1-2. Aha do “ulaon na denggan” na diulahon akka sintua?

 MOLO hamu nungnga gabe parhobas saleleng piga-piga tikki, ra berupaya do hamu asa boi memenuhi syarat gabe sintua. Olo do hamu mangulahon “ulaon na denggan” na diulahon akka sintua di huria?—1 Tim. 3:1.

² Aha do “ulaon na denggan” na diulahon akka sintua? Gabe teladan do nasida di ulaon marbarita, bekerja keras do nasida mangajari dohot mamparmahani akka dongan di huria. Dung i, berupaya do nasida patoguhon haporseaon ni akka dongan marhite hata dohot teladan ni nasida. Takkas ma, silehon-lehon sian Jahowa do nasida.—Eps. 4:8.

3. Boha do carana asa boi hamu memenuhi syarat gabe sintua? (1 Timoteus 3:​1-7; Titus 1:​5-9)

³ Boha do carana asa boi hamu memenuhi syarat gabe sintua? Molo naeng gabe sintua, dang sarupa i songon na mangalului karejo. Biasana asa boi dapot karejo, ikkon adong do keterampilanta. Alai dang songon i molo naeng gabe sintua. Dang cukkup holan keterampilan manang kemampuan lao mangajari dohot marbarita. Ikkon diulahon hamu do akka persyaratan di Bibel tu akka sintua, songon na disurat di 1 Timoteus 3:​1-7 dohot Titus 1:​5-9. (Jaha.) Di artikel on, lao tabahas ma piga-piga sian akka persyaratan i. Tabahas ma songon dia sahalak bawa boi mambahen reputasi na denggan, gabe kepala keluarga na burju, jala rade mangurupi akka dongan di huria.

MAMBAHEN REPUTASI NA DENGGAN

4. Aha do artina ‘dang boi adong siissakan’ di sahalak sintua?

⁴ Asa boi gabe sintua, ‘dang boi adong siissakan’ di hamu. Artina dang adong akka dongan na boi menuduh hamu mangulahon  dosa na balga, alana denggan do reputasimuna di huria. Asing ni i, ‘ikkon denggan do pandapot ni halak na di luar ni huria taringot tu hamu’. Memang, sai adong do halak na paroa-roahon haporseaonmuna. Alai dang boi adong alasan ni nasida lao mandok halak na so jujur hamu manang dang hasea pangalahomuna. (Dan. 6:​4, 5) Jadi sukkun ma dirimuna, ‘Denggan do reputasikku di akka dongan, suang songon i di akka na so sisomba Jahowa?’

5. Songon dia do hamu patuduhon na ‘lomo rohamuna tu na denggan’?

⁵ Ikkon ‘lomo do rohamuna tu na denggan’. Artina lomo do rohamuna mangida akka sifat na denggan sian donganmuna, jala las do rohamuna mamuji nasida. Asing ni i, las do rohamuna mangulahon na denggan tu na asing, nang pe dang kewajibanmuna i. (1 Tes. 2:8) Molo dipatudu akka sintua sifat on, pasti las do roha ni nasida mamakke godang tikki lao mamparmahani biru-biru ni Jahowa, dohot mangulahon akka tugas di huria. (1 Ptr. 5:​1-3) Umbalga do las ni roha na dihilala nasida ala mangurupi na asing sian sude pengorbanan na dibahen nasida.—Ul. 20:35.

6. Songon dia do halak na “burju manjalo tamu”? (Heber 13:​2, 16; ida gambar.)

⁶ Ikkon ‘burju do hamu manjalo tamu’. Artina, rade do hamu mangulahon na denggan tu na asing, termasuk tu akka dongan na so pola akrab tu hamu. (1 Ptr. 4:9) Sada kamus ni Bibel paboahon taringot sasahalak na manjalo tamu. Didok, “Burju do ibana tu donganna, bahkan tu halak na so ditanda. Jala las do rohana mangundang nasida tu jabuna.” Jadi sukkun ma dirimuna, ‘Ditanda do au halak na burju manjalo tamu?’ (Jaha Heber 13:​2, 16.) Halak na burju manjalo tamu, las do rohana patuduhon haburjuon tu sude na ro, misalna tu akka na pogos dohot tu akka dongan na asing na bekerja keras lao patoguhon huria, songon akka pembicara tamu dohot pengawas wilayah.—1 Mus. 18:​2-8; Poda 3:27; Luk. 14:​13, 14; Ul. 16:15; Rom 12:13.

