Tikki diajak sintua si FERNANDO * makkatai, gugup do ibana. Dung piga-piga hali ro pengawas wilayah, dipaboa akka sintua do tu ibana aha na porlu diulahon asa boi ibana mandapot tanggung jawab tambahan di huria. Alai dung piga-piga leleng mulai ma ibana ragu, boi do ibana gabe sintua manang na dang. Baru dope ro pengawas wilayah tu huria ni nasida. Jadi aha ma na lao dokkonon ni akka sintua sahali on?

Diparrohahon si Fernando ma tikki makkatai sahalak sian akka sintua i tu ibana. Didokkon sintua i ma 1 Timoteus 3:1 jala didok ma, nungnga dipaboa tu akka sintua, naung dilantik ibana gabe sintua. Tarsonggot ma si Fernando mambege i jala didok ma, “Toho do i?” Diulangi sintua i ma muse hatana jala mekkel suping ma si Fernando. Tikki diumumhon di huria naung gabe sintua ibana, sude ma akka dongan marlas ni roha.

Sala do molo lomo roha naeng mandapot tanggung jawab di huria? Daong. Menurut 1 Timoteus 3:1, “Molo marsitutu sahalak bawa naeng gabe sintua, na lomo do rohana mandapot ulaon na denggan.” Godang do akka donganta bawa na mangihutton nasehat i jala marsitutu asa memenuhi syarat lao mandapot tanggung jawab di huria. Hasilna? Adong do marratus ribu sintua dohot parhobas na boi denggan mangulahon tugasna. Alai ala lam martamba-tamba huria na baru, porlu do unggodang akka donganta na olo “mandapot ulaon na denggan”. Attong boha do cara na denggan asa boi mandapot tanggung jawab i? Jala molo berusaha sasahalak mandapot tanggung jawab di huria, porlu do ibana gabe marsak manang ragu songon si Fernando?

Sian bahasa Junani do dibuat hata “marsitutu” na adong di ayat i, na lapatanna berusaha sian nasa tolapna lao mandapot sada barang manang sada ulaon. Sarupa ma i songon sasahalak na naeng mambuat parbue ni hau na tabo sian sada hau na timbo. Alai dang sarupa i tu na mamaksahon diri lao mandapot tanggung jawab di huria. Boasa? Alana molo sian ias ni roha do sasahalak naeng gabe sintua, pasti lao mangulahon “ulaon na denggan” do tujuanna, dang na lao mandapot jabatan di huria.

Godangan persyaratan lao mandapot tanggung jawab i disurat do di 1 Timoteus 3:2-7 dohot di Titus 1:5-9. Songon on ma na didok donganta naung leleng gabe sintua taringot persyaratan i, “Molo menuruthu, pangalahotta do na paling penting. Penting do nian malo marjamita jala mangajari. Alai unang ma nian adong siissakan sian hita, boi nian mangarajai diri, marbisuk, taratur, burju manjalo tamu, jala marroha na dame.”

Asa dang adong siisakan sian halak na naeng “mandapot ulaon na denggan”, ikkon berusaha do ibana jujur di saluhutna jala dang adong na ramun diulahon ibana. Asa pos roha ni akka dongan na boi do ibana manguluhon huria jala mangurupi nasida, ikkon boi do ibana mangarajai dirina, taratur jala marroha na dame. Ikkon lomo do rohana manjalo tamu manang ramah asa boi ibana patoguhon akka na poso dohot akka dongan na baru. Ikkon ‘lomo do rohana tu na denggan’ asa boi ibana mangurupi jala mangapuli akka dongan na marsahit dohot na matua. Jala ala naeng mangurupi akka dongan do makana dipatudu ibana akka sifat on, dang ala asa hatop dilantik. *

Molo adong donganta na marsitutu “mandapot ulaon na denggan”, pasti las do roha ni akka sintua mangurupi ibana. Alai ikkon ibana sandiri do na berusaha asa boi memenuhi syarat na adong di Bibel. Songon on ma na didok si Henry naung leleng gabe pengawas, “Molo lomo rohatta naeng mandapot tanggung jawab tambahan, ikkon berusaha do hita sian nasa gogotta asa boi memenuhi syarat.” Sambil dikutip ibana Parjamita 9:10, didok ibana muse, “‘Manang aha na boi ulahononmu, ulahon ma i sian nasa gogom.’ Manang aha pe tugas na dilehon sintua tu hamu, denggan ma i ulahon. Jala unang ma hira na terpaksa hamu mangulahon i, termasuk ma i manapu. Pasti diparrohahon do sude kerja kerasmuna di tikkina.” Jadi molo lomo rohamuna naeng gabe sintua, ikkon kerja keras do hamu jala boi diandalhon mangulahon tugas manang aha pe. Ikkon ditanda do hamu halak na serep marroha, dang halak na memaksahon lomo ni rohana.—Mat. 23:8-12.

Adong do ra dongan na olo patudu-tuduhon tu na asing na lomo rohana mandapot tanggung jawab di huria. Manang adong do ra na olo mempengaruhi akka sintua asa boi dapotna tanggung jawab i. Adong do muse na jut rohana molo dinasehati akka sintua. Molo songon i situasina, porlu do sukkunon ni nasida dirina, ‘Na lao mangalului jabatan do au makana lomo rohakku mandapot tanggung jawab di huria, manang ala na lomo do rohakku mangurupi biru-biru ni Debata?’

