Menurut Kantor Berita Katolik, tikki adong kebaktian na dibahen di Basilika Santo Petrus tanggal 25 Maret 2022, jongjong do Paus Fransiskus martangiang di jolo ni patung Maria. Didok Berita Katolik i, “Ditutup Paus i ma matana jala unduk ma ibana. Martangiang ma ibana di bagas rohana mangido hadameon tu patung Maria i. Dibahen ibana ma Tindakan Konsekrasi kepada Hati Maria yang Tak Bernoda i asa mardame sude jolma tarlumobi halak Rusia dohot Ukraina.”

 Boha do menurut hamu? Lomo do roha ni Debata molo tapakke patung manang benda na asing lao manomba Ibana? Pikkirhon ma na didok piga-piga ayat on taringot i:

•   “Unang bahen hamu patung, manang gambar na suman tu manang aha pe na adong di langit, di tano on, manang na adong di aek di toru ni tano on. Unang marsomba hamu tu akka i. Jala unang olo hamu ditogihon lao manomba i. Ai Au do Jahowa Debatamuna. Hupangido do tu hamu asa holan Au Debata na disomba hamu.”—2 Musa 20:4, 5. a

•   “Alai anggo patung na disomba nasida, sian perak dohot sian mas do i, jala jolma do na mambahen i. Adong do babana, alai dang boi makkatai. Adong do matana, alai dang boi mangida. Adong do pinggolna, alai dang boi mambege. Adong do igungna, alai dang boi manganggo. Adong do tanganna, alai dang boi maniop. Adong do patna, alai dang boi mardalan. Jala dang tarbege soara sian aru-aruna. Lao gabe songon i ma akka halak na mambahen i, jala songon i ma akka halak na porsea tusi.”—Psalmen 115:4-8.

•   “Au do Jahowa, i do goarhu, dang lehonokku hamuliaokku tu manang ise pe, manang pujian na dilehon tu Au gabe tu akka patung.”—Jesaya 42:8.

•   “Pasiding hamu ma ulaon manomba akka patung.”—1 Korint 10:14.

•   “Padao hamu ma dirimuna sian akka patung.”—1 Johannes 5:21.

 Asa diboto hamu unggodang ayat ni Bibel taringot mamakke patung manang benda na asing lao manomba Debata, ida ma artikel na marjudul, “Pandangan Alkitab—Benda Keagamaan”, manang tonton ma video na marjudul Lomo do Roha ni Debata Tapakke Patung manang Benda na Asing Lao Manomba Ibana?

 Lomo do rohamuna naeng mamboto na didok Bibel taringot:

•   “Apa Kata Alkitab tentang Perawan Maria?”

•   “Haruskah Anda Berdoa kepada Perawan Maria?

•   “Perdamaian di Bumi—Bagaimana Itu Akan Terwujud?”

Photo credit: Vincenzo Pinto/AFP via Getty Images