7. Aha do artina “dang holongan di hepeng”?

⁷ “Dang holongan di hepeng.” Artina, dang dibahen hamu arta dohot hepeng gabe na uppetting di ngolumuna. Dang soal mamora manang pogos, ikkon diutamahon hamu do Harajaon ni Debata di ngolumuna. (Mat. 6:33) Dipakke hamu do tikki, gogo, dohot sude na adong  di hamu lao melayani Jahowa, mangurus keluargamuna, dohot mangurupi akka dongan di huria. (Mat. 6:24; 1 Joh. 2:​15-17) Jadi, sukkun ma dirimuna, ‘Sadia penting do hepeng di au? Puas do au di akka na adong di au? Manang sai berupaya do au mangalului godang hepeng dohot arta?’—1 Tim. 6:​6, 17-19.

8. Songon dia do hamu patuduhon na boi hamu ‘mangarajai dirimuna’?

⁸ Ikkon boi do hamu ‘mangarajai dirimuna’. Artina, seimbang jala boi dikendalihon hamu dirimuna. Misalna, dang olo hamu dirajai sipanganon dohot siinumon na marlobi-lobi. Denggan do pilihanmuna taringot pakkean, penampilan, dohot hiburan. Jala dang ditiru hamu gaya hidup ni akka halak na so manomba Jahowa. (Luk. 21:34; Jak. 4:4) Boi do hamu tetap tenang, bahkan tikki adong halak na so burju tu hamu. Asing ni i, “dang parmabuk” hamu. Artina dang ditanda hamu halak na pajotjothu minum minuman beralkohol. Jadi sukkun ma dirimuna, ‘Sian pangalahokku, ditanda do au halak na boi mangarajai diri?’

9. Aha do artina “marbisuk” jala “taratur”?

⁹ Ikkon “marbisuk” do hamu. Artina, ikkon sai diihutton hamu do prinsip ni Bibel di sude situasi di ngolumuna. Molo diulahon hamu songon i, lam denggan ma pangattusionmuna jala boi ma hamu mambahen keputusan na denggan. Dang terburu-buru hamu mambahen keputusan, alai jolo dilului hamu do sude faktana. (Poda 18:13) Hasilna, boi ma dibahen hamu keputusan na sesuai tu cara marpikkir ni Jahowa. Asing ni i, ikkon gabe halak na “taratur” do hamu. Ditanda do hamu halak na boi diandalhon, tepat waktu, jala toktong mangihutton petunjuk. Molo dipatudu hamu akka sifat na dibahas di subjudul on, denggan ma reputasimuna. Saonari, tabahas ma akka persyaratan di Bibel na ikkon dipatudu kepala keluarga na naeng gabe sintua.

GABE KEPALA KELUARGA NA BURJU

10. Aha do na ikkon diulahon sahalak bawa asa ‘denggan mamimpin keluargana’?

¹⁰ Molo nungnga menikah hamu jala lomo rohamuna memenuhi syarat gabe sintua, ikkon denggan do reputasi ni keluargamuna. Jadi ikkon ‘denggan ma hamu mamimpin keluargamuna’. Ikkon ditanda do hamu suami na burju jala na makkaholongi keluargamuna. Dibahen hamu do keputusan na denggan tu keluargamuna. Dibahen hamu do ibadat keluarga, dipastihon hamu do sude anggota keluargamuna marpungu, jala diurupi hamu do nasida toktong aktif di ulaon marbarita. Boasa massai penting on? Alana didok Apostel Paulus do, “Molo dang boi sahalak bawa mamimpin keluargana, songon dia ma ibana boi mangaradoti huria ni Debata?”—1 Tim. 3:5.

