika na dipaboa nakkin  ala tepat waktu ibana. Didok ibana, “Husadari ma rugi do au molo tarlambat ro tu parpunguan lao marbarita. Alai molo tibu au ro, gabe boi ma au bergaul dohot akka dongan. Boi ma au muse manangihon saran praktis songon dia carana asa lam hunikmati jala asa lam malo au marbarita na uli.” Fokus do si Erika tu manfaat na dapotna ala tepat waktu jala berupaya ma ibana mencapai cita-citana i. Akka aha ma manfaatna molo fokus hamu tu cita-citamuna? Molo berupaya hamu meningkatton panjahaion Bibel dohot martangiang, pikkirhon ma songon dia i boi patoguhon hubunganmuna tu Jahowa. (Ps. 145:18, 19) Molo berupaya hamu padenggatton sifatmuna, pikkirhon ma manfaatna songon dia i boi mambahen lam denggan hubunganmuna tu na asing. (Kol. 3:14) Bahen hamu ma daftar ni manfaat na boi dapotmuna molo dicapai hamu cita-citamuna. Taratur ma hamu mamareso daftar i. Si Tomas na dipaboa nakkin mandok, “Lam godang manfaat na hudapot, lam bersemangat ma au mencapai cita-citakku, jala dang mura menyerah.”

7. Aha do na mangurupi si Julio dohot istrina lao mencapai cita-cita ni nasida?

⁷ Mardongan ma dohot akka halak na manjujui hamu lao mencapai cita-citamuna. (Poda 13:20) Parrohahon ma aha do na mangurupi donganta si Julio dohot istrina mencapai cita-cita ni nasida pinda tu inganan na makkaporluhon parbarita. Didok ibana, “Dipillit hami do akka dongan na mendukung cita-citanami. Jala makkata-hatai ma hami taringot cita-citanami i tu nasida. Godang sian nasida nungnga marhasil mencapai cita-cita na sarupa. Jadi dilehon nasida ma akka saran na marguna tu hami. Jotjot do muse nasida manukkun songon dia kemajuannami, jala dipatogu nasida do hami.”

8. Aha do na boi terjadi molo berupaya hita mencapai cita-cita molo holan tikki semangat hita? (Ida gambar.)

⁸ Sipata adong do tikkina dang semangat hita. Maksudna na so porlu be hita berupaya mencapai tujuanta molo songon i? Daong. Coba ma jo taparrohahon ilustrasi on: Boi do alogo mangonjar kapal tu tujuanna. Alai dang sai torus gogo alogo jala sipata olo do dang adong alogo. Na so boi be kapal i bergerak molo songon i? Dang i maksudna. Piga-piga kapal layar adong do masin manang dayungna. Boi do i dipakke asa sahat kapal i tu tujuanna. Dipatudos do semangatta songon alogo. Olo do sada tikki semangat hita lao mencapai cita-citatta, alai di tikki na asing dang semangat. Alai molo berupaya hita mencapai cita-citatta holan tikki semangat hita, bisa jadi dang na lao tercapai i. Songon pelaut nakkin dipakke ibana do cara na asing asa boi ibana sahat tu tujuanna. Hita pe boi do mencapai cita-citatta nang pe hurang semangat hita. Memang dang sai mura on, porlu do hita mangarajai diri. Alai pasti marlas ni roha do hita molo nungnga  tercapai cita-citatta. Sebelum tabahas aha do na boi taulahon, taalusi ma jo sada sukkun-sukkun na olo ro tu pikkiranta.

9. Porlu dope hita berupaya mencapai cita-cita rohani nang pe dang semangat mangulahon i?

⁹ Lomo do roha ni Jahowa asa marlas ni roha hita manomba Ibana jala sian ias ni rohatta. (Ps. 100:2; 2 Kor. 9:7) Alai boha do molo dang songon i perasaatta? Porlu dope hita berupaya mencapai cita-cita rohanitta? Tatiru ma Apostel Paulus. Didok ibana, “Hulissingi do dagingku jala hubahen do au songon hatoban.” (1 Kor. 9:25-27) Nang pe dang adong semangat ni si Paulus lao mangulahon lomo ni roha ni Jahowa, alai dipaksa ibana do dirina mangulahon i. Las do roha ni Jahowa tu na diulahon si Paulus, jala dipasu-pasu Jahowa do upayana i.​—2 Tim. 4:7, 8.

