1-2. (a) Sesuai tu Poda 16:31, ikkon songon dia do pandanganta tu akka dongan na matua? (b) Sukkun-sukkun aha do na lao tabahas di artikel on?

GODANG do pengunjung na ro tu sada taman di Arkansas, AS, lao manggali berlian. Alai tikki parjolo sahali diida, dang godang ra na mamboto molo i berlian, ala sarupa dope bentukna songon batu na biasa. Alani i, olo do gabe dilewatton batu i ala dang pittor tarida marhillong.

² Akka donganta na matua, dipatudos do songon berlian na massai arga. Didok di Bibel, dos songon mahkota na uli do uban. (Jaha Poda 16:31; 20:29) Alai sipata, taabaihon do nasida jala dang taargai. Hape godang do parsiajaran na boi dapot ni akka na poso sian akka dongan na matua, jala ummarga do i sian arta. Di artikel on tabahas ma sukkun-sukkun on: Boasa arga akka donganta na matua i di Jahowa? Aha do tugas na dilehon Jahowa tu nasida? Aha do na ikkon taulahon asa boi tadapot parsiajaran sian pengalaman ni nasida?

3. Sesuai tu Psalmen 92:12-15, aha do na mambahen akka donganta na matua massai arga di Jahowa?

³ Diargai Jahowa do akka donganta na matua. Takkas do ditanda Jahowa nasida. Diargai Ibana do akka sifat ni nasida na denggan. Las do roha ni Jahowa mangida akka donganta na matua on, ala olo manceritahon pengalaman ni nasida lao mangurupi akka na poso asa marbisuk. (Job 12:12; Poda 1:1-4) Las do muse roha ni Jahowa mangida akka dongan na  matua ala toktong do nasida setia. (Mal. 3:16) Sasittongna godang do masalah ni nasida. Alai toktong do togu haporseaon ni nasida tu Jahowa. Dang hea mago harapan ni nasida, gariada lam matua nasida, lam togu do harapanna. Massai diargai Jahowa do nasida jala massai holong do rohana tu nasida, ala torus do dibaritahon nasida goar ni Jahowa “nang pe nungnga matua”.—Jaha Psalmen 92:12-15.

4. Akka ayat na dia ma na boi diingot akka donganta na matua asa unang metmet rohana?

⁴ Hamu akka dongan na matua, nang pe nungnga matua hamu, sai diingot Jahowa do sude kerja kerasmuna saleleng on. (Heb. 6:10) Las do roha ni Jahowa mangida hamu, ala torus do hamu semangat marbarita na uli. Torus do hamu setia nang pe godang tantangan na mambahen lungun rohamuna. Torus do didalatton hamu standar ni Jahowa, setia do hamu mandalatton tugasmuna di organisasi ni Jahowa, jala olo do hamu mangalatik na asing. Olo do hamu mangihutton kemajuan ni organisasi. Didukung hamu do akka dongan na dohot tu dinas sepenuh waktu. Alani i, holong hian do roha ni Jahowa tu hamu. Marjanji do Ibana, “dang tinggalhononna akka naposona na setia”! (Ps. 37:28) Didok Jahowa do muse, “Sahat tu na ubanon pe ho, toktong do urupanku ho.” (Jes. 46:4) Jadi unang ma hea hamu merasa na so marguna be hamu. Alana sasittongna, penting hian do hamu di organisasi ni Jahowa.

5. Aha do na porlu diingot akka donganta na matua?

⁵ Sasittongna, massai penting do akka dongan na matua di organisasi ni Jahowa. Memang, nungnga moru be gogo ni nasida, alai godang do na boi diulahon nasida. Alana nungnga godang pengalaman ni nasida. Taida ma jo pengalaman ni naposo ni Jahowa najolo dohot di tikkitta saonari on.

6-7. Akka ise ma halak na dipasu-pasu Jahowa ala toktong setia sappe matua?

⁶ Boi do hita marsiajar sian akka naposo ni Jahowa najolo na toktong semangat melayani Jahowa nang pe nungnga matua. Misalna si Musa, nungnga marumur 80 taon ibana tikki mandapot tugas sian Jahowa lao mamimpin bangso Israel. Dung i si Daniel, nang  pe nungnga marumur lobi sian 90 taon, tong dope disuru Jahowa ibana gabe panurirang. Si Johannes pe disuru do manuratton bukku Pangungkapon nang pe umurna tikki i nungnga lobi sian 90 taon.

