”Tambai ma Haporseaonnami”
”Urupi ahu na hurang porsea on!”
ENDE: 54, 24
1. Sadia ringkot do haporseaon? (Ida gombar di mula ni parsiajaran.)
HEA do sungkunsungkun rohamuna, ”Paluaon ni Jahowa do ahu tingki masa haporsuhon godang?” Apostel Paulus paboahon sada parange na ringkot asa tongtong marsihohot, i ma haporseaon. Ibana mandok, ”Alai ia so adong haporseaon ni sada halak, ndang boi lomo ni roha ni Debata di halak i.” (Heb. 11:6, Bibel siganup ari) Ra, godang do na mandok, sude do halak marhaporseaon, alai sasintongna ”ndang saluhutna olo porsea”. (2 Tes. 3:2) Sian dua ayat on, tangkas ma taboto mansai ringkot do asa togu haporseaonta.
2, 3. (a) Boasa ingkon marhaporseaon? (b) Aha do na laho taulas di artikel on?
2 Apostel Petrus paboahon taringot haporseaon na ”diuji”. (Jaha 1 Petrus 1:7.) Ala nunga jonok haporsuhon godang, ingkon ”marhaporseaon” do hita asa dapotan hangoluan. (Heb. 10:39) Alani i, porlu ma hita marsitutu patoguhon haporseaonta asa mandapot pasupasu tingki Jesus gabe raja. Songon baoa na mangido pangurupion ni Jesus laho patoguhon haporseaonna, hita pe boi mandok, ”Urupi ahu na hurang porsea on!” (Mrk. 9:24) Jala songon angka apostel tapangido ma, ”Tambai ma haporseaonnami!”
3 Di artikel on, taulas ma: songon dia do patoguhon haporseaonta, songon dia do patuduhon haporseaonta na togu dohot aha do na paposhon rohanta na diurupi Debata hita patoguhon haporseaon.
DIHALOMOHON DEBATA DO ASA TAPATOGU HAPORSEAONTA
4. Angka ise do na boi patoguhon haporseaonta?
4 Dilehon Jahowa do sitiruon na denggan tu hita, i ma halak na marhaporseaon na togu. Dipaboa do di Bibel ”nasa na tarsurat hian, bahen poda di hita”. (Rom 15:4) Songon si Abraham, si Sara, si Isak, si Jakkob, si Musa, si Rahab, si Gidion, si Barak dohot angka na asing boi patoguhon haporseaonta. (Heb. 11:32-35) Alai saonari pe, godang do angka donganta na marsihohot na mangalehon sitiruon tu hita. *
5. Songon dia do si Elia patuduhon haporseaonna tu Jahowa, jala aha do na tasungkun tu dirinta?
5 Taparrohahon ma sitiruon sian panurirang Elia. Dipatudu do haporseaonna tu Jahowa sian lima na masa tu ibana. (1) Pos do roha ni si Elia paboahon tu Raja Ahab na laho bahenon ni Jahowa logo ni ari. Didok ma, ”Songon sintongna mangolu Jahowa, Debata ni Israel, jala ahu marhalado di jolona, ndang jadi ro nambur manang udan, manang piga taon on!” (1 Raj. 17:1) (2) Porsea do si Elia na lehonon ni Jahowa haporluan ni naposoNa tingki masa logo ni ari. (1 Raj. 17:4, 5, 13, 14) (3) Pos do roha ni si Elia na paheheon ni Jahowa do anak ni ina na mabalu. (1 Raj. 17:21) (4) Pos do roha ni si Elia na paroon ni Jahowa api sian langit laho manutung pelean ni nasida di Dolok Karmel. (1 Raj. 18:24, 37) (5) Andorang so ro udan habahaba, pos do roha ni si Elia mandok tu si Ahab, ”Nangkok ma ho, asa mangan minum, ai marhasak do hubege songon haroro ni udan na por.” (1 Raj. 18:41) Dung taparrohahon lima na masa on, tasungkun ma dirinta, ”Songon si Elia do togu ni haporseaonku?”
SONGON DIA DO ASA TOGU HAPORSEAONTA?
6. Aha do na tapangido sian Jahowa asa togu haporseaonta?
6 Molo ndang togu haporseaonta, tapangido ma tondi parbadia sian Debata. Boasa? Ala haporseaon i, sada sian parbue ni tondi. (Gal. 5:22) Denggan ma molo taihuthon poda ni Jesus asa mangido tondi parbadia. Dijanjihon Jesus do molo Jahowa mangalehon ”Tondi Parbadia tu angka na mangido I sian Ibana”.
