Au tubu di Belanda taon 1948. Tikki marumur sataon au, pinda ma keluarganami tu São Paulo, Brasil. Ringgas do natua-tuakku tu gareja jala setiap habis makan malam manjaha Bibel do hami sekeluarga. Di taon 1959, pinda ma hami tu Amerika Serikat, di daerah Massachusetts.

Onom ma hami na marhaha maranggi, jadi ikkon kerja keras do bapakku karejo lao memenuhi kebutuhannami. Godang do karejo na diulahon bapakku, hea do ibana gabe sales perjalanan, karejo di pembangunan jalan, jala karejo di perusahaan penerbangan. Las do rohanami tikki karejo bapak di perusahaan penerbangan i, alana gabe boi ma hami dohot mardalani.

Tikki SMA, sai ro do tu pikkiranku sukkun-sukkun on, ‘Aha do tujuan ni ngolukku?’ Molo huida akka donganku adong do na mamillit lao kuliah, na asing gabe tentara, alai molo au dang olo au gabe tentara. Alana sogo do rohakku marbadai, apalagi ma marporang. Jadi huputusson ma kuliah asa unang masuk tentara. Sasittongna lomo ni rohakku naeng mangurupi akka halak do, hurasa i do karejo na mambahen marguna ngolukku.

Kuliah ma au jurusan antropologi, ala lomo do rohakku mempelajari asal mula ni kehidupan. Diajarhon gurunami do tu hami asa porsea tu ajaran evolusi, nang pe dang adong bukti na jelas. Alai menuruthu dang masuk akkal ajaran evolusi i, jala maol do au porsea tu ajaran i.

Di kampus na diajarhon tu hami, i ma boha carana asa sukses. Dang diajarhon tu hami, songon dia carana marpangalaho na denggan. Tikki na kuliah i, sering do au marpesta dohot akka donganku jala marnarkoba. Memang las do rohakku tikki mangulahon i, alai holan satokkin do las ni rohakki. Gabe sukkun-sukkun ma muse rohakku, ‘On do tujuan ni ngolukku?’

Dung i pinda ma au tu kota Boston jala mendaftar ma au tu universitas na adong disi. Asa boi hubayar uang kuliahku karejo ma au, kebetulan adong dongan sakarejokku Saksi Jahowa. Dipaboa ibana ma tu au, surirang ni si Daniel taringot tu “pitu taon” na disurat di Daniel 4. Dipatorang ibana ma, naung mangolu di ari parpudi do hita saonari. (Dan. 4:13-17) Alai husadari ma, molo torus au makkata-hatai taringot Bibel dohot ibana, berarti ikkon hupauba do pangalahokku. Alani i gabe menghindar ma au sian ibana.

Di kampus, dohot ma au tu kursus pelatihan gabe sukarelawan tu Amerika Selatan. Menuruthu molo dohot au mangurupi akka halak, gabe marguna ma ngolukku. Hape tong do hurasa dang dapottu dope tujuan ni ngolukku. Gabe kecewa ma au. Alani i kaluar ma au sian universitas di akhir semester.

Di bulan Mei taon 1970, pinda ma au tu Amsterdam, Belanda. Karejo ma au di tempat karejo ni bapakku, di perusahaan penerbangan. Gabe boi ma au mardalani tu akka negara di Afrika, Amerika, Eropa, dohot Asia. Tikki na mardalani i, husadari ma tudia pe au lao sude do halak adong hasusaanna, jala dang adong na boi mangurupi nasida. Tikki huida i gabe huingot ma muse keinginanku lao mangurupi akka halak. Alani i huputusson ma asa mulak tu Amerika Serikat, mangalanjutton kuliahku di universitas na sebelumna di Boston.

Mulak pe au muse kuliah, dang boi dapottu alus ni sukkun-sukkunki, alani i hudok ma tu dosenku dang dapottu di kampus on aha na hulului saleleng on. Jadi didok dosenku ma mangalusi au, “Molo songon i do, boasa dison dope ho?” Songgot do rohakku mambege alus ni dosen i, alai didok rohakku toho do alusna i. Jadi hutinggalhon ma kuliahki.

Ala dang adong tujuan ni ngolukku, masuk ma au tu sada kelompok na mendukung cinta damai. Sada tikki, lao ma au dohot donganku sian Amerika Serikat tu Acapulco, Meksiko. Disi rap tinggal ma hami dohot kelompok hippie. Molo huida hira na so adong do masalah ni halak i. Alai lam leleng, huida dang tutu halak i marlas ni roha. Alana molo huparrohahon, godang do sian nasida akka halak na so jujur jala dang setia tu donganna.

Tikki dakdanak, hea do au marcita-cita gabe kapten ni kapal. Asa boi gabe kapten, ikkon adong do kapalhu. Adong do donganku na  margoar si Tom na sarupa cita-citanami. Alani i berencana ma hami naeng marlayar mangalilingi portibi on. Lomo do rohakku tinggal di sada pulo na uli na dao sian akka jolma, asa boi bebas jala dang porlu mangihutton aturan.

