Sungkunsungkun na Dialusi Bibel
Boi do taantusi hasintongan taringot Debata?
Boasa lomo roha ni Debata angka jolma mananda hasintongan? Jaha Johannes 17:3
Debata mangkatai tu jolma marhite Bibel. Marhite tondi parbadia, Ibana manogunogu pingkiran ni angka panurat Bibel laho manurathon isi ni pingkiranNa. (2 Petrus 1:20, 21) Alani i, boi ma taantusi hasintongan taringot Debata marhite manjaha Bibel.
Di Bibel, dipaboa Debata do taringot hadirionNa. Dipaboa do boasa Ibana manompa jolma, aha do na tinujuNa tu jolma dohot songon dia asa martua ngolu ni jolma. (Ulaon ni Apostel 17:24-27) Lomo do roha ni Debata Jahowa taboto hasintongan taringot Ibana.
Boasa las roha ni Debata angka jolma mananda hasintongan?
Jahowa, i ma Debata hasintongan. Disuru Ibana do anakNa tu tano on laho mangajarhon hasintongan tu jolma. Jala, halak na mananda hasintongan gabe siihuthon Jesus. (Johannes 18:37) Lomo do roha ni Debata asa torop halak manomba Ibana.
Marsitutu do Sibolis padaohon jolma sian Debata marhite mangajarhon ajaran na so sintong. (2 Korint 4:3, 4) Halak na so mangkaholongi hasintongan tarelaela tu ajaran na so sintong. (Rom 1:25) Alai, marjuta halak olo mananda hasintongan taringot Debata marhite marsiajar Bibel.
Mungkin Lomo do Rohamuna Mamboto
TARINGOT HAMI
Boasa Ringkot Marsiajar Bibel?
Bibel mangurupi marjuta halak di liat portibi on lao mangattusi alus ni sukkun-sukkun na rikkot taringot tu hangoluan. Olo do hamu lao mamboto alusna?
BIBEL—AHA DO ISINA?
Boasa Porlu Taparrohahon Bibel?
Jaha ma hatorangan na sintong taringot Bibel, buku na tarbarita di liat portibi on.
