Aha do na ro tu pikkiranmuna tikki didok “kiamat”? Mungkin dibayakkon hamu do terjadi bencana na massai ngeri tu liat portibi on lao pamatehon sude na mangolu di tano on. Adong do halak na porsea na lao hancur portibi on, tarlumobi ala dibege nasida barita sisongon on:

•   “Pasti boi do terjadi porang nuklir. Bisa jadi ala nungnga direncanahon, dang sengaja, manang ala adong kesalahpahaman.”—Bulletin of the Atomic Scientists.

•   “Di bagasan sappulu taon on, godang do terjadi bencana na massai parah songon badai, kebakaran hutan, kekeringan, terumbu karang naung sega, gelombang panas, dohot banjir.”—National Geographic.

•   “Lam godang do kawanan ni belalang di Afrika jala unggodang do na sega dibahen sian taon na sebelumna.”—The Associated Press.

 Tutu do naeng terjadi bencana na massai balga lao manghancurhon portibi on? Songon dia do didok di Bibel taringot i?

 Daong. Didok di Bibel, na lao torus do adong Bumi on salelengna. (Parjamita 1:4) Dang na lao dihancurhon Debata planet Bumi naung ditoppa Ibana. Alai “halak na manegai tano on” do na lao dipamate Debata.—Pangungkapon 11:18.

 Akhir ni “portibi” na didok di Bibel, i ma akhir ni ngolu ni akka halak na so mangoloi Debata jala na mangulahon lomo ni rohana sandiri. Di tikki ni si Noak, dipamate Debata do sude jolma ‘na so pasangappon Ibana’.—2 Petrus 2:5; 3:7.

 Songon na didok di 1 Johannes 2:17, “na lao salpu nama portibi on dohot akka hisap-hisapna”. Ayat on patuduhon dang na lao dihancurhon Debata planet Bumi on, alai akka jolma na so mangulahon lomo ni rohana do pamateonna.

 Dang adong dipaboa di Bibel andigan pastina berakhir portibi on. (Mateus 24:36) Alai boi do taboto nungnga jonok akhir ni portibi on. Ai songon on do tandana didok di Bibel:

•   Na lao masa ma porang, maol mangalului sipanganon, masa ma sahit na parah dohot gempa na massai gogo “di godang inganan”.—Mateus 24:3, 7, 14; Lukas 21:10, 11; Pangungkapon 6:1-8.

•   Massai egois do akka jolma. Contohna, “holongan di hepeng” do nasida “dang diboto mandok mauliate” jala “dang diboto mangorom diri”.—2 Timoteus 3:1-5.

 Setuju do godang halak molo kondisi ni portibi on mulai sian taon 1914 nungnga songon na didok di Bibel i, jala on patuduhon nungnga jonok akhir ni portibi on. Lao mamboto hatorangan na asing, ida ma artikel “Songon dia do Bibel Paboahon Perhitungan Waktu taringot Taon 1914?” dohot “Aha do Tanda ni ‘Ari Parpudi’ manang ‘Ujung ni Ari’ i?”

 Bukku na parpudi di Bibel paboahon taringot andigan do tikkina “dipataridahon Tuan Jesus” huasona. Di bukku na parpudi i dipaboa do, tikki ro Jesus dipakke ibana do huasona lao pamatehon sude halak na jahat sian tano on jala mangalehon upa tu halak na manomba Debata.—2 Tessalonik 1:6, 7; 1 Petrus 1:7, 13.

 Dipaboa do di [bukku na parpudi di Bibel] manang bukku Pangungkapon aha na lao masa di ari na naeng ro. (Pangungkapon 1:1) Bukku on marisi barita na uli dohot janji ni Debata di ari na naeng ro. (Pangungkapon 1:3) Sian bukku i boi ma taboto na lao disingkirhon Debata do sude hajahaton jala dibahen ma tano on gabe songon Taman Eden. Di tikki masa i dang adong be jolma na marsahit, na susa, manang na mate.—Pangungkapon 21:3, 4.

 Lomo do rohamuna mamboto akka janji ni Debata na asing na dipaboa di Bibel? Dibahen Saksi Jahowa do parsiajaran Bibel na gratis. Molo lomo rohamuna, hubungi ma nasida.