Lao ma au dohot si Tom tu Arenys de Mar, Barcelona, Spanyol. Hutuhor hami ma kapal Llygra na ganjangna 9,4 meter. Hupadenggan hami ma kapal i. Ala santai do pardalanannami, gabe hucabut hami ma masin ni kapal i. Jala hubahen hami ma inganan ni masin i hian gabe inganan ni tempat minumannami. Asa boi hukendalihon hami kapal i, hutuhor hami ma dayung na ganjangna 5 meter. Marlayar ma hami tu Seychelles, di Samudra Hindia. Dung i hurencanahon hami ma muse marlayar tu sepanjang pesisir barat Afrika jala makkalilingi Tanjung Harapan di Afrika Selatan. Lao manottuhon arah, hupakke hami do alat songon sextant, peta, dohot bukku asa huboto hami arah ni kapalnami. Longang do rohakku, alana nang pe di tonga-tonga ni laut hami boi do huboto hami didia posisinami.

Alai belakangan disadari hami ma, dang cocok hape kapalnami i dipakke makkalilingi samudra. Alana di bagasan sajom olo do masuk aek tu kapalnami i, sappe 22 liter godangna. Songon na huceritahon di awal nakkin, sada tikki ro ma badai. Mabiar hian do au, jadi pittor martangiang ma au. Hape nga martaon-taon au dang hea martangiang. Di tangiakki marjanji do au tu Debata, molo selamat hami sian badai on ikkon hulului do hasittongan taringot tu Debata jala ikkon lam jonok au tu Ibana. Ujungna so ma badai i jala pittor huulahon do janjikki.

Dung i mulai ma hujaha Bibel. Tikki i posisinami di Laut Tengah. Massai tabo do hurasa tikki i. Bayakkon ma, hundul ma au di tonga-tonga ni laut. Boi ma huida akka ikan torani (ikan terbang), ikan lumba-lumba, dohot bagak ni pemandangan ni langit. Molo bornginna i, boi ma muse huida akka bintang. Sudena i mambahen lam pos rohakku na tutu do adong Debata jala parduli do Ibana tu hita.

Piga-piga minggu dukkon i, sahat ma hami di Alicante, Spanyol. Dijual hami ma kapalnami i asa boi manuhor kapal na baru. Alai dang hatop kapal i tarjual, alana nga kapal na matua kapal i jala adong segana, bocor, dung i dang adong be masinna. Saleleng paimahon lakku kapal i, torus do au manjaha Bibel.

Lam godang hujaha isi ni Bibel, lam huboto ma molo Bibel i marisi akka poda na boi mangurupi hita asa marlas ni roha. Takkas do dipaboa di Bibel, carana marpangalaho na denggan. Alani i gabe sukkun-sukkun do rohakku, ‘Boasa boi halak na mangakku Kristen termasuk au dang mangulahon na didokkon Bibel i?’

Berupaya ma au padenggatton pangalahokku jala dang hupakke be narkoba. Didok rohakku, pasti adong do akka halak na mangulahon isi ni Bibel i. Jala lomo do rohakku pajuppang dohot nasida. Jadi hutangiakkon ma i tu Debata asa boi au pajuppang dohot akka halak na mangulahon isi ni Bibel.

Hulului ma dia do agama na sittong i. Tikki mardalani di Alicante, huparrohahon do akka tempat ibadat disi. Molo adong patung di tempat ibadatna i, berarti dang agama na sittong i ninna rohakku.

 Sada tikki di ari Minggu siang, lao ma au tu sada bukit. Disi hujaha ma Jakobus 2:1-5 taringot halak na pasangappon akka na mora. Dung i mulak ma au muse tu kapalhu. Tikki di dalan huida ma sada tempat ibadat, goarna Bale Harajaon ni Saksi Jahowa.

Jadi ro ma tu pikkiranku asa mancoba masuk tu Bale Harajaon i, lao mangida reaksi ni nasida dijalo do au manang na dang. Jadi masuk ma au tu Bale i dang marsipatu, marjenggot, jala mamakke jeans na maribak. Tikki masuk au, pittor adong ma sasahalak na mandapotton au jala dipatudu ma hundulakku di labbung ni sahalak inatta naung matua. Diurupi inatta i do au mangalului ayat na dijahahon sian jolo. Dung sae marpungu, diajak halak i dope au makkata-hatai. Adong muse sahalak bawa na manogihon au tu jabuna lao marsiajar Bibel. Alai ala dang sae dope hujaha isi ni Bibel, hudok ma tu ibana, “Annon molo nga rade au, hupaboa pe tu ho.” Mulai sian i, torus do au ro marpungu.

