1. Songon dia do perasaanta molo adong keluargatta na maninggalhon Jahowa?

SONGON dia do perasaanta molo adong keluargatta na maninggalhon Jahowa? Pasti haccit hian do rohatta! Songon na dipaboa donganta si Hilda, * “Dung 41 taon au menikah dohot suamikku, mate ma ibana. Haccit hian do huhilala. Alai dao do pe umhaccit huhilala tikki ditinggalhon anakku Jahowa. Ditinggalhon ibana do muse istri dohot anakna.”

2-3. Sesuai tu Psalmen 78:40, 41, songon dia do perasaan ni Jahowa tikki adong naposona na maninggalhon Ibana?

² Akka suru-suruan do anggota keluarga ni Jahowa di surgo. Jadi tikki adong suru-suruan na mangalo tu Ibana, haccit hian do rohana. (Jud. 6) Haccit hian do muse roha ni Jahowa tikki bangso Israel, bangso na pinillitna i, mulak-ulak mangalo Ibana. (Jaha Psalmen 78:40, 41.) Jadi tikki adong keluargatta na maninggalhon Jahowa, pasti lungun do tong roha ni Jahowa. Pos ma rohatta, diattusi Jahowa do perasaanta i. Alani asi ni rohana urupanna jala patoguonna do hita.

³ Di artikel on tabahas ma aha do na porlu taulahon asa boi hita toktong setia tu Jahowa nang pe adong keluargatta na dipecat. Tabahas ma muse aha do na porlu taulahon lao mangurupi akka dongan na mangadopi situasi sisongon i. Alai na parjolo, tabahas ma jo songon dia asa unang marpikkiran negatif hita molo adong keluargatta na dipecat.

4. Songon dia do perasaan ni orang tua tikki ditinggalhon gellengna Jahowa?

⁴ Jotjot do pittor manalahon dirina sandiri orang tua molo ditinggalhon anakkonna Jahowa. Didok roha ni nasida, ikkon boi do urupanna gellengna i asa unang sappe maninggalhon hasittongan. Songon i do tong na dihilala donganta si Lukas  tikki dipecat anakna. Didok ibana, “Jotjot do husalahon dirikku sandiri. Jala sappe mimpi buruk do au bornginna i. Olo do au sai tangis alani lungun ni rohakku.” Molo donganta si Elisabet mandok, “Sai sukkun-sukkun do rohakku, ‘Aha do salakku?’ Hurasa nga gagal au mangajarhon hasittongan tu anakki.”

5. Molo adong donganta na poso maninggalhon Jahowa, sala ni orang tuana do i?

⁵ Porlu do taingot, dilehon Jahowa do tu hita hak lao mamillit. Jadi hita do na mamillit naeng manomba Jahowa manang na dang. Adong do donganta na poso na mamillit manomba Jahowa nang pe orang tuana dang sisomba Jahowa. Na asing ditinggalhon do Jahowa, hape nga berupaya orang tuana mangajarhon hasittongan tu ibana. Jadi, hita sandiri do na mamillit manomba Jahowa manang na dang. (Jos. 24:15) Alani i, molo ditinggalhon gellengmuna pe Jahowa, dang salamuna i!

6. Molo adong orang tua na maninggalhon Jahowa, aha do pengaruhna tu gellengna?

⁶ Adong do keluarga na orang tuana maninggalhon hasittongan. (Ps. 27:10) Molo masa songon i, pasti haccit hian do roha ni anakkonna jala tarsonggot do anakkonna i. Alana saleleng on, orang tuana do na gabe sitiruon di nasida. Songon i do na dihilala donganta si Ester tikki ditinggalhon bapakna hasittongan. Didok ibana, “Sai tangis do au mangingot i. Nungnga ditinggalhon bapakku hasittongan jala dang olo be ibana mulak tu Jahowa. Holong do rohakku tu bapakki. Jadi tikki dipecat ibana, gabe sai khawatir ma au tu kesehatanna. Au pe gabe hona serangan panik alani i.”

