HEA do maol dihilala hamu belajar pribadi ganup minggu? Manang hurang dinikmati hamu do na belajar pribadi i? Sude do hita sipata hea merasa songon i. Alai pikkirhon ma on: Adong do piga-piga ulaon na taratur taulahon, misalna maridi. Memang porlu do talehon tikki dohot upaya lao maridi. Alai dung sae maridi, pasti gabe ias dagingta jala segar tahilala. Songon i do tong na belajar pribadi i. Boi ma hita gabe ‘dipaias di bagasan aek, i ma Hata ni Debata’. (Eps. 5:26) Saonari taida ma piga-piga saran na boi mangurupi hita:

• Bahen ma jadwal. ‘Ulaon na rikkot’ do belajar pribadi i. (Plp. 1:10) Jadi, asa unang lupa hamu tu jadwalmuna, coba ma surat ari dohot tikki naung ditottuhon hamu lao belajar pribadi, jala bahen ma i di tempat na mura diida hamu. Manang, boi do dibahen hamu alarm di handphonemuna. Tujuanna, asa diingot hamu nga tikkina be belajar pribadi.

• Pillit ma tikki dohot cara belajar na paling cocok di hamu. Songon dia do cara belajar na paling cocok di hamu? Misalna, boi do hamu fokus molo belajar saleleng sajom? Manang, ummura do hamu fokus molo holan satokkin hamu belajar alai lebih sering? Hamu ma na manottuhon sesuai tu situasimuna. Asing ni i, molo dihilala hamu songon na hurang semangat hamu belajar hape nga tikkina, upayahon ma asa tetap belajar nang pe holan sappulu menit. Alana godang do na boi diparsiajari hamu saleleng na sappulu menit i. Jala molo dinikmati hamu pelajaranmuna i, olo do ra gabe taronjar rohamuna lao melanjutton pelajaran i.—Plp. 2:13.

• Tottuhon ma topik aha na lao diparsiajari hamu. Molo dang ditottuhon hamu hian topik aha na lao diparsiajari hamu, gabe dang ‘denggan dipakke hamu tikkimuna’. Alana gabe habis ma tikkimuna lao mamikkirhon i. (Eps. 5:16) Jadi andorang so marsiajar, denggan do jolo disurat hamu topik aha na lao diparsiajari hamu. Misalna, molo adong topik ni Bibel na so pola takkas diattusi hamu, surat ma i. Asing ni i, dung sae marsiajar, surat ma muse topik aha na lao diparsiajari hamu.

• Sesuaihon ma molo porlu. Ingot ma na paling penting, ikkon taratur hamu belajar pribadi ganup minggu. Asa boi diulahon hamu i, bisa jadi porlu do disesuaihon hamu arina, tikkina, topikna, jala sadia godang na lao diparsiajari hamu.

Molo taratur hita belajar pribadi, pasti godang do manfaatna. Gabe lam jonok ma hubungatta tu Jahowa. Gabe lam marbisuk ma hita mambahen keputusan, jala gabe dipatogu ma haporseaotta.—Jos. 1:8.