10. Aha do manfaatna molo berupaya hita mencapai cita-citatta nang pe hurang semangat hita?

¹⁰ Dos songon i ma, las do roha ni Jahowa molo berupaya hita mencapai cita-citatta nang pe hurang semangat hita. Las do rohana alana nang pe dang sai semangat hita mangulahon i, alai tetap do taulahon i ala na massai holong rohatta tu Ibana. Songon Jahowa na mamasu-masu si Paulus, pasti pasu-pasuon ni Jahowa do tong hita alani upayatta. (Ps. 126:5) Jala tikki tanikmati pasu-pasu ni Jahowa i gabe lam semangat ma hita muse. Sahalak donganta borua na margoar si Lucyna di Polandia mandok, “Sipata dang lomo rohakku lao marbarita, apalagi tikki loja huhilala. Alai gabe marlas ni roha do au dung mulak sian marbarita.” Saonari tabahas ma aha do na porlu taulahon tikki hurang semangat hita mencapai cita-citatta i.

11. Songon dia do Jahowa boi mangurupi hita asa boi mangarajai diri?

¹¹ Martangiang ma asa boi mangarajai diri. Porlu do hita mangarajai diri asa unang mangulahon na sala. Alai sasittongna porlu do tong sifat mangarajai diri asa boi hita mangulahon ulaon na denggan, tarlumobi molo maol ulaon i manang molo dang adong keinginanta lao mangulahon i. Ingot ma sada sian parbue ni tondi parbadia do sifat mangarajai diri on. Alani i pangido ma tondi parbadia ni Jahowa asa boi hamu patuduhon sifat on. (Luk. 11:13; Gal. 5:22, 23) Si David na dipaboa nakkin paboahon songon dia tangiang mangurupi ibana asa teratur pelajaran pribadi. Didok ibana, “Martangiang do au tu Jahowa asa boi mangarajai diri. Marhite pangurupionna, gabe boi ma au mamulai jadwal pelajaran pribadi jala taratur mangulahon i.”

12. Songon dia do prinsip di Parjamita 11:4 mangurupi hita mencapai cita-cita rohanitta?

¹² Unang ma paima jolo denggan situasina. Di portibi on dang adong situasi na sempurna. Molo sai tapaima do jolo denggan situasitta, dang na lao boi tacapai cita-citatta. (Jaha Parjamita 11:4.) Sahalak donganta bawa na margoar si Dayniel mandok, “Dang adong situasi na sempurna. Alani i denggan do langsung tamulai manang songon dia pe situasina.” Sahalak donganta bawa na margoar si Paul di Uganda paboahon alasan na asing boasa unang olo hita menunda. Didok ibana, “Molo tetap tamulai nang pe dang mura situasina, urupan ni Jahowa do hita.”​—Mal. 3:10.

13. Aha do manfaatna molo tabahen cita-cita na masuk akkal?

¹³ Mulai ma sian langkah na sederhana. Bisa jadi dang semangat hita mencapai cita-citatta ala songon na maol tahilala mangulahon i. Molo i do na dihilala hamu, boi do dimulai hamu sian langkah na sederhana lao mencapai cita-citamuna i. Misalna molo berupaya hamu padenggatton sada sifat, berupaya ma patuduhon i marhite akka cara na sederhana. Molo lomo rohamuna manjaha sude isi ni Bibel, singkat ma bahen tikkimuna  manjaha Bibel jala bahen ma jadwal na taratur. Si Tomas na dipaboa nakkin, maol do dihilala ibana manjaha Bibel di bagasan sataon. Didok ibana, “Huhilala pahatophu do manjaha sude isi ni Bibel di bagasan sataon. Jadi hucoba ma muse, alai sahali on holan piga-piga ayat sian sada pasal do na hujaha tiap ari jala berupaya do au mangarimangi i. Hasilna gabe boi ma hunikmati manjaha Bibel on.” Dung lam tamba las ni roha ni si Tomas, dilehon ibana ma lam godang tikki lao manjaha Bibel. Hasilna boi ma dijaha ibana sude isi ni Bibel. c

