Lomo do roha ni Debata Jahowa asa sude halak mananda Ibana jala mamboto taringot Harajaonna, dang soal songon dia situasi ni nasida. (1 Timoteus 2:3, 4) I do alana, diterjemahon Saksi Jahowa ma Bibel tu godang bahasa, jala diurupi nasida ma akka halak marsiajar Bibel termasuk ma na tunarungu. Nungnga marribu video bahasa isyarat dibahen hami. Sude publikasi a i tersedia di lobi sian 100 bahasa isyarat. Jadi songon dia do hami mambahen jala mambagihon akka publikasi i tu halak na tunarungu? Jala aha do kemajuan na dibahen hami sahat tu sadarion?

 Adong do tim khusus lao manerjemahon akka publikasi i tu bahasa isyarat. Songon dia do cara ni nasida lao manerjemahon i? Parjolo, berupaya do tiap anggota tim mangattusi isi ni publikasi na lao diterjemahon tu bahasa isyarat. Dukkon i, diputusson nasida ma songon dia informasi na di publikasi i lao diterjemahon tu bahasa isyarat. Dung diterjemahon nasida, dibahen ma rekaman videona. Saonari nungnga adong 60 tim tetap lao manerjemahon akka publikasi i. Jala adong do tong 40 tim sementara na lao mangurupi.

 Najolo, godang do biaya na dihaporluhon molo naeng mambahen akka video bahasa isyarat. Alana molo dibandingkon tu saonari, ummarga do lao manuhor kamera dohot akka peralatan na asing. Jala muse, ikkon di sada studio do dibahen lao mangarekam sada video. Jala molo tung pe nungnga adong sada bangunan, ikkon direnovasi do i asa cocok gabe studio rekaman. Jadi molo dietong sude biayana, boi do habis lobi sian 400 juta lao mambahen sada tim penerjemah bahasa isyarat.

 Asa boi denggan dipakke hami sumbangan ni akka dongan, dilului organisasinami do proses na lebih sederhana lao manerjemahon. Dipakke hami ma peralatan na modern na boi godang fungsina, asa moru biaya lao manuhor akka peralatan na asing. Asing ni i asa unang pola mambahen studio hami, di kantor ni akka penerjemah i ma direkam akka video mamakke latar na ijo. Jadi molo tung pe dihaporluhon godang donganta lao memperagahon sada video, dang ikkon lao nasida tu studio. Alana boi do nasida mangarekam i di jabu ni nasida sandiri.

 Asing ni i, dibahen hami do software na denggan di komputer ni akka donganta na lao memperagahon i. Alani i, gabe hatop ma sae karejo ni akka tim penerjemah lao manerjemahon akka publikasi di bahasa isyarat. Las hian do roha ni akka penerjemah ala dibahen songon i. Songon on ma na didok donganta na margoar si Alexander, “Saonari gabe unggodang ma video bahasa isyarat dibahen. Las hian do rohakku. Tiap ari do hutotton akka video i.”

 Saonari dang sappe 75 juta biaya lao mambahen sada tim penerjemah bahasa isyarat. Alani i gabe boi ma dibahen akka video bahasa isyarat di marragam bahasa.

 Jadi nang pe nungnga sae direkam hami sada video, alai adong dope na lao diulahon hami. Najolo, ikkon dibahen hami do video i di bagasan kaset video dohot kaset DVD. Alai godang do habis biaya dohot tikki lao mambahen i. Dung i dilehon hami ma muse i tu perusahaan na boi manduplikasihon video i. Molo dung sae diduplikasihon hami kaset video manang kaset DVD i, dikirimhon hami ma i tu akka huria. Jadi godang do habis biaya lao mambahen video bahasa isyarat. Holan di taon 2013 pe, hira-hira 30 miliar ma habis biaya lao mambahen kaset DVD bahasa isyarat.

 Memang las hian do roha ni tunarungu mamakke cara on. Alai sipata maol do, alana lam godang do kaset video manang kaset DVD na dibahen hami. Jala sipata adong do sappe piga-piga kaset rekaman ni sada buku ni Bibel. Sahalak donganta na margoar si Gilnei na sian Brasil mandok, “Molo naeng manjaha sada ayat hami, na parjolo ikkon diulului hami do kaset DVDna. Dung i ikkon diputar hami do kaset i sappe dapot ayat na dilului hami i. Jadi na maolan do.” Donganta na asing na margoar si Rafayane na hea mamakke kaset DVD bahasa isyarat mandok, “Holan belajar pribadi pe, nga loja iba. Alana dang boi pittor hatop dapotniba ayat dohot referensina.” Tikki naeng marbarita na uli akka dongan, ikkon diboan nasida do kaset DVDna manang kaset videona. Dung i diputarhon nasida ma i di TV ni parjabu i. Jala adong do piga-piga dongan na sappe mamboan pamutar kaset ni nasida sandiri. Jala di pudian ni ari, adong ma pamutar DVD na portabel naung adong layarna. Jala godang do dongannami na mamakke i. Nang pe songon i, songon on ma komentar ni si Bobby na sian Amerika Serikat taringot i, “Molo dung dijaha hami sada ayat jala naeng dijaha hami muse ayat na asing, ikkon digatti-gatti hami ma kaset DVDna. Habis do tikki lao manggatti-gatti kaset i. Gabe dang adong be tikkinami lao mardiskusi dohot parjabu i.”

 Di taon 2013, dirilis organisasi ni Jahowa ma aplikasi JW Library Sign Language. Gabe boi ma akka donganta mendownload jala mamutarhon akka video bahasa isyarat di handphone manang di tablet ni nasida. Di Bahasa Isyarat Amerika do parjolo sahali aplikasi on dirilis. Dung i, di taon 2017 dirilis ma muse di bahasa isyarat na asing. Las hian do roha ni akka dongannami di liat portibi on alani aplikasi on. Si Juscelino na tinggal di Brasil mandok, “Dang tarhatahon au be las ni rohakku. Boi ma hurasahon massai holong do roha ni Punguan Na Mangaradoti tu hami na tunarungu. Jala lomo do roha ni nasida asa togu haporseaonnami sarupa tu halak na boi makkatai. Mandok mauliate do au ala dibahen aplikasi on. Gabe lam ringgas do au marsiajar Bibel alani aplikasi on.”

 Saonari nungnga boi be dipamasuk sude video bahasa isyarat tu situs webnami dohot tu aplikasi JW Library Sign Language. Manfaatna, gabe ukkatop ma saonari mambahen video bahasa isyarat martimbakkon najolo. Jala sipata rappak dirilis do video bahasa isyarat dohot video di bahasa ni halak na boi makkatai.

 Taida ma piga-piga komentar ni akka dongannami na tunarungu. Sahalak dongannami na margoar si Klízia mandok, “Organisasi dia ma di portibi on na parduli hian tu hami tunarungu on, jala na olo mangurupi hami marale-ale tu Jahowa? Holan organisasi ni Jahowa do.” Si Vladimir mandok, “Sian akka video i, huboto ma parduli hian do Jahowa tu hami na tunarungu on. Sarupa songon tu halak na boi mambege.”

 Di akka video bahasa isyarat, sering do muncul hata na mandok, “Publikasi on dipatupa sian sumbangan sukarela na diparade tu ulaon marsiajar Bibel di liat portibi on.” Mandok mauliate do hami tu sumbangan na nilehonmuna saleleng on. Termasuk ma i tu sumbangan na dilehon hamu marhite situs web donate.pr418.com. Alani sumbangan na dilehonmuna i gabe boi ma dibahen hami Bibel dohot publikasi na asing, termasuk ma i di bahasa isyarat.