Piga-piga minggu dukkon i, lao ma au tu jabu ni bawa na manogihon au marsiajar Bibel i. Dialusi ibana do sude sukkun-sukkunku taringot Bibel. Saminggu dukkon i, dilehon ibana ma muse tu au akka baju. Didok ibana baju i baju ni sahalak bawa na dipenjarahon ala dang olo marporang, jala i do memang na diajarhon Bibel. (Jes. 2:4; Joh. 13:34, 35) Alani i gabe pos ma rohakku, nga juppangku be akka halak na mangulahon prinsip ni Bibel. Jadi nga muba be cita-citakku, dang lao mangalului pulo na uli be alai naeng serius nama au marsiajar Bibel asa lam huattusi isina i. Ujungna mulak ma au tu Belanda.

Opat ari ma leleng ni pardalanakku mulak tu kota Groningen, Belanda. Asa adong biaya hiduphu, hulului ma karejokku. Melamar karejo ma au di sada toko kayu. Dilehon ma formulir na ikkon huisi. Di formulir i, disukkun ma aha agamakku. Jadi husuratton ma disi agamakku Saksi Jahowa. Tikki dijaha nappunasa toko i formulirhu, pittor muba do bohina mangida au. Jala didok ibana ma, “Oke paima ma da, annon hujou pe ho.” Alai dang marna dijou au sahat tu saonari.

Melamar karejo ma au muse tu toko kayu na asing. Disukkun nappunasa toko i ma tu au, tamatan sian do au jala aha do karejokku sebelumna. Hudok ma tu ibana, hea do au padenggatton kapal kayu. Dung i didokkon nappuna toko i ma tu au, “Mulai sian saonari nga boi be ho karejo dison. Alai ingot da, unang bahen masalah dison, alana au Saksi Jahowa jala prinsip ni Bibel  do na huihutton.” Songgot ma rohakku mambege hatana i. Jadi hudok ma, “Au pe Saksi Jahowa do.” Pasti bingung do ibana tikki hudokkon au Saksi Jahowa. Alana tikki i ganjang do obukku jala marjenggot do au. Didok ibana ma tu au, “Toe ma, molo songon i huurupi pe ho annon marsiajar Bibel.” Pittor huoloi ma hatana i. Sian i gabe huboto ma, boasa dang dijalo au karejo di toko kayu na sebelumna. Ala lomo do roha ni Jahowa asa boi au marsiajar Bibel tu sahalak Saksi Jahowa. Jadi dialusi Jahowa do tangiakki. (Ps. 37:4) Karejo ma au di toko ni donganta i jala marsiajar Bibel ma au dohot ibana. Sataon dukkon i, tardidi ma au di bulan Januari taon 1974.

Sabulan dukkon tardidi, mulai ma au merintis. Massai las do rohakku na merintis i. Sabulan dukkon i muse, pinda ma au tu Amsterdam lao mangurupi di kelompok na marbahasa Spanyol na baru dibentuk. Massai las do muse rohakku ala adong do parsiajar Bibelhu na marbahasa Spanyol dohot Portugis. Di bulan Mei taon 1975, ditugasson ma au melayani gabe perintis istimewa.

Sada tikki ro ma sahalak perintis istimewa lao marpungu tu hurianami, goarna si Ineke. Diboan ibana do studina halak Bolivia dohot marpungu. Mulai sian i torus do au berkomunikasi dohot si Ineke lewat surat. Hape sarupa do cita-citanami. Menikah ma hami di taon 1976, jala torus ma hami melayani gabe perintis istimewa. Dung i di taon 1982, digokkon ma hami dohot tu Sikkola Gilead kelas papitupulu toluhon. Songgot jala sonang do rohanami tikki dapot penugasan tu Afrika Timur. Melayani ma hami di kota Mombasa, Kenya saleleng lima taon. Di taon 1987, dipindahon ma hami tu Tanzania, na tikki i baru dope dicabut pelarangan di negara i. Melayani ma hami disi saleleng 26 taon, dung i dipindahon ma hami muse tu Kenya.

Las hian do rohanami boi mangurupi akka halak na serep roha marsiajar Bibel. Misalna tikki kesaksian di tempat umum di Mombasa, pajuppang ma au dohot sahalak bawa jala lomo do rohana marsiajar Bibel. Dung hulehon dua majalah tu ibana, disukkun ibana ma tu au, “Molo nga sae hujaha on, aha ma muse?” Saminggu dukkon i dimulai hami ma parsiajaran Bibel mamakke bukku Saudara Dapat Hidup Kekal dalam Firdaus di Bumi, na baru dirilis di bahasa Swahili. Dung sataon ibana marsiajar, tardidi ma ibana dung i mulai ma ibana merintis biasa. Adong ma hira-hira 100 halak naung diurupi ibana dohot istrina sahat tu na tardidi.

Tikki parjolo sahali huboto taringot tujuan ni ngolu on, huhilala hira mandapot mutiara na arga do au jala dang olo au paluahon i. (Mat. 13:45, 46) Lomo do tong rohakku mangurupi akka halak mamboto tujuan ni ngolu on. Jadi au dohot istrikku nungnga takkas mangida songon dia Jahowa mangurupi naposona mamboto tujuan ni ngolu on jala marlas ni roha.