MARJUTA do halak Kristen na mamutusson dang olo be mangarayahon Natal. Boha do perasaan ni nasida tu keputusanna i? Gabe hira na rugi do dirasa nasida ala dang dohot nasida marlas ni roha tikki Natal? Gabe dirippu dakdanak do na so lomo roha ni natua-tuana molo marlas ni roha nasida? Parrohahon ma aha na didok Saksi Jahowa di liat portibi on taringot i.

Mangingot Jesus Kristus: “Sebelum gabe Saksi Jahowa, jarang do au marminggu. Paling ma tikki Natal manang tikki Paskah. Alai di tikki sisongon i pe, jarang do hupikkiri taringot Jesus Kristus. Saonari, dang marnatal be au. Alai marpungu do au dua hali saminggu. Jala huurupi do halak marsiajar taringot Jesus Kristus sian Bibel!”—EVE, AUSTRALIA.

Mangalehon hadiah: “Lomo do rohakku molo adong halak na toppu mangalehon hadiah tu au. Lomo hian do rohakku molo adong halak na mambahen kejutan tu au! Lomo do tong rohakku mambahen kartu dohot gambar lao hulehon tu na asing. Alana boi do i mambahen nasida marlas ni roha jala au pe dohot ma marlas ni roha.”—REUBEN, IRLANDIA UTARA.

Mangurupi na asing: “Lomo do rohanami mangalehon sipanganon tu na marsahit. Sipata diboan hami do bunga, kue, manang hadiah asa las roha ni nasida. Jala las do rohanami ala boi hami mangulahon i manang andigan pe.”—EMILY, AUSTRALIA.

Marpungu dohot keluarga: “Sering do keluarganami marpungu. Jadi boi ma gellengku mananda oppung dolina, oppung boruna, tulangna, inang udana, dohot akka gelleng ni nasida. Ala dang dohot hami mangarayahaon akka perayaan, gabe dang holan alani kewajiban hami mangulahon i. Jala gabe diboto keluarganami ma, ala na holong do rohanami makana olo hami manjuppangi nasida, dang holan alani kewajiban.”—WENDY, KEPULAUAN CAYMAN.

Hadameon: “Tikki Natal, repot do sude halak. Jadi holan saotik do halak na mamikkirhon taringot hadameon. Alai dung huboto janji ni Debata na adong di Bibel, gabe tenang ma perasaanku. Saonari huboto ma, hilalaon ni gellengku do hadameon di masa depan.”—SANDRA, SPANYOL.