1-2. (a) Boasa akka pasangan na baru menikah ikkon marpos ni roha tu Jahowa? (Psalmen 37:3, 4) (b) Aha do na lao tabahas di artikel on?

MOLO naeng menikah hamu manang baru menikah dope hamu, pasti lomo do rohamuna asa marlas ni roha dohot pasanganmuna i. Alai adong do akka tantangan na ikkon diadopi hamu. Jala adong do akka keputusan na penting na ikkon dibahen hamu. Songon dia caramuna mangadopi akka tantangan i, jala keputusan aha na dibahen hamu, berpengaruh do i tu pernikahanmuna. Molo Jahowa do na diandalhon hamu, boi ma dibahen hamu keputusan na denggan. Molo dibahen hamu songon i, gabe lam kompak ma hamu dohot pasanganmuna jala marlas ni roha. Alai molo so diihutton hamu petunjuk ni Jahowa, gabe godang ma masalah jala gabe dang boi be hamu marlas ni roha dohot pasanganmuna.​—Jaha Psalmen 37:3, 4.

² Nang pe artikel on dibahen tu akka pasangan na baru menikah, alai bermanfaat do tong on tu akka naung leleng menikah. Alana akka tantangan na lao dibahas annon di artikel on tong do diadopi nasida. Di artikel on pe lao tabahas ma pengalaman ni akka donganta jala aha na boi taparsiajari sian nasida. Dung i, tabahas ma contoh ni akka naposo ni Jahowa na disurat di Bibel. Pengalaman ni nasida bermanfaat do tu  parngoluotta, termasuk ma tu akka halak na menikah.

3-4. Akka tantangan aha do na diadopi pasangan na baru menikah?

³ Adong do ra piga-piga halak na manjujui hamu asa mangihutton kebiasaan ni halak na asing. Misalna orang tuamuna manang keluargamuna na asing olo do ra manjujui hamu asa pittor margelleng. Manang dijujui hamu manuhor jabu dohot akka barang na asing.

⁴ Manat ma hamu, alana molo diihutton hamu sude hata ni nasida, boi do hamu gabe marutang. Jala ikkon kerja keras ma hamu lao mambayar akka utangmuna i. Ala nga habis tikkimuna lao karejo, gabe dang adong be tikki lao pelajaran pribadi, pelajaran keluarga, bahkan marbarita. Olo do ra ikkon lembur hamu asa dapot uang tambahan jala asa boi hamu tetap karejo disi. Alani i gabe dang boi be hamu marpungu. Jala ujungna dang boi be hamu mangalehon gumodang tikki lao melayani Jahowa.

5. Aha do na boi diparsiajari hamu sian donganta si Kevin dohot si Marisa?

⁵ Molo hepeng do na uppetting di ngolutta, dang boi hita marlas ni roha. Songon i do na dihilala si Kevin dohot si Marisa. * Tikki baru menikah halak i, karejo do nasida na dua, gabe godang ma hepeng ni halak i. Alai sasittongna, dang marlas ni roha nasida. Si Kevin mandok, “Memang anggo parhepengonnami lumayan do. Alai alani sibukna, dang adong hubahen hami cita-cita rohani. Sasittongna, gok do masalahnami jala stres do hami.” Molo songon i do na dihilala hamu, unang pola metmet rohamuna. Boi do hamu marsiajar mangatasi i sian pengalaman ni na asing. Saonari taparsiajari ma jo contoh ni Raja Jehosapat, jala aha na boi diparsiajari akka suami sian i.

6. Tikki ro godang musu menyerang si Jehosapat, aha ma na diulahon ibana? (Poda 3:5, 6)

⁶ Hamu akka suami, hea do hamu merasa paborattu tanggung jawabmuna? Molo hea, marsiajar ma hamu sian pengalaman ni Raja Jehosapat. Ala sahalak raja do ibana, massai balga do tanggung jawabna. Ikkon dijaga ibana do sude rakyatna. Boha do dibahen ibana mandalatton tanggung jawabna i? Dibahen si Jehosapat do sian nasa gogona lao manjaga rakyatna. Misalna dibahen ibana do akka benteng di akka kota na di Juda. Jala dipapungu ibana do godang tentarana. Adong ma lobi sian 1.160.000 tentara. (2 Kron. 17:12-19) Alai di pudian ni ari, adong ma masalah na borat na diadopi ibana. Ro ma godang tentara ni halak Ammon, halak Moab, dohot akka halak na di Dolok Seir menyerang ibana, keluargana, dohot rakyatna. (2 Kron. 20:1, 2) Aha do na diulahon si Jehosapat? Martangiang  do ibana tu Jahowa mangido bantuan dohot gogo. Disurat do tangiang ni si Jehosapat i di 2 Kronika 20:5-12. Sian tangiangna i, boi ma taida na serep do rohana jala na pos situtu do rohana tu Jahowa. Na diulahon si Jehosapat on sesuai do tu isi ni Poda 3:5, 6. (Jaha.) Attong songon dia ma dibahen Jahowa mangalusi tangiang ni si Jehosapat i?