Asing ni i, ikkon boi do nasida “gabe sitiruon” tu akka dongan di huria. (1 Ptr. 5:1-3) Molo gabe sitiruon do ibana, pasti dang olo ibana mambahen na licik. Jala pasti sabar do ibana dang soal dilantik manang na dang. Alana dang pittor gabe halak na sempurna sasahalak molo tung pe gabe sintua ibana. (4 Mus. 12:3; Ps. 106:32, 33) Olo do ra muse dihilala ibana “dang adong na sala” diulahon ibana. Alai sebenarna boi do akka dongan mangida hahuranganna. (1 Kor. 4:4) Jadi molo dilehon akka sintua nasehat na sian Bibel tu hamu, unang ma gabe jut rohamuna. Denggan ma parrohahon nasehat ni nasida i jala berusaha ma hamu mangulahon i.

Godang donganta na makkilala nungnga leleng nasida dang marna dilantik. Molo nungnga martaon-taon hamu berusaha asa boi gabe pengawas, gabe ragu do hamu boi dapotmuna tanggung jawab i? Dang sala molo songon i na dihilala hamu. Alana Bibel pe mandok, “Pahaccitton roha do molo sundat na dipaima-ima roha. Alai dos songon hau hangoluan do molo saut na dipaima-ima i.”—Poda 13:12.

Gabe kecewa do ra hita molo dang marna saut lomo ni rohatta. Hea do dihilala si Abraham songon i. Nungnga marjanji Jahowa lao mangalehon anak tu ibana. Alai dung piga-piga taon, tetap do dang adong dope anak ni si Abraham dohot si Sara. (1 Mus. 12:1-3, 7) Dung lam matua si Abraham didok ibana ma tu Debata, “Ale Jahowa Tuan Natumimbul, so adong anakku . . . Ai so dilehon Ho dope pinoppar di au.” Dipapos Jahowa ma muse roha ni si Abraham pasti pasautonna do janjina. Alai ikkon paimaonna do lobi sian 14 taon nai baru ma dipasaut Debata janjina.—1 Mus. 15:2-4; 16:16; 21:5.

Gabe mago do las ni roha ni si Abraham tikki paima-imahon i? Daong. Pos do rohana pasti saut do janji ni Debata jala torus do dipaima ibana i. Songon on ma na didok Apostel Paulus taringot si Abraham, “Ala sabar do si Abraham paimahon, dapotna ma janji ni Debata i.” (Heb. 6:15) Ujungna dilehon Jahowa ma tu ibana pasu-pasu lobi sian na diharappon ibana. Aha ma na boi diparsiajari hamu sian si Abraham?

Molo nungnga leleng hamu paima-imahon asa boi gabe sintua alai dang marna dilantik dope, torus ma pos rohamuna tu Jahowa. Unang ma gabe mago las ni rohamuna melayani Ibana. Alana songon on ma na didok si Warren naung godang mangurupi halak mambahen kemajuan, “Porlu do tikki asa boi tarida sasahalak nungnga memenuhi syarat lao dilantik. Alana gabe boi ma tarida songon dia sifat ni sasahalak sian carana makkarejohon sada tugas. Adong do halak na marpikkir, ikkon jolo adong do tanggung jawab tambahanna baru pe didok ibana marhasil. Sala do cara marpikkir sisongon i jala boi do i mambahen ibana gabe memaksahon lomo ni rohana i. Alana molo setia do hita tu Jahowa, dang soal didia hita jala aha tugasta, boi do didok hita nungnga marhasil.”

Adong sahalak donganta naung sappulu taon paima-imahon baru pe dilantik gabe sintua. Sambil dipaboa ibana parnidaan na disurat di Hesekiel pasal 1, dipaboa ibana ma parsiajaran na boi dapotna, “Jahowa do na hundul di kareta hodana, organisasina. Jala ibana do na manottuhon kecepatanna. Jadi dang lomo ni rohakku na uppetting. Alana belum tentu sadalan lomo ni rohakku tu lomo ni roha ni Jahowa.”

Jadi molo lomo rohamuna gabe sintua, berusaha ma hamu memenuhi persyaratanna jala mangurupi akka dongan di huria. Molo hira na leleng dihilala hamu paima-imahon i, bolokkon ma arsak ni rohamuna jala tetap ma sabar. Songon on ma na didok si Raymond na dipaboa nakkin, “Dang marna puas hita molo holan mangihutton lomo ni rohatta. Molo sai marsak hamu mamikkiri lomo ni rohamuna, olo do gabe dang marlas ni roha hamu melayani Jahowa.” Jadi berusaha ma hamu patuduhon parbue ni tondi parbadia, tarlumobi hadameon. Lam bagas ma parsiajari hamu Bibel asa gabe lam jonok hubunganmuna tu Jahowa. Ringgas ma hamu marbarita na uli dohot mangurupi halak marsiajar Bibel. Taratur ma hamu pelajaran keluarga jala bergaul ma hamu dohot akka dongan di huria. Molo diulahon hamu sudena i, boi ma hamu tetap marlas ni roha sambil paimahon saut lomo ni rohamuna i.

Pasti las do rohatta ala dilehon Jahowa kesempatan lao memenuhi syarat mandapot tanggung jawab tambahan. Dang lomo rohana dohot organisasina molo gabe marsak jala dang marlas ni roha halak na melayani Ibana. Pasti diurupi jala dipasu-pasu Jahowa do halak na olo melayani Ibana sian ias ni rohana. Jala “dang mardongan na haccit i dibahen Ibana”.—Poda 10:22.

Molo nungnga leleng hamu marsitutu lao mandapot “ulaon na denggan” alai dang dapotmuna dope i, godang dope na boi diulahon hamu tu Debata. Boi do hamu berusaha patuduhon akka sifat na denggan jala bekerja keras lao mangurupi huria. Dang dilupahon Jahowa sude na diulahon hamu tu Ibana. Sai anggiat ma hamu toktong marlas ni roha melayani Jahowa manang aha pe tugasmuna.