Moru do penghasilanmuna molo terjadi krisis ekonomi? Pasti ikkon berhemat do hamu molo masa songon i. Boi do toppu masa krisis ekonomi alani pandemi, bencana alam, sursar politik, jala masa porang. Molo toppu moru penghasilan olo do gabe stres hamu. Alai adong do saran na sian Bibel na boi diulahon hamu asa boi hemat di parhepengon.

 Nasehat sian Bibel: “Manang aha pe na masa . . . marlobi-lobi manang marhahurangan, nungnga huparsiajari be rahasiana asa boi makkalasson na adong.”—Pilippi 4:12.

 Molo ummotik do penghasilanmuna saonari sian najolo, ikkon belajar do hamu menyesuaihon diri tu situasi ni parhepengonmuna na baru. Molo hatop hamu menyesuaihon diri tu situasimuna i, lam mura ma hamu rap dohot keluargamuna menangani situasi i.

 Lului ma informasi taringot bantuan na disediahon pamaretta manang organisasi kemanusiaan di ingananmuna. Pittor hatop ma hamu bertindak, ala biasana adong do batas waktu na dibahen tu bantuan i.

 Nasehat sian Bibel: “Sundat do sakkap molo so jolo dihatai, alai saut do i molo godang na mamodai.”—Poda 15:22.

 Bahas hamu ma situasimuna i rappon dongan saripemuna dohot anakkonmuna. Molo denggan dihatai hamuna, boi ma diattusi sude anggota keluarga perubahan aha na porlu dibahen jala sude ma nasida mendukung i. Molo sude do anggota keluarga olo berhemat jala dang boros, gabe denggan ma dipakke hamu hepengmuna i.

 Nasehat sian Bibel: ‘Ikkon jolo hundul do mangetong sadia godang hepeng na lao sipakaluaron.’—Lukas 14:28.

 Molo moru penghasilanmuna, porlu do botoonmuna tudia habis sude hepeng na lao dipakke hamu. Na parjolo, surat ma sadia godang do hira-hira penghasilanmuna setiap bulan. Dung i, surat ma sadia do hira-hira pengeluaranmuna setiap bulan jala aha na lao situhoronmuna. Surat ma i sude, nang pe boi dope i berubah. Asing ni i, upayahon ma manimpan sebagian sian hepengmuna i lao dipakke tu situasi darurat.

 Saran: Tikki dihitung hamu pengeluaranmuna, unang ma lupa hamu mangetong pengeluaran na gelleng. Alana nang pe otik hepeng na dipakaluar hamu, alai molo dung dihitung hamu sude jumlahna boi do tarsonggot hamu. Misalna, hea do sahalak bawa mamareso pengeluaranna. Tikki dihitung ibana pengeluaranna, sadar ma ibana habis do hape marjuta rupiah setiap taon dipakke ibana holan manuhor bonbon karet.

 Nasehat sian Bibel: ‘Boto hamu ma dia na urrikkot.’—Pilippi 1:10.

 Bandikkon ma penghasilanmuna tu pengeluaranmuna. Ida ma pengeluaran dia na porlu diorui, asa boi cukkup hepengmuna manuhor kebutuhanmuna. Akka on ma na porlu dipareso hamu:

•   Transportasi. Molo adong do lobi sian sada kendaraanmuna, boi do jualonmuna sada? Molo adong kendaraanmuna na arga, olo do hamu manggatti i tu na ummura? Manang, boi do hamu mamakke transportasi umum manang naik sepeda asa unang pola mamakke kendaraan pribadi?

•   Hiburan. Boi do dipaso hamu sementara waktu asa unang berlangganan TV kabel manang asa unang mamakke layanan streaming? Manang boi do dilului hamu hiburan na asing na ummura?

•   Biaya bulanan. Hatai hamu ma dohot anggota keluarga asa unang boros mamakke aek, listrik, dohot bensin. Nang pe berengon sepele, alai boi do i menghemat pengeluaran.

•   Makanan. Daripada mangan di restoran, tumagon ma mangaloppa hamu di jabu. Tottuhon ma aha na lao loppaonmuna, tuhor ma akka bahanna jala loppa ma godang molo cocok situasina. Molo adong na sisa, olah ma i muse. Bahen hamu ma daftar na lao dibelanjahon hamu, asa unang dituhor hamu akka barang na so porlu. Tuhor ma buah dohot sayur na musim, alana biasana ummura do argana. Hindari ma manurhor makanan na cepat saji. Suan ma akka sayur di sakaliling ni jabumuna.

•   Pakkean. Unang ma manuhor baju hamu holan ala naeng mangihutton mode. Tuhor hamu ma baju na diskon manang monja. Molo denggan do cuaca manang sesuai do tu situasimuna, jomur ma abitmuna asa unang pola mamakke mesin pengering. On boi do menghemat pengeluaranmuna.

•   Akka barang na terbaru. Sebelum dituhor hamu barang na baru, pikkirhon ma on: ‘Sanggup do hepengku manuhor i? Tutu do benar-benar porlu di au barang i?’ Boi do ditunda hamu manuhor barang, perangkat elektronik, dohot kendaraan na baru? Boi do dijual hamu barang na so dipakke hamu be manang na so porlu be? Molo dibahen hamu songon i, moru ma akka barang na di jabumuna jala gabe tamba ma hepengmuna.

 Saran: Adong hal positifna molo toppu moru penghasilanmuna. Sebenarna boi do i gabe kesempatanmuna lao pasohon kebiasaan na so denggan tikki mamakke hepeng. Misalna marisap, marjuji, manang mabuk. Molo dipaso hamu ulaon i, gabe boi ma hemat hamu jala lam sehat.

 Nasehat sian Bibel: “Marlas ni roha ma na mamboto rikkot ni marale-ale tu Debata.”—Mateus 5:3.

 Adong do disurat di Bibel nasehat na denggan na mandok, “Parlinggoman do bisuk dos songon hepeng. Alai on do laba ni parbinotoan: Toktong do mangolu halak na marbisuk.” (Parjamita 7:12) Bisuk na didok di ayat i boi tadapot sian Bibel, jala nungnga godang halak na mangulahon i. Hasilna, dang terlalu khawatir be nasida tikki adong masalah parhepengon.—Mateus 6:31, 32.