⁷ Godang do naposo ni Jahowa na so pola terkenal. Alani i, sipata mura do nasida dilupahon. Alai molo Jahowa, torus do diingot nasida. Misalna, songon si Simeon ‘na mangulahon na sittong jala makkabiari Debata’. Holan saotik do dipaboa taringot ibana di Bibel, alai takkas do ditanda Jahowa ibana. Dipasu-pasu Jahowa do ibana. Dilean do tu ibana kesempatan mangida Jesus tikki poso-poso. Dilehon do muse tu ibana tugas lao paboahon surirang taringot Jesus dohot taringot si Maria, omak ni Jesus. (Luk. 2:22, 25-35) Songon i do muse si Hanna, sahalak panurirang borua naung mabalu. Nang pe nga marumur 84 taon, “sai ro do ibana tu bagas joro” lao marhobas tu Debata. Ala toktong ibana setia “marhobas tu Debata”, dilean ma tu ibana kesempatan na istimewa, boi mangida Jesus tikki poso-poso. Jadi takkas ma, massai arga do di Jahowa akka dongan na matua, songon si Simeon dohot si Hanna.—Luk. 2:36-38.

8-9. Aha do na torus diulahon donganta si Lois nang pe nungnga mabalu ibana?

⁸ Saonari on pe godang do donganta na matua na gabe sitiruon na denggan tu akka na poso. Taparrohahon ma pengalaman ni donganta si Lois Didur. Tikki marumur 21 taon, melayani gabe perintis istimewa ma ibana di Kanada. Di tikki i, nungnga menikah ibana dohot si John. Jala torus do didukung ibana suamina i gabe pengawas wilayah. Dung i melayani ma nasida di Betel Kanada lobi sian 20 taon. Tikki marumur 58 si Lois, diundang ma nasida melayani di Ukraina. Aha do na diulahon nasida? Dijalo nasida do tugas i. Dang merasa nasida dang boi be melayani di negeri na asing ala nungnga matua. Pitu taon dukkon i, mate ma si John. Alai torus do setia si Lois melayani Jahowa. Saonari nga marumur 81 taon be si Lois, alai toktong do ibana semangat melayani di Betel Ukraina.

⁹ Akka donganta borua naung mabalu songon si Lois, olo do sipata gabe talupahon, dang songon tikki mangolu dope suamina. Alai molo Jahowa, sai diargai do akka borua naung setia mendukung suamina jala torus setia melayani Jahowa. (1 Tim. 5:3) Teladan ni nasida i, pasti patoguhon akka dongan na poso.

10. Aha do na boi tatiru sian si Tony?

¹⁰ Godang do akka donganta naung matua na dirawat di rumah sakit manang di jabu. Alai toktong do nasida diparrohahon Jahowa. Misalna songon donganta si Tony. Tikki marumur 20 taon, dibaptis ma ibana di Pennsylvania, AS, bulan Agustus taon 1942. Dang leleng dung tardidi, disuru ma ibana gabe tentara. Ala ditolak ibana i, gabe dipenjarahon ma ibana saleleng dua satonga taon.  Adong do dua anakkon ni si Tony dohot si Hilda istrina. Diurupi nasida do anakkonna i gabe Saksi Jahowa. Saleleng martaon-taon, melayani ma ibana di tolu sidang gabe pengawas umum (saonari didok ma i, koordinator punguan ni akka sintua di huria) jala gabe pengawas di kebaktian. Dohot do muse ibana marbarita na uli tu penjara, memandu studi jala memandu parpunguan disi. Saonari nga 98 taon be umur ni si Tony, jala ikkon dirawat nama ibana. Alai nang pe songon i, toktong do ibana melayani Jahowa. Dilehon ibana do na dumenggan tu Jahowa jala tetap dope ibana semangat rap melayani dohot akka dongan sahaporseaon di huriana.

11. Songon dia do carana mangurupi akka dongan na matua na tinggal sahalakna manang dohot keluargana na so Saksi?

¹¹ Boha molo adong donganta na matua na tinggal sahalakna manang dohot keluargana na so Saksi? Boi do diurupi akka sintua nasida marpungu dohot marbarita na uli. Hita pe boi do taurupi nasida, takunjungi ma nasida tu jabuna manang lewat video call. Adong do muse akka donganta na tinggal dao sian hutana dohot sian huriana. Molo songon i do, unang ma talupahon nasida. Torus ma taparrohahon nasida. Adong do piga-piga halak naung matua, dang mura nasida paboahon na di rohana. Alai molo berupaya do hita menyediahon tikkitta asa boi lam jonok tu nasida, gabe olo ma nasida manceritahon akka pengalamanna tu hita. Molo denggan tatangihon akka pengalaman ni nasida, boi ma i patoguhon hita.