7. Patorang ma songon dia asa tongtong togu haporseaonta.
7 Nang pe nunga togu haporseaonta tu Debata, sai tajaga ma. Dipatudos ma haporseaon on songon api. Tingki tabahen api jala tatambai sobanna, tongtong ma gorgor api i. Alai, molo ndang tatambai soban, lam leleng mate ma api i. Songon i ma nang haporseaonta. Molo tajaha jala taparsiajari ganup ari hata ni Debata, lam holong ma rohanta tu Jahowa dohot hataNa. Molo taulahon on, togu ma haporseaonta.
8. Aha do na mangurupi hita patoguhon haporseaon?
8 Tongtong ma hita marsiajar nang Heb. 6:1, 2) Umpamana, taparsiajari ma surirang naung digohi asa lam togu haporseaonta. Marhite Hata ni Debata, taboto ma naung togu manang ndang haporseaonta.
9, 10. Songon dia do haporseaonta boi togu alani (a) dongan na denggan? (b) parpunguan? (c) marbarita?
9 Didok si Paulus do tu halak Kristen, ”Dapotan hiras ni roha nang ahu sian hamu hinorhon ni haporseaonta be.” (Rom 1:12) Aha do lapatanna? Tingki marsaor hita dohot angka dongan, boi ma hita patoguhon haporseaon ni na asing. Tarlumobi tingki rap dohot donganta na mangadopi ”pangunjunan”. (Jak. 1:3) Dongan na so denggan manegai haporseaonta, alai dongan na denggan patoguhon haporseaon. (1 Kor. 15:33) Alani i ma, sai dijujui hita asa tongtong ro tu parpunguan. Disi ”masipaingotan ma hita”. (Jaha Heber 10:24, 25.) Dung i, parsiajaran na tajalo di parpunguan patoguhon haporseaonta. Dipaboa do di Bibel ”sian na tumangihon do ro haporseaon”. (Rom 10:17) Tasungkun ma dirinta, ”Tongtong do ahu ro tu parpunguan?”
10 Lam togu do haporseaonta molo marbarita na uli. Songon halak Kristen di abad parjolo, marpos ni roha ma hita tu Jahowa jala barani marbarita manang didia pe.
11. Aha do na mambahen togu haporseaon ni si Kaleb dohot si Josua, jala songon dia do hita maniru nasida?
11 Lam togu do haporseaonta tu Jahowa tingki taida songon dia Ibana mangurupi dohot mangalusi tangiangta. On ma na masa tu si Kaleb dohot tu si Josua. Dipatudu nasida do haporseaonna tu Jahowa tingki disuru gabe matamata tu Tano Kanaan. Lam leleng, togu ma haporseaon ni nasida dung diida pangurupion ni Jahowa. Tangkas do didok si Josua tu bangso Israel, ”Angka na pinarbaga ni Jahowa, Debatamuna i tu hamu; tung saluhutna do na songgop tu hamu, ndang tartading sian angka i, nanggo sada hata.” Didok ma muse, ”On pe sai habiari hamu ma Jahowa, jala marsihohot rohamuna mangoloi Ibana di bagasan hasintongan.” Dipaujung ma muse mandok, ”Alai anggo ahu dohot donganku sajabu, ingkon Jahowa do oloannami.” (Jos. 23:14; 24:14, 15) Molo porsea hita tu Jahowa jala tahilala pangurupionNa, lam togu ma haporseaonta.
SONGON DIA DO PATUDUHON HAPORSEAON NA TOGU
12. Songon dia do patuduhon haporseaon na togu?
12 Songon dia do patuduhon haporseaon na togu? Si Jakobus mandok, ”Ahu patuduhon tu ho haporseaon sian angka pangulaonku.” (Jak. 2:18) Alani i, tarida ma na togu haporseaonta sian parniulaon.
Sude na marsitutu laho marbarita patuduhon haporseaon na togu (Ida paragraf 13)
13. Tingki marbarita, songon dia do hita patuduhon haporseaon?
13 Ulaon marbarita sada isara na denggan laho patuduhon haporseaonta. Boasa? Tingki marbarita hita, tapatudu ma naung jonok ajal ni hasiangan on jala ”ndang tagamon tartading”. (Hab. 2:3) Asa taboto na togu manang ndang haporseaonta, tasungkun ma dirinta, ”Sadia ringkot do di ahu ulaon marbarita? Marsitutu do ahu marbarita na uli? Huihuthon do angka isara na baru asa lam denggan marbarita?” (2 Kor. 13:5) Tarida ma na togu haporseaonta molo marhiras ni roha mangkatindangkon barita na uli.
