Bulan Januari 2021, diumumhon Punguan na Mangaradoti Organisasi ma na lao dirilis sada bukku na baru lao marsiajar Bibel, i ma bukku Mangolu Saleleng ni Lelengna. a Si Matthew sian Kanada mandok, “Las hian do rohakku! Jala lam tamba do las ni rohakku dung hubege jamita jala hutonton video na paboahon boasa bukku on dibahen jala songon dia bukku on nungnga diuji di lapangan. Dang sabar be au lao mangida bukku on jala mamakke i.”

 Bukku Mangolu Saleleng ni Lelengna mangurupi hita mamakke cara na baru tikki memandu parsiajaran Bibel. Alai dang holan i perbedaan ni bukku na baru on dohot bukku na sebelumna tapakke lao memandu parsiajaran Bibel. Apalagi molo dipakke hamu edisi na tercetak bukku Mangolu Saleleng ni Lelengna, pasti ummura boi diida hamu perbedaanna. Lao mamboto i, saonari tabahas ma songon dia bukku on dibahen.

 Harotasna lebih tebal. Boasa on porlu? Alana di bukku Mangolu Saleleng ni Lelengna adong lobi sian 600 gambar na berwarna. Sappulu hali loppit ma unggodang sian bukku Na Diajarhon Bibel. Di bukku na baru on di piga-piga halaman adong diparade bagian na so marisi gambar manang teks. Alani i gabe adong ma na porlu dipertimbakkon: Molo tipis do harotas na dipakke, olo do gabe tarida bayangan ni akka gambar na adong di halaman na sebelumna manang di halaman na berikutna. Jadi asa unang songon i, akka donganta di Departemen Percetakan Internasional di Wallkill, New York, Amerika Serikat, manguji opat jenis harotas naung tapakke di percetakanta saonari on. Dung i diperiksa Panitia Penulisan sian Punguan na Mangaradoti Organisasi ma jenis ni harotas i. Jala dipillit nasida ma jenis harotas na tebal jala na so transparan. Nang pe arga ni harotas on 16 persen ummarga sian arga ni harotas na tapakke di akka publikasitta saleleng on, alai marguna do i tu parsiajar Bibel. Gabe boi ma parsiajar Bibel fokus manjaha ganup halaman bukku Mangolu Saleleng ni Lelengna jala dang targanggu alani bayangan ni akka gambar i.

 Lapisanna na berbeda. Berbeda do sampul ni bukku na baru on sian sampul ni bukku na tapakke sebelumna. Perbedaanna adong di lapisan akhir sampul ni bukku i. Di bukku na baru on dang holan mamakke lapisan na marhillong songon na biasa, alai ditambai do muse lapisan akhir ni sampul ni bukku i mamakke lapisan matte. On mambahen gambar ni sampul ni bukku on lebih menarik. Ala songon i lapisan sampul ni bukku on, gabe boi ma bukku on tetap bagak idaon nang pe nga sering dipakke. Alai arga ni lapisan matte on ummarga lima hali loppit sian lapisan na marhillong i. Jadi bekerja sama ma piga-piga kantor cabang lao manuhor lapisan matte on asa ummura argana.

 Boasa ma lapisan na arga i na dipillit lao mambahen bukku on? Sahalak donganta na karejo di Departemen Percetakan Internasional patorakkon, “Lomo do rohanami asa bukku on leleng dipakke. Alani i dibahen hami ma asa tetap bagak idaon bukku on nang pe nungnga torus dipakke.” Si Eduardo, na karejo di Kantor Percetakan di kantor cabang Brasil mandok, “Las do rohanami mangida songon dia organisasi ni Jahowa mamakke bahan-bahan kualitas na terbaik lao mambahen bukku on asa tetap bagak, tahan lama, jala tabo dipakke. Sian on huboto ma massai denggan do cara ni organisasi ni Jahowa mamakke sumbangan na dilehon akka donganta.”

 Mulai ma dicetak hami bukku Mangolu Saleleng ni Lelengna di bulan Maret 2021. Ala bukku on dicetak di tikki masa pandemi COVID-19, tottu adong do tantanganna. Ala Betel di-lockdown, gabe dang boi percetakannami mengharappon bantuan sian akka komuter, jala dang boi dope mangundang akka dongan gabe anggota baru lao melayani di Betel. Jadi dang cukkup tenaga di piga-piga percetakan. Jala di tempat na asing gabe ditutup ma percetakanta sementara ala adong pembatasan sian pamaretta.

 Songon dia do caranami mangatasi tantangan on? Dung dibukka muse percetakan i, akka dongan di Betel sian departemen na asing ditugasson ma sementara lao mangurupi di percetakan. Si Joel na karejo di Departemen Percetakan Internasional mandok, “Semangat do nasida karejo jala rela do nasida dilatih di tugas na baru on, gabe boi ma hami bekerja sama pasaehon proyek on.”

 Jadi nang pe adong tantangan i, nungnga dicetak hami marjuta bukku Mangolu Saleleng ni Lelengna. Alai asa boi dicetak bukku on, dihaporluhon do bahan-bahan songon plate cetak, lapisan sampul, harotas, tinta, dohot lem. Lima bulan dope proyek percetakan on berlangsung, nungnga lobi sian 2,3 juta dollar AS hepeng na dipakke lao manuhor bahan-bahanna. Jadi asa boi hemat biaya, dicetak hami ma bukku on sesuai tu jumlah pesanan ni akka huria.

 Songon dia do perasaan ni guru studi dohot parsiajar Bibel ni nasida taringot tu bukku on? Si Paul, donganta di Australia mandokkon, “Tabo do pakkeon bukku Mangolu Saleleng ni Lelengna, jadi gabe lam semangat ma au lao memandu parsiajaran Bibel. Tampilan ni bukku on menarik jala pasti gabe aktif do parsiajar Bibel tikki marsiajar mamakke bukku on. Asing ni i, berkaitan do sude akka fitur na adong di bukku on. Misalna hatoranganna jelas, sukkun-sukkunna boi hona tu roha ni parsiajar Bibel, dung i adong muse akka video, gambar, bagan, dohot tujuan na lao dibaen parsiajar Bibel i. Songon karya seni do bukku on huhilala jala bukku on boi mangurupi au asa lam denggan tikki mangajari.”

 Sahalak parsiajar Bibel di Amerika Serikat mandokkon, “Lomo hian do rohakku marsiajar Bibel mamakke bukku on. Akka gambarna mangurupi au benar-benar mangattusi parsiajaranna. Akka videona pe hona do tu rohakku jala mangurupi au lao mangulahon na huparsiajari.” Parsiajar Bibel on marsiajar dua hali saminggu jala ibana nungnga taratur marpungu.

 Tetap dope dicetak marjuta bukku Mangolu Saleleng ni Lelengna di godang bahasa. Sahat tu tikki on nungnga disetujui Punguan na Mangaradoti Organisasi asa dicetak bukku on di bagasan 710 bahasa, 340 bahasa ma unggodang bukku on dicetak dibandikkon bukku Na Diajarhon Bibel i!

 Sian dia do biaya lao mencetak bukku on? Sian sumbangan tu pekerjaan seluas dunia jala godang sian sumbangan i dikirim melalui donate.pr418.com. Mauliate godang ma dipasahat hami tu hamu ala dilehon hamu sumbangan na boi mambahen hita mencetak bukku on asa boi akka halak marsiajar taringot Jahowa jala boi nasida “mangolu saleleng ni lelengna”.—Psalmen 22:26.