Di mula ni taon 1940 marsiajar Bibel ma natua-tuakku dohot Saksi Jahowa. Alai ujungna dang marsiajar Bibel be nasida. Nang pe songon i torus dope omakku langganan majalah Joujou Paboahon dohot Dungo ma! Di taon 1950 diundang ma keluargakku asa dohot tu parpunguan internasional di kota New York.

Dang leleng dukkon i, dikunjungi donganta si Lawrence Jeffries ma hami. Sai berupaya do ibana mangurupi au asa olo marsiajar Bibel. Mulana dang setuju au tu sikap ni Saksi Jahowa na so olo terlibat tu urusan politik dohot militer. Hudok ma, molo sude halak di Amerika on dang olo marporang gabe mura ma musu menyerang hita dohot menguasai negara on. Alai sabar hian do donganta si Jeffries mangurupi au. Didok ibana ma, “Pikkirhon ma jo on, molo sude halak di Amerika manomba Jahowa jala adong musu na menyerang nasida, menurutmu aha do na lao bahenon ni Debata?” Penjelasanna na masuk akkal taringot on dohot akka topik na asing, mangurupi au mangattusi sala do pandanganku saleleng on. Alani i mulai ma au tertarik marsiajar Bibel.

Ujungna hupakke ma godang tikkikku manjaha akka majalah Joujou Paboahon dohot Dungo ma!, naung leleng disippan omakku di ruang bawah tanah. Gabe husadari ma, on do hasittongan. Jadi marsiajar Bibel ma au tu donganta si Jeffries. Jala mulai ma au rutin marpungu. Hasilna gabe lam pos ma rohakku tu hasittongan jala gabe penyiar ma au. Dung huboto “nungnga jonok be ari ni Jahowa”, gabe muba ma cita-citakku. (Sep. 1:14) Dang bercita-cita be au naeng kuliah, alai naeng mangurupi halak marsiajar taringot hasittongan.

Tanggal 13 Juni 1956 tamat ma au SMA. Tolu ari dukkon i tardidi ma au di sada parpunguan  wilayah. Dang hurippu ala hulehon ngolukku mangurupi halak marsiajar taringot Jahowa, dapottu ma godang pasu-pasu.

Onom bulan dukkon tardidi, gabe perintis biasa ma au. Di Panghobasion Harajaonta Desember 1956 adong ma artikel na marjudul, “Olo do Hamu Mangurupi di Inganan na Makkaporluhon Parbarita?” Hurasa boi do au mangurupi. Alani i huputusson ma asa pinda au tu inganan na makkaporluhon godang parbarita.​—Mat. 24:14.

Pinda ma au tu Edgefield, Karolina Selatan. Holan opat penyiar do disi. Dukkon ro au, gabe adong ma lima penyiar. Di jabu ni sahalak donganta do dibahen parpunguan. Ganup bulan 100 jom ma tikkikku hupakke lao mardinas. Sibuk hian do au tikki i, alana au do na ikkon manguluhon ulaon marbarita dohot pasahatton akka jamita di parpunguan. Lam godang na huulahon di huria, lam godang ma na huparsiajari taringot Jahowa.

Adong ma studikku sahalak borua na mengelola rumah duka di kota Johnston, piga-piga kilometer ma i sian jabukku. Na burjuan do borua on. Dibahen ibana do au gabe parkarejona, jala diloas do au karejo holan piga-piga ari di bagasan saminggu. Jala olo do ibana mangalehon sada bangunan lao dipakke hami marpungu.

Dung i pinda ma donganta si Jolly Jeffries sian Brooklyn, New York, jala ibana ma gabe rekan perintishu. Anak ni donganta si Lawrence Jeffries do ibana, na sebelumna manstudihon au. Jala rap tinggal ma hami di sada ruangan na gelleng na disewa hami sian sahalak donganta.

Rendah do gaji di wilayah Selatan on, holan dua manang tolu dollar do sadari. Hea ma sada tikki manuhor sipanganon ma au di toko grosir. Jala holan i nama hepengku. Tikki kaluar au sian grosir i, ro ma sahalak bawa manukkun au, “Olo do ho karejo? Hulehon pe gajim sadollar sajom.” Disuru ibana ma au karejo tolu ari lao paiasson lokasi pembangunan. Sian on takkas ma huboto na diurupi Jahowa do au asa boi tinggal di Edgefield. Nang pe otik gajikku, alai boi do au lao tu parpunguan internasional taon 1958 di kota New York.