7. Songon dia do Jahowa mangalusi tangiang ni si Jehosapat?

⁷ Makkatai ma Jahowa tu si Jehosapat marhite si Jehasiel sahalak bawa sian marga Lepi. Didok ibana, “Marbaris ma hamu, jongjong, jala ida ma Jahowa paluahon hamu.” (2 Kron. 20:13-17) Memang hira dang masuk akkal petunjuk i. Alai Jahowa do na mangalehon petunjuk i, dang jolma. Ala pos rohana tu Debata, diulahon si Jehosapat do sude petunjuk na sian Jahowa. Tikki lao ibana marporang mangalo akka musu i, dang akka tentara na jago na dibahen ibana marbaris di jolo. Alai akka parende do. Jala ujungna monang do nasida. Jadi takkas ma dialusi Jahowa do tangiang ni si Jehosapat i.​—2 Kron. 20:18-23.

8. Aha do na boi diparsiajari akka suami sian si Jehosapat?

⁸ Hamu akka suami, boi do hamu marsiajar sian pengalaman ni Raja Jehosapat. Martanggung jawab do hamu lao manjaga jala paradehon kebutuhan ni keluargamuna. Alai sipata adong do tantanganna. Jala molo masa i, olo do ra hamu marpikkir boi do hamu sandiri na mangatasi i. Unang ma dirimuna na diandalhon hamu. Martangiang ma hamu tu Jahowa mangido bantuan. Martangiang ma hamu sahalakmuna, dung i martangiang ma hamu rap dohot istrimuna. Lului ma petunjuk ni Jahowa sian Bibel manang sian publikasitta. Jala bahen ma keputusan na sesuai tu prinsip ni Bibel. Alai adong do ra na so setuju tu keputusan na dibahen hamuna. Jala didok do ra hamu oto. Didok nasida do ra muse ikkon godang do hepengmuna asa sonang jala denggan ngolumuna. Alai ingot ma contoh ni si Jehosapat. Marpos ni roha do ibana tu Jahowa jala diihutton ibana do petunjuk na sian Jahowa. Ala dibahen ibana songon i, dang ditinggalhon Jahowa ibana. Hamu pe molo ditiru hamu si Jehosapat, dang tinggalhonon ni Jahowa hamu. (Ps. 37:28; Heb. 13:5) Saonari tabahas ma aha dope na porlu diulahon hamu asa marlas ni roha hamu.

9. Aha do na uppetting di ngolu ni si Jesaya dohot istrina?

⁹ Melayani Jahowa do na uppetting di si Jesaya dohot istrina. Si Jesaya sahalak panurirang, jala istrina pe panurirang do tong. Bibel mandok “panurirang borua” do ibana. (Jes. 8:1-4) Fokus do nasida melayani Jahowa jala gabe teladan do i tu akka naung menikah.

10. Aha do manfaatna molo diparsiajari hamu akka surirang ni Bibel?

¹⁰ Akka na menikah, boi do maniru teladan ni si Jesaya dohot istrina. Carana fokus ma hamu melayani Jahowa. Patogu hamu ma haporseaonmuna tu Jahowa. Misalna rap marsiajar ma hamu taringot surirang di Bibel jala songon dia akka surirang i boi saut. * (Tit. 1:2) Dung i, boi do tong hamu dohot menggenapi akka surirang na adong di Bibel. Contohna, dohot menggenapi surirang na dipaboa Jesus taringot mambaritahon barita na uli tu saluhut portibi on. (Mat. 24:14) Molo lam pos rohamuna tu akka surirang na dipaboa di Bibel, gabe taronjar ma rohamuna lao mangalehon  gumodang gogo dohot tikki melayani Jahowa.

