Saleleng Olimpiade Musim Panas 2024, adong hira-hira lima miliar halak na lao manonton pertandingan ni akka atlet sian 206 negara. Si Thomas Bach, presiden ni Komite Olimpiade Internasional mandok, “Las rohanami gabe bagian sian acara on. On mambahen dame jala marsada akka halak di liat portibi on. Tadukung ma tujuan ni Olimpiade on dibahen asa boi sude jolma dame jala marsada nang pe berbeda latar belakangna.”

 Alai tutu do Olimpiade boi mambahen jolma dame jala marsada? Adong do tikkina sude jolma boi dame jala marsada?

 Olimpiade di taon on dang holan taringot pertandingan olahraga. Alai termasuk do tong taringot masalah sosial dohot politik. Misalna hak asasi manusia, prasangka, diskriminasi agama, dohot ketidakadilan.

 Las do roha ni akka halak manonton acara Olimpiade on. Alai sasittongna, acara i dang mambahen akka jolma gabe dame jala marsada. Justru acara i mambahen akka halak naeng torus bersaing.

 Nungnga dipaboa hian di Bibel taringot pangalaho ni jolma na mambahen nasida maol marsada. (2 Timoteus 3:1-5) Lao mamboto godang hatorangan taringot on, jaha ma artikel, “Naung Dipaboa Hian do di Bibel Pangalaho ni Halak di Tikkitta Saonari?”

 Dipaboa do di Bibel na boi do sude jolma di tano on dame jala marsada. Lao masa ma i tikki mamaretta “Harajaon ni Debata” di surgo tu tano on.—Lukas 4:43; Mateus 6:10.

 Raja ni Harajaon i, i ma Jesus Kristus. Lao bahenonna do sude jolma marsada. Didok di Bibel:

•   “Gabe lam denggan ma ngolu ni halak na tigor marroha, . . . jala gok ma hadameon.”—Psalmen 72:7.

•   “Paluaonna do akka halak na pogos na jou-jou mangido asa diurupi . . . Paluaonna do nasida sian akka halak na manusai nasida dohot sian halak na kejam.”—Psalmen 72:12, 14.

 Saonari, adong do marjuta halak di 239 negara na marsada ala mangihutton ajaran ni Jesus. Di liat portibi on, marsiajar do Saksi Jahowa asa gabe parroha na dame songon na diparettahon Jesus. Lao mamboto songon dia carana gabe parroha na dame, jaha ma majalah Joujou Paboahon na marjudul, “Unang Be Marsogo ni Roha tu na Asing.”