Di ari paduahon di parpunguan internasional i, pajuppang ma au dohot si Ruby Wadlington. Merintis biasa do ibana di Gallatin, Tennessee. Sarupa do cita-citanami, naeng gabe misionaris. Jadi dohot do hami tu pertemuan Sikkola Gilead na dibahen di parpunguan i. Dukkon i mulai ma hami saling markirim surat. Dung i diundang ma au marjamita tu Gallatin. Jala hupakke ma kesempatan i lao melamar si Ruby. Ujungna pinda ma au tu huria ni si Ruby jala menikah ma hami taon 1959.

Tikki marumur 23 taon au, dilantik ma au gabe hamba sidang di Gallatin (saonari digoari, koordinator punguan ni akka sintua). Hurianami do na parjolo dikunjungi donganta si Charles Thompson tikki baru gabe pengawas wilayah ibana. Godang  do pengalaman ni donganta on. Alai olo do ibana manukkun pandapottu taringot na porlu di huria. Jala disukkun ibana do muse songon dia pengawas wilayah sebelumna paradehon na porlu di huria. Gabe marsiajar ma au, ikkon jolo huboto do sude faktana sebelum mambahen sada keputusan.

Bulan Mei taon 1964 diundang ma au tu Sikkola Pakkobasion Harajaon saleleng sabulan di South Lansing, New York. Pelatihan di sikkola i mambahen au lam bertekad asa torus marsiajar taringot Jahowa jala torus pajonokkon diri tu Ibana.

Bulan Januari 1965 dilantik ma au gabe pengawas wilayah. Bidang do daerahnami, mulai sian Knoxville, Tennessee, jala hampir sahat tu Richmond, Virginia. Termasuk ma i akka huria di Karolina Utara, Kentucky, dohot Virginia Barat. Alai holan akka huria na kulit hitam do dikunjungi hami. Alana tikki i di Amerika Serikat bagian Selatan, dang diloas pamaretta marpungu akka halak kulit hitam rap dohot halak kulit putih. Pogos do akka dongan kulit hitam i, alai sian nasida marsiajar do hami asa bermurah hati. Saleleng gabe pengawas wilayah marsiajar do au, “asa boi taurupi akka dongan di huria, unang ma hira bos hita. Alai ikkon boi do dihilala nasida na donganna hita”.

Tikki hukunjungi hami sada huria na gelleng, dipandu si Ruby ma parsiajaran Bibel tu sahalak borua na marumur 17 taon. Jala adong do boruna marumur sataon. Ala dang adong di huria i na boi manstudihon ibana, dipandu si Ruby ma parsiajaran Bibel dohot ibana marhite surat. Dung kunjungannami berikutna, nungnga rutin be borua i marpungu. Dung i adong ma dua donganta borua perintis istimewa na ditugasson tu huria i. Nasida ma na manorusson parsiajaran Bibel tu borua i sahat tu na tardidi. Hira-hira 30 taon dukkon i di taon 1995, adong ma sahalak borua na poso makkatai dohot si Ruby, di Betel Patterson. Ternyata boru ni borua i do ibana. Tikki i, diundang do ibana dohot suamina tu Sikkola Gilead kelas 100.

Wilayahnami na paduahon, i ma Florida bagian tengah. Disi porlu do mobil di hami. Jadi dituhor hami ma na mura argana. Alai holan saminggu dope hupakke hami, nga sega masinna. Hape dang adong hepengnami padenggatton i. Jadi hupangido hami ma bantuan ni sahalak donganta na boi paturehon mobil i. Dipangido ibana ma parkarejona padenggatton i. Alai dang olo donganta i manjalo upana. Gariada dilehon ibana do hepeng tu hami. Luar biasa do cara ni Jahowa mangurupi akka naposona. Gabe marsiajar ma hami songon dia asa bermurah hati tu na asing.

Di jabu ni akka dongan do hami menginap ganup makkunjungi huria. Alani i gabe lam kompak ma hami dohot nasida. Hea ma di sada tikki naeng hususun laporan taringot sada huria. Ala naeng lao au tu luar, gabe hutinggalhon ma laporan i di mesin tik. Dung mulak au bornginna i, huida ma nungnga gok be laporan i. Adong anak ni parjabu i na marumur tolu taon asal maminciti mesin tik i. Gabe sae ma laporan i. Saleleng martaon-taon sai hutaringoti ma i lao margait tu ibana.

