Molo gabe pengangguran hamu, pasti balga do dampak ni i tu keuanganmuna, tu keluargamuna manang tu perasaanmuna. On ma piga-piga prinsip ni Bibel na boi mangurupi hamu menghadapi i.

•   Ceritahon ma songon dia perasaanmuna tu keluarga manang tu donganmuna.

   Na didok Bibel, “Sai dipatudu ale-ale do holong ni roha.”—Poda 17:17.

   Molo gabe pengangguran hamu, pasti sedih do dihilala hamu manang gabe muruk, bingung, manang olo do ra hamu merasa gagal. Molo diceritahon hamu perasaanmuna tu keluarga manang tu donganmuna, boi do ra nasida menghibur hamu. Jala boi ma nasida mangalehon akka saran tu hamu.

•   Unang ma paholsohu.

   Na didok Bibel, “Unang ma holsoan hamu lao mamikkiri taringot ari sogot. Ai asing do na taholsohon sadari on dohot di ari sogot.”—Mateus 6:34.

   Memang didok Bibel porlu do tabahen rencana. (Poda 21:5) Alai didok Bibel do tong unang ma gabe paholsohu hita manang pamarsakhu mamikkiri ari sogot. Alana belum tentu songon na taholsohon i na terjadi. Jadi tumagon ma hita fokus mamikkirhon na boi taulahon di ari i.

   Adong do di Bibel akka saran na boi mangurupi hita menghadapi perasaan sisongon i. Jaha ma artikel na marjudul, “Na Ikkon Taulahon Tikki Marsak”.

•   Orui ma pengeluaranmuna.

   Na didok Bibel, “Huboto do songon dia na marlobi-lobi . . . manang marhahurangan.”—Pilippi 4:12.

   Berusaha ma hamu asa boi berhemat. Orui ma pengeluaranmuna asa cukkup hepengmuna, jala unang ma hamu marutang molo dang porlu.—Poda 22:7.

   Asa boi hamu mangorui pengeluaranmuna ida ma artikel na marjudul, “Carana Berhemat Tikki Moru Penghasilan”.

•   Bijak ma hamu mamakke tikkimuna.

   Na didok Bibel, “Sai marbisuk ma hamu . . . , denggan ma pakke tikkimuna.”—Kolosse 4:5.

   Nang pe dang karejo be hamu, tetap ma songon tikki karejo hamu mamakke tikkimuna. Molo dibahen hamu songon i, boi ma tetap stabil perasaanmuna jala tetap merasa berharga.

•   Olo mambahen penyesuaian.

   Na didok Bibel, “Adong do laba ni ganup halojaon.”—Poda 14:23.

   Unang ma mamillit-milliti karejo hamu. Jala unang ma gengsi hamu makkarejohon karejo manang aha pe, termasuk ma i karejo na ummotik gajina sian karejomuna na sebelumna.

•   Unang ma menyerah.

   Na didok Bibel, “Suan ma bonim tikki manogot, jala unang ma maradi ho sahat tu botari. Ai dang diboto ho na dia na lao tubu.”—Parjamita 11:6.

   Torus ma lului hamu karejo. Ceritahon ma tu keluarga manang tu donganmuna na lagi mangalului karejo hamu. Lului ma informasi taringot lowongan kerja, jala unang ma maila hamu mangido bantuan sian pamaretta. Bahen ma lamaran kerjamuna sagodang ni godangna. Jala persiappon hian ma dirimuna asa rade hamu lao wawancara kerja manang sadihari pe.