7. Songon dia do perasaan ni Jahowa mangida akka na poso na orang tuana dipecat?

⁷ Molo ditinggalhon orang tuamuna Jahowa, pasti lungun hian do rohamuna! Hami pe, lungun hian do rohanami alani i. Diboto jala diattusi Jahowa do haccit ni rohamuna i. Jala diargai Ibana do kesetiaanmuna, songon i nang akka dongan di huria. Ingot ma dang hamu na martanggung jawab di keputusan ni orang tuamuna. Songon naung dipaboa nakkin, dilehon Jahowa do tu hita masing-masing hak lao mamillit. Jadi molo nungnga tardidi sasahalak, ibana sandiri do na “martanggung jawab tu na diulahon ibana”.—Gal. 6:5.

8. Aha do na boi taulahon sambil paimahon keluargatta na dipecat mulak muse tu Jahowa? (Ida kotak “ Mulak ma Hamu tu Jahowa”.)

⁸ Molo adong keluargatta na maninggalhon Jahowa, pasti berharap do hita asa mulak ibana muse tu Jahowa. Aha do na boi taulahon sambil paimahon ibana mulak? Tapatogu ma haporseaotta, asa boi hita martahan mangadopi situasi i. Molo toktong togu haporseaotta, boi do ditiru keluargatta i. Jala tu halak na dipecat i pe adong do manfaatna. Saonari tabahas ma songon dia carana patoguhon haporseaotta.

9. Boha do carana asa togu haporseaonmuna? (Ida kotak “ Akka Ayat na Patoguhon Roha Tikki Adong Keluargatta na Dipecat”.)

⁹ Berupaya ma hita patoguhon haporseaotta. Alana massai penting do i asa boi hita dohot sude keluargatta toktong togu. Songon  dia ma carana? Taratur ma hita manjaha Bibel dohot mangarimangi i, jala torus ma hita ro tu parpunguan. I do na diulahon donganta si Joanna tikki dipecat bapakna dohot kakakna. Didok ibana, “Tikki hujaha pengalaman ni naposo ni Jahowa najolo i, songon si Abigail, si Ester, si Job, si Josep, dohot pengalaman ni Jesus, gabe dame ma pikkiran dohot perasaanku. Akka pengalaman ni nasida i patoguhon rohakku. Gabe boi ma au marpikkiran positif mangadopi situasikku. Jala dipatogu do au mambege lagu-lagu na di JW Broadcasting^®.”

10. Sesuai tu Psalmen 32:6-8 songon dia do Jahowa mangurupi hita asa boi martahan?

¹⁰ Molo marsak hamu jala lungun rohamuna, paboa ma i sude tu Jahowa. Pangido ma tu Jahowa asa diurupi hamu marpikkiran positif. Dung i pangido ma asa dibahen hamu ‘marbisuk jala dipaboa tu hamu dalan na ikkon sidalananmu’. (Jaha Psalmen 32:6-8.) Olo do sipata alani haccitna, dang sanggup hamu paboahon i tu Jahowa. Alai pos ma rohamuna, diattusi Jahowa do songon dia perasaanmuna. Ingot ma dihaholongi Jahowa do hamu. Jala lomo do rohana asa dipaboa hamu sude perasaanmuna tu Ibana.—2 Mus. 34:6; Ps. 62:7, 8.

11. Sesuai tu Heber 12:11, boasa ikkon tadukung keputusan ni akka sintua? (Ida kotak “ Pemecatan i Bukti Holong ni Jahowa”.)