14, 15. (a) Songon dia do patuduhon haporseaon na togu ganup ari? (b) Lehon ma pengalaman na patuduhon haporseaon na togu.
14 Taputudu ma muse na togu haporseaonta tu Jahowa tingki mangadopi sitaonon. Tingki mangadopi hapogoson, sahit, metmet ni roha, arsak ni roha, manang hasusaan na asing, ingkon porsea na ”dapot asi ni roha hita bahen pangurupion, di tingki halehetanna” sian Jahowa dohot Jesus. (Heb. 4:16) Tapatudu ma haporseaonta tu Jahowa molo tapangido pangurupion sian Ibana. Jesus manjujui hita mangido ”hangoluan siap ari” sian Jahowa. (Luk. 11:3) Dipatorang do di Bibel na lehonon ni Jahowa do sude na tahaporluhon. Umpamana tingki masa logo ni ari di Israel, dilehon Jahowa do sipanganon dohot siinumon tu si Elia. Bibel paboahon, ”Ro ma angka pidong sigak mamboan tu ibana sagusagu dohot juhut manogotna i dohot bodarina i, jala sian sunge i ibana minum.” (1 Raj. 17:3-6) Porsea ma hita na lehonon ni Jahowa do sude na tahaporluhon.
Taputudu ma na togu haporseaonta tu Jahowa tingki mangadopi sitaonon (Ida paragraf 14)
15 Molo taulahon prinsip ni Bibel, boi ma tagohi haporluan ni keluarganta. Songon si Rebekka na maringanan di Asia, paboahon songon dia ibana dohot keluargana mangulahon prinsip di Mateus 6:33 dohot Poda 10:4. Karejo ni tunggani dolina boi manegai paralealeon ni keluargana tu Jahowa. Alani i, ditadingkon ma karejo i. Manggadis kue ma nasida laho manggohi haporluan ni opat ianakhonna. Didok si Rebekka ma, ”Ndang diloas Jahowa hahurangan hami. Boi do hami mangan ganup ari.” Hea do diadopi hamu sisongon on?
16. Aha do labana molo porsea hita tu Debata?
16 Unang ma ganggu rohanta laho Gal. 3:11; Hab. 2:4) Alani i, ingkon marhaporseaon na togu ma hita tu Hadirion na tongtong boi mangurupi hita. Dipaboa si Paulus do tu hita na ”tarpatupa Ibana [Debata] do andul lumobi sian na tapangido manang tapingkiri, hombar tu hagogoon na mangkorhon di bagasan hita”. (Eps. 3:20) Naposo ni Jahowa marsitutu mangulahon lomo ni roha ni Debata, nang pe marhahurangan nasida. Mandok mauliate ma hita tu Debata ala diparrohahon jala dipasupasu do sude ulaonta.
mangihuthon tudutudu ni Jahowa, ala urupanNa do hita. Si Paulus mangenet hata ni si Habakuk na mandok, ”Mangolu ma partigor i sian haporseaon!” (DIURUPI DO ASA TOGU HAPORSEAONTA
17. (a) Songon dia do Jesus mangalusi pangidoan ni angka apostel? (b) Boasa denggan mangido tu Jahowa asa dipatogu haporseaonta?
17 Sian na taulas on, hea do ra tahilala songon pangidoan ni angka apostel tu Jesus, ”Tambai ma haporseaonnami!” (Luk. 17:5) Dialusi Jesus do pangidoan ni angka apostel, tingki nasida digohi tondi parbadia di ari Pentakoste taon 33. Jala diurupi ma nasida lam marpangantusion taringot sangkap ni Debata. On patoguhon haporseaon ni nasida. Aha do pangkorhonna? Marhiras ni roha ma nasida marbarita na uli tingki i. (Kol. 1:23) Boi do tapangido tu Jahowa asa dipatogu haporseaonta? Jahowa marjanji molo ”tapangido manang aha marguru tu lomo ni rohana, tangihononna do hita”.
18. Aha do pasupasu na dilehon Jahowa tu halak patoguhon haporseaonna?
18 Las ma roha ni Jahowa molo porsea jala marhaposan hita tu Ibana. Alusan ni Debata ma pangidoanta, lam togu ma haporseaonta jala parsidohot ma hita tu harajaon ni Debata.
^ par. 4 Ida ma pengalaman ni si Lillian Gobitas Klose (Awake! 22 Juli 1993), si Feliks Borys (Awake! 22 Februari 1994), dohot si Josephine Elias (Sedarlah! September 2009).