Di bulan Juli 2022, terjadi ma piga-piga kasus penembakan di liat portibi on na mambahen godang halak tarsonggot:

•   “Tarsonggot do akka halak di Jepang dohot di negara na asing ala mate ditembak sahalak politikus na paling terkenal di Jepang [mantan Perdana Menteri Shinzo Abe]. Hape sasittongna dang pola godang terjadi tindakan kriminal na sisongon i di Jepang jala maol do disi mandapot ijin mamakke senjata api.”—10 Juli 2022, The Japan Times.

•   “Tarsonggot do akka halak di Denmark alani penembakan na terjadi di sada pusat perbelanjaan (mall) di Kopenhagen.”—4 Juli 2022, Reuters.

•   “Afrika Selatan: Mate do 15 halak alani penembakan na diulahon piga-piga halak bersenjata di sada tempat minum-minum (bar) di kota Soweto.”—10 Juli 2022, The Guardian.

•   “Tikki perayaan hari kemerdekaan tanggal 4 Juli, terjadi ma penembakan di Amerika Serikat. Lobi sian 220 halak ma na mate.”—5 Juli 2022, CBS News.

 Boi do salpu akka hajahaton na sisongon i? Aha do na didok di Bibel?

 Dipaboa do di Bibel na mangolu di “ari parpudi” hita nuaeng jala godang do akka halak na parmuruk-muruk, na kasar jala na kejam. (2 Timoteus 3:1, 3) Gabe godang ma na mabiar alani hajahaton na diulahon nasida. (Lukas 21:11) Alai, dipaboa do tong di Bibel sada janji na lao salpu do akka hajahaton i, jala akka halak lao maringanan “di inganan na aman jala na dame”. (Jesaya 32:18) Songon dia do i boi masa?

 Lao pamateon ni Debata do akka halak na jahat jala hancurhononna do sude akka senjata.

•   “Na lao salpu do akka parjahat sian tano on.”—Poda 2:22.

•   “Dipaujung [Debata] do akka porang di saluhut tano on. Diponggolhon Ibana do panah, diropukkon Ibana do akka tombak, jala ditutung Ibana do akka kareta porang.”—Psalmen 46:9.

 Lao ajarhonon ni Debata ma akka halak gabe sibahen dame asa dang adong be halak na mangulahon na jahat.

•   “Dang adong manang aha pe sian nasida na mambahen marjea manang na mambahen sega di sude dolokku na badia i, ai gok parbinotoan taringot Jahowa do saluhut tano on, dos songon aek na manggohi laut.”—Jesaya 11:9.

•   Bahkan saonari pe, godang do halak di portibi on na marsiajar sian Bibel asa makkasogohon akka kekerasan jala dang mamakke senjata. Tarsongon na ‘dibahen nasida ma podang ni nasida gabe mata bajak, jala tombak ni nasida gabe sasabi’.—Mika 4:3.

 Lao mamboto janji ni Bibel taringot portibi na so adong be hajahaton, jaha ma artikel “Bebas dari Ketakutan—Mungkinkah?”

 Lao mamboto taringot songon dia Debata lao manalpuhon hajahaton, jaha ma artikel “Damai di Bumi Akhirnya!”