SIULASON NI MAJALAH ON | HAMU BOI MANGANTUSI ISI NI BIBEL
Boasa Ingkon Taantusi Isi ni Bibel?
”Bibel on buku na badia. Alai, ndang jotjot dipangke di Cina.”
—LIN, CINA.
”Ahu maragama Hindu. Alai, ndang huantusi isi ni buku na badia na dipangkehami. Alani i, songon dia ma ahu boi mangantusi isi ni Bibel?”
—AMIT, INDIA.
”Huboto do molo Bibel, sada buku naung leleng adong jala na gumodang tarsar di liat portibi on. Alai, ndang hea huida songon dia buku on.”
—YUMIKO, JEPANG.
Torop halak di liat portibi on mangargai Bibel, nang pe ndang diantusi manang diboto nasida isina. Ndang holan di Asia on masa, di liat na asing pe jotjot do halak mamangke Bibel alai, tong do marpandapot sisongon i.
Sungkunsungkun do ra rohamu, ’Boasa ma ingkon huantusi isi ni Bibel?’ Molo taantusi isi ni buku na badia on, i ma Bibel, dapotmu ma laba songon na di toru on:
-
Dapotan las ni roha
-
Boi mangadopi parsoalan di keluarga
-
Boi mangadopi arsak ni roha
-
Boi padengganhon hadirionta
-
Marbisuk mamangke hepeng
Sungkunsungkun do roha ni si Yoshiko, sian Jepang taringot isi ni Bibel, alani i gabe dijaha ibana ma. Aha do labana di ibana? ”Isi ni Bibel mangurupi ahu mangantusi aha na tinuju ni ngolu on jala marpangkirimon tu ari na naeng ro.” Didok ma muse, ”Gabe marpangkirimon ma ahu na mangolu on.” Si Amit na dipaboa nangkin, ujungna olo manjaha Bibel. Ibana mandok, ”Songgot do rohangku dung manjaha isi ni Bibel. Denggan situtu do isina tu dirinta sandiri.”
Isi ni Bibel marpangkorhon do tu hangoluan ni marjuta halak. Olo do hamu mamboto isi ni Bibel jala mandapot laba sian i?