11. Aha do na diulahon si Akuila dohot si Priskila na patuduhon massai penting do ulaon marbarita di nasida?

¹¹ Boi do muse hamu marsiajar sian si Priskila dohot si Akuila. Halak Jahudi do nasida na tinggal di kota Rom. Dung dibege halak i barita na uli taringot Jesus, gabe halak Kristen ma nasida. Pasti las hian do roha ni halak i. Alai toppu ma muba situasi. Di tikki i, disuru Kesar Klaudius ma asa ditinggalhon sude halak Jahudi kota Rom. Boi ma tabayakkon dang mura situasi on di si Akuila dohot si Priskila. Ikkon ditinggalhon halak i do kota Rom, hape nga biasa halak i tinggal disi. Ikkon dilului muse jabu na baru di kota na baru. Jala ikkon dilului muse karejo na baru. Nang pe muba situasi ni nasida, gabe hurang semangat do nasida melayani Jahowa? Daong. Dung sahat di Korint, semangat do si Akuila dohot si Priskila mangurupi huria disi. Jala kerja sama do nasida dohot si Paulus lao patoguhon akka dongan disi. Di pudian ni ari, olo do muse nasida pinda tu kota na asing lao marbarita na uli. (Ul. 18:18-21; Rom 16:3-5) Memang pasti sibuk do nasida, alai marlas ni roha do nasida!

12. Boasa ikkon dibahen hamu cita-cita rohanimuna tikki pacaran dope?

¹² Hamu akka naung menikah, tiru hamu ma si Priskila dohot si Akuila. Bahen hamu ma melayani Jahowa na uppetting di ngolumuna. Alai dumenggan do molo dihatai hamu taringot cita-citamuna tikki pacaran dope hamu. Molo dibahen hamu keputusan na denggan jala kerja sama hamu lao mandapot cita-cita rohanimuna i, gabe boi ma diida hamu songon dia Jahowa mangurupi hamu. (Pjm. 4:9, 12) Ida ma jo pengalaman ni si Russell dohot si Elizabeth. Si Russell mandok, “Tikki pacaran dope hami, nungnga dihatai hami taringot cita-cita rohaninami.” Si Elizabeth mandok, “Sebelumna nungnga dihatai hami aha cita-citanami. Alani i gabe fokus ma hami mengejar i. Jala molo adong pe tantangan, dang gabe dilupahon hami cita-citanami.” Ujungna tercapai do na direncanahon nasida i. Tikki adong kesempatan, pinda ma nasida tu Mikronesia lao marbarita disi.

13. Sesuai tu Psalmen 28:7, aha do hasilna molo marpos ni roha hita tu Jahowa?

 ¹³ Godang do pasangan naung menikah mambahen sederhana ngolu ni nasida. Tujuanna asa unggodang tikki ni nasida marbarita dohot mangurupi akka halak mananda Jahowa. Molo dibahen nasida do cita-cita rohani jala bekerja sama lao mandapot i, gabe denggan ma hasilna. Boi ma diida nasida songon dia Jahowa mangurupi nasida, haporseaon ni nasida pe gabe lam togu, jala marlas ni roha ma halak i.​—Jaha Psalmen 28:7.

14. Sian dia do taboto na pos do roha ni si Petrus dohot istrina tu janji na disurat di Mateus 6:25, 31-34?

¹⁴ Akka pasangan na menikah, boi do tong marsiajar sian contoh ni si Petrus dohot istrina. Dibahen si Petrus do keputusan na penting tikki pajuppang ibana paduahalihon dohot Jesus. Sebelumna sijala dekke do si Petrus. Alai di tikki i, digokkon Jesus do si Petrus lao mangihutton ibana. Jadi ikkon manat ma dipikkirhon si Petrus songon dia keadaan manang situasi ni keluargana. (Luk. 5:1-11) Diputusson si Petrus do lao mangihutton Jesus. Denggan do keputusanna i! Jala pos do rohatta, pasti didukung istrina do ibana. Didok do di Bibel, dohot do tong istri ni si Petrus mandongani ibana marbarita na uli dung hehe Jesus. (1 Kor. 9:5) Ala diutamahon istri ni si Petrus do Jahowa, gabe leluasa ma si Petrus mamodai akka suami istri. (1 Ptr. 3:1-7) Jadi pos do roha ni si Petrus dohot istrina tu Jahowa, na lao paradeon ni Jahowa do sude na porlu di nasida molo sai dijumolohon nasida lomo ni roha ni Jahowa.​—Jaha Mateus 6:25, 31-34.

