Saleleng taon dinas 2021, a tetap dope susa akka halak di liat portibi on alani pandemi COVID-19. Songon na dipaboa di artikel “Bantuan na Dibahen Saleleng Pandemi” nungnga marratus miliar rupiah habis hepeng ni organisasi lao mangalehon bantuan alani pandemi. Jala dibentuk do lobi sian 950 Panitia Penanggulangan Bencana.

 Nang pe pandemi, terjadi do bencana alam dohot bencana na asing alani tindakan ni jolma. Jala berpengaruh do on tu akka donganta di liat portibi on. Asing ni pandemi on, lobi sian 200 bencana na masa di liat portibi on. Alani i, nungnga disetujui Panitia Koordinator Punguan na Mangaradoti asa dilehon lobi sian 114 miliar rupiah hepeng lao mangurupi tu bencana on asing ni bantuan na dilehon alani pandemi COVID-19. Parrohahon ma songon dia sumbanganmuna i dipakke lao mangurupi akka halak na gabe korban di dua bencana na terjadi baru-baru on.

 Tanggal 22 Mei 2021, meletus ma Gunung Nyiragongo, gunung berapi na di Republik Demokratik Kongo. Hancur do akka jabu, sikkola, dohot inganan penampungan ni aek alani banjir lahar. Alai dang holan i. Saleleng piga-piga ari dung meletus gunung i, terjadi do hujan debu vulkanik na beracun di kota Goma jala torus do terjadi gempa susulan. Lobi sian satonga penduduk ni kota i disuru mengungsi. Marratus ribu halak na lari jala godang do sian nasida na mardalan mangalewati parbatasan lao tu Rwanda.

 Adong do lobi sian 5.000 Saksi Jahowa na dievakuasi. Adong do jabuna na hancur alani erupsi, na asing ditakko akka barang sian jabu ni nasida. Lao mangurupi nasida, kerja sama ma panitia penanggulangan bencana di Rwanda dohot na di Republik Demokratik Kongo. Sada sian panitia penanggulangan bencana di cabang Kongo (Kinshasa) mandok, “Nang pe dang denggan dope situasi di kota i jala dang dievakuasi dope akka halak, alai nungnga pittor dilehon panitia penanggulangan bencana akka sipanganon, siinumon, tempat tidur, dohot pakkean.” Di sada kota adong lobi sian 2.000 akka donganta naung berkumpul. Disi dibahen panitia penanggulangan bencana ma tenda, dilehon masker, jala dipatorang ma tu nasida songon dia carana mengurangi resiko penularan COVID-19 dohot kolera.

 Dung masa bencana i tolu bulan, nungnga adong disumbangkon akka donganta lobi sian onom ton boras, onom ton topung jagung, tolu ton minyak goreng, jala tolu ton aek. Lao menghemat hepeng, diatur kantor cabang ma asa unggodang sipanganon dituhor sian daerah setempat alana ummarga do manuhor sipanganon sian luar negeri.

 Tikki i adong do sahalak donganta borua na hancur jabuna alani erupsi i, hape baru dibangun ibana dope i. Mandapot bantuan do keluargana secara materi. Alai dang holan i, diurupi do tong nasida asa sabar jala tetap jonok tu Jahowa. Ibana mandok, “Mandele hian do au jala marsak hurasa. Alai diurupi Jahowa do hami, rade do sude kebutuhannami. Jala hira na diboan Ibana do beban na di pikkirannami, gabe ummura ma hami menghadapi sitaonon i.”

 Nungnga martaon-taon masa krisis ekonomi di Venezuela. Susa do situasi ni akka donganta na disi. Maol do nasida mangalului sipanganon jala lam ngeri kejahatan disi. Alai diparrohahon organisasi ni Jahowa do nasida, dang dipasombu.

 Saleleng taon dinas 2021, lobi sian 21 miliar rupiah hepeng na habis lao biaya pengangkutan dohot biaya lao manuhor sipanganon dohot sabun. Kantor cabang Venezuela mandok, “Setiap bulan ikkon dikirim hami do 130 ton sipanganon tu sude inganan di negara on. Dang mura mengangkut i jala mangantar sipanganon i asa sahat tu akka donganta.” Lao memastihon asa unang sega sipanganon i, jotjot do dikirim akka donganta akka barang na boi disippan leleng. Didok kantor cabang i ma muse, “Unggodang do dituhor hami sipanganon jala biasana godang ma dituhor hami tikki musim panen, ala ummura do arga ni sipanganon di tikki i. Asing ni i, dipakke hami do transportasi na ummura biaya pengirimanna asa boi menghemat biaya.”

 Si Leonel, anggota sian Panitia Penanggulangan Bencana di Venezuela mandok, “Las hian do rohakku jala istimewa do hurasa tugas na dilehon on. Mate do istrikku alani COVID-19. Alai alani tugas on gabe lam togu do haporseaokku, boi au tetap sibuk mangurupi akka halak. On mambahen au gabe merasa berguna tu nasida. Alani tugas on boi ma huida langsung diurupi Jahowa do akka naposona, ditepati Ibana do janjina, dang ditadikkon Ibana akka naposona.”

 Dipaboa sahalak donganta bawa ma perasaanna dung dijalo ibana bantuan i. Najolo ibana melayani gabe panitia penanggulangan bencana alam. Ibana mandok, “Saonari giliranku ma na diurupi. Dang holan bantuan materi na dijalo hami. Diurupi akka dongan do au rap dohot istrikku asa tetap tenang. Diparrohahon nasida do hami, dihibur, jala dipatogu.”

 Godang do sian bencana i terjadi tanpa peringatan. Alai alani sumbangan ni akka donganta di liat portibi on, boi do hatop organisasi ni Jahowa mangalehon bantuan jala hatop dikirim tu akka donganta. Piga-piga cara lao mangalehon sumbangan on dipatorang do di donate.pr418.com. Mandok mauliate do hami tu burju ni rohamuna lao mangalehon sumbangan i.