Massai holong do roha ni Saksi Jahowa tu akka dongan sahaporseaonna. (1 Petrus 2:17) Godang do sian hita sarupa perasaanna songon si Tannis donganta borua na di Kenya. Didok ibana, “Lomo hian do rohakku lao mamboto aha na masa tu akka dongan sahaporseaon na di liat portibi on.” Attong songon dia do si Tannis dohot marjuta Saksi Jahowa na asing mamboto na masa tu akka dongan sahaporseaonna? Mulai sian taon 2013, nungnga boi taboto barita ni akka donganta marhite Ruang Berita na adong di situs jw.org.

 Sude do boi dihaporseai laporan taringot Saksi Jahowa na dipaboa di Ruang Berita. Akka topik na dipaboa disi i ma taringot Bibel na dirilis, bantuan tu akka dongan tikki masa bencana alam, proyek konstruksi, dohot akka peristiwa penting na asing. Adong do muse dipaboa di Ruang Berita i taringot akka donganta na di penjara alani haporseaon ni nasida. Dipaboa do muse akka pengalaman na patoguhon roha na adong kaitanna tu kegiatan khusus tikki marbarita na uli dohot Borngin Parningotan Ari Hamamate ni Jesus. Alai ise do na meneliti artikel ni barita on jala songon dia do nasida paradehon i?

 Ruang Berita on diurus Kantor Humas Pusat. Departemen on adong di kantor pusat jala diawasi Panitia Koordinator sian Punguan na Mangaradoti. Adong lobi sian 100 halak donganta na karejo di Kantor Humas Pusat on. Godangan sian nasida sukarelawan jarak jauh termasuk ma i penulis, peneliti, bagian seni, dohot penerjemah. Na asing muse karejo lao menghubungi pejabat pemerintah, profesor, akka guru, dohot media berita na asing. Kantor Humas Pusat on diurupi lobi sian 80 Bagian Humas na adong di kantor cabang di liat portibi on.

 Lao paradehon sada barita na baru, bekerja sama do Kantor Humas Pusat dohot Bagian Humas na di kantor cabang. Tikki diida sahalak donganta na denggan sada barita dipaboa tu akka dongan, diteliti nasida ma taringot topik i, jala dipapungu ma akka informasi. Ulaon on mencakup wawancara dohot makkatai tu akka ahli. Dung dipapungu nasida akka hatorangan i, disurat ma sada artikel berita, diedit ma i, dipareso muse, dibahen ma foto na cocok, jala dikirim ma i tu Panitia Koordinator lao mangido persetujuan.

 Boha do perasaan ni akka donganta taringot Ruang Berita i? Si Cheryl donganta borua na di Filipina mandok, “Las hian do rohakku manjaha akka barita na di Ruang Berita i. Setiap ari sebelum karejo, ikkon jolo hujaha do barita taringot organisasi ni Jahowa dohot akka naposona na adong disi.”

 Godang do akka na manjaha mangida perbedaan ni Ruang Berita na di jw.org dohot media berita na asing. Si Tatiana na di Kazakstan mandok, “Las hian do rohakku manjaha laporan na di Ruang Berita di jw.org, ala baritana i boi dihaporseai jala sesuai tu fakta, dang dikarang-karang.” Si Alma sahalak donganta borua na di Meksiko mandok, “Laporan na di Ruang Berita jw.org i patoguhon roha do, dang songon akka barita na so denggan na tabege sian media na asing.”

 Asing ni boi dihaporseai, laporan na di Ruang Berita i boi patoguhon haporseaotta. Si Bernard na di Kenya mandok, “Ruang Berita i mangurupi au menganggap akka donganta na di liat portibi on songon keluargakku sandiri, dang soal didia nasida tinggal. Huboan do goar ni nasida dohot situasi na dihadapi nasida di tangiangku.” Sahalak donganta borua di Kenya na margoar si Bybron mandok, “Las hian do rohakku naeng manjaha artikel na baru taringot Bibel na dirilis di bahasa na asing. Akka artikel on paingotton au molo Jahowa i makkaholongi sude jolma, dang berat sebelah Ibana.”

 Bahkan barita taringot akka donganta na dianiaya pe, boi do patoguhon hita. Si Jackline na di Kenya mandok, “Habaranion ni nasida patoguhon haporseaokku. Sai hulului do aha na mambahen nasida boi tetap martahan. Marsiajar do au sian pengalaman ni nasida i, molo hal-hal na sederhana songon tangiang, manjaha Bibel, dohot marende massai penting diulahon nasida asa tetap togu haporseaonna.”

 Si Beatriz sahalak donganta borua di Kosta Rika terharu do manjaha akka laporan taringot bencana alam na di Ruang Berita. Ibana mandok, “Sian laporan na di Ruang Berita i, gabe huida ma songon dia hatop ni organisasitta menyediahon kebutuhan ni akka donganta na hona bencana. Pas do di tikkina dilehon bantuan i jala tetap dipatuduhon holong. On paposson rohakku, memang organisasi ni Jahowa do on.”

 Mandok mauliate do hita ala boi taboto barita terbaru taringot akka donganta di liat portibi on. On sude boi tahilala alani sumbangan sukarela na dilehon hamu tu ulaonta di liat portibi on. Godang do sian hamu na mangalehon sumbangan melalui donate.pr418.com. Mandok mauliate do hami tu sude haburjuonmuna.