11-12. Molo naeng gabe sintua hamu, boasa ikkon denggan pangalaho ni gellengmuna? (Ida gambar.)

¹¹ Molo adong gellengmuna, ikkon ‘pangoloi do nasida jala marpangalaho na denggan’. Jadi ikkon burju do hamu mangajari jala mangalatik gellengmuna. Memang, las do roha ni nasida marmeami jala mekkel-ekkel, dos songon dakdanak na asing. Alai molo denggan do hamu mangalatik nasida, boi ma nasida gabe burju, pangoloi, jala sopan. Jala ikkon diurupi hamu do gellengmuna asa mangoloi Jahowa, mangihutton na didok Bibel, jala tardidi.

¹² ‘Ikkon akka na porsea do ianakkonmuna jala dang ditudu mangulahon na so suman manang pangalo. Bayakkon ma situasi on: Adong gellengmuna naung tardidi manang naung gabe penyiar. Adong do pengaruhna tu hamu molo diulahon gellengmuna i dosa na balga?  Adong. Molo dang denggan hamu mangajari jala mamissang gellengmuna i, ra dang memenuhi syarat hamu gabe sintua.—Ida Menara Pengawal 15 Oktober 1996, halaman 21, paragraf 6-7.

MANGURUPI AKKA DONGAN DI HURIA

13. Songon dia do hamu patuduhon na “parroha na dame” hamu jala ‘dang lomo-lomomuna’?

¹³ Silehon-lehon na massai arga do akka bawa na patuduhon sifat Kristen. Molo “parroha na dame” sasahalak, berupaya do ibana toktong mardame dohot na asing. Jadi molo lomo rohamuna gabe parroha na dame, berupaya ma manangihon halak na asing jala mangattusi perasaan ni nasida. Bayakkon ma molo nungnga gabe sintua hamu. Tikki rapat hamu, olo do ra dang sarupa pandapotmuna tu pandapot ni godangan sintua taringot sada keputusan. Alai molo dang maralo pandapot ni nasida i tu prinsip ni Bibel, rade do hamu mendukung keputusan i? Asing ni i, sahalak sintua ‘dang boi lomo-lomona’. Maksudna, dang dipaksa hamu halak na asing mangihutton lomo ni rohamuna. Diboto hamu do massai penting manangihon pandapot ni halak na asing. (1 Mus. 13:​8, 9; Poda 15:22) “Dang parbada” hamu jala “dang parmuruk”. Artina, ikkon sopan jala burju do hamu tu halak na asing. Dang kasar hamu jala dang lomo rohamuna berdebat. Jala molo parroha na dame hamu, hamu do na parjolo berupaya mardame dohot halak na asing, nang pe maol mangulahon i. (Jak. 3:​17, 18) Molo burju jala lambok hamu makkatai tu na asing, bahkan tu halak na so lomo rohana tu hasittongan, boi ma gabe dang muruk be nasida jala tenang muse.—Pangh. 8:​1-3; Poda 20:3; 25:15; Mat. 5:​23, 24.

14. (a) Aha do artina “dang halak na baru porsea”? (b) Aha do artina “setia”?

¹⁴ Halak na naeng gabe sintua “dang halak na baru porsea”. Maksudna, ikkon jolo martaon-taon do hamu tardidi asa boi gabe sintua? Dang songon i. Alai porlu do hamu tikki asa boi gabe halak Kristen na togu haporseaonna  tu Jahowa. Jadi andorang so dilantik gabe sintua, ikkon serep do rohamuna songon Jesus. Ikkon sabar do hamu paimahon Jahowa mangalehon lam godang tugas di huria tu hamu. (Mat. 20:23; Plp. 2:​5-8) Ikkon terbukti do hamu halak na “setia”. Artina, ikkon diihutton hamu do paretta ni Jahowa dohot petunjuk sian organisasi di ngolumuna.—1 Tim. 4:15.

