TANGIANG ALE AMANAMI i ma tangiang na unjotjot diulang-ulangi halak Kristen. Sittong manang na dang, alai godang do halak na sala mangattusi taringot tangiang na diajarhon Jesus on. Marjuta do halak na marulak-ulak mandok tangiang on di bagasan sadari. Alai sebenarna, dang songon i maksud ni Jesus tikki mangajarhon tangiang on. Sian dia taboto?

Sebelum dipaboa Jesus tangiang i didok ibana do, “Tikki martangiang hamu, unang ma mulak-ulak dokkon hamu hata na sarupa.” (Mateus 6:7) Mungkin do diajarhon Jesus tangiang i lao diulangi-ulangi muridna, hape ibana sandiri mangorai halak mangulahon i? Pasti daong ate! Sasittongna, di tangiang i Jesus lao paboahon akka aha do na porlu tatangiakkon. Jala akka aha do na lobi penting ikkon taingot tikki martangiang. Disurat do tangiang i di Mateus 6:9-13.

Dipaingot Jesus do akka muridna asa pasahatton tangiang holan tu Amana, i ma Jahowa. Alai diboto hamu do boasa goar ni Debata massai penting, jala boasa i ikkon dipabadia?

Mulai sian ditoppa Debata jolma, nungnga diparoa-roa Sibolis be goar ni Debata. Sibolis mandok pargabus do Debata, dang parduli, jala dang marhak mamaretta akka na ditoppa Ibana. (1 Musa 3:1-6) Godang do halak na mangihutton Sibolis. Didok nasida dang parduli Debata, pendendam, jala dang Ibana na manoppa saluhutna. Godang do muse halak na marsogo ni roha tu goar ni Debata. Dihapus nasida do goar i sian terjemahan ni Bibel jala diorai do akka halak mamakke goar i.

Bibel paboahon, satokkin nai lao dipadenggan Debata nama goarna. (Hesekiel 39:7) Molo nungnga masa i, lehonon ni Debata ma sude na tahaporluhon jala dang adong be masalahta. Sian dia taboto i? Parrohahon ma hata selanjutna di tangiang ni Jesus.

Saonari, godang do pamimpin agama na bingung taringot Harajaon ni Debata. Alai sasittongna nungnga leleng diboto akka murid ni Jesus na lao ro Mesias, i ma Sipalua na dipillit Debata. Ibana ma na lao mamaretta di Harajaon i, na lao mambahen portibi on lam denggan. (Jesaya 9:6,7; Daniel 2:44) Marhite Harajaon i dipabadia ma goar ni Debata. Takkas ma, pargabus do Sibolis. Jala dihancurhon ma ibana dohot sude ulaonna. Marhite Harajaon i dang adong be porang, sahit, haraparon, dohot hamatean. (Psalmen 46:9; 72:12-16; Jesaya 25:8; 33:24) Tikki ditangiakkon hamu asa ro Harajaon i sarupa ma i songon na manangiakkon asa saut sude janjina i.

Hata ni Jesus on patuduhon na ikkon saut do lomo ni roha ni Debata di tano on songon na di banua ginjang, i ma inganan ni Debata. Dang adong na boi mangabbati lomo ni roha ni Debata di surgo. Hea do disi marporang Anak ni Debata mangalo Sibolis dohot pasukanna. Dung i disappatton ma nasida tu tano on. (Pangungkapon 12:9-12) Pangidoan na patoluhon di tangiang on sarupa do tu dua pangidoan na sebelumna. Disuru do hita asa manangiakkon na uppetting, i ma asa saut lomo ni roha ni Debata, dang lomo ni rohatta sandiri. Lomo ni roha ni Debata do na boi parohon akka na denggan tu sude toppaan. Haru Jesus jolma na sempurna, didok do songon on tu Bapakna, “Unang ma lomo ni rohakku na saut, lomo ni roham ma.”—Lukas 22:42.

Sian hata on Jesus patuduhon, boi do hita manangiakkon akka na porlu di hita. Dang sala molo hita mangido tu Debata akka na porlu tu hita siganup ari. Jala molo tatangiakkon i, on paingotton hita holan Jahowa do “na mangalehon hangoluan, hosa, ro di saluhutna tu sude jolma”. (Ulaon ni Apostel 17:25) Di Bibel, didok do Jahowa songon natua-tua na parholong na mangalehon manang aha na dihaporluhon anakkonna. Alai songon natua-tua na burju, dang olo Ibana mangalehon akka na parohon jea tu anakkonna.

Adong do dosamuna? Porlu do disesa Debata dosamuna i? Godang do halak saonari na so mangattusi taringot dosa. Jala dang diboto nasida balga do pengaruh ni dosa i. Alani dosa do gabe susa ngolutta saonari. Jala alani dosa do gabe mate jolma. Sian mulai tubu, nungnga mardosa sude jolma. Jadi boi pe hita mangolu salelengna haduan, ala nungnga disesa Jahowa do dosatta. (Rom 3:23; 5:12; 6:23) Las hian do rohatta mambege hata ni Bibel na mandok, “Ale Jahowa, na burju do Ho jala rade manalpuhon hasalaan.”—Psalmen 86:5.

Porlu do hamu dilinggomi Debata? Godang do halak na mandok, dang tutu adong Sibolis. Alai Jesus mangajarhon, adong do Sibolis jala ibana do “na mangarajai portibi on”. (Johannes 12:31; 16:11) Nungnga sega be portibi on dibahen Sibolis. Jala lomo do rohana asa susa hamu. Lapatanna, marsitutu do ibana mambahen hamu asa lam dao sian Amamuna, i ma Jahowa. (1 Petrus 5:8) Alai umgogo do Jahowa sian Sibolis. Jala lomo do rohana mangalinggomi akka halak na makkaholongi Ibana.

Dung taulas taringot contoh tangiang na dibahen Jesus, boi do tatangiakkon taringot na asing sian i? Ingot ma na didok di 1 Johannes 5:14 taringot Debata, “Manang aha na tapangido sesuai tu lomo ni rohana, tangihononna do hita.” Jadi unang mabiar hamu, paboa ma manang aha pe holso ni rohamuna tu Debata.—1 Petrus 5:7.

Jadi andigan jala didia do hita boi martangiang?