12. Aha do hasilna molo berupaya hita mananda akka donganta na matua di huriatta?

¹² Pasti adong do pengalaman ni akka donganta na matua di huriatta na boi tatiru. Misalna songon donganta si Harriette na toktong setia melayani Jahowa saleleng martaon-taon di huriana di New Jersey, AS. Dung pinda ibana tu jabu ni boruna, gabe bergabung ma ibana tu huria na baru. Berupaya do akka dongan di huriana na baru i lao mananda ibana. Jala gabe diboto akka dongan i ma, godang do na boi ditiru nasida sian si Harriette. Diceritahon si Harriette ma akka pengalamanna tikki ibana baru marsiajar hasittongan, hira-hira taon 1925. Di tikki i, molo marbarita si Harriette, ikkon sai diboan ibana do sikat gigi. Alana boi do ibana ditakkup jala dipenjarahon manang sadihari pe. Jala di taon 1933, hea do ibana dua hali dipenjarahon saleleng saminggu. Tikki na dipenjarahon i ibana, suamina na so Saksi ma na mangurus tolu gellengna. Saonari pe pasti adong do akka donganta na matua di huria na denggan pengalamanna, songon si Harriette on.

13. Aha do na boi taparsiajari sian akka donganta naung matua?

¹³ Akka donganta naung matua pe penting do di Jahowa. Nungnga diida nasida sandiri songon dia Jahowa mamasu-masu organisasina jala nasida sandiri pe nungnga dihilala pasu-pasu sian Jahowa. Nungnga marsiajar nasida sian akka hasalaan na dibahen nasida. Jadi ikkon taanggap ma nasida songon “haroro ni bisuk” jala marsiajar ma hita sian nasida. (Poda 18:4) Molo berupaya hamu mangalehon tikki lao mananda nasida, boi ma lam togu haporseaonmuna, jala boi ma hamu mandapot parsiajaran sian akka pengalaman ni nasida.

14. Sesuai tu 5 Musa 32:7, aha do na ikkon diulahon akka na poso?

¹⁴ Hita ma na parjolo manjonoki akka donganta naung matua. (Jaha 5 Musa 32:7.) Nang pe nga rambonon nasida, dang boi hatop-hatop mardalan, jala makkatai pe nga  lambat, alai toktong do nasida semangat melayani Jahowa. Jala nungnga dibahen nasida “goar na denggan” di jolo ni Jahowa. (Pjm. 7:1) Jala taingot ma muse mararga do nasida di Jahowa. Alani i hita pe, taargai ma nasida. Tatiru ma si Elisa na toktong setia mandongani si Elia. Tolu hali ma didok ibana tu si Elia, “Ikkon donganakku do ho.”—2 Raj. 2:2, 4, 6.

15. Aha ma na boi tasukkun tu akka naung matua?

¹⁵ Asa lam jonok hita tu akka dongan naung matua, taajak ma nasida makkata-hatai. (Poda 1:5; 20:5; 1 Tim. 5:1, 2) Misalna boi do tasukkun, “Aha do na paposson rohamuna on do hasittongan?” “Adong do pengalamanmuna na mambahen hamu gabe lam jonok tu Jahowa?” “Aha do rahasiana asa boi hamu toktong setia melayani Jahowa?” (1 Tim. 6:6-8) Dung i manat ma tabege alus ni nasida.

16. Aha do manfaatna molo olo akka na poso makkata-hatai dohot akka na matua?

¹⁶ Molo olo akka na poso makkata-hatai dohot akka na matua, boi ma nasida masipatoguan. (Rom 1:12) Boi ma gabe lam pos roha ni akka na poso na holong do roha ni Jahowa tu akka naposona. Jala akka na matua pe, gabe boi ma nasida makkilala na arga do nasida di Jahowa. Molo nga lam terbiasa be nasida makkata-hatai, gabe lam godang ma pengalaman ni akka na matua i na diceritahon tu akka na poso.

17. Boasa boi didok lam matua akka naposo ni Jahowa, lam uli do di jolo ni Jahowa?

¹⁷ Biasana molo nga matua halak, lam moru do haulionna. Alai molo akka naposo ni Jahowa na setia, lam matua nasida lam uli do di jolo ni Jahowa. (1 Tes. 1:2, 3) Boasa boi songon i? Alana saleleng martaon-taon, diurupi tondi parbadia do nasida padenggatton akka sifatna. Alani i, molo nga lam tatanda akka donganta naung matua i, pasti lam taargai jala tahaholongi ma nasida.

18. Aha do na lao tabahas di artikel berikutna?

¹⁸ Boi do lam marsada huria molo olo akka na poso mangargai akka na matua. Alai dang holan i, akka na matua pe porlu do mangargai akka na poso. Di artikel berikutna, tabahas ma songon dia akka naung matua patuduhon na diargai nasida do akka na poso di huria.