¹¹ Molo adong keluargatta na dipecat, tadukung ma keputusan ni akka sintua. Alana sian Jahowa do pengaturan i. Dilehon Jahowa pe disiplin tu halak na mangulahon dosa, alani holongna do i tu ibana. Jala marlaba do pengaturan i tu halak na mangulahon dosa i dohot tu akka dongan di huria. (Jaha Heber 12:11.) Alai sipata olo do adong dongan na mandok dang sittong keputusan ni sintua i. Olo do ra ala dongan ni na dipecat i ibana, gabe hurang setuju ibana tu keputusan ni sintua. Gabe didok ma akka komentar na negatif  taringot tu keputusan i. Alai sasittongna dang taboto sude faktana. Jadi pos ma rohatta tu keputusan na dibahen akka sintua. Alana diihutton nasida do prinsip ni Bibel tikki mambahen keputusan. Jala mangadili “di bagasan goar ni Jahowa” do nasida.—2 Kron. 19:6.

12. Aha do labana molo tadukung pengaturan ni Jahowa taringot pemecatan?

¹² Molo tadukung keputusan ni sintua, sasittongna na mangurupi keluargatta na dipecat i do hita asa hatop ibana mulak tu Jahowa. Songon na didok donganta si Elisabet naung dipaboa nakkin, “Maol hian do huhilala manahan dirikku asa unang mangattoi anakku na dipecat i. Alai huihutton do pengaturan ni Jahowa jala bermanfaat do i. Dung mulak anakki tu Jahowa, didok ibana ma, pengaturan na massai denggan do disiplin ni Jahowa i. Jala didok anakku muse, godang do dapotna parsiajaran tikki didisiplin ibana.” Molo suamina si Markus mandok, “Didok anakku, olo pe ibana mulak tu Jahowa ala didukung hami do pengaturan ni Jahowa i. Dang olo hami mangattoi ibana saleleng na dipecat i ibana. Las do rohanami ala diurupi Jahowa hami boi toktong unduk tu pengaturan i.”

13. Aha do na boi mangurupi hamu asa toktong togu?

¹³ Paboa ma perasaanmuna tu dongan na togu haporseaonna na boi mangattusi hamu, asa diurupi hamu. (Poda 12:25; 17:17) Songon donganta si Joanna naung dipaboa nakkin mandok, “Sipata olo do au merasa kesepian. Alai dung makkatai au tu sahabathu gabe boi ma muse au togu.” Alai songon dia do tanggapanta molo adong dongan na mandok hata na mambahen lam haccit rohatta?

14. Boasa ikkon ‘rade hita manalpuhon hasalaan’ ni dongan?

¹⁴ Ikkon sabar do hita tu akka dongan. Unang ma taharappon nasida sempurna. (Jak. 3:2) Ala jolma na mardosa do hita sude, olo do hita sala makkatai. Gabe tadok ma hata na mambahen haccit roha ni dongan. Taingot ma hata ni si Paulus na mandok, “Toktong ma hamu sabar tu na asing, jala rade ma hamu manalpuhon hasalaan ni nasida nang pe haccit rohamuna dibahen.” (Kol. 3:13) Sahalak donganta borua na adong keluargana dipecat mandok, “Adong do dongan na naeng patoguhon au. Alai cara ni dongan i pasahatton hatana, mambahen gabe haccit rohakku. Alai diurupi Jahowa do au asa rade manalpuhon hasalaanna i.” Saonari tabahas ma, aha na boi diulahon akka dongan di huria lao mangurupi keluarga ni na dipecat i.

15. Boha do caratta mangurupi keluarga ni na dipecat?

¹⁵ Tapatudu ma holong tu akka keluarga ni na dipecat. Donganta si Miriam mandok, khawatir do ibana pajuppang dohot akka dongan di parpunguan dung dipecat itona. Didok ibana, “Mabiar do au mambege hata-hata ni akka dongan taringot itokki. Hape dung lao au marpungu, so adong songon i. Gariada dohot do lungun roha ni nasida. Jala dang negatif komentar ni nasida taringot itokki. Ala songon i  dibahen nasida, gabe dang merasa kesepian be au.” Molo donganta na asing mandok, “Dung dipecat anakku, sai ro do akka dongan patoguhon au. Nang pe dang diboto nasida aha sidokkononna tu au, alai olo do nasida rap tangis dohot au. Jala adong do na mangalehon surat. Massai burju do akka dongan i tu au.”

