1. Aha do na bisa jadi disukkun dongan sikkola manang dongan sakarejotta?

 GODANGAN sian hita taroktokon do tikki disukkun dongan sakarejo manang dongan sasikkola taringot haporseaotta. Alai sasittongna sian sukkun-sukkunna i, gabe taboto ma aha na dipikkirhon nasida. Jala gabe sada kesempatan do on di hita lao marbarita na uli. Sipata adong do halak na manukkun holan ala naeng marbada manang ala dang setuju tu hita. Dang heran hita disi, alana godangan nasida mamboto informasi na so sittong taringot hita. (Ul. 28:22) Asing ni i muse, ala mangolu hita di “ari parpudi”, godangan halak “dang olo mardos ni roha” jala “parmuruk-muruk”.—2 Tim. 3:​1, 3.

2. Boasa porlu tapatudu lambok ni roha?

² Olo do sukkun-sukkun rohamuna, ‘Songon dia do asa tetap tenang au jala marbisuk molo adong na naeng berdebat taringot haporseaokku?’ Porlu do dipatudu hamu lambok ni roha. Halak na lambok roha dang mura-mura muruk, alai boi mengendalihon dirina tikki adong halak na naeng marbada dohot ibana. (Poda 16:32) Memang dang sai mura patuduhon lambok ni roha. Boha do carana asa gabe halak na lambok roha hamu? Boha do caramuna patuduhon lambok ni roha tikki adong halak na naeng berdebat taringot haporseaonmuna? Jala molo natua-tua hamu, boha do caramuna mangajari gellengmuna asa toktong lambok tikki mambela haporseaon ni nasida? Tabahas ma i di artikel on.

3. Boasa didok halak na lambok roha i dang berarti halak na gale? (2 Timoteus 2:​24, 25)

³ Halak na lambok roha dang berarti halak na gale ibana. Alana boi do ibana mengendalihon dirina jala toktong tenang tikki  mangadopi situasi na maol. Lambok ni roha i ma sada sian “parbue ni tondi”. (Gal. 5:​22, 23) Hata “lambok ni roha” di bahasa Junani, biasana dipakke lao manggombarhon sada hoda na liar naung dipajinak. Bayakkon ma, nang pe nungnga jinak hoda i, alai dang berarti dang margogo hoda i. Attong boha ma carana asa gabe halak na lambok roha jala boi takendalihon diritta? Ikkon martangiang do hita mangido tondi parbadia asa diurupi hita lao patuduhon sifat on. Alana dang boi alani gogotta hita mangulahon i. Godang do pengalaman ni akka halak naung marhasil gabe halak na lambok roha. Misalna godang do Saksi Jahowa na toktong tenang tikki adong halak na naeng berdebat dohot nasida. Ala dipatudu nasida songon i, gabe denggan ma pandangan ni halak tu nasida. (Jaha 2 Timoteus 2:​24, 25.) Attong boha ma carana patuduhon lambok ni roha?

4. Aha do na boi tatiru sian si Isak?

⁴ Godang do contoh na disurat di Bibel taringot na massai penting do patuduhon lambok ni roha. Misalna taida ma pengalaman ni si Isak. Tinggal do ibana di Gerar, i ma daerah ni halak Palistim. Mangiburu do akka tetanggana tu ibana. Alani i ditutup nasida do sude sumur na digali parkarejo ni bapakna. Nang pe songon i dibahen, dang olo si Isak marbada dohot nasida. Pinda do ibana dohot keluargana tu inganan na asing jala digali ibana ma sumur na baru. (1 Mus. 26:​12-18) Alai didok halak Palistim, appuna ni nasida do tong sumur na digalina i. Nang pe songon i, tong do dang olo si Isak marbada dohot nasida. (1 Mus. 26:​19-25) Aha do na mambahen ibana boi tetap lambok nang pe berupaya halak na asing naeng marsoal dohot ibana? Tottu ala ditiru si Isak do teladan ni natua-tuana. Marsiajar do ibana sian bapakna si Abraham na so olo marbada dohot teladan ni omakna si Sara na patuduhon “roha na lambok jala na dame”.—1 Ptr. 3:​4-6; 1 Mus. 21:​22-34.