15. Aha do na diparsiajari hamu sian pengalaman ni si Tiago dohot si Ester?

¹⁵ Hamu akka pasangan naung menikah saleleng piga-piga taon, boha do bahenonmuna asa toktong semangat melayani Jahowa? Sada carana, tiru hamu ma pengalaman ni akka pasangan na asing. Misalna, jaha hamu ma Kisah Hidup na adong di Joujou Paboahon. Akka artikel i ma na mangurupi si Tiago dohot istrina si Ester na sian Brasil. Si Tiago mandok, “Dung dijaha hami pengalaman ni akka dongan na asing jala diida hami songon dia pasu-pasu ni Jahowa tu nasida, gabe taronjar do rohanami mangulahon na sarupa.” Ujungna pinda ma nasida tu Paraguay. Nasida melayani di huria bahasa Portugis mulai sian taon 2014. Si Ester mandok, “Massai lomo do rohanami manjaha Epesus 3:20. Nungnga dihilala hami, toho do na didok di ayat i.” Di surat ni si Paulus i, didok ibana do tu halak Kristen na di Epesus asa marpos ni roha tu Jahowa. Alana pasti lehonon ni Jahowa do lobi sian na dipangido nasida, jala toho do i!

16. Ise do na boi mangurupi hamu mambahen cita-cita rohani?

¹⁶ Akka pasangan na baru menikah, boi do marsiajar sian pengalaman ni akka pasangan naung leleng menikah jala bersemangat melayani Jahowa. Piga-piga sian nasida mambahen cita-cita gabe pelayan sepenuh waktu. Boi do disukkun hamu songon dia do cara ni nasida lao mandapot cita-cita i. Molo diulahon hamu i, i patuduhon na marpos ni roha do hamu tu Jahowa. (Poda 22:17, 19) Asing ni i, boi do tong dipangido hamu saran sian akka sintua, asa diurupi hamu mandapot cita-citamuna.

17. Aha do na boi diparsiajari hamu sian pengalaman ni si Kevin dohot si Marisa?

¹⁷ Sipata olo do nga dilehon hamu unggodang tu Jahowa, alai tong do adong tantangan. Contohna songon pengalaman ni si Kevin dohot si Marisa na dipaboa nakkin. Dung tolu taon nasida menikah, pinda ma nasida jala gabe relawan tu pekerjaan pembangunan di cabang Finlandia. Alai holan onom bulan do  dilehon tu nasida kesempatan karejo disi. Mulana kecewa do nasida. Alai dang sadia leleng dapot kesempatan ma nasida lao marsiajar bahasa Arab. Las do roha ni nasida alana saonari boi do nasida melayani di huria bahasa Arab. Si Marisa mandok, “Awalna mabiar do au. Alana baru do on di au. Jadi ikkon botul-botul do au marpos ni roha tu Jahowa. Alai ujungna gabe boi ma huida songon dia Jahowa toktong mangurupi hami. Bahkan dang tarpikkirhon hami cara ni Jahowa i mangurupi hami. Alani pengalaman on, gabe lam pos ma rohakku tu Jahowa.” Hamu pe akka suami dohot istri, boi do hamu marsiajar toktong mangandalhon Jahowa. Jala pasti do pasu-pasuon ni Jahowa hamu.

18. Boha do caramuna patuduhon na arga do pernikahan i di hamu?

¹⁸ Hadiah sian Jahowa do pernikahan i. (Mat. 19:5, 6) Lomo do roha ni Jahowa asa marlas ni roha hamu. (Poda 5:18) Hamu akka pasangan na baru menikah, pareso hamu ma aha do na uppetting di ngolumuna. Molo melayani Jahowa do na uppetting di ngolumuna, i patuduhon na diargai hamu do hadiah sian Jahowa i. Asa boi diulahon hamu i, tangiakkon ma tu Jahowa. Lului hamu ma akka prinsip ni Bibel na cocok tu situasimuna, jala ulahon ma i. Pos ma rohamuna, molo melayani Jahowa na uppetting di ngolumuna, pasti pasu-pasuon ni Jahowa do i jala marlas ni roha ma hamu!