Lehonon ni Jahowa do Gogo tu Hamu
”[Urupan] ni Jahowa ma ibana di podoman parsahiton.”
ENDE: 23, 138
1, 2. Aha do na diulahon Debata di tingki naung salpu, jala aha do na dihirim halak saonari tingki marsahit?
MOLO hea hamu marsahit na posa, ra olo do hamu mandok, ’Boi do malum sahithon?’ Ra, adong do keluarga manang alealemu na marsahit. Hirim do rohamuna asa boi nasida malum. Ndang sala molo hirim rohanta asa sehat hita dohot keluarganta. Di Bibel, disurat do pigapiga halak na hirim rohana asa malum sahitna. Umpamana, hirim do roha ni Raja Ahasia dohot Raja Benhadad asa malum sahit ni nasida.
2 Dipaboa do di Bibel, molo Jahowa olo mambahen tanda halongangan laho pamalum na marsahit jala angka panurirangNa pe boi do pahehehon halak na mate. (1 Raj. 17:17-24; 2 Raj. 4:17-20, 32-35) Saonari, adong do halak na hirim rohana asa diurupi Debata pamalumhon sahit ni nasida.
3-5. Aha do na boi diulahon Jahowa dohot Jesus, jala aha do sungkunsungkun na laho taulas?
3 Marpangkorhon do huaso ni Jahowa tu hahipason ni 1 Mus. 12:17; 4 Mus. 12:9, 10; 2 Sam. 24:15) Ala ndang dioloi bangso Israel Debata, diuhum Ibana ma nasida marhite ”saluhut sahit dohot torutoru”. (5 Mus. 28:58-61) Di tingki na asing, diondingi Jahowa do naposoNa sian sahit. (2 Mus. 23:25; 5 Mus. 7:15) Dipamalum Ibana do na marsahit. Umpamana, dipamalum Ibana do si Job sian sahit na posa.
4 Pos do rohanta molo huaso ni Jahowa boi pamalum halak na marsahit. Songon i nang Jesus, tingki di tano on ibana, dipamalum do halak na marsahit huliton (kusta) dohot sahit solpot. Dipamalum do halak na mapitung dohot na pampang. (Jaha Mateus 4:23, 24; Joh. 9:1-7) Angka tanda halongangan on, mangurupi hita porsea tu na laho ulahonon ni Jesus di ari na naeng ro, di tano na imbaru. Digohi ma ayat na mandok, ”Ndang adong be sian tongatonganta na morongorong ala ni parsahiton”.
5 Tingki marsahit hita, boi do hirim rohanta na bahenon ni Jahowa dohot Jesus tanda halongangan saonari? Jala aha do na ingkon tapingkirhon tingki mamillit parubatan?
MANGASAHON JAHOWA TINGKI MARSAHIT
6. Aha do na disurat di Bibel taringot tanda halongangan na binahen ni halak Kristen di abad na parjolo?
6 Di abad na parjolo, dimiahi Jahowa do halak Kristen marhite tondi parbadia, jala dilehon tu nasida haboion laho mambahen tanda halongangan. (Ul. 3:2-7; 9:36-42) Umpamana, boi do nasida pamalumhon na marsahit dohot mangkatai di marragam bahasa. (1 Kor. 12:4-11) Alai, nunga marujung be haboion laho mambahen tanda halongangan, songon na didok ni Bibel. (1 Kor. 13:8) Alani i, ndang boi hirim rohanta na bahenonon ni Debata tanda halongangan laho pamalumhon sahitta manang halak na tahaholongi saonari.
7. Songon dia do Psalmen 41:4 mangapul rohanta?
7 Molo marsahit hita, gabe tarapul do rohanta jala margogo hita dibahen Jahowa, songon na diulahon Ibana tu naposoNa najolo. Songon na sinurat ni Raja Daud, ”Martua ma halak na mangalehon rohana tu na pogos, urupan ni Jahowa do ibana di tingki hasusaan. Ondihonon jala jagaon ni Jahowa do ngoluna.” (Ps. 41:2, 3) Tontu, lapatan ni hata ni si Daud dison, ndang na gabe so mate halak na burju na mangalehon rohana tu na pogos. Antong, songon dia do Jahowa mangurupi halak na burju? Disurat si Daud do muse, ”Sandeon [urupan] ni Jahowa ma ibana di podoman parsahiton.”(Ps. 41:4) Diboto Jahowa do tangkas aha na masa tu naposoNa. Dilehon Ibana do gogo dohot bisuk tu nasida. Ditompa Jahowa do pamatang ni jolma na boi malum sandiri.
