TETAP MA MARJAGA-JAGA!
Kejahatan na Masa Alani Politik—Aha do na Didok Bibel Taringot i?
Godang do kejahatan na masa alani politik. Akibatna, gabe mabiar ma akka halak na adong di liat portibi on.
Di Meksiko adong 39 kandidat politik na dibunu, jala masa ma kejahatan na asing na mambahen gabe sursar pemilihan umum 2023-2024 di negara i. Dang hea dope masa sisongon on sebelumna.
Baru-baru on godang do kejahatan na masa alani politik di Eropa, termasuk ma percobaan pembunuhan tu perdana menteri Slovakia di tanggal 15 Mei 2024.
Tarsonggot do roha ni akka halak na tinggal di Amerika Serikat ala adong na mencoba naeng mambunu mantan presiden Donald Trump di tanggal 13 Juli 2024.
Boasa ma godang masa kejahatan sisongon i? Torus do masa i? Aha do na didok Bibel taringot i?
Naung dipaboa di Bibel taringot perubahan politik
Nungnga dipaboa hian di Bibel mangolu di “ari parpudi” do hita saonari. Godang do halak na mangulahon na jahat jala dang olo mardos ni roha.
“Na ro ma tikki hasusaan di ari parpudi . . . dang diboto [jolma] mandok mauliate, dang setia, . . . dang olo mardos ni roha, . . . parmuruk-muruk, . . . mangulahon na jahat tu donganna, sijogal rukkung, sombong.”—2 Timoteus 3:1-4.
Dipaboa do muse di Bibel, godang do halak na mangalo pamaretta jala jotjot do masa perubahan politik di tikkitta saonari. (Lukas 21:9, surat na di toru) Alai, pos ma rohatta dang songon on torus situasi di portibi on.
Dang adong be kejahatan na masa alani politik
Bibel mandok, lao digatti Debata ma sude pamarettaon ni jolma tu pamarettaon na dipajongjong Ibana di surgo.
“Pajongjongon ni Debata na di surgo i ma sada harajaon. . . . Na lao dihancurhon jala diropukkon harajaon i do sude harajaon na [asing]. Jala hot do harajaon i saleleng ni lelengna.”—Daniel 2:44.
Di Harajaon ni Debata, marsada ma sude jolma di tano on jala mardame.
Raja ni Harajaon i, i ma Jesus Kristus. Didok do ibana “Pamimpin ni Hadameon”, jala bahenon ni Jesus ma “dang adong ujung ni hadameon” i.—Jesaya 9:6, 7.
Alai saonari pe, akka halak na naeng dohot tu Harajaon i nungnga marsiajar asa mardame dohot na asing. Aha do hasilna? Bibel mandok, “Bahenonna do podang ni nasida gabe mata bajak, jala tombak ni nasida gabe sasabi. Dang buaton ni akka bangso be podang lao mangalo bangso na asing, jala dang marsiajar marporang be nasida.”—Jesaya 2:3, 4.
Lao mamboto gumodang hatorangan, jaha ma artikel “Aha do na Lao Diulahon Harajaon ni Debata?” jala ida ma video Aha do Harajaon ni Debata I?
Mungkin Lomo do Rohamuna Mamboto
JOUJOU PABOAHON
Aha do na Lao Ulahonon ni Harajaon ni Debata?
Diboto Jesus do holan Harajaon ni Debata do na boi pasaehon hasusaan na adong di tano on. Aha do naung diulahon Harajaon i na boi paposhon rohatta?
TETAP MA MARJAGA-JAGA!
Dang Porsea be Halak tu Akka Pamimpin Politik—Aha do na Didok Bibel Taringot i?
Dipaingot Bibel do hita asa unang asal porsea tu halak jala dipaboa do muse di Bibel adong do pamimpin na boi pasaehon sude masalahta.
TETAP MA MARJAGA-JAGA!
Boasa Politik Mambahen Perpecahan?—Aha do na Didok Bibel Taringot i?
Godang do negara na tarbagi alani politik. Alai, dipaboa di Bibel adong do sahalak pamimpin na boi mambahen jolma marsada.
JOUJOU PABOAHON
Ise do Raja ni Harajaon ni Debata?
TOPIK NA ASING NA MENARIK
Harapan na Massai Denggan na Lao Saut di Ari na Naeng Ro
Boasa beda janji na adong di Bibel tu janji manang ramalan na dibahen jolma?
NA DIAJARHON DI BIBEL
Coba ma Marsiajar Bibel Dohot Hami
Dohot ma hamu marsiajar Bibel gratis na langsung diurupi sasahalak.