5. Paboa ma contoh na boi do marhasil natua-tua mangajarhon tu gelleng ni nasida asa gabe halak na lambok roha.

⁵ Pos ma rohamuna akka natua-tua, boi do diajarhon hamu tu ianakkonmuna asa gabe halak na lambok roha. I ma na diulahon natua-tua ni si Maxence. Sabar do nasida mangajarhon gelleng ni nasida asa gabe halak na lambok roha. Marumur 17 taon do si Maxence. Hea do ibana mangadopi akka halak na muruk di sikkola dohot tikki marbarita. Didok nasida, “Saonari nga diattusi si Maxence be wajar do molo terpancing hita gabe muruk tikki adong halak na muruk manang kasar tu hita. Alai halak na lambok roha boi do dikendalihon ibana dirina jala toktong tenang. Dang berarti halak na lambok roha i halak na gale.” Nungnga marsiajar be si Maxence gabe halak na lambok roha.

6. Aha do manfaatna molo martangiang hita?

⁶ Olo do ra adong halak na paroa-roahon goar ni Jahowa manang mangarehei hita ala mangihutton isi ni Bibel. Aha do na boi taulahon molo masa situasi na songon i? Martangiang ma hita tu Jahowa mangido tondi parbadia dohot bisuk asa boi tapatudu lambok ni roha. Alai boha ma molo tasadari nga gabe terpancing hita muruk tu nasida? Tangiakkon ma muse taringot i jala pikkirhon ma boha carana asa boi tapatudu lambok ni roha molo masa muse situasi na sarupa. Pasti dilehon Jahowa do tu hita tondi parbadia asa boi takendalihon diritta jala patuduhon lambok ni roha.

7. Aha do manfaatna molo taingot ayat ni Bibel? (Poda 15:​1, 18)

⁷ Godang do ayat ni Bibel na boi mangurupi hita asa boi mengendalihon diri jala lambok makkatai di situasi na maol. Diurupi tondi parbadia ni Jahowa do hita mangingot akka ayat i. (Joh. 14:26) Misalna godang do prinsip di bukku Poda na boi mangurupi hita asa gabe halak na lambok roha. (Jaha Poda 15:​1, 18.)  Dipaboa do muse di Bibel aha manfaatna molo boi takendalihon diritta jala toktong tenang.—Poda 10:19; 17:27; 21:23; 25:15.

8. Aha do na ikkon taingot sebelum mangalusi sukkun-sukkun ni halak?

⁸ Asa boi gabe halak na lambok roha, ikkon marbisuk do hita. (Poda 19:11) Halak na marbisuk boi do mangattusi situasi dohot cara marpikkir ni sasahalak. Gabe boi ma ibana mengendalihon dirina tikki adong sasahalak na naeng berdebat taringot haporseaonna. Taingot ma, dos songon aek na bagas do roha ni jolma. Olo do sasahalak manukkun tu hita alai dang taboto aha alasanna manukkun i tu hita. On ma na porlu tasadari sebelum mangalusi sukkun-sukkun ni nasida.—Poda 16:23.

9. Songon dia do si Gidion mangadopi halak Epraim na muruk tu ibana?

⁹ Taida ma songon dia si Gidion mangadopi halak Epraim. Muruk do nasida tu ibana ala dang dijou asa rap marporang mangalo musu ni halak Israel. Alai boasa gabe muruk nasida? Na haccit do roha ni nasida ala dang dipasangap? Memang dang taboto alasanna. Alai berupaya do si Gidion mangattusi perasaan ni halak Epraim i jala lambok do ibana mangalusi nasida. Ala dibahen si Gidion songon i, gabe “dang muruk be nasida”.—Pangh. 8:​1-3.

