KEGIATAN KHUSUS SALELENG PARNINGOTAN
Lao Dipaujung Jesus do Akka Porang
Tikki di tano on Jesus, dipatudu ibana do na holong rohana tu akka jolma. Jala, dilehon ibana do ngoluna gabe tobusan. (Mateus 20:28; Johannes 15:13) Satokkin nai molo nungnga mamaretta Harajaon ni Debata tu tano on, dipatudu Jesus ma muse holongna tu jolma. Lao ‘dipaujung ma akka porang di saluhut tano on’.—Psalmen 46:9.
On ma na didok Bibel na lao diulahon Jesus:
“Ai paluaonna do akka halak na pogos na jou-jou mangido asa diurupi, jala paluaonna do akka na dangol dohot na so adong pangalu-aluanna. Asi do rohana tu halak na dangol dohot tu halak na pogos, jala dijaga ibana do ngolu ni halak na pogos. Paluaonna do nasida sian akka halak na manusai nasida dohot sian halak na kejam.”—Psalmen 72:12-14.
Songon dia ma hita patuduhon pangargaion tu sude naung diulahon Jesus dohot na lao bahenonna? Di Lukas 22:19, didok Jesus do asa sai diingot akka siseanna ari hamamatena i. Alani i ma ganup taon, rap marpungu do Saksi Jahowa lao mamparningoti ari hamamate ni Jesus. Diundang hami do hamu asa dohot tu borngin Parningotan Ari Hamamate ni Jesus di ari Minggu, 24 Maret 2024.
Mungkin Lomo do Rohamuna Mamboto
PARNINGOTAN
Pabadiahon Ari Hamamate ni Jesus
Las rohanami manggokkon hamu asa ro tu ulaon on. Disi, botoonmu ma songon dia hangoluan dohot hamatean ni Jesus marlaba tu hamu.
AJARAN NI BIBEL NA PENTING
Aha do Harajaon ni Debata I?
Tikki di tano on Jesus, taringot Harajaon ni Debata do na paling sering dipaboa ibana. Saleleng marratus taon, sai ditangiakkon akka halak do asa ro Harajaon ni Debata.
JOUJOU PABOAHON
Hasittongan Taringot Harajaon ni Debata
Akka ayat ni Bibel paboahon taringot Raja ni Harajaon ni Debata dohot pusat pamarettaon, tujuan, na mamaretta, dohot rakyatna.
TARINGOT HAMI
Kunjungi Hamu ma Au
Marsiajar akka topik na sian Bibel manang mamboto taringot Saksi Jahowa.