Taon 1971 ditugasson ma au gabe pengawas distrik di kota New York. Songgot do rohakku tikki i, alana 34 taon dope umurhu. Au ma halak kulit hitam na parjolo gabe pengawas distrik di wilayah i. Alai nang pe songon i, denggan do dijalo akka donganta au.

Tikki gabe pengawas distrik au, hampir tiap minggu ma au dohot tu parpunguan wilayah. Godang do disi akka pengawas wilayah na lebih berpengalaman sian au. Bahkan adong sahalak sian nasida na pasahatton jamita tikki tardidi au. Adong muse na belakangan gabe anggota Punguan na Mangaradoti, i ma donganta si Theodore Jaracz. Godang nai dope disi anggota Betel Brooklyn na lebih berpengalaman sian au. Alai sai berupaya do nasida sude mambahen au merasa nyaman. Takkas ma huida, akka parmahan na parholong do nasida. Sai diihutton nasida do Hata ni Debata jala setia mendukung organisasi. Serep ni roha ni nasida i, mangurupi au ummura mandalatton tugashu sebagai pengawas distrik.

Taon 1974 ditugasson Punguan na Mangaradoti ma piga-piga pengawas wilayah gabe pengawas  distrik. Jala ditugasson ma au gabe pengawas wilayah muse. Melayani di Karolina Selatan ma hami. Tikki i nungnga boi rap marpungu akka dongan kulit hitam dohot kulit putih na di sabola selatan ni Amerika Serikat. Las hian do roha ni akka dongan alani perubahan i.

Di ujung ni taon 1976 ditugasson ma hami tu wilayah Georgia, i ma di antara Atlanta dohot Columbus. Huingot dope dipangido ma au tikki i pasahatton khotbah penghiburan. Adong jabu ni donganta na ditutung jala mate ma lima anakkonna. Lukka parah istrina jala ikkon dirawat di rumah sakit. Torus do ro akka donganta na kulit hitam dohot kulit putih makkunjungi nasida. Luar biasa do holong na dipatudu akka donganta on. Holong sisongon i do tong na mangurupi hita asa boi mangadopi situasi na maol.

Di taon 1977 dipangido ma hami melayani di Betel Brooklyn saleleng piga-piga bulan lao mangurupi sada proyek. Tikki naeng sae proyek i, ro ma dua anggota Punguan na Mangaradoti manjuppangi au dohot si Ruby. Ditawarhon nasida ma tu hami penugasan gabe anggota tetap di Betel, jala setuju do hami.

Nungnga 24 taon au melayani di Departemen Dinas. Jotjot do hami manjalo surat na marisi sukkun-sukkun na maol. Sai diparade Punguan na Mangaradoti do petunjuk sian Bibel lao mangurupi hami mangalusi akka sukkun-sukkun, mangalattik akka pengawas wilayah, akka sintua, dohot akka perintis. Alani pelatihan on, gabe lam togu ma haporseaon ni akka donganta jala lam marsada ma huria.

Mulai taon 1995 sahat tu 2018, nungnga godang hukunjungi kantor cabang. Alana dilantik do au gabe wakil kantor pusat na sebelumna digoari hamba zona. Setiap kunjungan dipakke hami do kesempatan i lao patoguhon Panitia Cabang, anggota Betel, dohot akka misionaris. Gabe dipatogu do au dohot si Ruby mambege pengalaman ni nasida. Misalna tikki dikunjungi hami Rwanda taon 2000, tersentuh do hami mambege pengalaman ni akka dongan dohot anggota keluarga Betel na selamat sian genosida taon 1994. Godang do keluarga ni nasida na mate. Alai toktong do togu haporseaon ni nasida jala marlas ni roha paimahon janji ni Debata.

Saonari nungnga 80 taon lobi umurnami. Saleleng 20 taon na parpudi on, melayani do au sebagai Panitia Cabang di Amerika Serikat. Dang hea au kuliah, alai dapottu do pendidikan na terbaik sian Jahowa dohot organisasina. Diurupi do au mangajarhon hasittongan na adong di Bibel, na parohon hangoluan saleleng ni lelengna. (2 Kor. 3:5; 2 Tim. 2:2) Nungnga huida songon dia akka halak mandapot manfaat sian Bibel. Gabe lam denggan do ngolu ni nasida ala marale-ale tu Jahowa. (Jak. 4:8) Sahat tu saonari, sai berupaya do au dohot si Ruby patoguhon akka dongan na asing asa torus semangat mangajarhon hasittongan ni Bibel. Alana, on do tugas utama ni sude naposo ni Jahowa.