8. Songon na disurat di Psalmen 41:5, aha do na dipangido si Daud tu Jahowa tingki marsahit?
8 Di Psalmen 41, disurat si Daud do na hea ibana mangadopi parsahiton na posa dohot marsak situtu. Di tingki i, anakna si Absalom marsitutu gabe raja naeng manggantihon ibana. Ala marsahit si Daud, ndang boi diorai ibana si Absalom. Diboto si Daud do tangkas hasusaan na ro tu keluargana, masa alani dosana dohot si Batseba. (2 Sam. 12:7-14) Antong, aha do na diulahon ibana? Martangiang ma si Daud, ”Asi ma roham di ahu, ale Jahowa, sai pamalum rohangki, ai dompak Ho do ahu mardosa. (Ps. 41:5) Diboto si Daud do molo Jahowa nunga manesa dosana, jala diasahon ibana do Debata saleleng di parsahitonna. Alai, dihirim si Daud do na bahenon ni Jahowa tanda halongangan pamalum sahitna i?
9. (a) Aha do na dibahen Jahowa tu Raja Hiskia? (b) Aha do na dihirim roha ni si Daud sian Jahowa?
9 Di tingki na asing, dipamalum Debata do halak na marsahit. Umpamana, dipamalum Jahowa do Raja Hiskia, na posa sahitna jala naeng mate. Ditambai do umurna 15 taon nai. (2 Raj. 20:1-6) Alai, ndang dihirim si Daud tanda halongangan sisongon i. Dipangido ibana do tu Debata pangurupion, songon na binahen ni Debata tu ”halak na mangalehon rohana tu na pogos”. Maraleale do si Daud dohot Jahowa. Alani i, dipangido ibana do tu Jahowa asa diapul rohana jala dilehon gogo mangadopi parsahithonna. Dipangido ibana do asa dipamalum sahitna. Hita pe, boi do mangido sisongon i tu Jahowa.
10. Aha do na masa tu si Tropimus dohot si Epaproditus, jala aha do parsiajaranna tu hita?
10 Di abad na parjolo, ndang sude halak Kristen dipamalum marhite tanda halongangan, nang pe apostel Paulus dohot na asing boi pamalumhon na marsahit. (Jaha Ulaon ni Apostel 14:8-10.) Dipamalum si Paulus do amang ni si Publius, na marsahit mohop jala infeksi na posa. Martangiang ma si Paulus, dung i ”diampehon ma tanganna tu ibana, gabe malum ma”. (Ul. 28:8) Alai, ndang sude dipamalum si Paulus halak na tinandana. Sada sian i, i ma si Tropimus na rap dohot ibana tingki di pardalanan gabe missionaris. (Ul. 20:3-5, 22; 21:29) Tingki marsahit si Tropimus, ndang dipamalum si Paulus ibana. Alani i, ndang rap be nasida sapardalanan, jala tinggal di Miletus ma si Tropimus sahat tu na malum. (2 Tim. 4:20) Na asing muse si Epaproditus, na marsahit posa jala naeng mate. Ndang adong dipaboa di Bibel na dipamalum si Paulus ibana.
AHA DO PODA NA INGKON TAULAHON?
11, 12. Aha do na taboto taringot si Lukas, jala songon dia do ibana mangurupi si Paulus?
11 Sahalak dokter do si Lukas, jala sapardalanan do ibana dohot si Paulus. (Ul. 16:10-12; 20:5, 6; Kol. 4:14) Las do roha ni si Lukas mangurupi si Paulus dohot na asing tingki marsahit nasida. (Gal. 4:13) Songon na didok ni Jesus, ”di angka na marsahit” do porlu dokter.
12 Si Lukas ndang holan sahalak na mangalehon hatorangan taringot kesehatan. Alai, dokter do ibana. Ndang dipaboa di Bibel didia jala andigan si Lukas singkola dokter. Alai, hea do si Paulus pasahathon tabe ni si Lukas tu huria Kolosse. Ra, di Laodikia kota na jonok tu Kolosse do si Lukas singkola dokter. Tingki ibana manurat buku Lukas dohot buku Ulaon, dipangke do hata na adong di kesehatan. Tarida ma, molo ibana sahalak dokter. Jala disurat ibana do godang tanda halongangan na binahen ni Jesus laho pamalumhon angka jolma.
13. Aha do na ingkon taingot andorang mangalehon manang mangulahon sada hatorangan taringot kesehatan?
13 Saonari, ndang adong be angka * (Jaha 1 Timoteus 5:23.) Alai, porlu do hita manat. Olo do donganta manjugulhon asa tapangan sada jenis ni ubat manang ubat herbal dohot marpantang tu sada jenis ni sipanganon. Ra, na mambahen ibana paboahon i tu hita, ala nunga hea malum keluargana mamangke isara on. Alai, ndang sai boi isara na sarupa pamalumhon sahitta. Taingot ma, nang pe godang halak mamangke sada parubatan manang mamangke sada jenis ni ubat, boi do on mambahen posa sahitta.