10. Aha do na ikkon taingot tikki mangalusi sukkun-sukkun ni halak? (1 Petrus 3:15)

 ¹⁰ Olo do ra dongan sakarejo manang dongan sasikkolatta manukkun hita taringot boasa hita mangihutton standar moral ni Bibel. Berupaya do hita lao patorakkon boasa pos rohatta standar ni Bibel i do na terbaik. Alai tikki patorakkon i, ikkon taargai do pandapot ni nasida. (Jaha 1 Petrus 3:15.) Jadi molo adong halak na mandokkon songon i tu hita, unang ma tarippu na kritis do nasida tu hita. Gariada sian sukkun-sukkunna i, gabe taboto ma aha na dipikkirhon nasida. Jadi manang aha pe alasan ni nasida manukkun songon i, lambok jala denggan ma hita mangalusi nasida. Olo do ra sian alusta i, gabe dipikkiri nasida muse taringot pandapot ni nasida i. Jadi nang pe hira na kasar manang hira na mangaleai hita nasida, ikkon toktong ma hita denggan mangalusi nasida.—Rom 12:17.

11-12. Molo adong topik na diparsoalhon halak tu hita, aha do na porlu tapikkirhon? Paboa ma contohna. (Ida gambar.)

¹¹ Molo adong dongan sakarejotta na manukkun boasa dang tarayahon ari ulang tahun, pikkirhon ma on: Boasa disukkun ibana songon i? Na didok rohana do dang boi Saksi Jahowa marlas ni roha? Manang ala holan hita na so mangarayahon ulang tahun, gabe dang tabo annon suasana di tempat karejo? Tapatudu ma na taargai do dongan sakarejotta i. Bisa jadi ala na parduli do ibana tu hita umbahen disukkun ibana songon i. Dung i tapapos ma rohana na boi do Saksi Jahowa marlas ni roha jala bergaul di tempat karejo. Boi ma i gabe dalan di hita lao mambahas dohot ibana aha na dipaboa Bibel taringot ari ulang tahun.

¹² Molo adong topik na asing na diparsoalhon halak, boi do tapikkirhon sukkun-sukkun nakkin. Misalna adong ma dongan sasikkolatta na mandok porlu do diuba Saksi Jahowa pandanganna taringot halak na homoseksual. Bisa jadi songon i didok ibana ala dang diattusi ibana dope aha pandangan ni Saksi Jahowa taringot halak na homoseksual. Manang ala adong donganna manang tondongna na homoseksual. Olo do muse didok rohana na sogo do rohatta tu halak na homoseksual. Molo songon i, porlu do tapapos rohana na parduli do hita tu sude halak jala taargai do pilihan pribadi ni sasahalak. b (1 Ptr. 2:17) Tapaboa ma muse tu ibana aha na didok Bibel taringot i jala aha do manfaatna molo taihutton standar ni Bibel.

13. Molo adong na mandok halak na oto na porsea tu Debata, boha do caratta mangalusi i?

¹³ Tikki adong sasahalak na naeng berdebat dohot hita, unang ma pittor didok rohatta nungnga taboto sude na dihaporseai ibana. (Tit. 3:2) Contohna olo do ra adong dongan sasikkolamuna na mandok halak na oto do molo porsea tu Debata. Molo didok nasida songon i, unang ma pittor didok rohamuna na porsea nasida tu evolusi jala godang informasi diboto nasida taringot i. Bisa jadi otik dope na diboto nasida taringot i. Alani i, unang ma berdebat hamu tu nasida taringot evolusi. Coba ma bagihon hamu informasi na boi dipikkirhon nasida annon. Jala boi do ra dikirim hamu link taringot toppaan na adong di situs jw.org. Olo do ra gabe lomo roha ni nasida mambahas artikel manang video na adong disi. Molo dibahen hamu songon i, gabe olo do ra annon nasida mangalului gumodang informasi taringot aha na didok di Bibel.

14. Boha do cara ni si Niall mangadopi dongan sasikkolana na porsea tu informasi na paroa-roahon Saksi Jahowa?

¹⁴ Donganta na poso na margoar si Niall mamakke situs webta lao patuduhon dang toho informasi na paroa-roahon Saksi Jahowa.  Didok ibana, “Adong do dongan sakalashu na mandok, upporsea do au tu Bibel bukku na dikarang-karang jolma, sian tu sains dohot fakta.” Ala dang dilean donganna i kesempatan tu si Niall lao paboahon haporseaonna, didok ibana ma tu donganna i asa mangida bagian “Sains dohot Bibel” na adong di jw.org. Di pudian ni ari diboto si Niall ma nungnga dijaha donganna i akka informasi na adong di situs webta jala olo do ibana makkata-hatai taringot asal mula ni hangoluan. Boi do ra dicoba hamu cara na dibahen si Niall i.

