“Nga berbahaya be situasi ekonomi dunia saonari on, songon na hea terjadi sebelumna. Godang do terjadi kenaikan harga, hape dang cukkup hepeng ni akka halak lao manuhor akka kebutuhan,” songon i ma na didok presiden ni Grup Bank Dunia di sada berita di bulan Juni 2022.

 Organisasi Dana Moneter Internasional mandok, “Hatop do naik harga ni bahan bakar dohot sipanganon. Gabe susa ma akka halak di akka negara berkembang manang negara miskin.”

 Dipaboa do di Bibel boasa songon i parah ni masalah ekonomi saonari on, songon dia hita boi mangadopi situasi on, jala aha ma na lao masa haduan na boi pasaehon sude masalah ekonomi.

•   Bibel mandok, mangolu di “ari parpudi” do hita saonari on.—2 Timoteus 3:1.

•   Jesus mandok, lao idaon ni akka halak ma “masa akka na parohon biar”, manang akka peristiwa na mambahen hita mabiar, saleleng ari parpudi on. (Lukas 21:11) Godang do na mabiar ala lam arga nuaeng akka situhoron. Khawatir do akka halak tu masa depan ni nasida, jala khawatir songon dia paradehon kebutuhan ni keluargana.

•   Nungnga dipaboa hian di bukku Pangungkapon taringot akka sipanganon na lam arga saleleng ari parpudi. “Hubege ma soara . . . na mandok, ‘Saliter gandum argana sada dinar jala tolu liter barli argana sada dinar [“gaji sadari”, Bibel siganup ari].’”—Pangungkapon 6:6.

 Asa takkas diboto hamu taringot “ari parpudi” dohot surirang di bukku Pangungkapon, tonton ma video Lam Sursar do Keadaan ni Portibi on Mulai Taon 1914 jala jaha ma artikel “Angka Ise do Na Mangkunduli Hoda I?”

•   “Dibangun nasida ma jabu jala nasida ma na mangingani, dibahen nasida ma ladang anggur jala nasida ma na mangallang parbuena. Dang dipajongjong nasida jabu asa halak na asing mangingani, jala dang halak na asing na lao mangallang na disuan nasida.”—Jesaya 65:21, 22.

•   “Godang ma tubu sipanganon di ladang, haru di pussu ni dolok pe godang do tubu suan-suanan.”—Psalmen 72:16.

•   “Didok Jahowa do, ‘Ro nama Au, ai nungnga disiksa be akka halak na dangol, jala morong-orong do akka halak na pogos.’”—Psalmen 12:5. a

 Lao salpuhonon ni Debata do annon akka masalah ekonomi, dang holan di sada negara alai di liat portibi on. Lao mamboto songon dia i boi masa, jaha ma artikel “Mungkin do Boi Adil Sistem Ekonomi di Portibi on?”

 Alai boi do Bibel mangurupi hamu mangadopi masalah kenaikan harga saonari. Songon dia ma carana? Adong do dipaboa di Bibel akka nasehat dohot saran songon dia carana asa marbisuk mamakke hepeng. (Poda 23:4, 5; Parjamita 7:12) Asa lam takkas diboto hamu, jaha ma artikel “Bijak ma Hamu Manggunahon Akka na Adong di Hamu” dohot “Carana Berhemat Tikki Moru Penghasilan”.