PANGKE MA BISUK
14, 15. (a) Aha do na ingkon manat tapingkiri? (b) Aha do na boi taparsiajari sian Poda 14:15?
14 Lomo do rohanta asa tongtong hita sehat jala boi mangolu manomba Jahowa. Alai, ndang boi tapasiding sude sahit ala halak na mardosa do hita. Tingki marsahit, marragam do parubatan na tahaporluhon jala ingkon tabahen haputusan na denggan laho mamillit i. Alai, godang halak dohot perusahaan na mandok, molo nasida boi pamalumhon sahitta. Na mambahen nasida mangulahon on, i ma asa mandapot godang hepeng. Ra, olo do nasida mandok nunga godang halak mangihuthon parubatan on jala boi malum. Molo marsahit hita, olo do ra taulahon manang aha pe asal ma boi malum jala lam ganjang umurta. Alai, taingot ma poda ni Bibel na mandok, ”Halak na oto marhatutuhon luhut hatahata, alai anggo halak na bisuk i, ditimbang do langkalangkana.”
15 Molo marbisuk hita, manat do hita laho mangkaporseai hatorangan na dilehon ni sasahalak. Boi do tasungkun tu dirinta, ’Ibana mandok vitamin, obat herbal, dohot obat diet on nunga mangurupi godang halak, alai tutu do songon i sasintongna? Molo tutu do i mangurupi nasida, sian dia do botoonku molo on boi mangurupi ahu? Porlu do ahu mandapot hatorangan, jala manungkun tu halak na umbotoan taringot sahithon?’
16. Aha do na ingkon taparrohahon tingki mambahen haputusan taringot kesehatan?
16 Tingki tabahen haputusan laho mamillit sada parubatan, porlu do hita marpingkiran na denggan jala marbisuk. (Tit. 2:12) Ringkot do taulahon on, tarlumobi tingki mangihuthon parubatan na so somal diulahon dokter. Boi do patorangon ni parubat i, songon dia parubatan on diulahon? Tangkas do hatoranganna i? Godang do dokter na satolop tu parubatan i? (Poda 22:29) Ra, adong do na mandok tu hita molo isara na baru on, dapot sian inganan na dao jala angka dokter ndang mamboto taringot on. Alai, adong do naung malum mamangke parubatan on? Sipata, adong do na mangalehon parubatan mamangke ubat na so tangkas sian dia bahanna manang mamangke hadatuon. On, boi parohon jea. Ingot ma, nunga dipasingot Debata asa unang tapangke hadatuon.
”HIPAS MA HAMU”
17. Aha do na jotjot tahirim?
17 Punguan Na Mangaradoti Organisasi di abad na parjolo, manongos sada surat tu angka donganta di huria laho paboahon angka sipasidingon ni nasida. Di ujung ni surat i, didok ma, ”Denggan ma dipasiding hamu angka i. Hipas ma hamu!” (Ul. 15:29) Hata ”hipas ma hamu” patuduhon ndang sala hirim rohanta asa tongtong sehat.
Nang pe lomo rohanta asa sehat, ingkon taharingkothon do panombaon tu Jahowa (Ida paragraf 17)
18, 19. Aha do na tahirim di tano na imbaru?
18 Ala mardosa hita, ndang boi tapasiding sude sahit. Tingki marsahit hita, unang ma hirim rohanta na bahenon ni Jahowa tanda halongangan. Alai, mangkirim ma hita tu ari na naeng ro, tingki Debata pamalumhon sude sahit. Di Pangungkapon 22:1, 2, apostel Johannes paboahon, molo ”aek hangoluan” dohot ”hau hangoluan” do na laho pamalumhon ganup halak. Ndang ubat herbal na dipaboa di ayat on, na boi tapangke saonari manang haduan, di tano na imbaru. Alai, ayat on patuduhon aha na laho bahenon ni Jahowa dohot Jesus haduan, mambahen hita boi mangolu salelengna.
19 Mangkirim ma hita tu na laho masa di ari na naeng ro. Alai, saonari pos do rohanta molo Jahowa mangkaholongi ganup halak. Jala diantusi Ibana do songon dia pangkilalaanta tingki mangadopi hasusaan. Songon si Daud, pos ma rohanta, ndang tadingkonon ni Jahowa hita tingki marsahit. Sai parrohahononNa do halak na marsihohot tu Ibana.
^ par. 13 Buku The Origins and Ancient History of Wine paboahon hatorangan ni angka ilmuwan na mandok molo tainum anggur boi do malum sahit tipus jala pamatehon bakteri na asing.