15. Songon dia do natua-tua mangurupi gellengna molo adong dongan sasikkola ni nasida na manukkun taringot haporseaonna?

¹⁵ Boi do akka natua-tua mangajarhon tu gelleng ni nasida songon dia carana asa lambok mangalusi akka halak na manukkun taringot haporseaonna. (Jak. 3:13) Adong do natua-tua na mambahen sesi latihan saleleng ibadat keluarga. Dibahas nasida ma akka situasi na boi masa di sikkola, jala dibahen nasida ma peragaan songon dia carana mangalusi. Dung i diajarhon nasida do muse gelleng ni nasida songon dia carana mambahen asa menarik jala lambok patorakkon i.—Ida kotak “ Marlatik ma Hamu Dohot Keluargamuna”.

16-17. Aha do manfaatna molo jolo marlatik akka na poso?

¹⁶ Hamu akka na poso, molo jolo marlatik hamu, boi do i mangurupi hamu paposson rohamuna tu hasittongan jala boi ma hamu patorakkon i tu na asing. Di jw.org adong do seri na marjudul “Pertanyaan Anak Muda”. Disi adong do dibahen lembar kegiatan tu akka na poso na boi paposson roha ni nasida tu hasittongan, jala mangalusi sukkun-sukkun ni halak mamakke hata ni nasida sandiri. Molo diparsiajari hamu on rap dohot keluargamuna, gabe  denggan jala lambok ma caramuna tikki mambela haporseaonmuna.

¹⁷ Donganta na poso na margoar si Matthew paboahon manfaatna ala nungnga marlatik ibana. Tikki ibadat keluarga, jotjot do diriset si Matthew dohot natua-tuana taringot topik na bisa jadi dibahas di kalas. Didok ibana, “Dibayakkon hami ma aha na bisa jadi disukkun guru manang donganku. Jala songon dia annon carakku mangalusi nasida sesuai tu na diriset hami i. Ala nungnga pos rohakku tu hasittongan, gabe lam barani ma au jala gabe lam mura ma au patuduhon lambok ni roha tikki patorakkon i.”

18. Songon na didok di Kolosse 4:​6, aha do na ikkon toktong tapatudu? Jala aha ma manfaatna?

¹⁸ Olo do ra nungnga takkas tapatorang jala tapapos roha ni nasida, alai dang olo nasida manangihon. Nang pe songon i, sai adong do manfaatna molo marbisuk jala lambok hita mangalusi nasida. (Jaha Kolosse 4:6.) Paboahon haporseaotta dos do i songon mangalempar bola tu halak. Molo nanget hita mangalempar bola i, boi ma ditakkup nasida bola i jala boi ma lanjut permainan. Dos songon i ma, molo marbisuk jala lambok hita mangalusi nasida, gabe olo ma nasida manangihon hita jala boi ma hita lanjut makkata-hatai dohot nasida. Tottu molo adong halak tujuanna lao berdebat manang lao mangarehei hita, tumagon ma unang taalusi nasida. (Poda 26:4) Alai dang sude halak songon i, godang nai dope halak na olo manangihon hita.

19. Boasa porlu tapatudu lambok ni roha tikki mambela haporseaotta?

¹⁹ Takkas ma, godang do manfaatna molo tapatudu lambok ni roha. Martangiang ma tu Jahowa asa boi hamu toktong tenang tikki adong halak na kritis tu hamu. Ingot ma molo lambok hamu, dang porlu gabe berdebat hamu dohot nasida. Molo lambok hamu jala diargai hamu pandapot ni na asing, olo do ra gabe muba pandangan ni nasida taringot hita dohot taringot Bibel. “Sai rade ma hamu mangalusi sude halak na manukkun hamu taringot tu haporseaonmuna. Alai lambok ma alusi hamu jala sangap ma nasida bahen hamu.” (1 Ptr. 3:15) Alani i, toktong ma tapatudu lambok ni roha!