14. Aha do na boi mambahen maol tacapai cita-citatta?

¹⁴ Dang soal sadia balga keinginan dohot upayatta lao mencapai cita-cita rohanitta, olo do maol mangulahon i. Misalna olo do masa “akka na so diharappon” na mambahen dang adong be tikkitta lao mencapai cita-citatta. (Pjm. 9:11) Olo do muse masa situasi na borat na mambahen hita kecil hati manang dang margogo. (Poda 24:10) Ala jolma na so sempurna hita, olo do muse tabahen kesalahan na mambahen hita maol mencapai tujuanta. (Rom 7:23) Manang olo do palojahu hita. (Mat. 26:43) Aha do na boi mangurupi hita asa unang kecil hati tikki maol tacapai cita-cita rohanitta?

15. Boasa penting unang menyerah molo tung pe hea hamu gagal? (Psalmen 37:23, 24)

¹⁵ Ingot ma nang pe hea hamu gagal dang na berarti torus hamu gagal. Bibel mandok olo do mulak-ulak taadopi hasusaan dohot tantangan. Alai takkas do dipaboa di Bibel, boi do hita hehe muse manang mencapai cita-citatta ala diurupi Jahowa. (Jaha Psalmen 37:23, 24.) Donganta si Philip na dipaboa nakkin mandok, “Dang sai berfokus au tu piga hali au gagal. Alai berfokus do au tu piga hali au mencoba muse mencapai cita-citakku.” Si David na dipaboa nakkin pe mandok, “Huanggap do akka hasusaan i dang sebagai ambat-ambat,  alai sebagai kesempatan tu au lao patuduhon na massai holong do rohakku tu Jahowa.” Jadi molo toktong hamu berupaya mencapai cita-citamuna nang pe hea gagal, on patuduhon na massai lomo do rohamuna mambahen las roha ni Jahowa. Pasti las do roha ni Jahowa molo toktong hamu berupaya mencapai cita-cita rohanimuna.

16. Aha do na boi diparsiajari hamu sian kegagalanmuna?

¹⁶ Marsiajar ma sian kegagalanmuna. Pikkirhon ma aha penyebabna jala sukkun ma dirimuna, ‘Aha do na boi hubahen asa unang terjadi muse situasi i?’ (Poda 27:12) Olo do gagal hamu ala dang sesuai cita-citamuna i tu situasimuna. Molo songon i do pikkirhon ma muse cita-citamuna jala rimangi ma masuk akkal dope i di hamu manang na dang. d Dang dianggap Jahowa hamu gagal molo dang boi dicapai hamu cita-cita na so sanggup diulahon hamu.​—2 Kor. 8:12.

17. Boasa ikkon taingot aha na nungnga tacapai?

¹⁷ Ingot ma aha naung dicapai hamu. Bibel mandok, “Ai tigor do Debata, dang lupahononna akka naung diulahon hamu.” (Heb. 6:10) Jadi hamu pe unang ma lupa tu akka naung diulahon hamu. Rimangi ma aha naung dicapai hamu, misalna nungnga marale-ale hamu tu Jahowa, paboahon taringot Ibana tu na asing, jala tardidi. Molo nungnga marhasil mencapai cita-citamuna najolo, pasti boi do tong mencapai cita-citamuna saonari.​—Plp. 3:16.

18. Aha do na porlu diingot hamu tikki berupaya hamu mencapai cita-citamuna? (Ida gambar.)

¹⁸ Alani bantuan ni Jahowa, boi ma hamu mencapai cita-citamuna, songon pelaut na marlas ni roha mencapai tujuanna. Alai ingot ma godang do akka pelaut i menikmati pardalanan ni nasida. Sarupa songon i ma, tikki berupaya hamu mencapai cita-citamuna ida ma songon dia Jahowa mangurupi hamu mencapai i jala marlas ni roha. (2 Kor. 4:7) Molo dang menyerah hamu, pasti dapotmuna ma godang pasu-pasu.​—Gal. 6:9.