16. Songon dia do akka dongan di huria mangurupi keluarga ni na dipecat?

¹⁶ Rade ma hita mangurupi keluarga ni na dipecat i. Alana massai porlu do nasida dipatogu. (Heb. 10:24, 25) Sipata olo do halak i merasa hira na mandao do akka dongan sian nasida. Jadi unang ma mandao hita sian nasida. Akka gelleng ni na dipecat pe porlu do dipatogu, asa torus halak i setia manomba Jahowa. Molo donganta si Maria na dipecat suamina jala na maninggalhon halak i mandok, “Ro do berkunjung tu jabu akka dongan. Rap mangaloppa jala marsiajar Bibel do hami. Dang holan i, rap tangis do nasida dohot au, jala diattusi nasida do perasaanku. Tikki adong na manalahon au, dibela nasida do au. Gabe lam togu ma au.”—Rom 12:13, 15.

17. Songon dia akka sintua boi patoguhon keluarga ni na dipecat?

¹⁷ Akka sintua porlu do patoguhon keluarga ni na dipecat. Alana akka sintua do na terutama bertanggung jawab lao mangurupi dohot patoguhon nasida. (1 Tes. 5:14) Dung i berupaya ma akka sintua makkata-hatai dohot keluarga ni na dipecat i, sebelum manang dung sae marpungu. Kunjungi hamu ma nasida tu jabuna, jala rap martangiang ma hamu. Dung i bahen hamu jadwal asa boi rap marbarita na uli dohot nasida. Boi do muse undang hamu nasida dohot tu ibadat keluargamuna. Patudu hamu ma tu nasida holong dohot asi ni roha, lao patoguhon akka dongan na marsak i. Jadi porlu do diparrohahon akka sintua nasida.—1 Tes. 2:7, 8.

18. Sesuai tu 2 Petrus 3:9, aha do lomo ni roha ni Jahowa?

¹⁸ ‘Dang lomo roha ni Jahowa diripasson manang ise pe’, alai lomo ni rohana “naeng ma sude jolma marhamubaon”. (Jaha 2 Petrus  3:9.) Arga do hangoluan ni sasahalak di Debata, tung pe hea ibana mangulahon dosa na balga. Massai arga do ditobus Jahowa jolma, sappe mate do Anak haholonganna i. Alani asi ni rohana, diurupi Jahowa do halak na mardosa asa mulak muse tu Ibana. Jala sai diharappon Jahowa do asa mulak nasida songon ilustrasi ni Jesus taringot tu anak na mago. (Luk. 15:11-32) Godang do akka dongan na maninggalhon hasittongan, alai ujungna mulak do muse nasida tu Jahowa. Jala las do roha ni akka dongan di huria menyambut nasida. Donganta si Elisabet naung dipaboa nakkin paboahon perasaanna tikki mulak muse anakna tu hasittongan. Didok ibana, “Las hian do rohakku ala sai dipatogu akka dongan do au jala diurupi nasida asa unang menyerah.”

19. Boasa boi pos rohatta tu Jahowa?

¹⁹ Torus ma hita porsea tu Jahowa. Pos ma rohatta, bermanfaat do pengaturan dohot keputusan na dibahen Jahowa di huria. Bapak na burju jala parasi roha do Jahowa i. Massai holong do rohana tu halak na makkaholongi jala na manomba Ibana. Pos ma rohatta, dang tinggalhonon ni Jahowa hita tikki susa. (Heb. 13:5, 6) Donganta si Markus naung dipaboa nakkin mandok, “Dang tadikkonon ni Jahowa hita. Sai urupanna do hita asa boi martahan mangadopi hasusaatta.” Lehonon ni Jahowa do tu hamu gogo na ‘lobi sian gogo ni sahalak jolma’ lao mangurupi hamu. (2 Kor. 4:7) Jadi boi do hamu toktong setia manomba Jahowa nang pe adong keluargamuna na maninggalhon Ibana.