Di tanggal 23 Mei 2023, sahalak pejabat di Amerika Serikat na adong di bagian kesehatan mandok, godang do bahaya ni media sosial tu akka na poso.

•   “Godang do memang manfaat ni media sosial tu akka dakdanak dohot remaja. Alai sebenarna boi do tong i merusak kesehatan mental dohot fisik ni nasida.”—Social Media and Youth Mental Health: The U.S. Surgeon General’s Advisory, 2023.

 Berdasarkan hasil riset dohot penelitian, laporan i paboahon bahaya ni media sosial:

•   Remaja na marumur 12 taon sahat tu 15 taon, “dua hali ma lebih beresiko hona gangguan mental, songon gejala depresi dohot gangguan kecemasan molo mamakke media sosial nasida lobi sian tolu jom sadari”.

•   Remaja na marumur 14 taon “na jotjot mamakke media sosial, olo do gabe maol modom, merasa dang percaya diri, merasa dang mararga, di-bully di Internet, jala boi hona gejala depresi. Unjotjot do on masa tu borua daripada bawa”.

 Boha ma cara ni natua-tua melindungi gelleng ni nasida? Taida ma akka nasehat ni Bibel taringot i.

 Pikkiri ma pengaruhna. Hamu natua-tua, pikkiri ma aha pengaruh ni media sosial tu anakkonmuna, dung i putusson ma nungnga boi nasida mamakke media sosial manang na dang.

•   Prinsip ni Bibel: “Ajar-ajari ma anakmu asa mardalan ibana di dalan na ikkon sidalananna.”—Poda 22:6.

•   Lao mamboto gumodang hatorangan, jaha ma artikel “Apakah Anak Saya Sudah Boleh Menggunakan Media Sosial?”

 Molo dipaloas hamu do anakkonmuna mamakke media sosial, tetap ma awasi nasida alana godang do bahayana molo dang hati-hati. Boha ma carana?

 Hati-hati ma molo adong konten na so denggan. Ajari ma anakkonmuna mamboto dia konten na so denggan jala asa unang dibukka nasida i.

•   Prinsip ni Bibel: “Unang ma hea dihatai hamu taringot tu seks na so patut, akka ulaon na ramun, dohot hahisapon. . . . Songon i nang akka pangalaho na so umboto ila, akka hata na so marguna, manang akka gait-gait taringot tu na so hasea.”—Epesus 5:3, 4.

•   Lao mamboto gumodang hatorangan, jaha ma artikel “Membantu Anak Menggunakan Media Sosial dengan Bijak.”

 Bahen ma batasan. Tottuhon ma andigan jala sadia leleng anakkonmuna boi mamakke media sosial.

•   Prinsip ni Bibel: “Sai parrohahon hamu ma pangalahomuna. Unang ma songon halak na so marbisuk hamu, alai marbisuk ma hamu. Denggan ma pakke tikkimuna, ai mangolu di akka tikki na jahat do hita saonari on.”—Epesus 5:15, 16.

•   Patudu ma tu anakkonmuna video Marbisuk ma Mamangke Jejaring Sosial asa diboto nasida boasa porlu mambahen batasan tikki mamakke media sosial.