15. Ikkon luar biasa do cara ni sahalak sintua pasahatton jamita? Patorang ma.

¹⁵ Bibel mandok, sahalak pengawas ikkon “malo mangajari”. Alai on dang berarti ikkon luar biasa caramuna pasahatton jamita. Alana dang sude sintua jago marjamita. Alai tikki marbarita manang kunjungan penggembalaan, ikkon denggan do cara ni nasida mamakke Bibel tikki mangajari dohot patoguhon akka dongan. (Bandingkon tu 1 Korint 12:​28, 29 dohot Epesus 4:11.) Jadi nang pe dang jago hamu marjamita, ikkon tetap do hamu berupaya asa malo mangajari. Songon dia carana?

16. Songon dia do carana asa gabe guru na denggan? (Ida gambar.)

¹⁶ ‘Ikkon diihutton hamu do ajaran na sittong tikki mangajari.’ Artina, asa boi gabe guru na denggan, ikkon sesuai do sude na diajarhon hamu dohot nasehatmuna tu isi ni Bibel. Jadi ikkon ringgas do hamu mamparsiajari Bibel dohot akka publikasitta. (Poda 15:28; 16:23) Tikki marsiajar hamu, parrohahon ma songon dia carana menerappon ayat ni Bibel. Jala tikki mangajari, berupaya ma hamu mangurupi akka na mambege asa lam makkaholongi Jahowa, jala jujui ma nasida asa menerappon parsiajaran i. Asing ni i, pangido ma saran sian akka sintua na marpengalaman, jala ihutton ma i. (1 Tim. 5:17) Akka sintua pe ikkon boi do “mamodai” manang patoguhon, jala sipata ikkon rade do nasida “mamissang” akka donganna. Tikki mangulahon i, ikkon burju do akka sintua. Jadi molo burju hamu, lambok, jala dipakke hamu Bibel tikki mangajari, boi ma hamu gabe guru na denggan songon Jesus.—Mat. 11:​28-30; 2 Tim. 2:24.

 TORUS MA BERUPAYA ASA MEMENUHI SYARAT GABE SINTUA

17. (a) Aha do na ikkon diulahon akka parhobas asa boi gabe sintua? (b) Tikki naeng merekomendasihon sahalak bawa, aha do na ikkon diingot akka sintua? (Ida kotak “ Masuk Akkal ma Tikki Merekomendasihon Sahalak Bawa Gabe Sintua”.)

¹⁷ Dung mamboto persyaratan lao gabe sintua, adong do piga-piga parhobas na merasa dang mungkin boi diulahon nasida sude persyaratan i. Alai ingot ma, dang hea Jahowa dohot organisasina menuntut hamu asa sempurna memenuhi sude persyaratan i. (Jak. 3:2) Jala ikkon taingot do, tondi parbadia ni Jahowa do na mangurupi hamu memenuhi akka persyaratan i. (Plp. 2:13) Adong do piga-piga sian akka persyaratan i na porlu diupayahon hamu? Tangiakkon ma i tu Jahowa, bahen ma riset sian publikasitta, jala sukkun ma tu sahalak sintua songon dia carana mangupayahon akka persyaratan i.

18. Aha do na ikkon diulahon sude parhobas di huria?

¹⁸ Hamu sude akka bawa, termasuk ma naung gabe sintua, toktong ma berupaya memenuhi akka persyaratan na tabahas di artikel on. (Plp. 3:16) Parhobas di huria dope hamu saonari? Molo ido, bahen ma cita-cita lao gabe sintua. Berupaya ma memenuhi syarat gabe sintua asa boi lam godang tikkimuna mangurupi huria. Pangido ma tu Jahowa asa dilatik jala diurupi hamu lao melayani Ibana dohot mangurupi akka dongan. (Jes. 64:8) Sai anggiat ma dipasu-pasu Jahowa sude upayamuna asa memenuhi syarat gabe sintua.