Bibel marisi godang poda na marguna di ngolutta. Molo taratur hamu manjaha Bibel, mangarimangi, jala mangulahon na diparsiajari hamu, ‘boi ma hamu marhasil’. (Josua 1:8; Psalmen 1:1-3) Asing ni i molo marsiajar Bibel hamu, ditanda hamu ma Debata dohot Jesus jala boi ma hamu mangolu saleleng ni lelengna.—Johannes 17:3.

Molo naeng dimulai hamu manjaha Bibel, bagian dia ma na parjolo dijaha hamu? Jadwal panjahaion Bibel on boi mangurupi hamu manjaha Bibel secara berurutan manang berdasarkan topikna. Misalna, boi do dijaha hamu songon dia najolo Debata mangurus halak Israel. Manang, boi do dijaha hamu taringot perkembangan ni huria Kristen di abad na parjolo. Molo dijaha hamu piga-piga pasal setiap ari, boi ma sae dijaha hamu Bibel di bagasan sataon.

Porlu do di hamu jadwal panjahaion Bibel harian, manang jadwal panjahaion Bibel sataon? Manang adong do rencanamuna lao manjaha Bibel jala porlu adong jadwal na mura diihutton? Coba ma pakke jadwal on. Download manang cetak ma Jadwal Panjahaion Bibel on, jala jaha ma Bibel mulai sian sadari on.