Di liat portibi on, lam godang do halak na memulai gaya hidup vegan.

•   “Veganisme, i ma cara marpikkir manang gaya hidup ni akka halak na berupaya asa unang mambunu manang memanfaatkan binatang lao dibahen gabe makanan, pakkean, manang na asing.”—The Vegan Society.

 Akka halak na menjalani gaya hidup vegan dang holan ala na parduli tu binatang, alai ala parduli do tong nasida tu lingkungan, tu kesehatan, manang alani agama ni nasida.

•   “Veganisme, dang holan sekedar manjaga pola makan. Alai halak na gabe veganisme menganggap i songon sada kepercayaan, prinsip moral, jala upaya ni nasida lao mambahen portibi on asa lam denggan.”—Britannica Academic.

 Boi do gaya hidup vegan mambahen kondisi ni tano on lam denggan? Aha do na didok Bibel?

 Dipaboa Jahowa a Sitoppa hita do di Bibel, na ussangap do jolma sian binatang, jala nungnga dilehon Jahowa hak tu jolma lao mangarajai akka binatang. (1 Musa 1:27, 28) Di pudian ni ari, diloas Debata do jolma mangallang binatang. (1 Musa 9:3) Alai dang lomo roha ni Debata molo dibahen jolma na kejam tu binatang.—Poda 12:10.

 Didok di Bibel, boi do tabahen keputusan lao taallang jagal manang na dang. b Keputusan aha pe na tabahen, dang mempengaruhi hubungatta i tu Debata. (1 Korint 8:8) Ala keputusan pribadi do on, dang boi takritik keputusan ni halak na asing taringot aha na lao allangonna.—Rom 14:3.

 Didok Bibel, gaya hidup dia pe na tapillit dang boi i pasaehon akka masalah na adong di portibi on. Alana, penyebab ni akka masalah na terjadi saonari on godangan alani politik, sosial, dohot ekonomi. Jala dang adong nanggo sada pe jolma na boi pasaehon i. Didok di Bibel:

•   “Dang boi na bengkok dipatigor.”—Parjamita 1:15.

 Holan Debata Sipanoppa hita do na sanggup pasaehon sude masalah. Dipaboa do di Bibel aha na lao ulahonon ni Debata.

•   “Dung i huida ma langit na imbaru dohot tano na imbaru. Ai nungnga salpu langit dohot tano na parjolo i jala laut dang adong be.”—Pangungkapon 21:1.

 Lao gattion ni Debata ma ‘langit na parjolo i’ na manggombarhon pamarettaon ni jolma, gabe “langit na imbaru” i ma Harajaon ni Debata. Lao dihancurhon Harajaon i do “tano na parjolo i”, na manggombarhon akka jolma na jahat. Jala mamaretta ma Harajaonna i tu “tano na imbaru”, i ma na manggombarhon akka halak na olo unduk tu Debata.

 Holan di Harajaon ni Debata do jolma boi benar-benar mardame dohot binatang jala boi manjaga lingkungan on.—Jesaya 11:6-9.