Di ari Minggu, 20 November 2022, ditutup ma Konferensi Perubahan Iklim PBB (COP27). Diputusson ma asa dilehon godang dana tu akka negara na porlu diurupi lao mangatasi dampak ni perubahan cuaca. Alai godang do na dohot di pertemuan i na mandok molo na niulahon ni nasida i sebenarna dang na pasaehon masalah perubahan cuaca i.

•   “Setuju do au tu keputusan lao mangalehon dana bantuan on,” didok António Guterres, sekretaris jenderal Perserikatan Bangsa-Bangsa, di tanggal 19 November 2022. “Alai sebenarna dang sae holan i . . . Ai tetap dope gawat darurat situasi ni bumi on.”

•   “Satokkin nai boi do godang ro bencana alani perubahan cuaca on.”—Mary Robinson, mantan presiden Irlandia dohot mantan Komisaris Tinggi PBB untuk Hak Asasi Manusia, 20 November 2022.

 Akka na poso do saonari on na lebih khawatir taringot tu masa depan ni bumi on. Attong, boi do bekerja sama akka bangso lao menepati janji ni nasida pasaehon masalah perubahan cuaca on? Aha do na didok Bibel taringot on?

 Nang pe marhasil akka bangso mangorui dampak ni perubahan cuaca, alai Bibel mandok dang na lao marhasil nasida pasaehon i sappe tuntas:

•   “Dang boi na bengkok dipatigor.”—Parjamita 1:15.

   Lapatanna: Sai terbatas do na boi diulahon pamarettaon ni jolma, alana dang na ditoppa jolma i lao mamaretta donganna jolma. (Jeremia 10:23) Tung pe boi marsada akka bangso i jala dibahen nasida sian nasa gogona pasaehon sude masalah ni portibi on, tetap do dang boi marhasil nasida.

•   “Ai makkaholongi dirina sandiri ma jolma, holongan di hepeng, . . . dang olo mardos ni roha.”—2 Timoteus 3:2, 3.

   Lapatanna: Nungnga dipaboa di Bibel godang do halak saonari na makkaholongi dirina sandiri jala dang olo bekerja sama lao mangulahon akka na bermanfaat tu na asing. Jala i do na taida saonari.

 Masa depan ni planet bumi dang bergantung tu janji ni akka pamarettaon ni jolma. Alai adong do naung diulahon Debata lao mangatasi masalah ni portibi on. Nungnga dilantik Ibana Raja na terbaik, i ma Jesus Kristus. On ma na didok Bibel taringot ibana:

•   “Jala dilehon do tu ibana tanggung jawab lao mamaretta. Digoari ma ibana Penasehat na Marbisuk, Debata na Massai Gogo, Ama na Saleleng ni lelengna, Pamimpin ni Hadameon.”—Jesaya 9:6.

 Jesus do Raja ni Harajaon ni Debata, i ma pamarettaon na dibahen Debata di surgo. (Mateus 6:10) Marbisuk do ibana. Sanggup do muse ibana jala lomo rohana mangurus planet bumi on dohot akka na tinggal di bagasanna. (Psalmen 72:12, 16) Harajaon ni Debata na dipimpin Jesus lao mangaripasson sude “halak na manegai tano on”, jala padengganonna ma tano on.—Pangungkapon 11:18; Jesaya 35:1, 7.

 Lao mamboto songon dia masalah perubahan cuaca on lao dipasae annon, jaha ma artikel “Boha do Didok di Bibel taringot Perubahan Cuaca dohot Masa Depanta”.